Saturday, February 4, 2023
முகப்புபார்ப்பனிய பாசிசம்பார்ப்பன இந்து மதம்நெரிசல் பலிகளை நிறுத்த முடியாத கடவுள்! பக்தர்கள் சிந்திப்பார்களா?

நெரிசல் பலிகளை நிறுத்த முடியாத கடவுள்! பக்தர்கள் சிந்திப்பார்களா?

-

  •  நவம்பர் 9-ம் தேதி உத்தர்கண்ட் மாநிலம் ஹரித்வாரில், ஆசிரமம் ஒன்றில் நடந்த யாக பூஜையில் கலந்து கொள்ளச் சென்ற பக்தர் கூட்டத்தில் ஏற்பட்ட நெரிசலில் 16 பேர் பலி..!
  • 2008-ம் ஆண்டு செப்டம்பர் 30-ம் தேதி ராஜஸ்தானின் சாமுண்டா தேவி கோயிலில் ஏற்பட்ட நெரிசலில் 250 பக்தர்கள் பலி..!
  •  ஆகஸ்டு 2008-ல் ஹிமாச்சல் பிரதேச மாநிலத்தில் உள்ள நைனா தேவி கோயில் ஏற்பட்ட நெரிசலில் 160க்கும் மேற்பட்ட பக்தர்கள் பலி..!
  • ஜனவரி 2005-ம் ஆண்டு மஹாராஷ்டிராவில் நடந்த வோய்த் திருவிழாவில் ஏற்பட்ட நெரிசலில் 350 பக்தர்கள் பலி…!
  • கடந்த ஜனவரியில் சபரிமலையில் ஏற்பட்ட நெரிசலில் 104 பேர் பலி..!

கடந்த பத்தாண்டுகளில் நடந்த பல்வேறு கோயில் திருவிழாக்களில் ஏற்பட்ட நெரிசல்களில் சிக்கி உயிரிழந்தவர்களின் எண்ணிக்கை ஆயிரத்துக்கும் மேலிருக்கும் என்கின்றன பத்திரிகைச் செய்திகள். இங்கே மட்டுமல்லாமல் உலகெங்கும் மக்கள் கூடும் பல்வேறு மதத் திருவிழாக்களில் ஏற்பட்ட நெருக்கடிகளில் சிக்கிச் செத்துப்போனவர்கள் பற்றிய செய்திகளை நீங்களும் கூட வாசித்திருப்பீர்கள்.

ஒவ்வொரு முறை இவ்வாறான ‘விபத்துகள்’ நடந்த பின்னும் போதுமான கட்டமைப்பு வசதிகள் செய்து கொடுக்காத அரசை உண்டு இல்லை என்று கிழித்துத் தொங்கப் போடும் ஊடகங்கள், தன்னை நம்பி வந்த பக்தர்களை அம்போவென்று கைவிட்ட கடவுளைக் கேள்வி கேட்டதில்லை. அரசு மருத்துவமனைகளைத் தீராத நோயில் வீழ்த்தி அப்பாவி மக்கள் பலரின் உயிரைக் காவு வாங்கிய அரசிடம், மருத்துவமனைகளின் உள்கட்டமைப்பை சீர்படுத்த வேண்டுமென்று இது வரை கேட்டேயிராத வாய்கள் தான் ‘சபரிமலைக்குச் செல்லும் சாலைகள் சரியில்லை’ என்று காரணங்களைப் பீராய்கின்றன.

லேசாகப் பெய்த தூரல் மழைக்குக் கூட தாக்குப் பிடிக்காத சாலைகளை அமைத்து மக்களை பாள்ளத்தாக்குகளுக்குள் பயணிக்க விட்டிருக்கும் அரசு கோயில்களுக்கு ஒழுங்கான சாலைகள் அமைக்க வேண்டுமென்று கேட்கின்றன ஊடகங்கள். மக்களின் வாழ்வியல் அழுத்தங்களையும் துன்ப துயரங்களையும் மக்களை ஆளும் இந்த அரசமைப்பு முறையால் தீர்க்கவியலாத கையாலாகாத்தனம் தானே அவர்களை கோயில் குளங்களை நோக்கி விரட்டியடிக்கின்றன? அவ்வாறிருக்க, தன்னைத் தேடி வரும் பக்தர்களின் தேவைகளையும் பாதுகாப்பையும் உறுதி செய்யும் பிரதான கடமை கடவுளுக்கல்லவா இருக்கிறது? கேள்வி கேட்பதானால் முதலில் கடவுளையல்லவா கேட்டிருக்க வேண்டும்.

நாங்கள் ஒன்றும் கடவுளின் ஆற்றலைக் குறைத்து மதிப்பிடவில்லை. பையனுக்கு என்ஜினியரிங் சீட்டு வேண்டும், பொண்ணுக்கு நல்ல வரன் வேண்டும், ஊருக்குப் போக ட்ரெயின் டிக்கெட் கிடைக்க வேண்டும் என்பதில் தொடங்கி வைகுண்டத்திலோ கைலாயத்திலோ பரலோகத்திலோ துண்டு போட்டு சீட்டுப் பிடித்துக் கொடுக்கும் வல்லமையும் ஆற்றலும் கொண்டவர் தான் கடவுள் என்பதை பக்தர்களைப் போலவே நாங்களும் நம்பத் தடையாய் இருப்பது ஒன்று தான். இத்தனை வல்லமையும் ஆற்றலும் சக்தியும் கொண்ட அய்யப்பன் தன்னை நாடி வரும் அப்பாவி பக்தர்களின் உயிர்களைக் ஏன் காப்பாற்ற வரவில்லை? பக்தர்களுக்காவது கல்லும் முள்ளும் கொண்ட நடை பயணம் – அய்யப்பனுக்கோ புலியின் மீதல்லவா பயணம்?

சென்றமுறை சபரி மலை நெருக்கடியில் தனது நெருங்கிய உறவினரை பலி கொடுத்த நண்பர் ஒருவர், செத்துப் போனவருக்கு கட்டாயம் மோட்சத்தில் இடம் கிடைத்திருக்கும் என்று புல்லரிப்போடு பேசிக் கொண்டிருந்தார் – இத்தனைக்கும் இறந்தவர் ஏரியாவில் ஒன்னாம் நெம்பர் பொறுக்கி. பொறுக்கியாய் இருந்தாலும் சரி நல்லவனாய் இருந்தாலும் சரி – மலையில் செத்துப் போனால் அவர்களும் சொர்க்கத்துக்குப் போவார்கள் என்பதை நாங்கள் மனதார நம்பவே விரும்புகிறோம்.

ஆனால், லோக்கல் பாமரனுக்கு கூட வாய்க்கும் இந்த பாக்கியம்  மன்மோகனுக்கோ சிதம்பரத்துக்கோ அம்பானிக்கோ வாய்க்காமலிருக்கிறதே என்பது தான் எமது ஆச்சரியம். மகாமகக் குளத்தில் உடன்பிறவா சகோதரிகள் தண்ணீரில் குளிக்க, குளத்தின் கரையில் சாமானிய பக்தர்கள் ரத்தத்தில் குளிக்க நேர்ந்த அவலத்தின் காரணம் யாதோ? ஆன்மீக அன்பர்கள் யாரேனும் இதற்கு பதிலளித்தால் நாங்களும் தெளிவு பெற்றுக் கொள்வோம்.

தேர்தலுக்கு முன் நூற்றுக்கணக்கான யாகங்கள் மூலம் முப்பத்து முக்கோடி தேவர்களையும் முற்றுகையிட்டுத் தாக்குதல் தொடுத்த ஜெயாவின் வேண்டுதல்களுக்கு செவி சாய்த்து வெற்றியைப் பரிசளிக்கும் கடவுள் தேர்தல் வெற்றிக்குப் பின் அப்பாவி பக்தனிடம் அம்மா அடிக்கும் பிக்பாக்கெட்டைத் தடுத்து நிறுத்த முடியாததன் மர்மம் என்னவோ யாமரியோம் பராபரமே!

