பாமக ராமதாஸ் ஆதரிக்கும் அய்யர் – செட்டியார் அமர காதல் !

20
குருநாத் மெய்யப்பன்
இளம் தொழிலதிபர்

20-ம் நூற்றாண்டில் மெய்யப்ப செட்டியார் என்பவர் ஏ.வி.எம். புரொடக்சன்ஸ் என்ற பெயரில் தமிழ்த் திரையுலகின் முடிசூடா மன்னராக சென்னை மாநகரில் ஆட்சி செய்து வந்தார். அல்லி அர்ஜூனாவில் ஆரம்பித்து சபாபதி, ஹரிஷ்சந்திரா, நாம் இருவர், அந்த நாள் போன்ற திரைக் காவியங்களை வழங்கி புகழ் பெற்றிருந்தார். விரைவிலேயே ஏவிஎம் நிறுவனம் தென்னிந்திய சினிமாவில் ஒரு ஏகபோக நிறுவனமாக நிலைபெற்றது. நிமாய் கோஷ் தலைமையில் சினிமா தொழிலாளிகள் சங்கம் கட்டி எதிர்த்து நின்ற போதும் முதலாளிகளின் காவலனாக ஏவிஎம்மே விளங்கியது.

உலக நாயகன் கமல்ஹாசனை குழந்தை நட்சத்திரமாக களத்தூர் கண்ணம்மாவில் களத்தில் இறக்கி சகலகலாவல்லவனில் சூப்பர் ஹீரோவாக அரங்கேற்றம் செய்த பெருமை ஏ.வி.எம்.முக்கு உரியது. முரட்டுக் காளை, பாயும் புலி என்று ரஜினிகாந்துக்கு சூப்பர் ஸ்டாராக சலங்கை கட்டியதும் ஏ.வி.எம்மின் பாரம்பரியமே. காலத்துக்கு ஏற்ற சரக்கு என்ற வகையில் குடும்ப நாயகர் விசு, கலாச்சார காவலர் பாக்கியராஜ், பிரும்மாண்ட இயக்குனர் சங்கர் என்று பலதரப்பட்டவர்களின் படைப்புகளையும் கடை பரப்பி வருகிறது ஏ.வி.எம். தற்போது சினிமாவைக் குறைத்துக் கொண்டு சீரியல்கள் எடுத்து வருகின்றனது.

இந்த ஏ.வி.எம். நிறுவனத்தின் மூன்றாவது தலைமுறையில் தோன்றியவர் குருநாத் மெய்யப்பன். நடிகர் விவேக்கால் ஒயிட் அண்ட் ஒயிட் சாந்த சொரூபி என்று புகழப்பட்ட ஏவிஎம் சரணவனது தம்பியின் மகன். குடும்பத்தின் தகுதிக்கும் ஸ்டேட்டசுக்கும் ஏற்ற வகையில் லட்சக் கணக்கான லிட்டர் தண்ணீர் குடிக்கும் கோல்ஃப், லிட்டர் லிட்டராக பெட்ரோல் குடிக்கும் மோட்டார் பந்தயம் என்று தனது விளையாட்டு ஆர்வத்தை வளர்த்துக் கொண்டார் மெய்யப்பன்.

சீனிவாசன்
விளையாட்டு ஆர்வலர்.

அதே சென்னையில் சங்கரலிங்க ஐயர், டி.எஸ். நாராயணசாமி ஐயர் ஆகியோர் உருவாக்கிய இந்தியா சிமென்ட்ஸ் கம்பெனியின் முதலாளியும் நிர்வாக இயக்குனருமான என் சீனிவாசன் வசித்து வருகிறார். சீனிவாசனும் விளையாட்டுத் துறையில் ஆர்வமுடையவர். தமிழ்நாடு கிரிக்கெட் சங்கத்தில் தலைவராகி, படிப்படியாக இந்திய கிரிக்கெட் கட்டுப்பாட்டு வாரியத்தின் தலைவர் பதவி வரை உயர்ந்தார். ஐ.பி.எல். போட்டிகளில் அதிக வெற்றிகளை ஈட்டும் சென்னை சூப்பர் கிங்ஸ் அணி இவருக்கு சொந்தமானது. இந்தியா சிமெண்ட்ஸ் மூட்டைகளை மற்ற முதலாளிகளோடு சிண்டிகேட் அமைத்து கொள்ளை விலை விற்று ஏராளமான வருமானத்தை ஈட்டிய சாதனையாளர் இவர். இவரது மகள் ரூபா.

