Tuesday, July 27, 2021
முகப்பு பார்வை கேள்வி-பதில் ஆத்திகவாதியை ஒரு நாத்திகன் கேள்வி கேட்கலாமா? கேள்வி - பதில்!

ஆத்திகவாதியை ஒரு நாத்திகன் கேள்வி கேட்கலாமா? கேள்வி – பதில்!

-

கடவுள் என்பது என் தனி விருப்பம். அதில் தலையிட உனக்கு உரிமையில்லைஎன்று சொல்வது சரியா, அப்படி சொல்பவர்களை என்ன செய்வது?

– ராஜன்

__________________________________________

அன்புள்ள ராஜன்,

கடவுள் நம்பிக்கை குறித்து பார்க்கும் முன் – இந்த ‘தனி’ விருப்பம், ‘தனிப்பட்ட’ நம்பிக்கை, ‘தனிப்பட்ட’ வாழ்க்கை என்பதைக் குறித்து பார்த்து விடுவோம். கடவுளை விடுங்கள், நாம் நமது வாழ்வில் கற்றுக் கொள்ளும் நல்லது – கெட்டது, புனிதமானது – புனிதமற்றது, சரி – தவறு என்பதை நாம் எங்கேயிருந்து கற்கிறோம்? நமது வாழ்வை வழிநடத்திச் செல்லும் ‘தனிப்பட்ட’ அறம் சார்ந்த விழுமியங்களை எப்படி கட்டமைத்துக் கொள்கிறோம்? இவையனைத்தும் ‘தனிப்பட்ட’ / ‘சொந்த’ முறையில் என்று நம்புகிறீர்களா?

கருத்துக்களும், உணர்ச்சிகளும், நம்பிக்கைகளும் நமது மனதின் அடியாழத்திலிருந்து சுயம்புவாய்த் தோன்றி விடுகிறதா என்ன? ஆப்கானிலும், ஈராக்கிலும், போஸ்னியாவிலும், ஈழத்திலும், ஆப்பிரிக்க நாடுகளிலும் ஏகாதிபத்தியங்களின் நலன்களுக்காக வீசப்படும் குண்டுகளால் உடல் கிழிந்து பிய்த்து எரியப்படும் மனித உடல்கள் நமக்கும் ஒரு அமெரிக்கனுக்கும் ஒரே விதமான உணர்ச்சியையா உண்டாக்குகிறது? செங்கொடி தீக்குளித்து இறந்தாள் என்பதைக் கேட்ட மாத்திரத்தில் நமக்குள் கையறு நிலையால் உந்தப்பட்ட ஒரு சோகம் எழவில்லையா? அந்தச் சாவு நம் மனதைப் பிசையவில்லையா? ஆனால், அதே சம்பவத்தை தினமலரால் காதல் தோல்வி என்று கொச்சைப்படுத்த முடிகிறதே?

நமது இந்தக் கருத்தும் தினமலரின் அந்தக் கருத்தும் சொந்த/தனிப்பட்ட முறையில் தான் உண்டானதென்று நம்புகிறீர்களா?  இல்லை.

நாம் வாழும் சூழல், நமது வர்க்கப் பின்புலம் போன்றவற்றின் அடிப்படையிலேயே நமது கருத்துக்களும் பிறக்கின்றன. நம்மைச் சுற்றியுள்ள சமூகம் நமக்கு இந்த உலகத்தை அறிமுகம் செய்கிறது. நல்லது-கெட்டது, சரி – தவறு என்பதையெல்லாம் நமக்குக் கற்றுக் கொடுக்கிறது. நமது இதயம் சாலையில் அடிபட்டுக் கிடக்கும் தெரு நாயின் சிதறிய ரத்தத் துளிகளைக் கண்டு கூட பதறுகிறது. தினமலரின் இதயமோ ஈழத்தில் ஆயிரக்கணக்கில் செத்துச் சிதறிய அப்பாவி மனித உடல்களைக் கண்டு குதூகலிக்கிறது. சேனல் 4ன் வீடியோவைப் பற்றி ‘இன்ட்ரெஸ்டிங்கா ஏதும் இல்லை’ என்று கொக்கரிக்க வைக்கிறது. ராஜபக்சே கும்பலும் இது பொய் என்று ஊளையிட்டு விட்டு எளிதில் கடந்து செல்கிறது.

ஆக ஒரு விசயத்தை பார்த்து பதறுவதிலும், திமிரடைவதிலும் இரு வேறான போக்குகள் உள்ளிட்டு பல கருத்துக்கள் தோன்றுவதை பார்க்கிறோம். இவை எதுவும் சம்பந்தப்பட்டவர் சுயம்பாய் கண்டடைந்த கருத்து அல்ல. சமூகத்தில் பால் அவர் கொண்டிருக்கும் உறவே அந்தக் கருத்துக்களை கட்டியமைக்கிறது. எனினும் அநேகர் இத்தகைய கருத்துக்களை தானே யோசித்து வந்தடைந்த ஒன்று என்று கருதுகிறார்கள். வர்க்க ரீதியாக மேல் நோக்கி செல்லச் செல்ல இது மேலும் வலுவடையும்.

கடவுள் பற்றிய நமது கருத்துக்களையும் கூட அவ்வாறே நாம் ‘வெளியில்’ இருந்து தான் ‘உள்ளே’ இறக்கிக் கொள்கிறோம். ஒரு குழந்தை பிறக்கும் போதே இந்துவாகவோ,  முசுலீமாகவோ, கிருத்துவனாகவோ பிறப்பதில்லை. அதன் பெற்றோரும், அதனைச் சுற்றியமையும் சமூகமுமே அதற்கு ‘கடவுளை’ அறிமுகம் செய்து வைக்கின்றனர். அச்சமற்ற இயல்பையும், அளவற்ற ஆற்றலையும் கொண்ட குழந்தைகளை அதனைச் சுற்றியிருப்போர் தான் கடவுள் பூச்சாண்டி காட்டி அஞ்சி நடுங்கும் கோழைகளாக்குகின்றனர்.

ஆக, கடவுளை உங்கள் நண்பர் கண்டடைந்ததே  தனிப்பட்ட முறையில் அல்ல எனும் போதே அதில் விருப்பம் மட்டும் ‘தனிப்பட்டு’ இருக்க முடியாது. இருப்பினும் அந்த ‘தனிப்பட்ட’ கடவுள் நம்பிக்கை நான்கு சுவர்களுக்குள் மட்டும் பதுங்கிக் கொள்ளும் வரை, எவரையும் துன்புறுத்தாத வரை யாருக்கும் பிரச்சினையில்லை. ஆனால், அவ்வாறு பதுங்கிக் கொள்வதில் கடவுள் நம்பிக்கைக்கு ஒரு பிரச்சினை இருக்கிறது. ஒரு நம்பிக்கை என்பது எதார்த்த அனுபவத்தில் சோதித்தறியப்பட்டு அதன் மூலம் பட்டை தீட்டப்பட்டு நமக்குள் உண்டாகும் பட்சத்தில் அதன் மேலான பற்றுறுதி கேள்விக்கிடமற்று இருக்கும். ஆனால் கடவுள் நம்பிக்கை என்பது சோதித்தலுக்கும் கேள்விகளுக்கும் அப்பாற்பட்டதாய் இருக்கிறது.

வட / தென் துருவங்களில் கடலில் மிதக்கும் ஐஸ் மலைகளைப் பற்றிக் கேள்விப்பட்டிருக்கிறீர்களா? அதன் சிறிய முனை மட்டுமே கடல் மட்டத்துக்கு மேலே கண்ணுக்குத் தெரியும் விதமாய் மிதந்து கொண்டிருக்கும். கடவுள் பற்றிய நம்பிக்கையும் அவ்வாறானதே. அது தனது கால்களின் கீழே ஆழமான அவநம்பிக்கையைக் கொண்டிருக்கிறது – அதன் மேல் தான் நிலை கொண்டுமிருக்கிறது. சுற்றிலும் சமூகத்தில் காணும் ஏற்றத்தாழ்வுகளும், அப்பாவி மக்கள் வாழ்க்கையில் சந்திக்கும் போராட்டங்களும் கடவுள் நம்பிக்கையின் அஸ்திவாரத்தை நித்தம் நித்தம் அசைத்துப் பார்த்துக் கொண்டேயிருக்கிறது.

வாழ்க்கை நெடுக தம்மோடு சுக துக்கங்களில் சேர்ந்து பயணிக்கப் போகும் காதலியிடம் கூட ஒரு சில முறைகள் தான் ‘ஐ லவ் யூ’ சொல்லி இருப்பார் – ஆனால், கடவுளைத் துதிக்கும் போது மட்டும் ஒருவர் தினசரி திரும்பத் திரும்ப தனது நம்பிக்கையையும் விசுவாசத்தையும் கிளிப்பிள்ளையைப் போல் ஓதிக் கொண்டேயிருக்கிறார். அதுவும் போதாமல், தனக்குள்ள கடவுள் சித்திரத்தை ஒத்திராத நம்பிக்கை கொண்டவர்களிடம் முரண்பட்டு உரசிப் பார்த்து தனக்குத்தானே திருப்தி கொள்கிறார்..

‘தனிப்பட்ட’ நம்பிக்கை என்பதே இப்படி வெளியே நடக்கும் உரசிப் பார்த்தல்களின் அறியாமை பலத்தில் தான் உயிர்வாழ்கிறது எனும் போது அதில் ‘தனிப்பட்டு’ மிஞ்சுவது தான் என்ன?  இதைப் பார்க்கும் முன், இதற்கு நேர் எதிரான ‘நம்பிக்கையற்ற’ நிலையைப் பற்றியும் பார்த்து விடலாம். இவையிரண்டும் தம்மளவில் நேரெதிர் துருவங்களாக இருந்தாலும், ஒரு மனிதனின் ஆளுமையையும் அவனது சமூகப் பொறுப்பையும் இவை மட்டுமே தீர்மானிப்பவைகளாக இல்லை.

நாத்திகவாதியாகவோ பகுத்தறிவுவாதியாகவோ இருப்பது மட்டுமே மாபெரும் தகுதி அல்ல. ஒருவர் தான் கொண்டிருக்கும் சமூக உறவில் என்ன வகையான பாத்திரத்தை வகிக்கிறார், மக்கள் நலன் சார்ந்து என்ன பண்பாட்டு விழுமியங்களைக் கொண்டிருக்கிறார் இவைகளின் அடிப்படையில் சமூகத்தை எவ்வாறு எதிர்கொள்கிறார் என்பதும், அவரது சொந்த வாழ்க்கையில் சமூகத்தைப் பற்றிய அவர் கொண்டிருக்கும் மதிப்பீடுகள் எவ்வாறு எதிரொலிக்கிறது என்பதுவுமே முக்கியமானது.