அங்கிங்கெனாதபடி எங்கும் பிரகாசமாய் நீக்கமற நிறைந்திருக்கும் எல்லாம் வல்ல இறைவன் விவசாயம் பொய்த்து கடன் கழுத்தை நெறிக்க மனம் நொந்து பூச்சிக் கொல்லி மருந்து புட்டியைத் திறக்கும் விவசாயி வீட்டுக்குள்ளும் ‘நிறைந்திருப்பான்’ என்று ஆன்மீக அன்பர்களைப் போலவே நாமும் நம்பத் தயார் தான் – ஆனால், அங்கே அவர் அந்தச் சாவுகளைத் தடுக்காமல் எதைக் கழட்டிக் கொண்டிருந்தார் என்பதைத் தெரிவித்தார்களென்றால் நம்புவதற்கு வசதியாய் இருக்கும்.

மனம் கல்லாய்ப் போன மனிதர்களால் கடவுள் கல்லானாரா அல்லது கடவுளே வெறும் கல்லென்பது தெரிந்திருப்பதால் தான் ‘பெரிய’ மனிதர்களின் மனங்கள் கல்லாய்ப் போனதா? கருவறைக்குள்ளேயே கள்ளக்காதலிகளோடு கூத்தடித்த தேவநாதனும் கருவறை முன்னேயே சங்கரராமனைப் போட்டுத் தள்ளிய காஞ்சி சுப்புணியும் பின்னது தான் உண்மையாயிருக்க வேண்டுமென்பதை மெய்ப்பித்திருக்கிறார்கள். நெரிசல்களில் செத்துப் போனது பக்தர்கள் மட்டுமல்ல – கடவுளும் தானென்பதை யாக பலத்தோடு அதிகாரத்தைப் பிடித்து மக்களின் தாலியறுக்கத் துணிந்த ஜெயாவின் நடவடிக்கை காட்டுகிறது.

மதம் மக்களுக்கு அபினி என்ற மார்க்ஸ் அதைத் தொடர்ந்து அதுவே இதயமற்ற உலகின் இதயமாக உள்ளது என்கிறார். தம்மை நாளும் நாளும் வாட்டி வதைக்கும் இகலோகத் துன்பங்களினின்றும் தப்பி ஆறுதல் தேட பரலோகத்தின் அருளை வேண்டிக் கூடும் அப்பாவி பக்தர்களின் ஆன்மீக அவலம் புரிந்து கொள்ளக் கூடியதே. இருளில் தொலைத்ததை வெளிச்சத்தில் தேடும் அந்தப் பாமரத்தனம் ஒரு கையறு நிலை. ஆனால், அந்த இருளின் சொந்தக்காரர்களாயும் தூதர்களாயும் விளங்கும் இந்த அமைப்பு முறையையும் ஆளும் கும்பலையும் எதிர்த்துப் போராடி முறியடிப்பதே இந்தத் துன்ப துயரங்களினின்றும்  இறுதி விடுதலையைப் பெற்றுத் தருமென்பதை அவர்கள் புரிந்து கொள்ளும் நாளில் சபரி மலையை மொத்தமாக இழுத்து மூடச் சொல்லி விட்டு ஊருக்குள் போட்ட ரோடு ஏன் ஒரு மழையில் காணாமல் போகிறது என்கிற குரலை எழுப்புவார்கள்.

இதுகாறும், இனியும் நெரிசலில் சிக்கி இறந்து போகும் பக்தர்கள் ஆத்மா சாந்தியடைய வேண்டுமென்றால் நாம் கடவுளுக்கு கல்லறையை கட்டி விட்டு, கடவுளை விட அதிகாரமுடைய இந்த ஆட்சிமுறையை எதிர்த்துப் போராட வேண்டும். புண்ணியத் தலங்களுக்கு போகும் யாத்திரை மறைந்து போராட்டக் களத்துக்கு வரும் பயணம்தான் நமது இகலோக துன்பங்களுக்கு நிவாரணம் தரும். பக்தர்கள் சிந்திப்பார்களா?

______________________________

வினவுடன் இணையுங்கள்

வினவுக்கு நன்கொடை தாருங்கள்
[paypal-donation purpose=”Donation for Vinavu.com”]

தொடர்புடைய பதிவுகள்

  1. “உசத்தி நல்லெண்ணை ஊத்தி,
    உச்சந்தலையில் சீயக்காய் தேய்ச்சி,
    சந்தனம் ஜவ்வாது தெளிச்சி,
    சனிக்கிழமையும் அதுவுமா
    ஸ்னானம் முடிச்சு,
    சாங்கியப்படியே
    புதுப் பட்டு வேட்டி கட்டி,
    பட்டு சரிகைத் தலைப்பாக் கட்டி,
    நெற்றி நிறைய நாமம் போட்டு,
    கோவிந்தா கோவிந்தா கோஷத்தோடு,
    நல்லபடியா தூக்கி வைச்சா,
    வாழ்ந்து கெட்ட மனுஷன் போகுறது
    நேரடியா வைகுந்தம்தானாம்.
    அதனால சுத்தி நிக்கற யாரும்
    அழுவக் கூடாது.”

    வெட்டியான் நிப்பாட்டி
    ஒரு வார்த்தை சொன்னாரு :

    “அவரு வைகுந்தம் போவட்டுஞ்சாமி,
    ஆரு வேண்டாம்னு சொன்னது?.
    ஆனா ஒண்ணு…
    சனிக்கிழமை போற பொணம்
    துணை கேக்குமாம்.
    ஆரும் கூட போறீங்களா?
    அதனால எங்க சாங்கியப்படி
    கோழிக்குஞ்சு ஒண்ணு கட்டி
    கூடவே தொங்கவிடணும்.
    கொண்டுவாங்க சீக்கிரம்.”

    ஒரேயொரு நொடிதான்…!
    வைகுந்தம் போகிற
    வாய்ப்புக் கிடைத்தது
    கோழிக்குஞ்சுக்கு!

  2. அம்பி டேவனாதனும்,காஞ்சி ஜெயேந்திரனுக்கும் கடவுள் இல்லை
    என்ட்ரு நன்ராகவே தெரியும்…..

  3. அய்யா இந்த கட்டுரை பார்ப்பன இந்து மதம் என்கிற டேக்கில் உள்ளது!ஏன் மெக்க மதினா செல்பவர்கள் நெரிசலில் சாவதில்லையா?போப்பை பார்க்க குவிகிரவர்கள் சாவதில்லையா?இது மதம் சார்ந்ததல்ல!எல்லா மதன்களுளும் இது உண்டு!இதை திருத்தி கொள்ளவும்!

    • அட நீங்க வேற .மற்ற மதங்கள் பற்றி பேசுனா இந்நேரம் நூறு காமன்டு கண்டிச்சு வந்திருக்கும்!எதுக்கு வம்புன்னுதான்!பெரியார் இதைத்தானே செய்தார் கடவுள் இல்லை ன்னு சொல்லிட்டு பிற மதங்களை தாக்க கூடாதுன்னு சொல்லி காமெடி நாத்திகம் பெசுனாரே!

      • அவர் அன்று பேசும் பொழுது அது அனைவருக்கும் புரியவில்லை தோழரே!!! இப்பொவாது மக்கள் புரிந்து நடந்தால் மிகவும் நன்றாக இருக்கும்!

  4. பெரியார் இதைத்தானே செய்தார் கடவுள் இல்லை ன்னு சொல்லிட்டு பிற மதங்களை தாக்க கூடாதுன்னு சொல்லி///….அது உண்மைதான்!

    ********************************************************************************
    26-06-1943 ‘விடுதலை’யில் எழுதுகிறார்:-

    ‘‘இந்து மதத்தைத்தான் மானமுள்ள ஆதிதிராவிடனும், தமிழனும் வெறுத்து அதிலிருந்து விலக வேண்டுமே ஒழிய, அதைவிட்டு இஸ்லாம் மதத்தைப் பற்றியோ, வேறுமதத்தைப் பற்றியோ வெறுத்துப் பேசுவது மதியற்றதும், மான உணர்ச்சியற்றதுமாகும்.’’