சாதி வேறாக இருந்தாலும் குருநாத் மெய்யப்பனும், ரூபா சீனிவாசனும் கோல்ஃப் விளையாட்டு ஆர்வத்தால் தூண்டப்பட்டு காதலிக்க ஆரம்பிக்கின்றனர். பரந்து விரிந்து பச்சைப்பசுமை புல்வெளியாக இருக்கும் கோல்ஃப் மைதானம் இத்தகைய பணக்கார மைந்தர்களது காதல் காவியங்களுக்கும் காரணமாக இருக்கிறது. ஏழைகளைப்போல நெரிசல் பூங்காக்களிலோ, கடற்கரையிலோ சந்திக்க வேண்டிய அவலம் இவர்களுக்கு இல்லை. இருவரது பின்னணியையும் அறிந்து கொண்டால் இந்த அய்யர் – செட்டியார் காதலின் மகத்துவத்தை புரிந்து கொள்ளலாம். அய்யர் சாதியை சேராத செட்டியார் பையனை தன் மகள் காதலிப்பதா என்று அம்மா சித்ராவின் கடுப்பும் தண்ணி போட்டுக் கொண்டு அப்பா சீனிவாசன் அலட்டிய அலட்டலும் ஏ.வி.எம். சாம்ராஜ்யத்தின் சொத்துபத்துக்களை கணக்கு பார்த்ததும் பணிந்தன.

பாமக ராமதாஸ் நாடகக் காதலை எதிர்த்து விட்டு உண்மையான காதலை ஆதரிக்கிறோம் என்கிறாரே அந்த உண்மையான காதல் இதுதான். மற்றபடி ராமதாஸ் அந்த திருமணத்திற்கு போனாரா என்று தெரியவில்லை, அய்யர் – செட்டியார் திருமணம் இனிதே முடிந்தது. காலப் போக்கில் ரூபா சீனிவாசன் இந்தியா சிமென்ட்ஸின் முழுநேர இயக்குனராக நியமிக்கப்பட்டார். ஏ.வி.எம் புரொடக்சனின் நிர்வாக இயக்குனராக பதவி வகித்த குருநாத் மெய்யப்பன் சினிமா துறையில் ஆர்வம் காட்டாமல் விளையாட்டுகளில் கவனம் செலுத்த ஆரம்பித்தார்.

சென்னை சூப்பர் கிங்ஸ் ஆதரவாளர்கள்
சென்னை சூப்பர் கிங்சை ஊக்குவிக்க…

இந்திய கிரிக்கெட் கட்டுப்பாட்டு வாரியத் தலைவர் பதவியும் சென்னை ஐ.பி.எல். அணியின் உரிமையும் ஒரே கையில் இருப்பதை எதிர்த்து தொடரப்பட்ட வழக்கை எதிர் கொள்வதற்காக சென்னை அணியின் நிர்வாகத்தை தனது மருமகனின் கையில் ஒப்படைத்தார் சீனிவாசன்.