இந்து பாஸிச பயங்கரவாத அமைப்பான ஆர். எஸ். எஸ் கும்பலுக்கு தத்துவார்த்த அடித்தளத்தை உண்டாக்கிக் கொடுத்தவரும், இந்து மகாசபையின் தலைவரும், காந்தி கொலையைத் திட்டமிட்டுக் கொடுத்தவருமான வி.டி சாவர்க்கரும் அவரது ஞான குருவான இத்தாலி பாசிஸ்ட் கட்சி தலைவர் பெனிட்டோ முசோலினியும் கூட கடவுள் நம்பிக்கையற்ற பகுத்தறிவுவாதிகள் தான். சாவர்க்கர் கடவுளை நம்பாத அதே நேரம் வேதத்தையும், பார்ப்பனிய வருண தர்மத்தையும் நம்பினார். எனினும் அவர் நாத்திகர்தான். ஆனால் சிதம்பரம் சிவனடியார் ஆறுமுகசாமியோ கடவுளை நம்பும் ஒரு பக்தர். ஆனால் அவரது பக்தி, இந்து மதத்தில் நிலவும் பார்ப்பன மேலாதிக்கம், மொழித் தீண்டாமை போன்ற இழிவுகளை சகித்துக் கொண்டிராமல் எதிர்த்துப் போராடும் நேர்மையான தன்மான உணர்ச்சிக்குத் தடையாய் நிற்கவில்லை. கடவுளை நம்பிய சித்தர்கள் கூட அதன் பெயரில் விளங்கிய ஏற்றத்தாழ்வுகளையும் பார்ப்பனிய இழிவையும் இடித்துரைத்துள்ளனர்.

ஆக, ஒருவர் சமூக அளவில் வகிக்கும் பாத்திரம் என்னவென்பதிலிருந்து தான் அவரை மதிப்பீடு செய்ய முடியுமேயொழிய கடவுளை நம்புகிறாரா இல்லையா என்பதைக் கொண்டல்ல. நாத்திராய் இருப்பது எப்படி மாபெரும் தகுதியாய் இல்லையோ அதே போல் ஆத்திகராய் இருப்பது ஒன்றே இழிவானதும் அல்ல – போற்றத்தக்கதுமல்ல. கடவுள் நம்பிக்கை சமூகத்தில் நிலவுவதற்கு ‘தனிப்பட்ட’ விருப்பங்கள் காரணமல்ல. அதன் காரணம் சமூக இயக்கத்தில் உள்ளது. நிலவும் சமூக அமைப்பில் பொருளாதாய வாழ்கையின் ஒவ்வொரு அழைக்கழிப்பிற்கும் முகங்கொடுத்து நாளும் நாளும் நொறுங்குண்டு போனவர்கள் தற்காலிகத் தேறுதலை இல்லாத ஆண்டவனிடம் தேடி ஓடுகிறார்கள்.  வீட்டினுள் தொலைத்ததை தெருவிலே தேடியலையும் மக்களின் அந்தக் கையறு நிலை ஒரு அவலம். அந்த அவலத்தை நாம் புரிந்து கொள்வது மிக அவசியமானது. அதனால் தான் மார்க்ஸ் மதம் ஒரு அபின் என்று குறிப்பிட்டு விட்டு,  அது “இதயமற்ற உலகின் இதயமாக இருக்கிறது” என்றார்.

வேலையிழப்பு, பொருளாதார நெருக்கடி,  கல்யாணம் முடிய, குழந்தை பிறக்க, குழந்தையின் பள்ளிக்கூட சீட், படிப்பு, வேலை, அதற்கு ஒரு திருமணம், அதன் வாழ்க்கை…. என்று நீளும் வாழ்க்கைத் தேவைகளும் அது நிறைவேறாமல் போகும் சமூக எதார்த்தமும், உறைந்து போய் நிற்கும் ஏற்றத்தாழ்வுகளும் அப்பாவி மக்களை ‘ஆறுதலுடன்’ அணிதிரட்டி கோவில்களையும், ஆன்மீக நிறுவனங்களையும் நோக்கி விரட்டி விடுகிறது. தீர்வு அங்கேயில்லை என்பதையும் எங்கே உள்ளது என்பதையும் நேர்மறையில் உணர்த்த வேண்டியது நமது கடமை – வறட்டு நாத்திகத்தை மட்டும் பேசிக்கொண்டு மக்களுக்கு மேலாக நம்மைக் கருதிக் கொள்வதல்ல.  அதே நேரம், தீர்வுக்கான பாதையை நந்தி போல் மறைத்துக் கொண்டு கடவுள் நம்பிக்கை வரும் போது இடித்துரைப்பதும் நேர்மறையில் விமர்சிப்பதும் அவசியம்.

நமது விமர்சனங்கள் ஒரு புறமிருக்க, இந்த ‘ தனிப்பட்ட நம்பிக்கைகள்’ உதிர்ந்து ஒழிந்து போக வேண்டிய ஒரு சந்தர்பத்தை நேர்மையாக சமூகப் பிரச்சினைகளுக்கு முகம் கொடுப்பவர்கள் ஒரு கட்டத்தில் எதிர்கொண்டே ஆக வேண்டும். அது எப்போது?

சமூகத்தின் பிரச்சினைகளுக்குத் தீர்வு கோயிலின் கருவறையினுள் பல நூற்றாண்டுகளாக மீளாத் துயிலில் ஆழ்ந்து கிடக்கும் சிற்பங்களிலும், புனித நூல்களிலும், புராணங்களிலும், ஹதீஸ்களிலும், இறைவன் அருளிய வேத்திலும் இல்லையென்பதையும், அந்தப் பிரச்சினைகளின் தோற்றுவாயாக இருக்கும் இந்த வர்க்க சமூகத்தை மாற்றியமைப்பதே தீர்வு என்பதையும் யாரொருவர் தமது சொந்த அனுபவத்தில் நேர்மறையில் உணர்ந்து வினையாற்றத் துவங்குகிறாரோ அப்போது அந்தப் போராட்டத்தின் உப விளைவாக கடவுள் இறந்து போகிறார். அந்த இடத்தில் கடவுள் அமர்ந்திருக்கும் அஸ்திவாரக் கல் ஆட்டம் காண்கிறது. சமூக மாற்றத்திற்கான போராட்டம் வென்று ஏற்றத்தாழ்வுகள் ஒழிக்கப்பட்ட பின் கடவுளுக்கான தேவையே காலாவதியாகி விடுகிறது.  துன்பங்களின் தோற்றுவாய்கள் அடைக்கப்பட்டு விட்ட  தேறுதல் தர யாரும் தேவையில்லை அல்லவா?

இங்கே நாம் கையறு நிலையில் ஏற்பட்ட கடவுள் பக்தியையும் காரியவாதக் கடவுள் பக்தியையும் வேறுபடுத்திப் பார்க்க வேண்டும் – இரண்டையும் இருவேறு விதமாய் அணுக வேண்டியுள்ளது.

வாழ்வின் அத்தனை சுகங்களையும் அனுபவித்துக் கொண்டு, அதன் சகல இன்பங்களையும் நுகர்ந்து கொண்டு இடையிடையே எப்போதாவது எழும் குற்றவுணர்வைத் தவிர்த்துக் கொள்ள கோயில் உண்டியல்கள் முன்பும் கார்ப்பரேட் குரு பீடங்களின் முன்பும் திரளும் மேட்டுக்குடி கனவான்களின் நம்பிக்கையும் சாதாரண மக்களின் நம்பிக்கையும் ஒன்றல்ல.

வயதான மனைவியின் மருத்துவத்துக்கு சல்லிக்காசு கூட இல்லாமல், தாமதமாகி இழுத்துக் கொண்டேயிருக்கும் ஓய்வூதிய செட்டில்மெண்டு பாஸ் ஆக வேண்டுமே என்கிற பதைப்போடு வந்தவரும் – கறுப்புப் பணக் குவியலில் இருந்து ஒரு சிறிய துணுக்கை கிள்ளி உண்டியலில் போட்டு விட்டால் ரெய்டிலிருந்து தப்பலாமோவென்கிற ‘பதைபதைப்போடும்’  வந்தவரும் ஒன்றாகத் திருப்பதி ஏழுமலையான் முன் வரிசை கட்டி நிற்கிறார்களே, இவர்களின் பக்தி ஒன்றா?

இரண்டும் வேறுவேறானது என்றாலும் நாம் இரண்டிலும் தலையிட்டுத் தான் தீர வேண்டும் – ஆனால், அணுகுமுறையில் பாரிய வேறுபாடு இருக்கும். முந்தையவர் நம்மோடு ஒரே அணியில் நின்று போராட வேண்டியவர்; பிந்தையவரோ நமக்கு நேர் எதிரணியில் நிற்பவர் – எதிர்த்து முறியடிக்கப்பட வேண்டியவர்.

வினவு கேள்வி பதில் ஆக, கடவுள் நம்பிக்கையில் தனிப்பட்டது என்று எதுவுமில்லை. உங்கள் நண்பரால் தனது மூக்கு நுனியைத் தாண்டி எட்டிப்பார்க்காமல் அவரது நம்பிக்கையைக் கட்டி வைத்துக் கொள்ள முடியுமா என்று சோதித்துப் பாருங்கள். கடவுளின் பெயரால், மதத்தின் பெயரால் நடத்தப்படும் அயோக்கியத்தனங்களையும், சமூக விடுதலைக்கு குறுக்கே கடவுள் நிற்பதையும் விமர்சனக் கண்ணோட்டத்தோடு பார்க்க முடிகிறதா என்று கவனியுங்கள். முடிகிறது என்றால், கவலையை விடுங்கள் கூடிய சீக்கிரம் கடவுள் பெட்டி சட்டியைக் கட்டிக் கொண்டு கிளம்பி விடுவார்.