    • என்னய்யா உங்க உங்களின் அறிவுகூர்மை. நம்ம வீட்டுக்காரி சரியில்லையானா அவகிட்டதான் விவாக ரத்து வாங்கலாம். பக்கத்துக்கு வீட்டுக்காரி கிட்ட யா கோவிச்சுப்பே?

      • நம்ம வீட்டுக்காரி சரியில்லையானா அவகிட்டதான் விவாக ரத்து வாங்கலாம்///
        .
        .
        அய்யா நீங்க சொல்வது ஒரு வகையில் நியாயம்தான்!ஆனால் இங்குள்ள சாதி கொடுமைகளுக்கு பெரியார் சொன்ன தீர்வென்ன?மத மாற்றம்!ஆப்ரகமிய மதங்களான கிருத்துவம் மற்றும் இஸ்லாம் சிறந்த தீர்வென்று சொன்னார்!அப்போ அந்த மக்கள் அங்கு மதம் மாறுவதற்கு முன்னர் அந்த மத குறைகளையும் எடுத்து சொல்வதுதானே நியாயம்?(அம்பேத்கர் அதை செய்தார்!)

        • நான் பெரியாரைப் பற்றி முழுமையாகப் படிக்கவில்லை. ஆனால் அவர் ஒரு “முழுமையான நாத்திகவாதியாக” பரிணமித்தது அவரது 50, 60 வயது காலகட்டங்களில்தான் என்று எங்கோ வாசித்த ஞாபகம். அதற்குமுன் அவருக்கும் நிலையான சிந்தனை இருந்ததில்லை. தேடல்களே தொடர்ந்து கொண்டிருந்தன எனக் கருதுகிறேன். நீங்கள் குறிப்பிடும் காலகட்டம் அதுவாக இருக்கலாம்.

  5. கடவுள் இருக்காறா?!!!!!
    இருக்காற்!!!!!!!!!!!: அதும் அப்பாவி மக்களை பலி எடுக்கும்! எமனாக!!!
    இதனால்: அரசங்கம் பல வழியில் உதவிகளை மேற்கொண்டால்! 100-ல் 85% மக்களை உயிறை காப்பாற்ற முடியிம்!!!!!!!
    ஆனால்?
    முடியிமா!!!!!!!!

  6. வெந்ததைத் தின்றுவிட்டு வாயில் வந்ததைப் பேசுவது என்ற விதத்தில் எழுதப் பட்டுள்ள கட்டுரை. கோவில்களுக்குச் சென்றதால் நடந்து விபத்துக்களையும், அதனால் ஏற்ப்பட்ட உயிரிழப்புகளையும் பட்டியல் போட்டுள்ளீரே, நாட்டில் வேறெந்த வாகன விபத்துக்களுமே நடக்கவில்லையா, அல்லது அந்த விபத்துகளில் யாரும் சாகவே இல்லையா? அல்லது இனி யாருமே கோவில்களுக்குச் செல்லக் கூடாது என்று நிறுத்தி விட்டால் நாட்டில் விபத்துக்கள் நடப்பது நின்று விடுமா? அல்லது நல்ல ரோடுகளில் விபத்துகளே நடப்பதில்லையா? விபத்து என்பதற்கு அர்த்தமே, அது எதிர்பாராமல் நடப்பது என்பதுதானே? அது எங்கு வேண்டுமானாலும் நிகழலாமே, அதற்க்கு கோவில்களுக்குச் செல்பவர்களை மற்றும் குற்றவாளிகள் என்று போட்டுத் தாக்குவது நியாயமா? உங்களுக்கு ரோடு சரியில்லை காரணம் ஆளும் அரசு சரியில்லை. நடப்பது மக்களாட்சிதானே? நீங்களாகத் தேர்ந்தெடுத்த நபர்கள்தானே ஆட்சிக் கட்டிலில் அமர்ந்திருக்கிறார்கள்? அவர்களிடம் போய் நல்ல சாலைகள் வேண்டுமென்று போர்க்கொடி உயர்த்துவதுதானே? அது முடியாது, ஏனென்றால் ஓட்டு போட காசு வாங்கிவிட்டீர்கள், இப்போது ஊமையாகத்தான் இருக்க வேண்டிவரும். அவன் சாராயக் கடையை திறந்து விட்டு ஊரில் உள்ள இளைஞர்கள் எல்லோரும் குடித்தே செத்தாலும் உங்களால் கேள்வி கேட்க முடியாது, அவன் எத்தனை லட்சம் கோடிகள் சுருட்டினாலும் கேள்வி கேட்க வக்கில்லை, ஏமாந்தவன் கோவிலுக்குச் செல்பவனும், கடவுளும்தான். ஏனென்றால் அவர்கள் தான் உங்கள் அடாவடித்தனந்த்தை எதிர்த்து கேள்வியே கேட்க மாட்டார்கள் என்ன வேண்டுமானாலும் எழுதலாம்.

    • ஒரு சாலை விபத்திலிருந்து அல்லது தன்னை பார்க்க வரும் பக்தர்களை காப்பாற்ற முடியாத கடவுளை இனியும் எதற்க்கு நம்ப வேண்டும்? (இது எல்ல மதத்திற்க்கும் பொருந்தும்)

      //இப்போது ஊமையாகத்தான் இருக்க வேண்டிவரும். அவன் சாராயக் கடையை திறந்து விட்டு ஊரில் உள்ள இளைஞர்கள் எல்லோரும் குடித்தே செத்தாலும் உங்களால் கேள்வி கேட்க முடியாது, அவன் எத்தனை லட்சம் கோடிகள் சுருட்டினாலும் கேள்வி கேட்க வக்கில்லை, ஏமாந்தவன் கோவிலுக்குச் செல்பவனும், //

      நீங்கள் வினவிற்க்கு புதிய வாசகர் என்று நினைக்கிறேன். வினவில் இதையெல்லாம் எதிர்த்த நிறைய கட்டுரைகள் உள்ள நேரம் கிடைக்கும்போதெல்லாம் படிக்கவும்.

      • பரவாயில்லை விடுங்க, கன்னுக்குட்டி ஏதோ தெரியாம புதுசா கருத்து சொல்லிடிச்சி. போக போக தெரிஞ்சிக்கும்…

      • ஏட்டில் சர்க்கரை என்று எழுதிக் கொண்டிருந்தால் இனிக்குமா? நீங்கள் கட்டுரைகள் எழுதலாம், அதனால் பலன் என்ன? சாராயக் கடைகள் மூடப் படுமா? ஸ்பெக்ட்ரம்-ல் கொள்ளை போன 1.76 லட்சம் கோடி மீண்டு வருமா? அபகரிக்கப் பட்ட நிலங்கள் உரியவருக்குப் போய்ச் சேருமா? குடிகாரர்களாகிவிட்ட தமிழ்க் குடிமக்கள் அதை விடுவார்களா? அல்லது நாட்டில் ரோடுகள் எல்லாம் போடப் பட்டு விடுமா? You can’t make any tangible change to the existing degraded third class governance in the state, then what is the point in simply writing articles?

        • ஆக, வினவு எழுதிய கட்டுரை சர்க்கரைக்கொப்பானது என்று ஒத்துக்கொண்டிருக்கிறீர்கள். அதைச் செயல்படுத்தவே போராட்டகளத்துக்கு வரச்சொல்லி அழைக்கிறார்கள். வெறுமனே எழுதுவதோடு நின்றுவிடுவதல்ல! நீங்கள் வினவைத் திட்டவில்லை. சீக்கிரம் ஏதேனும் செய்ய வேண்டும் என்ற வேகம் தெரிகிறது. நல்லது.

    • ஜெயதேவ்,
      கட்டுரையின் மையமான நோக்கமே “உங்களுக்கு வாழ்க்கையில், குடும்பத்தில், சமூகத்தில் பிரச்சினை என்றால் கோவிலுக்கு ஓடாதீர்கள். அங்கு உங்களுக்கு நீதி கிடைக்கப்போவதில்லை. மாறாக, பிரச்சினையின் மூல காரணத்தை அறிந்து அதைக் களைய முயலுங்கள்” என்பதுதான்!