சென்னை ஐ.பி.எல். அணியின் சொந்தக்காரராக குருநாத் மெய்யப்பன் தனது தொழில் திறமைகள் அனைத்தையும் காட்டினார். அணித் தலைவர் மகேந்திர சிங் தோனிக்கு ரூ 49 லட்சம் விலையிலான டுகாட்டி பைக், பைக்கில் உடன் அமர்ந்து போவதற்கும், அணி வீரர்களை ஊக்குவிப்பதற்கும் கோலிவுட் நடிகைகள் என்று தன் பிசினஸ் தொடர்புகளை முழுமையாக அணியின் வெற்றிக்கு பயன்படுத்தினார்.

ஒரு நல்ல பிசினஸ்மேன் போல எல்லா கோணங்களையும் கவர் செய்யவும் அவர் தவறவில்லை. பணம், குடி, பெண்கள், கொண்டாட்டம் மூலம் அணி வீரர்களை ஊக்குவிக்கும் அதே நேரத்தில் கிரிக்கெட் சூதாடிகள் மூலம் மற்ற அணிகளையும் பொருத்தமான முறையில் கையாண்டார். மாமனார் சீனிவாசன் வெளிநாடுகளுக்கு போகும் போது அவரது விமானம் துபாயில் தரையிறங்கி பெட்ரோல் போட்டுக் கொள்ள ஏற்பாடு செய்தார். கிரிக்கெட் சூதாட்ட உலகின் முக்கிய புள்ளிகளுடன் கோல்ஃப் ஆட வைத்தார். விண்டூ சிங் போன்ற சூதாடிகளை அணிக்குள் அறிமுகம் செய்து வைத்தார்.

ராமதாஸ்
காதலுக்கு அங்கீகாரம் வழங்குபவர்கள்…

சாதி மாறி காதலித்தும் வணிக ரீதியாகவும் வெற்றிகரமாக தொடரும் குருநாத் மெய்யப்பனின் காதல்தான் உண்மையான காதல். இதே போன்று செட்டிநாட்டு அரச குடும்பத்தில் பெண் வழிப் பேரனாக லெட்சுமி ஆச்சி., பழனியப்ப செட்டியார் அவர்களுக்கு மைந்தனாக பிறந்த மத்திய நிதி அமைச்சர் ப சிதம்பரம் அவர்களின் மகன் கார்த்தி சிதம்பம் ஸ்ரீநிதியை சாதி மீறி காதலித்து திருமணம் செய்து கொண்டுள்ளார்.

ரூபா சீனிவாசனும், குருநாத் மெய்யப்பனும் போன்று காதலிக்க வேண்டும் என்றுதான் ராமதாஸ் விரும்புகிறார். இதன்படி காதலிக்க வேண்டுமானால், திரைப்படத் துறையில் ஏகபோகமாய் பல கோடி சம்பாதித்த குடும்பத்தில் பிறந்திருக்க வேண்டும், அல்லது சிமென்ட் தொழிலில் ஊரை கொள்ளை அடித்து குவித்த கோடிகள் கைவசம் இருக்க வேண்டும், அல்லது தந்தை நாட்டின் முன்னணி அரசியல்வாதியாக இருக்க வேண்டும். இருக்கும் பட்சத்தில் ஐயா ராமதாஸ் ஆசீர்வாதம் செய்வார். மாறாக ஏழை தலித் இளைஞன் பணக்கார வன்னிய பெண்ணை திருமணம் செய்ய நினைத்தால் காடுவெட்டி அரிவாளுடன் விரைந்து வருவார்.

சந்தா செலுத்துங்கள்

உங்களின் குரல், உங்களின் பங்களிப்பின்றி ஒலிக்க முடியுமா? வினவு தளத்திற்கு ஆதரவு தாருங்கள்.