_________________________________________________

தொடர்புடைய பதிவுகள்

__________________________________________

__________________________________________

__________________________________________

__________________________________________

  1. ஆத்திகவாதி,நாத்திகவாதி, கம்யூனிஸ்ட் என்று கூரிக்கொள்ளும் /நினைத்துக்கொள்ளும் பலரும் ஒரே குட்டையில் ஊரிய மட்டைகள் தான்…எந்த ‘வாதமும்’ / ‘இசமும்’ இங்கு பிரச்சினை இல்லை….

    முரன்பாடு தான் பிரச்சினை…

    //ஒரு குழந்தை பிறக்கும் போதே இந்துவாகவோ, முசுலீமாகவோ, கிருத்துவனாகவோ பிறப்பதில்லை. //

    வினவையே எடுத்துக்கொள்ளுங்கள்…
    விஜய் டீ வி விமரிசனம் என்று ஜாதியை இழுப்பார்கள்….
    மதவாதிகள் / ஜாதிவெறியர்கள் மட்டுமல்ல….வினவும் இதைத்தான் செய்கிறது…அப்போ என்ன நாத்திகம், கம்யூனிசம்….ஒரே குட்டை..ஒரே மட்டை…..

  2. ஒருவரின் நம்பிக்கையில் தலையிடுவது தவறு தான் ஆனால் ஒருவரின் மூடநம்பிக்கையை தவறு என்று சொல்லவதற்கு அனைவருக்கும் உரிமையுண்டு, அவசியமும் கூட தானே?

    வலிப்பு வந்தால் கையில் இரும்பை கொடுத்தால் சரிஆகிவிடும் என்பது அனைவரின் நம்பிக்கை அது தவறு என்று சொன்னால் ஏற்றுக்கொள்ளமாட்டார்கள் இருந்தாலும் புரியவைப்பது நம் கடமைதானே?

    ‘கடவுள் நம்பிக்கை’ என்று சொல்வதே தவறு. ‘கடவுள் மூடநம்பிக்கை’ என்று சொல்வதே சரி என்று நினைக்கிறேன்.

    • //வலிப்பு வந்தால் கையில் இரும்பை கொடுத்தால் சரிஆகிவிடும் என்பது அனைவரின் நம்பிக்கை அது தவறு என்று சொன்னால் ஏற்றுக்கொள்ளமாட்டார்கள் இருந்தாலும் புரியவைப்பது நம் கடமைதானே?//

      வலிப்பு வந்தால் கையில் இரும்பை கொடுத்தால் வேலைக்கு ஆகாதா? இப்ப தான் எனக்கு தெரியுது. ஒரு முறை சாலையில் மூன்று சக்கர வாகனத்தில் இருந்து ஒரு physically challenged நபர் ஒருவர் மயங்கி கீழே விழுந்து வலிப்பு வந்து கிடந்தார். என்ன செய்வது என்று தெரியவில்லை. கையில் இருந்த சாவிக்கொத்தை கொடுத்தேன். பின்னால் வந்தவர் அவர் கையில் இருந்த பெரிய இரும்பு ராடை கொடுத்தார். கொஞ்ச நேரம் கழித்து அவரின் வலிப்பு நின்றது. அது தானாக நின்றிருக்கவேண்டும் என்று இப்போது தெரிகிறது. (அவர் கதை பெரிய சோகக்கதை. யாரோ ஒரு திருடன் அவரின் மூன்று சக்கர ஸ்கூட்டியை திருடிவிட்டான். இப்போது தான் கடனில் வண்டி வாங்கி ட்யூ கட்டிக்கொண்டிருக்கிறார். காவல் நிலையத்துக்கு செல்ல, ரொம்ப நாள் கழித்து, வெறும் வயிற்றில், கீழ் கட்டளையில் இருந்து பல்லாவரம் காவல் நிலையத்திற்கு சைக்கிளை மித்தித்தவாறு சென்றுகொண்டிருந்தார். ஸ்கூட்டி அவருக்கு கிடைத்ததா என்று தெரியவில்லை)

      • //வலிப்பு வந்தால் கையில் இரும்பை கொடுத்தால் வேலைக்கு ஆகாதா? இப்ப தான் எனக்கு தெரியுது.// எப்பேர்பட்ட வலிப்பாக இருந்தாலும் அதிக பட்சம் இரண்டு நிமிடங்களுக்கு மட்டுமே நீடிக்கும். கையில் இரும்பை கொடுத்தாலும் சரி, கொடுக்காவிட்டாலும் சரி. உண்மையில் வலிப்பு வந்தவர்களுக்கு செய்யும் முதலிவி ‘கையில் இருமபினை கொடுப்பது’ அல்ல. அது வேறு சமாச்சாரம். இதற்கு முறையாக முதலுதவி கல்வி பயின்றிருக்க வேண்டும். எப்போதாவது நேரம் கிடைத்தால் இங்கு பகிர்ந்துகொள்கிறேன்.

        • நான் 108 ஆம்புலன்ஸில் பணிபுரியும்போது இதேபோல் ஒருவருக்கு வலிப்பு என்று அழைப்பு வந்தது அங்கே சென்று பார்க்கும்போது இருவர் இரும்போ, சாவியோ தேடிக்கொண்டிருந்தனர் பின்பு இருவரும் கிட்டதட்ட 50மீ தொலைவிலுள்ள பூட்டப்பட்டிருந்த ஒரு பைக்கை மல்லுக்கட்டாக தூக்கிகொண்டுவந்து கீழே தள்ளி அவர்கையில் தினித்து அவர்கள் கையையும் சேர்த்து பிடித்தனர். வலிப்போடு இருந்ததை இரத்தகாயம் ஏற்படுத்திவிட்டனர், எவ்வளவு தடுத்தும் எங்களால் ஒன்றும் செய்யமுடியவில்லை. ஒரு சில நிமிடத்தல் வழிப்பு நின்றது, பின் அந்த ‘குடி’மகன்கள் சென்றுவிட்டனர்.

          ஆனால் யாரும் மறந்துக்கூட இரும்பால் ஆன சில்லரைகாசை கொடுப்பதில்லை.

  3. இன்னும் சற்று விளக்கமாக உதாரணத்துடன் கூறுங்கள்.,

    எவ்வாறு கடவுள் இல்லை என்று மக்களை நம்ப வைப்பது. அவ்வாறு அவர்கள் உணர்ந்தால் தான் உண்மையான பிரச்சனைகள் மற்றும் அதன் பின்னணி பற்றி புரிந்து நம்முடன் இணைந்து போராடுவார்க்ள்.

    • கடவுள் இல்லை என்று தனியே வலியுறுத்துவதை விட, வாழ்க்கை பிரச்சினைகளுக்கு யார் காரணம், எது தீர்வு என்று எளிமையாக புரிய வைப்பதன்மூலம் ஒரு ஆத்திகரிடம் கடவுள் குறித்த அலசலை ஏற்படுத்த முடியும். நீங்கள் கூறியிருக்கும் கருத்தை திருப்பி போட்டு பாருங்கள அதுவே சரியாக இருக்கும். கடவுள் இல்லை என்று உணர்த்துவதன் மூலம் ஒருவருக்கு சமூகக் கல்வி அளித்து விட முடியாது. சமூகக் கல்வியை நடைமுறையுடன் கடைபிடிக்க வைப்பதன் மூலமே கடவுள் நம்பிக்கையை அவரது சொந்தட அனுபவத்தில் கேள்வி கேட்க வைக்க முடியும்.

      • வினவு,

        பாட்டாளி வர்க்க புரட்சிக்கு கடவுள் மறுப்பு பிரச்சாரம்தான் பிரதானமானது என்பதாக சில இடதுசாரிகள் கூறுகிறார்கள் இது சரியா?

        • இப்படி எந்த கம்யூனிஸ்ட் கட்சி கூறியிருக்கிறது? அப்படி கூறியிருந்தால் தவறு. அதே நேரம் நாத்திகப் பிரச்சாரம் என்பது வர்க்க போராட்டத்தின் நலன்களுக்கு உட்பட்டு செய்யவும் வேண்டும். இந்தியாவில் அதன் தேவை இன்னும் அதிகமாகவே உள்ளது. ஏனெனில் இங்கு பார்ப்பனிய இந்து மதம் என்பது வெறுமனே கடவுள் நம்பிக்கை என்பதைத் தாண்டி சாதி, மொழி, பண்பாட்டு ஆதிக்கமாகவும் உள்ளது. அதனுடைய தொடர் விளைவாக பெரும்பாலான மக்கள் விதிவசம் என்று எண்ணியவாறு தமது வாழ்க்கைப் பிரச்சினைகளை சகித்துக் கொண்டு வாழ்வதும் இருக்கிறது. இத்தகைய பார்வை போலிக் கம்யூனிஸ்டுக் கட்சிகளிடம் இல்லை என்பதால் அவர்கள் எப்போதும் நாத்திகப் பிரச்சாரமோ, பார்ப்பனிய எதிர்ப்பு போராட்டமோ செய்வதில்லை. அதே நேரம் வர்க்க போராட்டத்தின் அடிப்படை இன்றி தி.க பாணியிலானா வறட்டு நாத்திகப் பிரச்சாரமும் பெரும்பான்மை மக்களை கவராமல் தனிமைப்படுவதையும் பார்க்கிறோம். இதுவும் தவறுதான். இவையிரண்டும் தவிர்க்கப்படவேண்டிய இரு துருவங்கள்.

          • அதே நேரம் வர்க்க போராட்டத்தின் அடிப்படை இன்றி தி.க பாணியிலானா வறட்டு நாத்திகப் பிரச்சாரமும் பெரும்பான்மை மக்களை கவராமல் தனிமைப்படுவதையும் பார்க்கிறோம்.

            தி.க வோடு சேர்ந்து அனைத்து முற்போக்கு இயக்கங்களும் அந்த வறட்டு நாத்திகப் பிரசாரம் செய்தால் பெரும்பான்மை மக்களை சென்றடையும் , அதன் மூலம் சாதி ஒழிப்பு வேகபடுத்தபட்டு சமூகத்தில் சமத்துவம் நிலவும். வெறும் வர்க்க போராட்டம் ஏழை தாழ்த்தப்பட்டவனை பணக்கார தாழ்த்தபட்டவன் கூட மதிக்காத நிலை தான் உருவாகும்.இதுதான் நடை முறையில் நாம் காண்பது.

