Wednesday, November 20, 2019
முகப்பு போலி ஜனநாயகம் நீதிமன்றம் வழக்கறிஞர்கள் மீதான அடக்குமுறை …. தீர்வு காண தஞ்சை வாரீர் !

வழக்கறிஞர்கள் மீதான அடக்குமுறை …. தீர்வு காண தஞ்சை வாரீர் !

-

வழக்கறிஞர்களுக்கு எதிரான அச்சுறுத்தல்கள்…. தீர்வு காண தஞ்சை வாரீர்!

திப்பிற்குரிய வழக்கறிஞர்களே!

தஞ்சை வழக்கறிஞர் கூட்டம்வழக்கறிஞர்களுக்கு எதிரான அடக்குமுறைகள் எல்லை மீறி போய்க்கொண்டிருப்பதை கவனித்திருப்பீர்கள்.  “மதுரை மாவட்ட வழக்கறிஞர் சங்கத் தலைவர், செயலர் மீதான நீதிமன்ற அவமதிப்பு வழக்கு” என்றுதான் இப்பிரச்சனை சென்ற மாதத்தில் தொடங்கியது.  பிறகு, “சென்னை உயர்நீதிமன்றத்தில் நீதிபதிகளுக்குப் பாதுகாப்பில்லை  என்பதால், மத்திய தொழில் பாதுகாப்பு படையை கொண்டுவரலாம்” என்று தலைமை நீதிபதி தெரிவிக்க, மாநில அரசு அதற்கு எதிர்ப்பு தெரிவித்ததால் அந்த முயற்சி தடுக்கப்பட்டிருக்கிறது.

அடுத்து, ‘சென்னை உயர்நீதிமன்ற வழக்கறிஞர்கள் தரங்கெட்டுப் போனதாக’ உச்ச நீதிமன்றத் தலைமை நீதிபதி தொடர்பேயில்லாத ஒரு வழக்கில் பேச, அது நாளேடுகளில் தலைப்புச் செய்தியானது.   மறுகணமே, தமிழக பார் கவுன்சிலைப் புறக்கணித்துவிட்டு, அனைத்திந்திய பார் கவுன்சில் 14 மதுரை வழக்கறிஞர்களை இடைநீக்கம் செய்து அறிவித்தது.  “மதுரை வழக்கறிஞர் சங்கத்தை காலி செய்யவேண்டும்” என்று உத்தரவிடப்பட்டுள்ளது.  இராமநாதபுரம் போன்ற பல ஊர்களின் சங்கங்களுக்கு நீதிமன்ற அவமதிப்பு நோட்டீஸ் அனுப்பப்பட்டுள்ளது.

இதனைத் தொடர்ந்து தொலைக்காட்சிகளில்  நடைபெற்ற விவாதங்கள் அனைத்தும் வழக்கறிஞர் சமூகத்தையே கிரிமினல்கள் போலச் சித்தரித்தன.  “வழக்கறிஞர்கள் நீதிபதிகளையோ போலீசையோ விமர்சித்து எந்த ஊடகத்தில் பேட்டி கொடுத்தாலும் நடவடிக்கை எடுப்போம்” என்று தமிழ்நாடு பார் கவுன்சில் தலைவர் செல்வம் தொலைக்காட்சியிலேயே அறிவித்தார்.

“நீதிமன்ற வளாகத்துக்கு உள்ளே மாலை 7 மணிக்கு மேல் இருக்கக்கூடாது” என்றும், “வளாகத்துக்கு உள்ளேயோ வெளியேயோ துண்டறிக்கை,  சுவரொட்டி, கூட்டம், ஆர்ப்பாட்டம் போன்ற எந்த நடவடிக்கையிலும் ஈடுபடக்கூடாது” என்றும் கருத்துரிமையை முற்றிலுமாகப் பறித்து உயர்நீதிமன்றப் பதிவாளர் சுற்றறிக்கை அனுப்பினார்.