20 மறுமொழிகள்

  1. ராமதாஸ் விரும்புகிறபடி
    காதலிக்க வேண்டுமானால், திரைப்படத் துறையில் ஏகபோகமாய் பல கோடி சம்பாதித்த குடும்பத்தில் பிறந்திருக்க வேண்டும், அல்லது சிமென்ட் தொழிலில் ஊரை கொள்ளை அடித்து குவித்த கோடிகள் கைவசம் இருக்க வேண்டும், அல்லது தந்தை நாட்டின் முன்னணி அரசியல்வாதியாக இருக்க வேண்டும். இருக்கும் பட்சத்தில் ஐயா ராமதாஸ் ஆசீர்வாதம் செய்வார். மாறாக ஏழை தலித் இளைஞன் பணக்கார வன்னிய பெண்ணை திருமணம் செய்ய நினைத்தால் காடுவெட்டி அரிவாளுடன் விரைந்து வருவார்.

  2. ராமதாஸ் விரும்புகிறபடி
    காதலிக்க வேண்டுமானால், திரைப்படத் துறையில் ஏகபோகமாய் பல கோடி சம்பாதித்த குடும்பத்தில் பிறந்திருக்க வேண்டும், அல்லது சிமென்ட் தொழிலில் ஊரை கொள்ளை அடித்து குவித்த கோடிகள் கைவசம் இருக்க வேண்டும், அல்லது தந்தை நாட்டின் முன்னணி அரசியல்வாதியாக இருக்க வேண்டும். இருக்கும் பட்சத்தில் ஐயா ராமதாஸ் ஆசீர்வாதம் செய்வார். மாறாக ஏழை தலித் இளைஞன் பணக்கார வன்னிய பெண்ணை திருமணம் செய்ய நினைத்தால் காடுவெட்டி அரிவாளுடன் விரைந்து வருவார்.

  3. நாராயணசாமி அய்யரின் பிள்ளையாண்டன் நடத்தும் சங்கர் சிமெண்ட்ஸ் தொழிற்சாலை நடத்தி இருக்கும் தில்லாலங்கடி வேலையைப் பார்க்கவும்.

    “நெல்லை தாழையூத்தில் உள்ள தனியார் சிமெண்ட் ஆலை நிறுவனத்தில் 2010 அக்டோபர் 22ம் தேதி இரவில் மின்வாரிய அதிகாரிகள் நடத்திய திடீர் சோதனையில் கொக்கி மூலம் மின்திருட்டு நடந்தது கண்டுபிடிக்கப்பட்டது. இதற்காக 97 லட்சத்து 37 ஆயிரம் ரூபாய் அபராதம் விதிக்கப்பட்டுள்ளது. ”

    ஆதாரம்: http://tamil.yahoo.com/%E0%AE%A8-%E0%AE%B2%E0%AF%8D%E0%AE%B2-%E0%AE%AF-%E0%AE%B2%E0%AF%8D-%E0%AE%B0-133100639.html

  4. வினவு விரும்புவது கல்வி பயிலும் காலத்தில் காதல்நாடகம் செஇவதயா?

  5. எங்க போனாலும் உங்க ஜாதி வெறி கட்டுரை போகாது போல கேட்ட மற்றவர்களை ஜாதி வெறியன் என்று சொல்லுவது பணகாரன் அரசியல் வாதிகள் எப்பிட் வேண்டும் என்றாலும் வாழ்க்கைய ஓட்டுவார்கள் நடுத்தர மக்களும் அதுபோல எல்லாத்தியும் ஒற்றுகொள்ளமாடர்கள் , அவன் அவன ஜாதி பொருளாதார நிலை சரியாய் இருந்ததன் கல்யனதுக்கே ஒத்துகொள்வார்கள்