  4. அருமையான விளக்கம். சில நாத்திகவாதிகள் இருக்கிறார்கள், இவர்கள் தாங்கள் நாத்திகம் பேசுவாதலேயே தங்களை மக்களை விட எல்லாம் அறிந்த பகுத்தறிவுவாதிகளாக எண்ணிக்கொள்கின்றனர். இவர்கள் சகட்டுமேனிக்கு கடவுளை நம்பும் மக்களை இழிவுபடுத்த தயங்குவதில்லை. இவர்களைப் போன்றோர் நிச்சயம் படிக்கவேண்டிய பதிவு.

    • அன்புள்ள GV,
      வினவு மின்னஞ்சலுக்கோ அல்லது அலைபேசிக்கோ தொடர்பு கொள்க
      தோழமையுடன்
      வினவு

  5. கடவுள் நம்பிக்கை, மதம் பற்றிய உங்கள் கருத்துகளில் எனக்கு மாறுபாடு இருந்தாலும், தன்னளவில் இந்தக் கட்டுரை கடவுள் நம்பிக்கைக்கு எதிராக சமூக அறிவியல் அடிப்படையிலான கம்யூனிஸ்ட் அறிக்கை போன்று இருக்கிறது.

  6. நான் கடவுளைப் பார்த்தேன். உலகத்திலேயே முதன் முறையாக, அதுவும் நேரடியாக. நேருக்கு நேர் நின்று பேசினேன். நான் மட்டுமல்ல. சாட்சிகளாக என்னுடன் இன்னும் இரண்டுபேர். இது நடந்தது சென்ற வாரம் வியாழக்கிழமை, காலை ஆறு பத்துக்கு. அண்ணாச்சி மளிகைக் கடையில் வைத்து கடவுளை நேருக்கு நேராக நாங்கள் பார்த்தோம்.

    நான் ஏதோ கதை புனைவதாக நினைத்துக்கொள்ள வேண்டாம். இட்டுக்கட்டி சொல்வதாகவும் கருதவேண்டாம். அல்லது இந்த ஆள் எப்பவும் நாத்திகம் பேசுகிற ஆள்தானே, சும்மா புருடா விட்டு கலாட்டா செய்கிறான் என்றும் நினைக்கவேண்டாம். ஏனெனில் இந்தச் செய்தி உங்களுக்கு அண்டப்புளுகாகத் தெரியலாம். ஆனால் பார்த்ததற்கான சாட்சிகள் இருப்பதால், மற்ற கடவுளைப் பார்த்த ‘கதைகள்’ போல, இதை நீங்கள் ஒரேயொரு சதவிகிதம் கூட மறுக்க முடியாது. நான் கடவுளை நேரில் பார்த்தேன் என்பதனால் சிரிக்கவோ, கோபப்படவோ, அல்லது நிதானம் தவறிவிடவோ வேண்டாம். நம்புங்கள்.
    http://puthiyapaaamaran.blogspot.in/2011/11/blog-post_18.html

  7. கருப்பு, வெள்ளைக்கு நடுவிலும் இரு வண்ணங்களும் இணைந்த வண்ணப்பிரிவுகள் நிறைய உண்டு. கடவுள் உண்டு, இல்லை எனும் இரு விஷயங்களுக்குமிடையில் பல்வேறு தளங்களில் நிற்கும் மக்கள் பலருண்டு.

  8. //நாத்திகவாதியாகவோ பகுத்தறிவுவாதியாகவோ இருப்பது மட்டுமே மாபெரும் தகுதி அல்ல. ஒருவர் தான் கொண்டிருக்கும் சமூக உறவில் என்ன வகையான பாத்திரத்தை வகிக்கிறார், மக்கள் நலன் சார்ந்து என்ன பண்பாட்டு விழுமியங்களைக் கொண்டிருக்கிறார் இவைகளின் அடிப்படையில் சமூகத்தை எவ்வாறு எதிர்கொள்கிறார் என்பதும், அவரது சொந்த வாழ்க்கையில் சமூகத்தைப் பற்றிய அவர் கொண்டிருக்கும் மதிப்பீடுகள் எவ்வாறு எதிரொலிக்கிறது என்பதுவுமே முக்கியமானது.//

    உண்மையான வரிகள்… மிகவும் அருமை.

  9. கடவுள் நம்பிக்கையின் அடிப்படை பாதுகாப்பின்மையில் தான் தொடங்குகிறது, தன்னை சுற்றீ பல வட்டங்களை போட்டு கொண்டுள்ள மனிதன் அந்த வட்டங்களே தனக்கு பாதுகாப்பு என நினைக்கிறான், எனது குடும்பம், எனது ஊர், எனது சமூகம், எனது நாடு, எனது மதம் என வட்டம் பெரிதாகி கொன்டே போகிறது, ஆனால் உலகமே சிறு கிராமமாக மாறிக்கொன்டிருக்கும் இக்காலத்தில் தனி மனிதன் தானே உலகம் என சுயநலம் கொண்டாடும் போது வட்டங்கள் வலு இழப்பதும் நடக்கும்

  10. விளக்கம் ஏற்றுக்கொள்ளக்கூடியதாக இல்லை… மேலும் ஆத்திகர்கள் சொன்ன நாத்திகர்கள் என்ற வார்த்தையை கடவுள் மறுப்பவர்களும் கூறுவது மறைமுகமாக அவர்களை ஆதரிப்பதாக தான் எனக்கு தோன்றுகின்றது. மேலும் கடவுள் மறுப்பு கொள்கை உடையவன் பகுத்தறிவாளன் என்பதும் வேடிக்கையானது. பகுத்து ஆராய்வதை கடவுள் எனும் கருத்திலும் பயன் படுத்துங்கள் என்பது தான் சரியானதாய் இருக்கும்மென நினைக்கின்றேன்.

  11. கடவுள் நம்பிக்கையில் குழர்ப்பத்துடன், ஆரம்ப நிலையில் இருப்பவர்களுக்கு மிகவும் பயனுள்ள கட்டுரை.

  12. மிக மிக சிறந்த கட்டுரை
    நான் படித்த வரையில் “கடவுள் நம்பிக்கை” குறித்த மிக தெளிவான பார்வை
    நன்றி வினவு

  13. தனிப்பட்ட விருப்பம்,கடவுள் நம்பிக்கை போன்றவை அனைத்தும் சமூக உறவின் மீது எப்படி கட்டியமைப்படுகிறது என தெளிவாக கட்டுரை விளக்குகிறது.

    மிக சிறந்த கட்டுரை.
    நன்றி வினவு.

  14. இறைவன் இருக்கிறான் என்று சொல்ல ஒரு ஆத்திகனுக்கு உரிமை இருப்பது போல்,இல்லை என மறுக்கும் உரிமை ஒரு நாத்திகனுக்கு உண்டு.

  15. இங்கு கடவுள் இல்லை என்று சொல்லுபவர் பலர் ..நானும் அவ்வாறுதான் சொல்லிகொடு இருதேன் ….ஆனாலும் என்னிடம் ஒரு ஜாதி சான்றுதல் இருத்தது..
    இங்கு பதில் தந்த எல்லோரும் அப்படிதானா!!!!!!….

  16. யாரு சொன்னது நாத்திகவாதி அறிவாளி என்று ? ஒன்றும் இல்லாமல் சூனியத்திலிருந்து தானாகவே இந்த பிரபஞ்ச அதிசியங்கள் தோன்றியது என்று சொல்லிக்கொண்டு திரியும் நாத்திகவாதிகளைவிட இவை எல்லாம் படைக்கப்பட்டவையே இவற்றுக்கெல்லாம் வடிவமைப்பாளர் ஒருவன் இருக்கிறான் என்று நம்பும் ஆத்திகவாதிகள் அறிவாளிகளே… அதாவது… படைப்புகளுக்கும் படைத்தவனுக்கும் வித்தியாசம் தெரிந்த ஆத்திகவாதியே அறிவானவன். இவனால் சமுதாயத்திற்கு எந்த கேடும் விளைவதில்லை.

    • எல்லா தரப்பிலும் அயோக்கியனும் இருக்கிறான், நல்லவனும் இருக்கிறான். தமிழர்கள் என்றால் அனைவரும் யோக்கியர்கள் என்று சொல்பவனும், அயோக்கியன் என்றும் சொல்பவனும் முட்டாள்களே… விடுதலை புலிகள் உயிரின் மதிப்பு தெரியாது அப்பாவிகளை கொன்றால் அது வீரம், தியாகம் என்று போற்றப்படும்.இதை சிங்களன் செய்தால் அது சிங்கள பயங்கரவாதம். இப்படி நீங்கள் (வினவு)கூறுவது கூட உங்களின் சுற்றங்களின் சூழலில் உங்களை வார்த்த முறையை தான் காட்டுகிறது. இதை தான் அமெரிக்கனும் செய்கிறான். அவனுக்கு வேண்டியவர்கள் செய்தால் நியாயம் வேண்டாதவர்கள் செய்தால் அநியாயம்.சிங்கள இன மக்களால் அடக்குமுறைக்கு ஆளான மக்கள், சிங்கள இன மக்களால் கலவர பாதிப்புக்குள்ளான மக்கள் தனி ஈழம் கேட்டு போராடினால் அது நியாயம். இதையே இதே நிலை அடைந்த ஒரு குஜராத் முஸ்லீமோ அல்லது காஷ்மீரியோ இப்படி போராடினால் ஏற்றுகொள்வோமா ?
      ஆக பிரச்சனைகள் என்பது நியாய அநியாயத்தை வைத்தே முடிவெடுக்கணும். நீங்கள் கேட்ட கேள்வி நாத்திகர்களிடமும் பொருந்தும். பிறகு எதற்கு ஆத்திக வாதிகளால் மட்டும் சமுதாய கேடு என்று வினவு தன மேதாவித்தனத்தால் சுற்றி வளைக்கிறீர்கள்? நீங்களும் உங்கள் சுற்றத்தால் வார்க்கப்பட்ட அடுத்தவர்களை நொட்டை சொல்லும் சராசரி மனிதர்களே ..

    • யார் ஆத்திகன்?, யார் நாத்திகன்?

      நுட்பமாக பார்த்தால், இயற்கையின் விதிகளே கடவுள். இயற்கையின் விதிகளை புரிந்து கொண்டவன் கடவுளை புரிந்து கொண்டவன் ஆகிறான். இயற்கையின் விதிகளை புரிந்து கொண்டு மீறாமல் ஒத்திசைந்து வாழ்பவன் கடவுளை வணங்குபவனாகிரான். இதற்கு எந்த மதமோ,ஆலயமோ தேவை இல்லை.
      அந்த வகையில் (கடவுளை)இயற்கையை , அதன் விதிகளை அல்லது புதிர்களை புரிந்துகொள்ள முயற்சிப்பது என்பதே பகுத்தறிவு.