இந்த நிலைமைகள் குறித்து விவாதிக்க திருச்சி வாசவி மகாலில் செப்டம்பர் 27 அன்று கூட்டம் நடத்தினோம்.  அதற்கு ஏற்பாடு செய்த திருச்சி பார் அசோசியேசன் தலைவர், செயலாளர் ஆகியோருக்கு பார் கவுன்சில் விளக்கம் கோரும் நோட்டீசு அனுப்பியிருக்கிறது. அதில் கலந்து கொண்ட பார் கவுன்சில் உறுப்பினர்களுக்கும் விளக்கம் கோரும்  நோட்டீசு அனுப்பப்பட்டிருக்கிறது.

இந்த நடவடிக்கைகள் அனைத்தையும் தொகுத்துப் பார்க்கும் பொழுது, தமிழகத்துக்கும் தமிழக வழக்கறிஞர்களுக்கும் எதிராக ஒரு மிகப்பெரிய சதித்திட்டம் தில்லியில் தீட்டப்பட்டு அமுல்படுத்தப்படுவதாகவே தெரிகிறது.

தஞ்சை வழக்கறிஞர் கூட்டம்”நீதித்துறை ஊழலைப் பற்றி பேசக்கூடாது!
நீதிபதிகளின் நியமனத்தைப் பற்றி பேசக்கூடாது!
முறைகேடான தீர்ப்புகளை விமர்சிக்க கூடாது!
கை கட்டி வாய் பொத்தி அடிமைகளாய் நடந்துகொள்ள வேண்டும்”

என தில்லியிலிருந்து நம்மை அச்சுறுத்துகிறார்கள்.

இதற்கு நாம் பணிந்துவிட்டால் பெரியாருக்கும் அம்பேத்காருக்கும் முந்தைய காலத்துக்கு நாம் தள்ளப்படுவோம். அரசியல் சட்டம் வழங்கியிருக்கும் அடிப்படை உரிமைகளான கருத்துரிமை, சங்கம் சேரும் உரிமை போன்ற உரிமைகள் பறிக்கப்பட்ட மக்களுக்கு அவற்றை பெற்றுத்தரும் வழக்கறிஞர்களாகிய நாம், இன்று அந்த உரிமைகளை பறிகொடுத்திருக்கிறோம். நாம் அன்றாடம் புழங்குகின்ற நீதிமன்ற வளாகத்தில் நமது பிரச்சனைகளுக்கான துண்டறிக்கை கூட விநியோகிக்க கூடாதாம். இதைவிட பெரிய அவமதிப்பு வெறென்ன இருக்கிறது?

“மேலும் 2000 வழக்கறிஞர்களைக் கூட நீக்குவோம்” என தமிழக வழக்கறிஞர் சமூகத்தையே அடக்கி ஆள நினைக்கிறது அனைத்திந்திய பார் கவுன்சில்.

இது சுயமரியாதை மண் என்பதைக் காட்டுவோம். தவறாமல் தஞ்சைக்கு வாருங்கள்!

நாள் : 11-10-2015 ஞாயிறு  நேரம்: காலை 10 மணியளவில்
இடம் : ஆர்.எம்.வி இராஜசேகர் திருமண மண்டபம், வ.உ.சி நகர், தஞ்சாவூர்

திருச்சியில் நடந்த வழக்கறிஞர்கள் கூட்டம்
திருச்சியில் செப்டம்ப்ர 27-ம் தேதி நடந்த வழக்கறிஞர்கள் கூட்டம்