  6. விரும்பியவரை காதலித்து விருப்பப்ப்டி வாழலாம் என்பது இந்தியாவில் நடக்காது! இளைஞர்கள் , முக்கியமாக பெண்கள், தாய் தந்தையர் நிழலை விட்டு, பொருளதார ரீதியில் தனித்து இயஙகும் சமுதாயங்களில் மட்டுமே உண்மையான காதல் வாழ்வு சாத்தியம்! பெற்றொரை அண்டியிருக்கும் பெண்ணும், ஏன் ஆணும்கூட பொழுதுபொக்கு காதல்தான் செய்யமுடியும்! நமது சினிமாக்களில் காட்டப்படும் கற்பனை காதல் கதைகள் கூட பணக்கார பெண்ணை, அதுவும் வெள்ளாவியில் வைத்து வெளுத்த பெண்ணை காதலிப்பதாகத்தான் கற்பிக்கப்படுகிறது! உண்மையான காதல் என்பது கானல் நீரே! உழைக்கும் பெண்ணை , அதுவும் கறுத்த பெண்ணை காதலிக்கும் கதானாயகர்களை சினிமாவில் கூட காணமுடியாது! அய்ம்பது வருடஙளுக்கு முந்திய எழுத்தாளர்கள் மு.வ, லட்சுமி நாவல்களில் இருக்கலாம்! உண்மையான வாழ்க்கை போராட்டத்தை சித்தரிக்கும் கரிசல்காட்டு கதைகள், ரப்பர் தோட்ட கதைகள் இன்றைய இளைஞர்களை அடைகிறதா?

  7. This article doesn’t have any substance. Half baked writing. What you are trying to convey through this article is the question you have to ask yourself than looking for comments. I don’t see any meaning in this article. Your comparison of love is simply pathetic. Better grow up kid.

  8. Avatar பாண்டியராசு, விவசாயி-பெரம்பலூர் மாவட்டம்.

    குடிக்க கஞ்சி இல்ல, கொப்பளிக்க பன்னீரா? எந்த ஜாதிக்காரன் வேணுமுன்னாலும் யாராவேனுமுன்னாலும் காதலிக்கலாம். கல்யாணம் பண்ணிட்டு மூனாம் நாளே விட்டுட்டா எவன் கட்டி காக்குறது கடைசி வரை? அதுக்குத்தான் அறியா வயசுல காதல் வேன்டாமுனு சொல்லறது. இன்றைய காலகட்டத்தில் விடலை காதல் பெரும்பாலும் காமம் சார்ந்ததாக மட்டுமே இருக்கிறது. இணையதளத்தை உபயோக படுத்தற எல்லாருக்கும் தெரியும் எவ்வளவு குப்பைகள் கொட்டி கிடக்குன்னு. பெண் என்பவள் ஆண்களுக்காக படைக்க பட்ட போக பொருள் இல்லை. பெண் பக்குவ வயது(21 வயது) வந்து தேர்ந்து எடுக்கும் காதலை மனமார ஏற்கலாம். பெண்கள் எப்போதுமே கவனமாக முடிவு எடுப்பவர்கள். உண்மையை சொன்னால் ஆண் காதல் பொருளாதாரம், ஜாதி பார்க்காது. பெண் காதல் என்பது பொருளாதரம், பாதுகாப்பு, மனைவி விருப்பபடி நடத்தல், பெண் வீட்டாரை மதித்தல் என அடுக்கி கொண்டே போகும். அதனை குறையாக சொல்ல முடியாது, ஏனென்றால் நம்முடையது ஆணாதிக்க சமூகம், பாதிப்பு என்பது பெண்ணுக்குதான். என் பெண்ணுக்கு கனவனை தேர்ந்து எடுக்கும் உரிமை அவள் 21வயதை கடந்த பின்னர் மட்டுமே உண்டு. பொருளாதாரம் சமநிலை வந்தால் யாருமே எதிர்க்க போவது இல்லை. அப்படி வந்தாலும் சமாளிக்க முடியும். ஒண்ணுமே இல்லாத பொறம்போக்குக்கு பொண்ண நான் கஷ்டப்பட்டு சம்பாதித்ததை ஒண்ணுமே இல்லாத சோம்பேறிக்கும், பொருளாதார சமநிலை இல்லாதவனுக்கும் என்ன மயித்துக்கு காதல் பணக்கார எடத்துல காதல்? அவனவன் நிலைக்கு தகுந்த மாதிரி பாக்க வேண்டியதுதான். corporation ஸ்கூல் படிக்கறவனுக்கு church park school பக்கம் என்ன வேலை? நாங்களும் லவ் கண்ணாலம் கடிக்கிட்டுதான் இருக்கோம். அதுக்காக சேரி பையனுக்கு மார்வாடி பொண்ணு பாக்கவே சகிக்காது. என்னா மார்வாடி பொன்னால சேரில குடும்பம் பண்ண முடியாது. அதே சமயம் மார்வாடி பையன் சேரி பொண்ண கட்டிக்கிட ரெட்ட சந்தோசம். ராமதாஸ் அய்யா சொல்வதில் தவறு இருப்பதாக தெரிய வில்லை.தேவை இல்லாம மருத்துவர் ஐயாவை கட்டுரைல சேர்த்த வேண்டிய கட்டாயம் வினவுக்கு எதுக்குன்னு புரியல. ராமதாஸ் ஐயா சொல்லறது, பொண்ண பெத்த அனைவரின் குரல். தலித் பிரச்னை இல்ல, அவங்களோட போக்குதான் சரி இல்லை. கிராமம் பக்கமா வந்து பார்த்த புரியும் அவர்கள் செய்யும் ஈன செயல்.