      இயற்கைக்கு எதிராக இயங்குபவர்கள் எல்லோரும் கடவுளை மிதிப்பவர்கள் அல்லது இழிப்பவர்கள் ஆகிறார்கள்.இயற்கைக்கு எதிராக இயங்குவதன் மூலம் (eg, global warming)நாம் அனைவரும் (ஒரு சமுகமாக) கடவுளை வணங்க மறுக்கிறோம் என்பதே உண்மை.

  17. “வாழ்நிலைதான் சிந்தனையை தீர்மானிக்கிறது” என்கிற மேற்கோளையும், “அறியாமையும் இயலாமையும்தான் மூடநம்பிக்கைகளுக்கு அடிப்படை” என்கிற மேற்கோளையும் நாம் இங்கே கணக்கில் எடுத்துக் கோள்ள வேண்டும்.

    தெளிவான மிகச் சிறந்த படைப்பு. இது போன்ற படைப்புகள் அதிகம் வரவேண்டும் என்பதே எனது அவா. வினவுக்கு வாழ்த்துகள்!

  18. மிகவும் அருமையான கேள்வி பதில். ஆத்திகத்தையும், நாத்திகத்தையும் சமூக நடைமுறையில் இருந்துதான் புரிந்து கொள்ள வேண்டும் என்பதற்கான சரியான வழிகாட்டல். எனக்கு புரியும் படியும், உதவியாகவும் இருந்தது.

  19. கடவுள் , மதம் குறித்து மேலும் அறிய ” மதம்- ஒரு மார்க்சியப் பார்வை” என்னும் நூலைப் படிக்கலாம். இந்நூல் கீழைக்காற்று வெளியீட்டகத்தில் கிடைக்கும். இந்நூலில் முற்போக்கு, ஜனநாயகவாதிகள் மத்தை எப்படிப் பார்க்க வேண்டும் எனபது குறிததும், மதம் குறித்து ஒரு கம்யூனிஸ்ட் கட்சியின் நிலைப்பாடு என்னவாக இருக்க வேண்டும் என்பது குறித்தும் தெளிவாக விளக்கப்பட்டுளளது.

  20. ”மனிதர்களின் அன்றாட வாழ்க்கையைப் புறவுகைச் சேர்ந்த பல சக்திகள் கட்டப்படுத்துகின்றன. இந்தச் சக்திகள் மனிதனின் மனங்களில் பல கற்பனைகளாக, மாயத் தோற்றங்களாகப் பிரதிபலிக்கின்றன. எல்லாச் சமயங்களும் இந்தப் பிரதிபலிப்பேயன்றி வேறெதுவும் இல்லை. இந்தப்பிரதிபலிப்பில் மண்ணுலகச் சக்திகள் இயற்கைக்கு அப்பாற்பட்ட சக்திகளாக வடிவெடுக்கின்றன……….வெறும் அறிவால் மட்டுமே சமுதாயத்தின் கட்டுப்பாட்டிற்குள் சமுதாயச்சக்திகளை கொணர முடியாது. எல்லாவற்றிற்கும் மேலாக இதற்குத் தேவைப்படுவது ஒரு சமுதாயச் செயலே………..அப்பொழுதுதான் சமயவடிவில் பிரதிபலித்து நிற்கும் கடைசிப் புறம்பான சக்தி மறையும்; பிரதிபலிப்புக்கு எதுவுமே மீந்து இராது என்கிற எளிய காரணத்தால், சமய வடிவப் பிரதிபலிப்பும் அதனுடன் மறையும்.”

    “சமயம் பற்றி” என்கிற நூலில் ஜார்ஜ் தாம்சன் அவர்கள் கையாண்டுள்ள எங்கெல்ஸ் மேற்கோளின் ஒரு பகுதி இது. இந்த நூல் சமயம் பற்றி மேலும் பல விவரங்களைத் தருகிறது.

  21. இலங்கைப் பிரச்சினைக்கும், அமெரிக்காக் காரன் வெவ்வேறு நாடுகளிலும் புகுந்து அட்டகாசம் செய்வதற்கும், இறை நம்பிக்கைக்கும் என்ன சம்பந்தம்……… இடத்தை நிரப்ப வேண்டுமென்பதற்க்காக எதை வேண்டுமானாலும் எழுதுவதா??? என்ன கொடுமை வினவு இது??

    • தாஸ் எப்படி இருக்கீக்கங்க? நீங்கள் மேற்கோளிட்ட கருத்து எந்தக்கருத்தும் தனிப்பட்ட முறையில் சுயம்புவாக ஒரு மனிதனிடம் தோன்றவில்லை என்பதற்க்காக சொல்லப்பட்டது. அதன்படி இறை நம்பிக்கையும் சுயம்புவாக வராது.வெளியிலிருந்தே ஒருவருக்கு வருகிறது – இதில் என்ன பிரச்சினை?

  22. \\ஒரு குழந்தை பிறக்கும் போதே இந்துவாகவோ, முசுலீமாகவோ, கிருத்துவனாகவோ பிறப்பதில்லை. அதன் பெற்றோரும், அதனைச் சுற்றியமையும் சமூகமுமே அதற்கு ‘கடவுளை’ அறிமுகம் செய்து வைக்கின்றனர்.\\ அது சரி, மதங்கள் எல்லாமே தப்புன்னே வச்சுகிடுவோம், நீங்க கண்டு பிடிச்ச நாத்தீகம் மட்டும் என்ன தாயின் கருவறையிலேயே கத்துகிட்டு வெளியில வந்து போதிச்சிட்டு இருக்கீங்களா? மதவாதிகள் கடவுள் இருக்கார்னு நிரூபிக்கவில்லை என்றால், கடவுள் இல்லை என்பதை நீங்கள் நிரூபித்து விட்டீரோ? நீரும் ஒரு சாமானிய மனிதர்தானே உமது கொள்கைகள் மட்டும் பிழையே இல்லாமல் இருக்கும் என்று என்ன உத்திரவாதம்?

    • என்ன தாஸ் இவ்வளவு பதட்டமடைகிறீர்கள்? நீங்கள் சொன்னது என்னவெனில் நாங்கள் மட்டும் பிழை செய்யவில்லை, நீங்களும்தான் என்று எழுதுவதன் மூலம் தோல்வியை ஒப்புக் கொண்டது போலல்லவா ஆகிறது. நீங்கள் தோல்வியடையாமல் விவாதிக்கவே விரும்புகிறோம்.

      • \\நாங்கள் மட்டும் பிழை செய்யவில்லை, நீங்களும்தான் என்று எழுதுவதன் மூலம் தோல்வியை ஒப்புக் கொண்டது போலல்லவா ஆகிறது. \\ஆன்மிகம், இறை நம்பிக்கை மனிதன் கண்டுபிடித்தது, அதனால் அது பிழையானது என்றால், நாத்தீகமும் உங்களைப் போல உண்ட உணவு செரிக்க வில்லை என்று எவனோ வேலையற்றவன் கண்டுபிடித்தது தானே, அது பிழையற்றது என்று உங்களால் எப்படிச் சொல்ல முடியும்? [தயவு செய்து தவறான அர்த்தம் கற்ப்பிப்பதை நிறுத்துங்கள் வினவு.]

  23. \\ஆனால் கடவுள் நம்பிக்கை என்பது சோதித்தலுக்கும் கேள்விகளுக்கும் அப்பாற்பட்டதாய் இருக்கிறது.\\ நாத்தீகத்தின் மூலம் கடவுள் இல்லை என்று டெஸ்டு பண்ணி முடிவு கொடுத்திட்டீங்களா? எல்லா அறிவியலாளர்களும் நாத்தீகர்கள் இல்லை. சொல்லப் போனால் அறிவியல் மூலம் இறைவன் இருக்கிறானா இல்லையா என்பதை நிரூபிக்கவே முடியாது. வரலாற்றில் மிகச் சிறந்த அறிவியலாளர் ஐன்ஸ்டீன், அவரே இறை நம்பிக்கை கொண்டவராக இருந்தார்.

    • இது மிகவும் எளிமையான விசயம் தாஸ். கடவுள் மனிதனை படைக்கவில்லை. மனிதன்தான் கடவுளைப் படைத்தான். இதை புரிந்து கொண்டால் அறிவியலை எல்லாம் ஏன் வம்புக்கு இழுக்க வேண்டும்?

  24. \\ஆனால், கடவுளைத் துதிக்கும் போது மட்டும் ஒருவர் தினசரி திரும்பத் திரும்ப தனது நம்பிக்கையையும் விசுவாசத்தையும் கிளிப்பிள்ளையைப் போல் ஓதிக் கொண்டேயிருக்கிறார்.\\ அதிலென்ன தப்பு?

    • எனக்கு எப்போதும் சந்தேகமோ, கேள்விகளோ, ஐயமோ வரக்கூடாது என்பதை நிபந்தனையாக வைத்து விட்டு ஓதுவதுதான் பிரச்சினை.

      • \\எனக்கு எப்போதும் சந்தேகமோ, கேள்விகளோ, ஐயமோ வரக்கூடாது என்பதை நிபந்தனையாக வைத்து விட்டு ஓதுவதுதான் பிரச்சினை.\\ அறிவியலில் எல்லாத்தையும் நீங்க விளக்கிட்டீங்கலாக்கும். காமடி பண்ணாதீங்க பாஸ்….. ஆற்றல் அழிவின்மை விதி உண்மை [Energy can neither be destroyed, nor created, one form of energy can be converted into another form] என்றால் பிரபஞ்சத்தின் ஆற்றல் எப்படி வந்தது…??? கேமராவைப் படைக்க டிசைனர் வேண்டுமென்றால் நம் கண்கள் தானாக உருவாகியிருக்குமா? டயாலிசிஸ் செய்ய ஒரு பெரிய அறை சைசுக்கு எந்திரங்களும் அறை டசன் டாக்டர்களும் மூணு டசன் நர்சுகளும் வேண்டுமென்றால் அதே வேலையை கைபிடிக்குள் அடங்கும் கிட்னி செய்கிறதே, அது தானாக உருவாகியிருக்குமா? உங்கள் வீட்டில் தண்ணீரை மொட்டை மாடித் தொட்டிக்கு அனுப்பும் மோட்டாரை உருவாகியது ஒரு தொழிற்ச்சாலை என்றால் இதயம் என்ற நூறு வருஷத்துக்கும் மேலாக பழுதாகாமல் வேலை செய்யும் பம்பு சும்மா உருவாகியிருக்குமா? இந்த மாதிரி கேள்வி கேட்டால் வாயை மூடு என்பதைத் தவிர வேறு எந்த பதிலையும் இந்த ஈர வெங்காய விஞ்ஞானிகள் சொல்வதே இல்லையே அது ஏன்? சங்கதி இப்படி இருக்க, இறை நம்பிக்கையாளனுக்கு ஒண்ணுமே தெரியாது, நாங்க எல்லாத்தையும் வெளக்கோ வெளக்குன்னு வேலகிட்டோம்னு புருடா விடுவது எதற்கு?