      கையறுநிலையைத் தாங்கும் மனப்பக்குவத்தைப் பெறவே கடவுளை நாடுகிறோம் என்று பக்தி ஆர்வலர்கள் சொன்னால், அந்தக் கையறு நிலையை வேரறுக்க கை சேருங்கள், போராடுவோம் என்கிறது கட்டுரை. இதை மனதிற்கொண்டு மீண்டுமொருமுறை படித்துப் பாருங்கள்.

      • \\கட்டுரையின் மையமான நோக்கமே “உங்களுக்கு வாழ்க்கையில், குடும்பத்தில், சமூகத்தில் பிரச்சினை என்றால் கோவிலுக்கு ஓடாதீர்கள். அங்கு உங்களுக்கு நீதி கிடைக்கப்போவதில்லை. மாறாக, பிரச்சினையின் மூல காரணத்தை அறிந்து அதைக் களைய முயலுங்கள்” என்பதுதான்!\\ கடவுள் அப்படின்னு ஒரு concept- டே இல்லை என்று நீங்கள் நம்புகிறீர்கள், அது உங்கள் இஷ்டம், ஆனால் மற்றவர்களையும் ஏன் நம்பச் சொல்கிறீர்கள் என்பதுதான் எனக்குப் புரியவில்லை. வினவு பதிவுகளை படிக்காதீர்கள், அதனால் ஒரு பிரயோஜனமும் இல்லை என்று நான் சொன்னால் நீங்கள் ஒப்புக் கொள்வீர்களா? கோவிலுக்குச் செல்வதனால் பலனுண்டா இல்லையா என்பதை போகிறவர்தானே தீர்மானிக்க வேண்டும்? நீங்கள் எப்படி தீர்மானிக்கிறீர்கள்? மேலும், கோவிலுக்குப் போகிறவர்கள் நாட்டை ஆள்பவர்கள் ஊழல் செய்கிறார்கள், அதை நிறுத்து என்று போனால் நீங்கள் வேண்டாம், வாருங்கள் போராடலாம் என்பதில் அர்த்தமிருக்கிறது. ஆனால் தனக்கு ஏற்ப்பட்டுள்ள கஷ்டங்கள் என ஆரம்பித்து, எல்லாமும் இருக்கிறது வெறும் மன நிம்மதி இருந்தால் போதும் என்று செல்பவர்கள் வரை நோக்கம் வெவ்வேறாக இருக்கிறது. அங்கு சென்றால் பிரச்சினை தீர்வதாக அவன் நம்புகிறான், அவன் நம்பிக்கையில் குறுக்கிடுவது தனி மனித உரிமையில் தலையிடுவதாகாதா? தங்களை கோவிலுக்கு வா என்றால் நீங்கள் ஒப்புக் கொள்வீர்களா? நீங்கள் மட்டும் கோவிலுக்குப் போகாதே என்று மற்றவர்களை எப்படி சொல்லலாம்? அல்லது இறை நம்பிக்கை இல்லாத கம்யுனிச நாடுகளில் மக்கள் எல்லா வளமும் பெற்று மகிழ்ச்சியாக உள்ளார்களா? நாட்டில் ஊழலை ஒழிக்க வேண்டும் அதற்க்கு போராட வேண்டும்,ஆனால் அதற்க்கு இறை நம்பிக்கையை தாக்குவது எங்ஙனம் சரியாகும்?

        • கட்டுரை ய படிச்ிடு பொவியா…. இதுக்கெல்லம் இங விலக்கம் கெடைகாதுகி

          • பிற மொழிகளில் பின்னூட்டமிட்டால் எப்படி நாங்கள் விவாதிப்பது. புரியும்படி தமிழில் எழுதப் பயிற்சி எடுத்தபின் இங்கு வரலாமே!!

        • ஜெயதேவ்,
          கடவுள் நம்பிக்கையை விட மனிதநேயம் முக்கியம் என்பதைத் தாங்கள் உணர்வீர்கள் என நம்புகிறேன். மனிதத்தை சிதைக்கும் எந்த விஷயமும் புறந்தள்ள வேண்டியதே! மனிதன் தனிநபராய் வாழ்பவன் அல்ல. சமூகமாய் வாழ்பவன். அவனது ஒவ்வொரு செயலும் சமுதாயத்தில் ஏதாவது ஒரு வினையை நிச்சயமாய் ஏற்படுத்தும். தற்போது வாழ்க்கை நிச்சயமற்ற சூழலில் நாம் அனைவரும் ஒருங்கிணைந்து ஒரு சமன் நிலை ஏற்படுத்த வேண்டிய மிகப்பெரிய பணியிருக்கிறது. அப்பணியில் ஈடுபட கடவுள் நம்பிக்கை என்பது ஒரு மிகப்பெரிய தடையாக இருக்கிறது. ஏனெனில், “எல்லாம் அவன் பார்த்துப்பான். பாரத்தை அவன் மேல போட்டுண்டு செவனேன்னு நம்ம பொழப்ப மட்டும் பார்க்கணும்” என்பது ஒரு திசைதிருப்புதல் ஆகும். சமுதாயத்தில் “தானே” எல்லாம் நிகழ்ந்துவிடும் என நினைப்பது மடமை. அதிகார வர்க்கமும், ஆளும் வர்க்கமும் ஊழல் செய்வதன் எதிரொலிதானே அன்றாடம் உழைக்கும் மக்களின் வாழ்க்கை சலசலத்து உடையும்நிலை? அவ்வாறிருக்கும்பட்சத்தில் நீங்கள் எத்தனை முறை ‘கடவுள் தரிசனம்’ பெற்றாலும் சரி.. ‘இறை வழிபாடு’ நிகழ்த்தினாலும் சரி.. உங்களுக்கு தனிப்பட்ட முறையில் ‘ஏதோ ஒரு திருப்தி’ கிடைக்கலாமேயொழிய, அது எவ்வகையிலும் சமுதாயத்திற்குப் பலன் தராது. கடவுள் நம்பிக்கை, மூடநம்பிக்கைகள், பிற்போக்கான விஷயங்கள் அனைத்தும் நம்மை நம் சரியான பாதையிலிருந்து மடைமாற்ற முயலுபவை. உங்கள் அலுவலகத்தில் உங்களை கொத்தடிமையாக நடத்துகிறார்கள் என்றால் அதை எதிர்த்துப் போராட வேண்டியதே முதன்மையான பணி. அதில் வென்றால் உங்கள் மன உளைச்சல்களிலிருந்து முழுமையாக விடுபடலாம். அதை விடுத்து கோயில் குளமென்று போவீர்களேயானால் உங்களுக்கு தனிப்பட்ட வகையில் ‘ஏதோ ஒரு திருப்தி’ கிடைக்கலாம். அது நிச்சயமாக ஒருவித ‘மன மயக்க’ நிலையே ஒழிய, சுரண்டலுக்கு எதிரான உங்கள் வினை அல்ல!

          இறை நம்பிக்கை இல்லாத மக்கள் வசிக்கும் நாடுகளில், மக்கள் எல்லா வளமும் பெற்று மகிழ்ச்சியாக இல்லையென்றால் அதற்கு வேறு காரணிகள் இருக்கலாம். அவற்றைக் கண்டறிந்து போராட்டத்தின் மூலம் அம்மகிழ்ச்சியை வென்றெடுக்க வேண்டும். மாறாக, இறை நம்பிக்கை பிரச்சினைகளிலிருந்து எஸ்கேப் ஆக வழி தருமே ஒழிய அதை தீர்க்க வழி காட்டாது.