    • பாண்டியராசு அவர்களே, தலித் பையன் மார்வாடி பொண்ணு சகிகாதா ? who asked your views?? grow up ur caste based views are attrocious this is exactly ஈன செயல். Applicable to you 😐

      • சேரிக்கு வந்து பார் நாங்கள் சோம்பேரிகளா அல்லது உழைப்பாளிகளானு உனக்கு தெரியும் ,நிலத்தை விட்டு வீட்ல தூங்கிற சோம்பேரி நீங்கள்தாண்டா ,நாங்க எந்த உயர்சாதி பெண்களை யும் காதலிபதும் இல்ல கட்டாயப்படுத்தும் இல்ல அந்தப் பெண்கள் எங்கள் உழைப்பு
        நேர்மை பெண்களுக்கு நாங்கள் தரும் முழுசுதந்திரம் இதை அப்பெண்கள் அறிந்து எங்களை திருமண செய்கிறார்கள்
        நாங்கள் பணங்களுக்காக காதலித்து மணமுடிபதில்லை என் தோழா

  9. சொத்துக்காக தன் சித்தியே கல்யாணம் செய்து வைத்த ஆதிக்கச் சாதியைச் சார்ந்த குடும்பத்தையும் ஆதிக்கச் சாதியைச் சார்ந்த ஒருவன் ஏமாற்றி கருக் கொடுத்து கழற்றி விட்ட தலித் பெண்ணைத் திருமணம் செய்து கொண்ட தலித் இளைஞனையும் நான் அறிவேன். தலித் இளைஞர்கள் சொத்துக்காக திருமணம் செய்வதும் இல்லை காதலிப்பதும் இல்லை. சொத்தைப் பார்த்து பெண் எடுப்பதும் கொடுப்பதும் தலித் சாதியில் இல்லை என்பது யாவருக்கும் தெரிந்த விடயம். வசதியான தலித் இளைஞன் ஆதிக்கச் சாதியைச் சார்ந்த ஏழைப் பெண்ணைக் காதலித்தால் அந்தக் காதலுக்கு எதிர்ப்பு எழுவதில்லை. ஆனால் ஆதிக்கச் சாதியைச் சார்ந்த வசதியான பெண்ணை அதே சாதி ஏழை இளைஞன் காதலித்தால் எத்தனை போ் அதனை ஏற்று கல்யாணம் செய்து வைத்திருக்கிறார்கள்???