        • தாஸ், மீண்டும் பதட்டமடைகிறீர்கள். இன்றைய வாழ்க்கை எல்லாம் உழைக்கும் மக்களும் அறிவியலாளர்களும் உருவாக்கியது. கடவுளை மனிதன் தோற்றுவித்த காலத்தில் பசி,பஞ்சம், பட்டினி, கொள்ளை நோய் என்று அதற்கு தீர்வு காண முடியாமல்தான் கடவுளை தோற்றுவித்தான். இன்றும் இத்தகைய வாழ்க்கை பிரச்சினைகளுக்கு காரணம் அநீதியான இந்த முதலாளித்துவ சமூக அமைப்பு. நீங்களே ஒத்துக் கொள்ளும் இந்த அநீதியான சமூக அமைப்பை மாற்றுவதற்கு ஒரு பக்தன் முறையில் என்ன செய்ய முடியும்? அநீதிகளை காணாமல், அதை நிறுத்த வழியில்லாமல் கண்மூடி இல்லாத கடவுளை பிராத்திப்பது ஒன்றைத் தவிர வேறு வழி இருக்கிறதா அருமை தாஸ்?

          • \\கடவுளை மனிதன் தோற்றுவித்த காலத்தில் பசி,பஞ்சம், பட்டினி, கொள்ளை நோய் என்று அதற்கு தீர்வு காண முடியாமல்தான் கடவுளை தோற்றுவித்தான்.\\ இயற்கையின் படைப்பில் எந்த ஒரு இனமும் அளவுக்கு அதிகமாகப் பெருகும் போது அதன் எண்ணிக்கையைக் குறைக்க சில கட்டுப்பாட்டு முறைகள் உள்ளன. அவைதான் இவை. அப்படியே கூண்டு கூண்டாகச் செத்தாலும் ஐம்பது வருடத்துக்கு முன்பு வரை கூட எண்ணற்ற உயிரினங்கள் காப்பற்றப் பட்டுத்தான் வந்திருக்கின்றன. ஆனால் உங்கள் விஞ்ஞானம் வளர்ந்து சாதித்தது என்ன? இன்றைக்கு நாட்டில் காங்கேயம் காளைகள் கூட “Endangered Species” -ல் சேர்ந்ததுதான் மிச்சம். வயித்தெரிச்சலைக் கிளப்பாதீங்க சார்.

            • இந்த உலகம் இயற்கையில் படைப்பில் தோன்றியிருக்கிறது என்ற அளவுக்கு புரிந்து கொண்டமைக்கு மகிழ்ச்சி. நீங்கள் சென்னையில் இருக்கிறீர்கள் என்றால் இது குறித்து நேரில் சந்தித்து பேசலாமே? எழுதித் தீருகின்ற விசயமா இது?

              • \\இந்த உலகம் இயற்கையில் படைப்பில் தோன்றியிருக்கிறது என்ற அளவுக்கு புரிந்து கொண்டமைக்கு மகிழ்ச்சி.\\ இயற்க்கை என்றால் யாரோடது? இறைவனால் உருவாக்கப் பட்டது. படைப்பு என்று இருந்தால் படைத்தவன் இருப்பான் என்பது பாமரனுக்கும் புரியும், ஆனால் மெத்தப் படித்த உங்களுக்கு புரியாதது என்? மனசாட்சிக்கு விரோதமாக நீங்களாக உருவாக்கிக் கொண்ட நியாயமற்ற நாத்தீகம். உங்களை நேரில் சந்திப்பதில் எனக்கு ஒன்றும் பிரச்சினை இல்லை, ஆனால் நீங்கள் உங்களுக்கென்று ஒரு கற்பனையை உருவாக்கி இல்லாத வழியை உருவாக்கி கொண்டு விட்டீர்கள், யார் சொல்லியும் அதை நீங்கள் மாற்றிக் கொள்ளப் போவதில்லை. சந்திப்பதால் என்ன பயன் இருக்கப் போகிறது?

                • அப்படி இல்லை, தாஸ். நாம் சந்திப்பதின் மூலம் இந்த விசயத்தை விரிவாக பகிர்ந்து கொள்ளலாம். இந்தக் கட்டுரையில் இறைநம்பிக்கைதான் சமூகப் பிரச்சினையை தோற்றுவித்தது என்று எங்கும் கூறவில்லை. ஒரு நபரிடம் இருக்கும் சமூக உணர்வே பிரதானமன்றி அவரது மத நம்பிக்கை இரண்டாம் பட்சமானதுதான் என்றுதான் கட்டுரை கூறுகிறது. அதே போல சமூகப்பிரச்சினைகளை எதிர்த்துப் போராடுவதற்கு அந்த நம்பிக்கை இடையூறாக இருக்க கூடாது இருந்தால் அது விமரிசிக்கப்படக்கூடியது என்றுதான் சொல்கிறோம். அதனால் சமூக அக்கறை கொண்ட ஆத்திகரையும், சமூக விரோதமான நாத்திகர்களையும் இந்தக் கட்டுரை சான்றுகளாக கூறுகிறது. அது உங்களுக்கு புரியவில்லையா?

                • “ஆனால் நீங்கள் உங்களுக்கென்று ஒரு கற்பனையை உருவாக்கி இல்லாத வழியை உருவாக்கி கொண்டு விட்டீர்கள், யார் சொல்லியும் அதை நீங்கள் மாற்றிக் கொள்ளப் போவதில்லை”…….
                  உங்களுக்கான பதில் உங்களிடத்திலேயே ….தயவு செய்து இதுவும் கடவுள் செயல் என்று சொல்லாதிர்கள்

          • \\ இன்றும் இத்தகைய வாழ்க்கை பிரச்சினைகளுக்கு காரணம் அநீதியான இந்த முதலாளித்துவ சமூக அமைப்பு. நீங்களே ஒத்துக் கொள்ளும் இந்த அநீà ��ியான சமூக அமைப்பை மாற்றுவதற்கு ஒரு பக்தன் முறையில் என்ன செய்ய முடியும்? அநீதிகளை காணாமல், அதை நிறுத்த வழியில்லாமல் கண்மூடி இல்லாத கடவுளை பிராத்திப்பது ஒன்றைத் தவிர வேறு வழி இருக்கிறதா அருமை தாஸ்?\\ நீங்கள் இரண்டு வெவ்வேறான விஷயங்களை போட்டு படிப்பவர்களைக் குழப்புகிறீர்கள். இறை நம்பிக்கையால்தான் இந்தியாவில் சமூகப் பிரச்சினைகள் நிலவுகின்றன என்பது உங்கள் தியரி என்றால், உலகில் இன்னின்ன நாடுகள் நாத்தீகத்தை கடை பிடித்து சுபிட்சமாக வாழ்கின்றன என்றும், இன்னின்ன நாடுகள் இறை நம்பிக்கையால் நாசமாகிப் போயின என்றும் ஆதாரங்களோடு நிரூபிக்க வேண்டு. நீங்கள் அவ்வாறு செய்ய வில்லை. வெறுமனே இறை நம்பிக்கை மீது எல்லா பழியையும் போடுவது எவ்விதத்தில் நியாயம் ஐயா? இந்தியாவில் நடப்பது மக்களாட்சி, ஆட்சி செய்பவர்கள் கூடுமான வரை மக்களை முட்டாளாக்கி ஏமாற்றி வருகிறார்கள். கொள்ளையடிக்கப் படுவது நமது பணம் தான் என்று கூட யாருக்கும் தெரியவில்லை. ஒரு வேலை உணவும், கொஞ்சம் காசும் கொடுத்தால் எந்தக் கழுதைக்கு வேண்டுமானாலும் ஓட்டுப் போட ரெடியாக உள்ளார்கள். இவர்களுக்கு விழிப்புணர்வு வந்தாலே போதும் எல்லா பிரச்சினைகளும் தீரும், அது நடக்காத மாதிரி பார்த்துக் கொள்வதில்தான் இன்றைய ஊழல் பெருச்சாளிகளின் வெற்றியாக இருக்கிறது. மற்றபடி, இறை நம்பிக்கைக்கும் இதற்கும் எந்த சம்பந்தமும் இல்லை, ஐன்ஸ்டீன் போன்ற விஞாநிகளிடமே இறை நம்பிக்கை இருந்தது, உலகில் பணக்கார நாடுகளிலும் இறை நம்பிக்கை இருக்கிறது, பிரச்சினைக்கு தீர்வு வேறு எங்கோ இருக்கிறது, வீணாக இறை நம்பிக்கையின் மேல் குற்றம் சட்டி மக்களின் இருக்கும் நிம்மதியையும் கெடுக்காதீர்கள் என்பதே என் வேண்டுகோள்.

            • தாஸண்ணா,
              இதெல்லாம் ஏற்கெனவே முன்பொரு கட்டுரையில் நாம் பேசியதுதானே! மறுபடியும் அதையே பேச போரடிக்கலையா? 🙂

              • \\இதெல்லாம் ஏற்கெனவே முன்பொரு கட்டுரையில் நாம் பேசியதுதானே!\\ அப்போது தோற்கடிக்கப் பட்ட அதே கருத்துகளை திரும்பவும் பதிவாக போடும்போது, மீண்டும் நினைவுபடுத்த வேண்டியிருக்கிறது. மேலும் நாம் பதிவுகளைப் படித்து அதற்க்கு தகுந்தவாறு பின்னூட்டம் போடுகிறோம், யாருக்கு என்னென்ன எழுதுகிறோம் என்று Track செய்வதில்லை. அதனால் தான்.