தகவல்,

வழக்கறிஞர்கள், கீழமை நீதி மன்றங்கள் – தமிழ்நாடு
தொடர்புக்கு : 98945 68144

  1. //குமரி மாவட்டம் திங்கள்சந்தை அருகே இரணியலில் கட்டப்பட்டுள்ள ஒருங்கிணைந்த நீதிமன்ற கட்டிட திறப்பு விழா நேற்று நடந்தது.மாவட்ட செசன்ஸ் நீதிபதி சக்திகுமார் வரவேற்றார். சென்னை ஐகோர்ட் நீதிபதி சி.எஸ்.கர்ணன் ஒருங்கிணைந்த நீதிமன்ற கட்டிடத்தை திறந்துவைத்தார். பின்னர் அவர் பேசியது:நீதிபதிகளும், வழக்கறிஞர்களும் கருத்து வேறுபாடு இல்லாமல் ஒருங்கிணைந்து நீதிமன்றத்தை நடத்தி செல்லவேண்டும். பொதுமக்கள் நம் மீது வைத்துள்ள நம்பிக்கையை நிலைநிறுத்தி கொள்ள வேண்டும். நீதிபதிகளாகிய நாங்கள் சட்டத்தையும் நீதியையும் வழக்கறிஞர்கள் துணையோடும், காவல் துறையின் துணையோடும் திறம்பட செயல்படுத்தி வருகிறோம். வழக்கறிஞர்கள் இல்லையென்றால் நீதிமன்றமும்,நீதிபதிகளும் செல்பட முடியாது.வழக்கறிஞர்கள் நீதிமன்றத்தின் தூண்கள். சமுதாயத்தை வழிநடத்தி செல்லக்கூடியவர்கள். நீதிமன்றத்தின் நலன் கருதி சரியான நேரத்தில் நாம் பல விஷயங்களை பகிர்ந்து கொள்ளலாம்.இவ்வாறு நீதிபதி கர்ணன் பேசினார்.//

  2. பார் கவுன்சில் தலைவர் செல்வத்திற்கு நீதிபதி பதவி தரப்படும் எ்ன்ற உறுதிமொழி கொடுத்திருக்கிறார்கள். அதனால்தான் அவர் இப்படி கொதிக்கிறார். வழக்கறிஞர்கள் தமிழ், ஈழம், மாட்டுக்கறி, தலைக்கவசம் நீதிபதிகளின் ஊழல் போன்றவற்றிற்கு எதிராக முதலில் போராடுபவர்களாக இருக்கிறார்கள் அதனால்தான் கோபம்.
    சட்டம் படிக்க குறிப்பிட்ட சமூகத்தினர் ஆர்வம் காட்டுவதாலும் அதிகம் படிப்பதாலும் அதை வெளிக்காட்டாமல் ஒட்டு மொத்த வழக்கறிஞர்கள் மீதும் கோபம் உ்ள்ளது போன்று நடிக்கிறார்கள் நீதிபதிகள். அதற்கு சில வழக்கறிஞர்களும் ஆதரவு.
    அந்த கோபத்தில்தால் அம்பேத்கர் அரசு சட்டக்கல்லூரியை சென்னையில் இருந்து அகற்றுவது, 3 ஆண்டு சட்டப்படிப்பபை நீக்குவது போன்ற நீதிபதிகளின் மடிவுகள். ஒரு சாதி தலைவர் சொல்வதை கேட்டு சில நீதிபதிகள் முடிவு எடுக்கி்னறனர். சட்டம் படிக்க இந்தியாவில் மட்டுமல்ல உலகில் பல நாடுகளில் வயது வரம்பு கிடையாது. அதற்கு சட்டம் அனைவரும் அறிய வேண்டும் என்பதுதான். மருத்துவம் போல், பொறியியல் போல் வயது வரம்பு தேவையில்லை. நைஜிரியா நாட்டு 36வயது நடிகை தனது திரைப்பட வாழ்க்கை முடிந்த பிறகு சட்டம் படிக்கப்போகிறேன் என்று சொன்னது அக்.11ம் தேதி தினகரன் வசந்தம் இணப்பில் வந்துள்ளது. அதுமட்டுமின்றி விளிம்பு நிலை மனிதர்களுக்கு சட்டம் படிப்பின் மீது ஈர்ப்பு இருக்கிறது. அதைசட்டப்படிப்பிற்கான கலந்தாய்வின் போது அவர்கள் பெறும் தகுதி மதிப்பெணகள் பொதுப்பிரிவினருக்கு சமமாக இருப்பதை பார்தது தெரிந்துக் கொள்ளலாம்
    வக்கீல்கள் எல்லம் யோக்கியம் என்று சொல்லவில்லை. நீதிபதிகள் யோக்கியம் இல்லை என்று அம்பலப்படுத்தும் போதுதான் வக்கீல்கள் யோக்கியம் இல்லை என்று நீதிபதிகளுக்கு தெரிகிறதா?
    ஊடகங்கள் எப்போதும் மேலாதிக்க குணம், செல்வாக்கு உள்ளவர்களால் நடத்தப்படுபவை. அவர்களுக்கு எப்போதும் போராட்டம், ஆர்ப்பாட்டம் எல்லம் பிடிக்காது. அதனால் வக்கீல்களையும பிடிக்காது.
    வக்கீல்கள் கட்டப்பஞ்சாயத்து செய்கின்றனர். உண்மைதான். அதை தடுக்க ஏன் இதுவரை நடவடிக்கை எடுக்கவில்லை. அதே வேலையை நீதிபதிகள் செய்வதாக சொன்னால் மட்டும் வக்கீல்கள் தவறுகள் கண்ணுக்கு தெரிகிறதா.
    அப்படி கட்டப்பஞ்சாயத்து செய்து செல்வாக்கு பெறுபவர்கள்தானே பதவிகள் கிடைக்கிறது. அந்த பதவியை வைத்துக் கொண்டுதானே இப்போது இத்தனை கேள்வி கேட்கச் சொல்கிறது.
    சரி வழக்கறிஞர்களே இல்லாவிட்டால் காவல்நிலையத்திற்குள் சென்று எளிய மக்கள் தங்கள் தரப்பு நியாயத்தை சொல்ல முடியுமா? தவறு செய்தால் வக்கீல்களை தண்டிக்க முடியு்ம். ஆனா்ல் பாதிக்கப்படும் எளியவர்களுக்கு யார் இருக்கிறார்கள். அவர்களது கட்சிக்காரர்களே ‘பொளந்து கட்டிய’ சம்பவங்கள் உண்டு.
    நேர்மயைான வழக்கிறிஞர்கள் இதுப்போன்ற நடவடிக்கையால் பாதிக்கப்படுவுர். காவல்துறையின் அவர்களை அலட்சியப்படுததுவார்கள். அவர்களின் அத்துமீறல்களை கண்டிக்க ஆள் இல்லாமல் போய்விடும்.
    இது தேசிய நலன் காக்க நீதிபதிகள் எடுக்கும் நடவடிககை. அதனால் டெல்லிியில் உட்கார்ந்திருக்கும் அனைவரின் ஆதரவும் இதற்கு உண்டு.