          ஆக, இப்படி ஒவ்வொருவரும் தத்தம் உரிமை என்று ஆளாளுக்கு தனித்து நின்றுகொண்டு கூவிக் கொண்டிருந்தால் ஒருபோதும் அடக்குமுறைகளை ஒழித்துக்கட்ட முடியாது, ஊழல் பல்கிப்பெருகிக்கொண்டேதான் போகும். நம் இன்றைய தேவை மனமயக்கங்களிலிருந்து விடுபட்டு ஒன்றுபட வேண்டிய நிலை. தனிநபர் வாழ்க்கையை தனிநபர் தீர்மானித்துக் கொள்ளலாம்தான். ஆனால் சமுதாயத்தில் களத்தில் இறங்கும்போது ‘தனிநபர் வாழ்க்கையின் தனிப்பட்ட மயக்கங்கள்’ அவனை பின்தள்ளுமேயொழிய இலக்கை நோக்கி முன்னேற வைக்காது! அவ்வளவுதான்!

          • \\அதை விடுத்து கோயில் குளமென்று போவீர்களேயானால் உங்களுக்கு தனிப்பட்ட வகையில் ‘ஏதோ ஒரு திருப்தி’ கிடைக்கலாம். அது நிச்சயமாக ஒருவித ‘மன மயக்க’ நிலையே ஒழிய, சுரண்டலுக்கு எதிரான உங்கள் வினை அல்ல!\\ இறை நம்பிக்கை, கோவில் குளங்களுக்குச் செல்வது ஒருவருடைய தனிமனித உரிமை, அதனால் பலனிருக்கிறதா இல்லையா என்பதை போகிறவர்தான் முடிவு செய்ய வேண்டுமே தவிர மற்றவர்கள் அல்ல. நீங்கள் ஓட்டு போட்டு தானே ஒருத்தரைத் தேர்ந்தெடுத்து ஆட்சியமைக்க விட்டீர்கள்? அவன் சரியாக ஆட்சி செய்யவில்லை என்றால் அதற்க்கு கோவில்களுக்குச் செல்பவர்களா பொறுப்பு? ராமர் எந்த என்ஜினீயரிங் கல்லூரியில் படித்து விட்டு பாலம் கட்டினார் என்று கேட்டவன் தானே அவனுடைய ஆளை வைத்து 1.76 லட்சம் கோடி மக்கள் பணம் கொள்ளை போக வழி வகுத்தான்? கோவில்களை மூடி விட்டால் அவன் நல்லவனாகி விடுவானா என்ன? உங்களுக்குப் பிடித்ததை நீங்கள் செய்வது உங்களுடைய தனி மனித உரிமை, அதில் எப்படி மற்றவர்கள் தலையிட முடியாதோ, அதே போல மற்றவர்களுக்குப் பிடித்ததை அவர்கள் செய்கிறார்கள், அதில் பலனில்லை, வெறும் மயக்கம் என்று நீங்கள் எப்படி சொல்ல முடியும்?

            • நான் சொல்ல விரும்பியதைத் தெளிவாக சொல்லிவிட்டதாகவேக் கருதுகிறேன். தனிமனித உரிமைகள் என்ற பெயரில் சமுதாயம் எப்போதும் சுயநலப் போக்கோடுதான் செயல்படுகிறது. ‘தனிமனித உரிமை’ என்ற கருத்தைத் தாண்டி வரவேமாட்டேன் என்கிறீர்கள். அவ்வாறு வராதவரை ‘பொதுநலம், சமூகநலம்’ என்ற வெளிக்குள் உங்களால் வரவே முடியாது.

              Idealism and Materialism பற்றி நீங்கள் தெளிவுற அறிந்திருந்தால் என் கருத்துகள் உங்களுக்கு எளிதாக கைவரப்பெற்றிருக்கும். தேடுங்கள்! கண்டடைவீர்கள்.

              மேலும், வெகு எளிதான உதாரணம் சொல்கிறேன். டீக்கடையில் உட்கார்ந்து ஒருவர் பேப்பர் படித்துக்கொண்டு, ராசா மக்கள் பணத்தைக் கொள்ளையடித்து விட்டதாகக் கூறுகிறார். அதற்கு அடுத்தவர், “அவனுக்கு திறமை இருக்கு; அடிக்கறான். உனக்கு தெம்பு இருந்தா நீயும் அடிக்கவேண்டியதானே.. அவன ஏன் குறைசொல்லிக்கிட்டு இருக்கற. அரசியல்ல எவ்வளவு கஷ்டப்பட்டு வளர்ந்து வந்துருப்பான்..”. முதலாமவர் அது சரிதான்னு சொல்லிட்டு கிளம்பிக்கிட்டே இருந்தா என்ன ஆகும்?

              • \\தனிமனித உரிமைகள் என்ற பெயரில் சமுதாயம் எப்போதும் சுயநலப் போக்கோடுதான் செயல்படுகிறது. ‘தனிமனித உரிமை’ என்ற கருத்தைத் தாண்டி வரவேமாட்டேன் என்கிறீர்கள். அவ்வாறு வராதவரை ‘பொதுநலம், சமூகநலம்’ என்ற வெளிக்குள் உங்களால் வரவே முடியாது.\\ அவரவர்க்கு பிடித்தமானதைச் செய்யலாம், அது நாட்டின் சட்ட வரையறைக்குள் இருக்க வேண்டும் மேலும் இன்னொருத்தருடைய சுதந்திரத்தைப் பாதிக்கக் கூடாது. உங்களுக்கு இசை பிடிக்கலாம், ஓவியம் வரைதல் பிடிக்கலாம். இதனால் உங்களுக்கு மகிழ்ச்சி உண்டாகிறது என்றால் நீங்கள் தாராளமாகச் செய்யலாம். நீங்கள் இசையைக் கேட்பதனால் நீங்கள் மயக்கத்தில் இருக்கிறீர்கள் சமுதாயம் முன்னேறாது என்று இன்னொருத்தர் வந்து சொன்னால் அவருக்கு மனநிலை சரியில்லை என்று நீங்கள் நிச்சயம் நினைப்பீர்கள். இறை வழிபாடு என்பது நமது சட்டத்தில் அங்கீகரிக்கப் பட்டுள்ள ஒன்று. இறைவன் இல்லை என்று அறிவியல் பூர்வமாக யாரும் நிரூபிக்கவில்லை, சொல்லப் போனால் ஐன்ஸ்டீன் என்ற தலை சிறந்த விஞ்ஞானி ஒரு இறை நம்பிக்கையாளர். அப்படி இருக்கும் பட்சத்தில் கோவிலுக்குப் போகாதே, அதனால்தான் சமுதாயம் உருபடமட்டேன்கிறது என்று நீங்கள் சொல்வது எந்த அடிப்படையில் என்று தெரியவில்லை. இறை மறுப்பை ஏற்றுக் கொண்ட நாடுகளில் சாலை விபத்துக்கள் நடப்பதில்லை அல்லது அங்கெல்லாம் ஊழலே இல்லை, மக்கள் சுபிட்சமாக வாழ்கிறார்கள், இறை நம்பிக்கை உள்ள நாடுகளில் மட்டுமே இவை உள்ளன என்று நீங்கள் உதாரணம் காட்டினால் ஒரு விதத்தில் உங்கள் வாதத்தில் நியாயம் இருக்கிறது. அப்படியும் நீங்கள் ஏதும் காட்டவில்லை. எந்த அடிப்படையுமே இல்லாமல், அவரவர் திருப்திக்காக வழிபாட்டுத் தளங்களுக்குச் செல்வது கூடாது என்று சொல்வது எப்படி நியாயமாகும்?

                • குடியும் சட்டத்தில் அங்கீகரிக்கப்பட்ட ஒன்றுதான்! அது தனிமனித உரிமை என்று விட்டுவிடலாமா? சிகரெட்டும் சட்டத்தில் அங்கீகரிக்கப்பட்ட ஒன்றுதான்! அது தனிமனித உரிமை என்று விட்டுவிடலாமா? குடியும் சிகரெட்டும் உடம்புக்கு நல்லதில்லைனு விடச் சொல்லிச் சொன்னால், அதற்குப் பின் உடம்புல நோயே வராதான்னு கேட்கக்கூடாது!