                • தோற்கடிக்கப்பட்ட கருத்துகளா!!!! ஹா..ஹா.. நல்ல நகைச்சுவை.
                  நாம் வேறுபடுகிறோம் என்பதை ஒத்துக்கொள்வோம் என்று கூறிவிட்டு நம் விவாதத்திற்கு முற்றுப்புள்ளி வைத்தேன். ஏனெனில் லூப் போன்று சுற்றிக்கொண்டே இருந்த தர்க்கம் அது. இந்தப் பதிவிற்கான உங்களது பதில்களும் அப்படித்தானிருக்கின்றன.

  25. \\ஒருவர் தான் கொண்டிருக்கும் சமூக உறவில் என்ன வகையான பாத்திரத்தை வகிக்கிறார், மக்கள் நலன் சார்ந்து என்ன பண்பாட்டு விழுமியங்களைக் கொண்டிருக்கிறார் இவைகளின் அடிப்படையில் சமூகத்தை எவ்வாறு எதிர்கொள்கிறார் என்பதும், அவரது சொந்த வாழ்க்கையில் சமூகத்தைப் பற்றிய அவர் கொண்டிருக்கும் மதிப்பீடுகள் எவ்வாறு எதிரொலிக்கிறது என்பதுவுமே முக்கியமானது.\\ இதென்னா கம்யூனிசானந்தாவின் போதனைகளா? இப்படித்தான் சமூகம் இருக்க வேண்டும், அப்படித்தான் இருக்க வேண்டுமென்று சொல்ல நீங்க யாரு சார்? தமிழகத்தில் ஆட்சிப் பொறுப்பிற்கு வந்த நாத்தீகன் மக்களுக்காக என்னத்தை பிடுங்கினான் என்று சொல்ல முடியுமா? மக்கள் பணத்தை கொண்டுபோய் வெளிநாட்டு வங்கிகளில் போட்டு வைத்துக் கொண்டு, எழி அது இது என்று முதலைக் கண்ணீர் வடித்து என்னத்தற்க்கையா பிரயோஜனம்? [நாத்தீகன் அதை ஏன் செய்தான் என்பது தான் கேள்வி]

    • வினவு பின்வருமாறு பதிலளித்தது தங்களுக்குப் புரியவில்லையா நண்பா?

      //ஒரு நபரிடம் இருக்கும் சமூக உணர்வே பிரதானமன்றி அவரது மத நம்பிக்கை இரண்டாம் பட்சமானதுதான் என்றுதான் கட்டுரை கூறுகிறது. அதே போல சமூகப்பிரச்சினைகளை எதிர்த்துப் போராடுவதற்கு அந்த நம்பிக்கை இடையூறாக இருக்க கூடாது இருந்தால் அது விமரிசிக்கப்படக்கூடியது என்றுதான் சொல்கிறோம். அதனால் சமூக அக்கறை கொண்ட ஆத்திகரையும், சமூக விரோதமான நாத்திகர்களையும் இந்தக் கட்டுரை சான்றுகளாக கூறுகிறது. அது உங்களுக்கு புரியவில்லையா?//

      • \\அதே போல சமூகப்பிரச்சினைகளை எதிர்த்துப் போராடுவதற்கு அந்த நம்பிக்கை இடையூறாக இருக்க கூடாது இருந்தால் அது விமரிசிக்கப்படக்கூடியது என்றுதான் சொல்கிறோம்.\\ மத நம்பிக்கைகள் சமூகப் பிரச்சனைகளை எதிர்த்துப் போராட எந்த விதத்தில் இடையூறாக இருக்கிறது என்று சொல்ல முடியுமா? அண்ணாதுரை ஆட்சிக்கு வந்த பின்னர் எம்.ஜி.ஆர். கருணாநிதி ஆகியோர் தான் தமிழகத்த ஆட்சி புரிந்து வந்திருக்கிறார்கள். இருவருமே நாத்தீகக் கொள்கைகளைக் கொண்டவர்கள் தான். மத நம்பிக்கையில்லாதவர்கள் தான். [எம்ஜிஆர் கோவில்களுக்குப் போனாலும், தனக்கு கடவுள் நம்பிக்கை என்று சொன்னவர்தான்.] மத நம்பிக்கையால் தான் சமூகம் குட்டிச் சுவரானது என்றால், இந்த நாத்தீகர்களால் ஏன் தமிழகத்தை சுபிட்சமாக ஆக்க முடியவில்லை என்று நீங்கள் கூற வேண்டும்.

        • //மத நம்பிக்கைகள் சமூகப் பிரச்சனைகளை எதிர்த்துப் போராட எந்த விதத்தில் இடையூறாக இருக்கிறது என்று சொல்ல முடியுமா?//

          எனது பின்னூட்டம் எண் 33.1 ஐ கவனியுங்கள்.

  26. \\கடவுள் நம்பிக்கை சமூகத்தில் நிலவுவதற்கு ‘தனிப்பட்ட’ விருப்பங்கள் காரணமல்ல. அதன் காரணம் சமூக இயக்கத்தில் உள்ளது. நிலவும் சமூக அமைப்பில் பொருளாதாய வாழ்கையின் ஒவ்வொரு அழைக்கழிப்பிற்கும் முகங்கொடுத்து நாளும் நாளும் நொறுங்குண்டு போனவர்கள் தற்காலிகத் தேறுதலை இல்லாத ஆண்டவனிடம் தேடி ஓடுகிறார்கள். \\ இந்த ஈர வெங்காயக் கதைகள் எல்லாம் எங்களுக்கும் தெரியும். உலகில் வசதி படைத்த எண்ணற்ற நாடுகளில் இறை நம்பிக்கை இருக்கத் தானே செய்கிறது. நீர் சொல்வதுபடிப் பார்த்தால் பணக்கார நாடுகளில் நாத்தீகம் மட்டும்தானே இருக்க வேண்டும்? அரசியவாதியும், அம்பானி மாதிரி மோசடிகளும் மொத்தப் பணத்தையும் பிடுங்கி வைத்துக் கொண்டால் நாடு மக்கள் எங்கே உருப்படுவது? அங்கே குரல் எழுப்புவதை விட்டு விட்டு எவனோ வழிபாட்டுத் தளங்களுக்கு மன நிம்மதிக்குசென்றால் அங்கே வந்து உமது வீர வசனங்களை அவிழ்த்து விடுகிறீரே, நியாயமா இது??

  27. \\யாரொருவர் தமது சொந்த அனுபவத்தில் நேர்மறையில் உணர்ந்து வினையாற்றத் துவங்குகிறாரோ அப்போது அந்தப் போராட்டத்தின் உப விளைவாக கடவுள் இறந்து போகிறார். அந்த இடத்தில் கடவுள் அமர்ந்திருக்கும் அஸ்திவாரக் கல் ஆட்டம் காண்கிறது.\\ அடப் பாவேயன்களா….கடவுளே இல்லைன்னு சொன்னீங்க… இந்தக் கடவுள் எங்கே இருந்துடா வந்தாரு…..

    • கடவுள் எனும் கற்பனை சித்திரம் மறைந்து போகிறது என்ற பொருளில்தானே இங்கு கூறப்பட்டுள்ளது??

      • கடவுள் கற்பனை என்பதே உங்களுடைய நிரூபிக்கப்படாத வெற்றுக் கற்பனை.

  28. \\துன்பங்களின் தோற்றுவாய்கள் அடைக்கப்பட்டு விட்ட தேறுதல் தர யாரும் தேவையில்லை அல்லவா?\\ சரி மக்கா பணத்தை கொடுத்துட்டே… எல்லாம் சுபிட்சமாயிடுச்சுன்னே வச்சிக்கோ… அதுக்கப்புறம் எந்தப் பிரச்சினையுமே வராதா…??? ஒரு சுனாமி போதும், ஒரு சின்னா பூமி அதிர்ச்சி போதும், புயல் கொஞ்சம் வேகமா அடிச்சா போதும்…. உன்னுடைய மணல் கோட்டை காற்றில் பறந்து விடும்…… பிரச்சனைகளை எந்தக் காலாதிலும் ஒரேயடியாக யாராலும் தீர்த்து விட முடியாது. ஒருத்தனை ஒருத்தன் அடிச்சி சாப்பிடுவதை முதலில் நிறுத்துங்க, எல்லா பிரச்சினையும் தீர்ந்துபோய் விடும்.

    • நீங்கள் சொல்லுகின்ற பிரச்சினைகளெல்லாம் 100 வருடங்களுக்கு முந்தைய நிலை போலவா இருக்கிறது? ஏன் தாஸ் இப்படி டல்லா விவாதிக்கீறீங்க?

    • //சரி மக்கா பணத்தை கொடுத்துட்டே… எல்லாம் சுபிட்சமாயிடுச்சுன்னே வச்சிக்கோ… அதுக்கப்புறம் எந்தப் பிரச்சினையுமே வராதா…??? ஒரு சுனாமி போதும், ஒரு சின்னா பூமி அதிர்ச்சி போதும், புயல் கொஞ்சம் வேகமா அடிச்சா போதும்…. உன்னுடைய மணல் கோட்டை காற்றில் பறந்து விடும்…… பிரச்சனைகளை எந்தக் காலாதிலும் ஒரேயடியாக யாராலும் தீர்த்து விட முடியாது. ஒருத்தனை ஒருத்தன் அடிச்சி சாப்பிடுவதை முதலில் நிறுத்துங்க, எல்லா பிரச்சினையும் தீர்ந்துபோய் விடும்.//

      ஒரு சிறு விளக்கம் தந்து விடுகிறேன்

      எல்லா துன்பங்களும் பணத்தால் விளைவதாக இந்த கட்டுரை கூறவில்லை அப்படி பொருள் கொண்டு மிஸ்டர் தாஸ் கேள்விகள் கேட்கிறார் என நினைக்கிறேன்

      பணம் வந்து விட்டால் கடவுள் தேவை இல்லை என்றோ பணம் இல்லை என்பதால்தான் கடவுள் தேவை படுகிறார் என்றோ குறுக்கி பொருள் புரிந்து கொள்ள கூடாது

      பணம் என்கிற ஒரு பரிமாற்ற பொருள் கண்டுபிடிக்கப்படும் முன்பே மனிதன் கடவுளை கண்டு பிடிச்சிட்டான் ஏன்னா கடவுள் அவனுக்கு தேவை பட்டார் .