    • ஒன்று இரண்டு சம்பவங்களை வைத்துக்கொண்டு கருத்துகளை சொல்லகூடாது … எனக்கு கூடத்தான் நீங்கள் சொல்வது போல சில நிகழ்சிகளை தெரியும் ….. பெரும்பாலும் படிக்கிற வயதில் வரும் காதல் நிச்சயம் உண்மையான காதலாக இருக்க முடியாது ….. ஆதிக்க சாதியில் எல்லோருமே பணக்காரர்களாக இருப்பதில்லை … அவர்களும் கடினமாக உழைத்து அதில் வரும் சொற்ப வருமானத்தை வைத்துக்கொண்டுதான் தன மகளை படிக்க வைப்பார்கள் …. எத்துனை கனவுகளுடன் இருப்பார்கள் … அவர்களின் கனவில் காதல் என்ற பெயரில் மன் அள்ளிப் போடலாமா … இப்படி செய்கிறவன் எல்லாம் படித்து ஒரு நல்ல வேளையில் இருக்கும் போது .. இது போன்ற ஆதிக்க சாதியில் இருக்கும் ஏழைப்பெண்ணை திருமணம் செய்து கொள்வார்களா? . நிச்சயம் மாட்டார்கள் தன சாதியிலே பணக்கார பெண்ணாக பார்த்துதான் திருமணம் செய்து கொள்வார்கள் … அது போலதான் எல்லா சாதியிலும் …மேலும் எனக்கு ஒன்று புரியவில்லை இந்த பதிவிற்கும் ராமதாசிற்கும் என்ன சம்பந்தம் …. ராமதாஸ் செய்த எத்தனையோ நல்ல காரியங்கள் இருக்கிறது …. மது ஒழிப்பு போராட்டம் , மிகவும் பிற்படுத்தப்பட்ட மக்களுக்கு இட ஒதுக்கீடு , மக்கள் தொலைக்காட்சி மூலம் நல்ல தமிழை பரப்புதல் போன்றவை . இன்று முன்னணியில் இருக்கும் தொலைகாட்சி நிறுவனங்களே காசுக்காக வக்கிரமான விளம்பரங்களையும் , பாலுணர்ச்சியை தூண்டும் ஆபாச காட்சிகளை ஒளிபரப்பும் போது மக்கள் தொலைக்காட்சி மட்டும் அவற்றில் இருந்து மாறுபட்டு நல்ல நிகழ்சிகளை வழங்கிவருகிறது … இதெல்லாம் உங்களின் கண்களுக்கு தெரியாதா ……. திராவிடம் என்ற பெயரில் தமிழனையும் அவனது கலாச்சாரத்தையும் அழித்த கூட்டத்திற்கு ராமதாஸ் எவ்வளவோ பரவாயில்லை … இது போல திருமாவளவனி பற்றி விமர்சித்துப் பாருங்கள் உங்களிடம் இருக்கும் மிச்சம் மீதி இருக்கும் சொற்ப கூட்டமும் கலைந்து ஓடி விடும்

      • Avatar பாண்டியராசு, விவசாயி , பெரம்பலூர் மாவட்டம்.