                  முதலில் உங்களுக்கு மனிதநேயம் முக்கியமா, கடவுள் முக்கியமா என்ற முடிவுக்கு வாருங்கள். மனிதநேயம் இல்லாத கடவுள் பக்தியாளர்களும், மனிதநேயம் இல்லாத கடவுள் மறுப்பாளர்களும் இரண்டுமே ஒன்றுதான்! பெருங்கூட்டம் கூடுமிடத்தில் விபத்துகள் ஏற்படுமெனில் அப்படியென்ன வெறி பிடித்த பக்தி வேண்டியிருக்கிறது. அத்தனை பேரும் இறைவனின்பால் நம்பிக்கை வைத்துத்தானே வருகிறார்கள்? ஏன் உங்களுக்குள் ஒரு ஒழுங்குமுறை வைத்துக்கொண்டு நிதானமாக இறைவனை ‘தரிசிக்க’ முடியவில்லை? அடுத்தவனை முந்திக்கொண்டு தான் நுழைந்துவிட வேண்டும் என்ற வேகம்தானே? அவனது குறைகளைக் ‘கேட்பதற்குமுன்’ தன் அப்ளிகேஷனைப் போட்டுவிடவேண்டும் என்ற வெறிதானே? ‘அப்பேர்ப்பட்ட’ மனிதநேயமற்ற குருட்டு பக்தியை வைத்துக்கொண்டு நீங்கள் எதையும் ‘சாதித்து’ விடமுடியாது!

                  • \\குடியும் சட்டத்தில் அங்கீகரிக்கப்பட்ட ஒன்றுதான்! அது தனிமனித உரிமை என்று விட்டுவிடலாமா? சிகரெட்டும் சட்டத்தில் அங்கீகரிக்கப்பட்ட ஒன்றுதான்! அது தனிமனித உரிமை என்று விட்டுவிடலாமா? குடியும் சிகரெட்டும் உடம்புக்கு நல்லதில்லைனு விடச் சொல்லிச் சொன்னால், அதற்குப் பின் உடம்புல நோயே வராதான்னு கேட்கக்கூடாது!\\சிகரெட் , குடி இவையும் கோவிலுக்குச் செல்வதும் ஒன்று என்று எதை வைத்துச் சொல்கிறீர்கள் என்று தெரியவில்லை. கடவுள் இல்லை என்று சொல்வதும் சிகரெட் , குடி போல தீங்கானது என்று கூட வாதிடலாம். நீங்கள் சொல்வதை உண்மை என்று நிர்ரோபிக்க வேண்டுமானால், இறை மறுப்புக் கொள்கையை தழுவியவர்களும், அதைக் கடைபிடிக்கும் நாடுகளும் மகிழ்ச்சியாகவும் சுபிட்சமாகவும் உள்ளார்கள் என்றும், இறை நம்பிக்கை அனுமதிக்கப் பட்ட நாடுகள் நாசமாகப் போய் விட்டன என்று Statistics காண்பிக்க வேண்டும். நம் நாட்டிலேயே கொள்ளையடிப்பதில் முதலிடத்தில் உள்ளவன் ஒரு நாத்தீகன். நாத்தீகக் கட்சியின் இன்றைய தலைவரின் நேர்மையின் லட்சணம் ஊருக்கே தெரிந்தது. தி.க. சொத்துக்களை தனக்குப் பின்ன்னர் தன்னுடைய மகனே அனுபவிக்க வேண்டுமென்று இப்போதே அவரை அடுத்த தலைவராக்க திட்டம் போட்டு வருக்கிறார். சங்கதி இப்படி இருக்க கோவிலுக்குச் செல்வதால் மட்டுமே எல்லாம் போய் விட்டது என்று கூக்குரல் இடுவதில் நியாயமேயில்லை.

                    • கருணாநிதியையோ, வீரமணியையோ ‘உண்மையான’ பகுத்தறிவாளர்களாக நான் கருதவில்லை. இவர்களெல்லாம் பிழைப்புவாதிகள். தேர்தல் பிரச்சாரத்திற்கு கிளம்பும்போது, ஐயர் கொடுத்த பூர்ணகும்ப மரியாதையை ஏற்றுக்கொண்டு, கும்பத்தைத் தொட்டு வணங்கிச் சென்றவர்தான் கருணாநிதி. போலி நாத்திகவாதிகளை, பிழைப்புவாதிகளையெல்லாம் உதாரணம் காட்டாதீர்கள்!

                    • \\கருணாநிதியையோ, வீரமணியையோ ‘உண்மையான’ பகுத்தறிவாளர்களாக நான் கருதவில்லை. \\வீரமணி போலி என்றால் குறைந்த பட்சம் அவரைத் தூக்கிவிட்டு நல்ல தலைவரை கொண்டு வரக்கூட முடியாதா? அப்போ நாத்தீகத்தை வச்சி என்னதான் சாதிச்சீங்க? போலிச் சாமியார்களுக்கும் உங்க தலைவர்களுக்கும் என்னைய்யா வித்தியாசம்? உங்க வீட்டையே உங்களால சுத்தம் செய்து கொள்ள முடியலை, அந்த பிரச்சினையை தீர்க்கிறேன், இந்தப் பிரச்சினைக்கு ஆலோசனை தரேன் என்று ஊருக்கு உபதேசம் பண்ண கிளம்பிட்டீங்களா? உங்க அந்த ism இந்த ism எல்லாத்தையும் வச்சி உங்க நாத்தீக இயக்கத்தை திருடனுங்க கிட்ட இருந்து காப்பாத்துங்க, அதில சக்சஸ் ஆனதும் ஊருக்கு உபதேசம் பண்ண வாங்க.

                  • \\முதலில் உங்களுக்கு மனிதநேயம் முக்கியமா, கடவுள் முக்கியமா என்ற முடிவுக்கு வாருங்கள். \\ கடவுள் நம்பிக்கையுள்ளவர்களால் மனித நேயத்தோடு இருக்க முடியாது என்று நீங்கள் நம்பி கொண்டிருந்தாள் அதற்க்கு நான் பொறுப்பல்ல. உங்கள் அறிவுக்கு இறைவன் இல்லை என்று தோன்றுகிறது, எங்கள் அறிவுக்கு அவன் இருக்கிறான் என்று தோன்றுகிறது. கடவுள் இல்லை என்று சொல்வதால் மனித நேயம் வந்து விடுமென்றால் சென்ற ஆட்சி தமிழகத்தின் பொற்காலமாக இருந்திருக்க வேண்டும். ஆனால் திருட்டும், கொள்ளையுமாக அல்லவே அது இருந்தது? எதை வைத்து கடவுள் மறுப்பாளன் மனித நேயத்துடன் இருப்பான் என்று சொல்கிறீர்கள் என்று தெரியவில்லை.

                    • மீண்டும் மீண்டும் சொல்கிறேன். போலியான கடவுள் மறுப்பாளர்களை உதாரணம் காட்டாதீர்கள்.

                  • \\மனிதநேயம் இல்லாத கடவுள் பக்தியாளர்களும், மனிதநேயம் இல்லாத கடவுள் மறுப்பாளர்களும் இரண்டுமே ஒன்றுதான்!\\ மனித நேயம் இருக்கக் கூடாது என்று நான் சொல்லவில்லை, கடவுள் நம்பிக்கையாளர்களுக்கு இது இல்லை என்றோ, இறை மறுப்பாளர்களுக்கு இருப்பதாகவோ நீங்கள் நிரூபிக்க வில்லை, அப்புறம் இது எதுக்கு?