  3. சென்னை உயர்நீதிமன்றத்தில் சிவாஜி சிலை அகற்றும் வழக்கை தவிர வழக்கு இல்லையா? வாரமதோறும் இந்த வழக்கை விசாரணைக்கு எடுத்துக் கொள்கின்றனர். நேற்றும் விசாரணைக்கு எடுத்துக் கொண்டனர். நவ.16க்குள் சிலையை அகற்றியே ஆக வேண்டுமாம். அந்த சிலையால் தினமும் போக்குவரத்து நெரிசல் ஏற்படுகிறதாம்.நானும்தான் அந்தப்பக்கம் தினமும்் போய் வருகிறேன். அப்படி ஒன்றும் நடந்ததாக தெரியவில்லை.
    சிவாஜி சிலையை அகற்றுவதில் நீதிமன்றத்திற்கு என்ன தேசிய ஆர்வமோ? தேசியவாதிகளின் கொள்கை முடிவோ? இல்லை நீதிமன்றத்தில் எந்த வழக்கும் நிலுவையில் இல்லாததால் இந்த வழக்கை எடுத்து விசாரிக்கிறார்களோ என்னவோ….

  4. “வழக்கறிஞர்கள் தமிழ், ஈழம், மாட்டுக்கறி, தலைக்கவசம் நீதிபதிகளின் ஊழல் போன்றவற்றிற்கு எதிராக முதலில் போராடுபவர்களாக இருக்கிறார்கள்.” அருமையான ஒப்புதல் வாக்குமூலம்.சட்டம், வழக்கு,நீதி மற்றும் தனது கட்ச்சிக்காரனின் நேரம் மற்றும் பொருளாதாரநிலை இவைகளை கருத்தில் கொள்ளாதவன் வக்கீலே அல்ல. ரவுடித்தனம் செய்வதற்க்கு கருப்பு கோட்டும், கோர்ட் வளாகமும் தேவை இல்லை.நீதி மன்ற விவகாரங்களைத் தவிர மற்றவைகளில் கவனம் செலுத்துபவனுக்கு நீதிமன்றத்தில் என்ன வேலை.

விவாதியுங்கள்

உங்கள் மறுமொழியை பதிவு செய்க
உங்கள் பெயரைப் பதிவு செய்க