        சிறுவன் கருத்துக்கு 100% உடன்படுகிறேன். அப்படியே நானும் வழி மொழிகிறேன். வினவு ஆசிரியர் ராமதாஸ் ஐயாவை தேவை இல்லாமல் திணிப்பதால் ஆகபோவது ஒன்றும் இல்லை. இன்றைய காலகட்டத்தில் விடலை காதல் பெரும்பாலும் காமம் சார்ந்ததாக மட்டுமே இருக்கிறது. இணையதளத்தை உபயோக படுத்தற எல்லாருக்கும் தெரியும் scandal என்ற பெயரில் எவ்வளவு குப்பைகள் கொட்டி கிடக்குன்னு.பெண் என்பவள் ஆண்களுக்காக படைக்க பட்ட போக பொருள் இல்லை. பெண் பக்குவ வயது(21 வயது) வந்து உடன் தேர்ந்து எடுக்கும் காதலை மனமார ஏற்கலாம். பெண்கள் எப்போதுமே கவனமாக முடிவு எடுப்பவர்கள். உண்மையை சொன்னால் ஆண் காதல் பொருளாதாரம், ஜாதி பார்க்காது. பெண் காதல் என்பது பொருளாதரம், பாதுகாப்பு, மனைவி விருப்பபடி நடத்தல், பெண் வீட்டாரை மதித்தல் என அடுக்கி கொண்டே போகும். அதனை குறையாக சொல்ல முடியாது, ஏனென்றால் நம்முடையது ஆணாதிக்க சமூகம், பாதிப்பு என்பது பெண்ணுக்குதான். என் பெண்ணுக்கு கனவனை தேர்ந்து எடுக்கும் உரிமை விடலை பருவத்தில் கொடுக்க முடியாது. பொருளாதாரம் சமநிலை இருக்கும் போது காதலை யாருமே எதிர்க்க போவது இல்லை. ஒண்ணுமே இல்லாத பொறம்போக்குக்கும், சோம்பேறிக்கும், பொருளாதார சமநிலை இல்லாதவனுக்கும் நான் கஷ்டப்பட்டு சம்பாதித்ததை என்ன மயித்துக்கு கொடுக்கணும். corporation ஸ்கூல் படிக்கறவனுக்கு church park school பக்கம் என்ன வேலை? அவனவன் நிலைக்கு தகுந்த மாதிரி பாக்க வேண்டியதுதானே!

  10. ……..// என் பெண்ணுக்கு கனவனை தேர்ந்து எடுக்கும் உரிமை அவள் 21வயதை கடந்த பின்னர் மட்டுமே உண்டு. //…. பெண்ணுக்கு கல்யாண வயது 18 என்பதை அறிக! அமரக்காதல், சொர்க்கத்தில் நிச்சயிக்கபடும் திருமணம் என்பதெல்லாம் வெறும் பேத்தலே ! பொருளாதார சமத்துவம், இருவரும் அய் ட்டி வேலை அல்லது பாங்க் வேலை என்றால் காதல் கண்ணை மூடிக்கொண்டு வரும் ! பெற்றொர் எதிர்ப்பும் இருக்காது! எனக்கு தெரிந்து, அய்யர்-அய்யஙகார் திருமணங்களே ஒரு காலத்தில் கலப்பு திருமணமாக கருதப்பட்டது! வரதட்சிணை கொஞசம் அதிகம் கேட்பார்கள் ! அவ்வளவுதான் ! பிற சாதி கலப்பு திருமணஙகள் வெற்றி பெற்றாலும் நீடிப்பதில்லை! பெண்ணுக்கு உத்தரவாதமான வேலை இருந்தாலொழிய காதலிக்காதீர்கள்! வாழ்வை பகிர்ந்து கொள்வதைவிட, சம்பள்ம் பெறாத வேலைக்காரியைத்தான் நமது ஆணாதிக்க சமூகம் விரும்புகிறது!

  11. எதற்கெல்லாம் ராமதாஸ் அவர்களை வம்புக்கு இழுப்பது என்பது வினவுக்கு பிழைப்பா

    பெண்ணுக்கு கனவனை தேர்ந்து எடுக்கும் உரிமை அவள் 21வயதை கடந்த பின்னர் மட்டுமே உண்டு. //…. பெண்ணுக்கு கல்யாண வயது 18 என்பதை அறிக! அமரக்காதல், சொர்க்கத்தில் நிச்சயிக்கபடும் திருமணம் என்பதெல்லாம் வெறும் பேத்தலே ! பொருளாதார சமத்துவம், இருவரும் அய் ட்டி வேலை அல்லது பாங்க் வேலை என்றால் காதல் கண்ணை மூடிக்கொண்டு வரும் ! பெற்றொர் எதிர்ப்பும் இருக்காது!

விவாதியுங்கள்

உங்கள் மறுமொழியை பதிவு செய்க
உங்கள் பெயரைப் பதிவு செய்க