                  • \\ பெருங்கூட்டம் கூடுமிடத்தில் விபத்துகள் ஏற்படுமெனில் அப்படியென்ன வெறி பிடித்த பக்தி வேண்டியிருக்கிறது. அத்தனை பேரும் இறைவனின்பால் நம்பிக்கை வைத்துத்தானே வருகிறார்கள்? ஏன் உங்களுக்குள் ஒரு ஒழுங்குமுறை வைத்துக்கொண்டு நிதானமாக இறைவனை ‘தரிசிக்க’ முடியவில்லை? அடுத்தவனை முந்திக்கொண்டு தான் நுழைந்துவிட வேண்டும் என்ற வேகம்தானே? அவனது குறைகளைக் ‘கேட்பதற்குமுன்’ தன் அப்ளிகேஷனைப் போட்டுவிடவேண்டும் என்ற வெறிதானே? ‘அப்பேர்ப்பட்ட’ மனிதநேயமற்ற குருட்டு பக்தியை வைத்துக்கொண்டு நீங்கள் எதையும் ‘சாதித்து’ விடமுடியாது!\\ பத்து வருடங்களுக்கு முன்னர் ஒரே வருடத்தில் இந்தியாவிலேயே அறை டஜனுக்கும் மேலான விமான விபத்துக்கள் நடந்தன. இத்தனைக்கும் விமானங்கள் பழுது நீக்குதலும், அவற்றின் பாதையைக் கண்காணித்தலும் ஈடு இணையற்ற பாதுக்காப்போடும் கவனத்தோடும் செய்யப்படும் என்பது உமக்கே தெரியும். இத்தனை இருந்தும் ஏன் அத்தனை விபத்துகள் நடந்தன? அதுசரி, இத்தனை விபத்துகள் நடக்கின்றன என்று விமானங்களை இனி இயக்கவே கூடாது என்று ஏன் முடிவெடுக்க வில்லை? மாறாக, விமான விபத்தில் செத்தவர்களின் பிணங்களை வாங்க வந்த உறவினர்களே விமானங்களில் தானே வந்து இறங்கினார்கள்? கோவில்களுக்குச் செல்லும் போது நடந்த விபத்துகளையும், இறந்தவர்களின் எண்ணிக்கையும் பற்றிய புள்ளி விவரங்களைக் கொடுத்துள்ள நீங்கள் ஏன் இந்தியாவில் கோவில்களுக்கு செல்லும்போது மட்டும்தான் விபத்துக்கள் நடந்தனவா வேறு எந்த இடத்துக்குச் செல்லும் போதும் விபத்துக்கள் நடக்கவில்லையா என்ற கேள்வி பற்றி பதில் எதுவும் சொல்லவில்லை?

                    • //கோவில்களுக்குச் செல்லும் போது நடந்த விபத்துகளையும், இறந்தவர்களின் எண்ணிக்கையும் பற்றிய புள்ளி விவரங்களைக் கொடுத்துள்ள நீங்கள் ஏன் இந்தியாவில் கோவில்களுக்கு செல்லும்போது மட்டும்தான் விபத்துக்கள் நடந்தனவா வேறு எந்த இடத்துக்குச் செல்லும் போதும் விபத்துக்கள் நடக்கவில்லையா என்ற கேள்வி பற்றி பதில் எதுவும் சொல்லவில்லை? //

                      விபத்துகள் எல்லா இடத்திலும்தான் நடக்கின்றன. ஆனால் கோவிலுக்குச் சென்றால் ‘எல்லாம் வல்ல இறைவன்’ காப்பாற்றுவான் என்ற உங்கள் நம்பிக்கை பலிக்கவில்லையே! கோயிலுக்குச் சென்றால் உங்கள் நம்பிக்கையை கடவுள் காப்பாற்றியிருக்க வேண்டுமல்லவா? ஆனால் வேறெங்கும் யாரும் உங்களுக்கு உத்தரவாதம் கொடுப்பதில்லையே. விமானியோ விமானத்துறை அமைச்சரோ உங்களுக்கு ‘விபத்து’ நேருவதற்கு நூறு சதவீதம் வாய்ப்பில்லை என்று உறுதிமொழி கொடுத்தனரா.. இல்லையே? அப்புறம் ஏன் இரண்டையும் ஒப்பிடுகிறீர்கள்?

                      எனக்கென்னவோ விவாதம் வெட்டித்தனமாய் சுற்றிச் சுற்றி வருவதாய் தோன்றுகிறது. கட்டுரையின் மையப்பொருளை எடுத்துக்கொண்டு விவாதிப்பதாய் தெரியவில்லை!

                    • \\விபத்துகள் எல்லா இடத்திலும்தான் நடக்கின்றன. ஆனால் கோவிலுக்குச் சென்றால் ‘எல்லாம் வல்ல இறைவன்’ காப்பாற்றுவான் என்ற உங்கள் நம்பிக்கை பலிக்கவில்லையே! கோயிலுக்குச் சென்றால் உங்கள் நம்பிக்கையை கடவுள் காப்பாற்றியிருக்க வேண்டுமல்லவா? \\கோவிலுக்குப் போறவங்க சாகா வரம் வாங்கத்தான் போறாங்கன்னு உங்களுக்கு யார் சொன்னார்களோ தெரியவில்லை. கோவிலுக்குப் போய் இறைவனை வழிபடுவது எங்கள் கடமை. அவனன்றி ஒரு அணுவும் அசையாது என்ற நம்பிக்கை இறை நம்பிக்கையாளர்களுக்கு உண்டு. யாரும் விபத்து நடக்கட்டும் என்று வேண்டுமென்றே உயிர் பலி கொடுப்பதில்லை. நம்மையும் மீறி விபத்து நடந்தால் அது இறைவனின் சித்தம் என்று ஏற்றுக் கொள்ளத்தான் வேண்டும். கோவிலுக்குச் சென்ற இடத்தில் விபத்து நடந்தது அதனால் கோவிலுக்கே செல்லக் கூடாது என்றால், சுற்றுலா சென்ற பேருந்துகள் கூட விபத்துக்குள்ளாகிறது, அவ்வளவு ஏன் தினமும் பயணிகளை ஏற்றிச் செல்லும் அரசுப் பேருந்துகள் கூட விபத்துக்குள்ளாகிறது, எனவே நாட்டில் இனி பஸ்களே ஓடக்கூடாது என்று சொல்வீர்களா? ரோட்டில் நடந்து செல்பவர்கள் மீது கூட வாகனங்கள் மோதி உயிரிழப்பு ஏற்படுகிறது, அதனால் இனி வெளியே செல்லாமல் வீட்டுக்குளேயே முடங்கியிருப்பீர்களா?

              • \\Idealism and Materialism பற்றி நீங்கள் தெளிவுற அறிந்திருந்தால் என் கருத்துகள் உங்களுக்கு எளிதாக கைவரப்பெற்றிருக்கும். தேடுங்கள்! கண்டடைவீர்கள்.\\ இந்த ism த்தை வைத்து உருப்படியான ஒரு நாடு இருந்தால் சொல்லுங்களேன்.

                • ஹா..ஹா.. நம் வாழ்க்கையியல் என்பது இந்த இரு தத்துவங்களின் அடிப்படையிலேதான் பெரும்பாலும் இருக்கிறது என்பதற்காகத்தான் அதைத் தேடச் சொன்னேன். பின்வரும் சுட்டிகள் அவற்றிற்கு எளிமையான விளக்கத்தைக் கொடுக்கும்.

                  http://www.keetru.com/index.php?option=com_content&view=article&id=12898:2011-02-10-07-31-37&catid=1262:2011&Itemid=522
                  http://govikannan.blogspot.com/2009/10/blog-post_14.html

                  மற்றபடி மனித மனங்களின் எண்ணங்கள் இந்த இரு இசங்களின் கலவையாகவே உள்ளது. நாடு என்று குறுக்கிக்கொள்ளக்கூடாது. மொத்த உலகத்திற்கும் பொதுவானது இது. இதை மிகவும் சுருக்கிக் கூற என்னால் இயன்ற அளவுக்குக் கூறுகிறேன். மனிதர்களைப் பிரித்தாள பார்ப்பனீயம் கொண்டு வந்ததுதான் ‘இல்லாத கடவுளைப்’ பற்றிய Idealism. மனிதனின் ‘இருத்தல்’ என்பதே உண்மையானது என்பது பற்றிய தத்துவம்தான் Materialism.

                  எந்த இசங்கள் வந்தாலும் இதுவரை எந்த நாடும் செழுமையடைந்ததில்லை என்று சொல்லிவிட்டு ‘உண்மையை’ தேடுவதில் சுணக்கம் காட்டிவிடக்கூடாது.

                  • \\மனிதர்களைப் பிரித்தாள பார்ப்பனீயம் கொண்டு வந்ததுதான் ‘இல்லாத கடவுளைப்’ பற்றிய Idealism.\\இந்தியாவில் தான் பார்பனன் கடவுளை கண்டு பிடித்தான், அது சரி கிறிஸ்தவம், இஸ்லாம் மதங்களை யாரு சார் கண்டு புடிச்சாங்க?

                    \\எந்த இசங்கள் வந்தாலும் இதுவரை எந்த நாடும் செழுமையடைந்ததில்லை என்று சொல்லிவிட்டு ‘உண்மையை’ தேடுவதில் சுணக்கம் காட்டிவிடக்கூடாது.\\வெறும் ism த்தை வச்சிக்கிட்டு நான் என்ன பண்றது, அதனால உருப்பட்டது யாருன்னு சொல்லுங்க?

              • \\மேலும், வெகு எளிதான உதாரணம் சொல்கிறேன். டீக்கடையில் உட்கார்ந்து ஒருவர் பேப்பர் படித்துக்கொண்டு, ராசா மக்கள் பணத்தைக் கொள்ளையடித்து விட்டதாகக் கூறுகிறார். அதற்கு அடுத்தவர், “அவனுக்கு திறமை இருக்கு; அடிக்கறான். உனக்கு தெம்பு இருந்தா நீயும் அடிக்கவேண்டியதானே.. அவன ஏன் குறைசொல்லிக்கிட்டு இருக்கற. அரசியல்ல எவ்வளவு கஷ்டப்பட்டு வளர்ந்து வந்துருப்பான்..”. முதலாமவர் அது சரிதான்னு சொல்லிட்டு கிளம்பிக்கிட்டே இருந்தா என்ன ஆகும்?\\ கோவிலுக்குச் செல்வதற்கும், ஒரு அரசியல்வாதி கொல்லையடிப்பதர்க்கும் எதற்கு முடிச்சு போடுகிறீர்கள் என்று தெரியவில்லை. சொல்லப் போனால் கடவுள் இல்லை என்று சொன்னவன் கொள்ளையடிக்கிறான், அதை நீங்கள் பார்க்க மறுக்கிறீர்கள். ஊழலுக்கும், இறை நம்பிக்கைக்கும் என்ன சம்பந்தம் என்று நீங்கள் தெளிவு படுத்தினால் நன்றாக இருக்கும்.

                • தனிநபர் உரிமைகளை ‘மட்டும்’ பற்றியே நீங்கள் கதறிக்கொண்டிருந்ததால் கொடுக்கப்பட்ட உதாரணம் அது. முதலில் எந்தப் பிரச்சினையையும் ஒரு சிறுவட்டத்தில் குறுக்கிக்கொண்டு பார்த்தால் அந்த உதாரணத்தில் குறிப்பிட்டபடியே முடியும். முதல் தேவை விசாலமான பரந்துபட்ட பார்வை. அப்போது பிரச்சினையின் அனைத்துப் பரிமாணங்களும் மேலோட்டமாய் தெரியும். அதன்பின் அதன் அனைத்துக் கூறுகளையும் பிரித்துப் பார்த்து தீர்க்க கற்க வேண்டும்.

                  • \\தனிநபர் உரிமைகளை ‘மட்டும்’ பற்றியே நீங்கள் கதறிக்கொண்டிருந்ததால் கொடுக்கப்பட்ட உதாரணம் அது. \\ அப்போ தனி மனித உரிமையே சட்டப் படி குற்றம் என்று மாற்ற வேண்டும் என்று சொல்கிறீர்களா?

                    \\முதலில் எந்தப் பிரச்சினையையும் ஒரு சிறுவட்டத்தில் குறுக்கிக்கொண்டு பார்த்தால் அந்த உதாரணத்தில் குறிப்பிட்டபடியே முடியும். முதல் தேவை விசாலமான பரந்துபட்ட பார்வை. அப்போது பிரச்சினையின் அனைத்துப் பரிமாணங்களும் மேலோட்டமாய் தெரியும். அதன்பின் அதன் அனைத்துக் கூறுகளையும் பிரித்துப் பார்த்து தீர்க்க கற்க வேண்டும்.\\ நீங்க நாட்டிலுள்ள பிரச்சினையைத் தீர்க்க வேண்டாம், வாங்க கோவிலுக்குப் போகலாம், அங்க போனால் இதெல்லாம் தீர்ந்திடும் என்று உங்களைத் தடுத்திருந்தால் உங்கள் வாதம் சரியானதாக இருந்திருக்கும், அப்படி நான் சொல்லவில்லையே? கோவிலுக்குச் செல்வதும், இறை வழிபாடும் எனது உரிமை. நாட்டில் ஊழலை எதிர்த்து போராடுவதை கொண்டு வந்து ஏன் இதனோடு முடிச்சுப் போடுகிரீர்கள் என்றே புரியவில்லை.

  7. நாங்களும் இதையெல்லாம் எதிர்த்துப் போராட வாங்கனு தா கூப்பிட்டோம் அவர்கள் தா இதையெல்லாம்,பகாவான் பாத்துக்குவாரு, எங்கள அவரு காப்பாத்துவாருனு போனாங்க,சாதான சாலை விபத்திலக்கூட கடவுளால காப்பாத்த முடியல அதாக்கேட்டோம்,உங்க கடவுளு எங்கனு.

    கோவிலுக்கு போகும் மக்களின் நோக்கம் என்ன.எதற்காகக் கோவிலுக்கு போராங்க.தனது கஷ்டத்தையெல்லாம் போக்கி என்னையும் இந்த சமுகத்துல ஒரு மனுசனா வாழவையுனு வேண்டதானே.அப்படிப் போகும் பக்தனின் வாழ்க்கைய பறிச்சா அது கடவுளா?.
    அதாக் கேட்டோம்,

    எங்கப் போயித்தொலஞச, சாமி நி எங்க போயித்தொலஞச ,சந்துல பொத்துல இன்டு ,இடுக்குல எங்கப் போயித்தொலஞச ,சாமி நீ எங்கப்போயித்தொலஞச

  8. டேய் தண்ட முண்டங்களா! பக்தர்கள் தெளிவதாண்டா இருக்காங்க! அதனாலதான் எவனும் உன்ன மாதிரி லூசு பயலுகுளோட சேர்றதில்ல. கூட்டம் கூடினா நெரிசல் ஏற்படும். இது இயற்கை. இதுல கடவுள இழுக்க வேண்டிய அவசியமில்லேன்னு பக்தனுக்கு தெரியும். அதனாலதான் எத்தன விபத்து ஏற்பட்டாலும் எந்த கோவிலிலும் கூட்டம் குறைவதில்லை. இதுகூட தெரியாம கட்டுரை எழுத வந்துட்டியே. இதை படிச்சா எவனும் வாயால சிரிக்க மாட்டான்.

    • நீங்கள் ‘தெளிவு’ எனக் கருதுவது ஒரு ‘மனமயக்க’ நிலை. அதிலிருந்து விடுபட முயற்சியுங்கள். உங்கள் வாழ்வு மட்டுமல்ல, நம் எல்லோருடைய வாழ்வுமே சிறக்கும். எத்தனை விபத்து ஏற்பட்டாலும் எந்தக் கோவிலிலும் கூட்டம் குறையாததற்கு காரணம், கோவில் விபத்தில் செத்தால் சொர்க்கத்தில் ரிசர்வேஷன் கிடைக்கும் என்பதினால்தானே? 🙂
      இல்லாத சொர்க்கத்திற்கு இருக்கும் வாழ்வைத் தொலைப்பேன் என்கிறீர்களே.. நியாயமா!!

      • நண்பரே, அபினியில் வீழ்ந்த இந்த அபலைகளுக்குப் புரியவைப்பது அதற்கு மாற்று மருந்து கொடுத்தால்தான் தெளிவார்கள். சிலர் தெளிந்து விரும்பி ஏற்றுக்கொள்வா