      ஆனால் அறிவியல் வளரவளர மனிதனின் சுய சிந்தனை வளரும் சுயசிந்தனையை வைத்து சிந்தித்து மக்களுக்கான பிரச்சனைகளோடு தன்னை இணைத்து கொண்டு போராடும் போது அந்த போராட்டத்தின் உடன் விளைவாக கடவுள் இல்லாமல் போகிறார்
      என்று வினவு அழகாக சொல்லி இருக்கிறதை பாருங்கள் .

      ஆக எது முதல் தேவை கடவுள் இருக்கிறார் இல்லை என்பதல்ல முதல் தேவை சமூக மாற்றத்திற்கான சிந்தனை அதற்கான போராட்டம் இவையே

      • \\கடவுள் நம்பிக்கை சமூகத்தில் நிலவுவதற்கு ‘தனிப்பட்ட’ விருப்பங்கள் காரணமல்ல. அதன் காரணம் சமூக இயக்கத்தில் உள்ளது. நிலவும் சமூக அமைப்பில் பொருளாதாய வாழ்கையின் ஒவ்வொரு அழைக்கழிப்பிற்கும் முகங்கொடுத்து நாளும் நாளும் நொறுங்குண்டு போனவர்கள் தற்காலிகத் தேறுதலை இல்லாத ஆண்டவனிடம் தேடி ஓடுகிறார்கள். \\ இதற்க்கு வேறு என்ன அர்த்தம்னு நீங்கதான் சொல்லணும்.

      • \\ஆனால் அறிவியல் வளரவளர மனிதனின் சுய சிந்தனை வளரும் சுயசிந்தனையை வைத்து சிந்தித்து மக்களுக்கான பிரச்சனைகளோடு தன்னை இணைத்து கொண்டு போராடும் போது அந்த போராட்டத்தின் உடன் விளைவாக கடவுள் இல்லாமல் போகிறார் என்று வினவு அழகாக சொல்லி இருக்கிறதை பாருங்கள் .\\ தொழிலதிபர்கள் என்ற பெயரில் பெரும் கொள்ளைக் காரர்கள் உருவானதும், விஞ்ஞான ரீதியாக ஊழல் செய்து லட்சக் கணக்கான கோடி ரூபாய்களை வெளிநாட்டில் பதுக்கி வைப்பதும் அறிவியல் விஞ்ஞானம் வளர்ந்த பின்னர் தான் சாத்தியமாயிற்று என்பதை நீங்கள் உணர வேண்டும். அறிவியலால் விளைந்த ஒரே நன்மை, ஆறு கோடி சனத்துக்கு சொந்தமான சொத்தை ஒரு குடும்பமே கொள்ளையடித்து வைத்துக் கொள்ள வழி வகுத்துக் கொடுத்தது மட்டுமே. ஐம்பது வருடத்திற்கு முன்னர் கூட இது சாத்தியமாயிருக்கவில்லை. அறிவியல் தொழிநுட்பம் வளர்ந்து நாட்டில் நடந்த ஒரே சாதனை விவசாயத்திற்கு இருந்த நிலத்தையெல்லாம் சாப்ட்வேர் தொழிலில் பணம் சேர்த்தவனிடம் ரியல் எஸ்டேட் ஆக்கி விற்றதுதான். அறிவியல் கொண்டு வந்த தொலைக் காட்சி இணையம் இவற்றால் மக்கள் உருப்படியானதை விட சீரழிந்ததே அதிகம். காடுகளை அழித்து, வன விலங்குகளை ஒழித்து, வெறும் கொசுக்களும், கரப்பான் பூச்சிகளும், பெருச்சாளிகளும் சூழ கம கம் வென மணக்கும் சாக்கடையின் வாசனையை நுகர்ந்து கொண்டே தூங்குடா என்று மனிதனை சொல்ல வைத்தது இந்த அறிவியல் வளர்ச்சி. இந்த வளர்ச்சியால் மக்கள் சுபிட்சம் அடைந்து விடுவார்கள் என்று நீங்கள் நினைப்பது வெறும் பகல் கனவு.

      • \\ஆக எது முதல் தேவை கடவுள் இருக்கிறார் இல்லை என்பதல்ல முதல் தேவை சமூக மாற்றத்திற்கான சிந்தனை அதற்கான போராட்டம் இவையே.\\ சமூக மாற்றம் தேவை என்பது உங்கள் கருத்து என்றால் நீங்கள் அது குறித்துதான் எழுத வேண்டுமே தவிர, கடவுள் நம்பிக்கை வைத்திருப்பவனால்தான் நாடே குட்டிச் சுவராகிப் போனது, கோவில்கள், சர்ச்சுகள், மசூதிகள் இல்லாவிட்டால் நாட்டில் பாலாரும், தேனாறும் ஓடியிருந்திருக்கும் என்று இல்லாத கப்சா விடக் கூடாது. மேற்க்கத்திய நாடுகள் பலவற்றில் மக்களாட்சி தான் நடக்கிறது, அங்கு கடவுள் நம்பிக்கை உள்ளவர்களும் நிறையவே இருக்கிறார்கள். அவர்கள் எல்லாம் பொருளாதாரத்தில் மேம்பட்டிருக்கும் போது, இந்தியாவில் தரித்திரம் தாண்டவமாடுவதற்கு, ஓட்டுப் போடுபவர்கள் ஏமாளிகள், என்பதைத் தவிர்த்து வேறு எந்த காரணமும் இருக்க முடியாது. வெளிநாட்டு வங்கிகளில் இருக்கும் கள்ளப் பணத்தை கொண்டு வந்தாலே போதும் நாட்டின் மொத்தக் கடனையும் அடைத்து ஒவ்வொரு குடி மகனுக்கும் மூன்று லட்சம் ரூபாய் கொடுக்க முடியும் என்று புள்ளி விவரங்கள் கூறுகின்றன. அதையெல்லாம் விட்டு விட்டு, எதோ மன நிம்மதிக்கு கோவிலுக்குச் செல்பவனிடமும், அஞ்சுக்கும் பத்துக்கும் கோவில் பூசாரியாக இருப்பவனிடமும் வந்து உங்கள் வீரத்தை காட்டுவது கால விரயம் என்பதை நீங்கள் உணர வேண்டும்.

  29. //அது சரி, மதங்கள் எல்லாமே தப்புன்னே வச்சுகிடுவோம், நீங்க கண்டு பிடிச்ச நாத்தீகம் மட்டும் என்ன தாயின் கருவறையிலேயே கத்துகிட்டு வெளியில வந்து போதிச்சிட்டு இருக்கீங்களா? மதவாதிகள் கடவுள் இருக்கார்னு நிரூபிக்கவில்லை என்றால், கடவுள் இல்லை என்பதை நீங்கள் நிரூபித்து விட்டீரோ? நீரும் ஒரு சாமானிய மனிதர்தானே உமது கொள்கைகள் மட்டும் பிழையே இல்லாமல் இருக்கும் என்று என்ன உத்திரவாதம்?//

    மன்னிக்கவும் உங்களது விவாதத்தில் இடை புகுந்ததற்கு

    கடவுள் இருக்கிறார் என்பதைத்தான் கண்டு பிடிக்க வேண்டும் இல்லை என்பதை கண்டுபிடிக்க தேவை இல்லை

    மீ எஸ்கேப்பு

    • ஈழப் படுகொலைகளுக்கு பிறகும் கடவுள் இந்த உஅலகை படைத்தார், உலகை வழிநடத்துகிறார் , அவரே உலகின் இயக்கத்துக்கு காரணம் இப்படி எவெனாச்சும் சொன்னா அவன அங்கிட்டே கொன்ன்னு போடுவேன் ! முட்டாப்பசங்களா ! அந்த கடவுள் என் முன்னாடி வந்தான்னாக்க பிஞ்ச செருப்பாலேயே அடிப்பேன் ! ஏன்டா இப்படி பட்ட உலகத்க்ட படச்சன்னு!

      • கரண்டு ஷாக் அடிச்சி நூறு பேரு செத்துட்டங்கன்னு வச்சிகிடுவோம், அதுக்காக கரண்டை எவனுமே கண்டுபிடிக்க வில்லை என்று சொல்வீர்களா?

    • கடவுள் இருக்கிறார் என்று ஒருத்தர் சொன்னால் நீ எப்படி சொன்னாய் என்று அறிவுப் பூர்வமாக நீங்கள் கேள்வி கேட்கும் போது, இல்லை என்று நீங்கள் சொன்னால் மற்றவர்கள் பூம்…பூம்… மாடுகள் மாதிரி தலையாட்ட வேண்டுமென்று சொல்கிறீர்களா?

      • ஒரு கொலை நடந்திருக்கிறது என்று சொன்னால் தான் நாம் அதற்கு ஆதாரமாக உடலை காட்ட முடியும். ஒரு கொலை நடக்கவில்லை என்று சொல்லும் போது அதற்கு ஆதாரம் எதுவும் காட்ட தேவை இல்ல. அது போல் கடவுள் இருக்கிறார் என்று ஒருத்தர் சொன்னால் அதை நிருபிக்க வேண்டும் அல்லவா?

        • \\கேமராவைப் படைக்க டிசைனர் வேண்டுமென்றால் நம் கண்கள் தானாக உருவாகியிருக்குமா? டயாலிசிஸ் செய்ய ஒரு பெரிய அறை சைசுக்கு எந்திரங்களும் அறை டசன் டாக்டர்களும் மூணு டசன் நர்சுகளும் வேண்டுமென்றால் அதே வேலையை கைபிடிக்குள் அடங்கும் கிட்னி செய்கிறதே, அது தானாக உருவாகியிருக்குமா? உங்கள் வீட்டில் தண்ணீரை மொட்டை மாடித் தொட்டிக்கு அனுப்பும் மோட்டாரை உருவாகியது ஒரு தொழிற்ச்சாலை என்றால் இதயம் என்ற நூறு வருஷத்துக்கும் மேலாக பழுதாகாமல் வேலை செய்யும் பம்பு சும்மா உருவாகியிருக்குமா? \\ Repeated from my answer above.

          • ஒரு செல் கொண்ட அமிபாவிலிருந்து பல்லாயிரம் செல் கொண்ட மனிதன் உருவாகும் வரை நிகழ்ந்த மாற்றங்கள் கணக்கற்றவை. கண்கள் கிட்னி அனைத்தும் இயற்கையின் நிலை மாற்றங்களால் உருவானவை. அதை ஏன் கடவுளோடு சேர்த்து குழப்புகிறீகள்.

          • ஒரு செல் கொண்ட அமிபாவிலிருந்து பல்லாயிரம் செல் கொண்ட மனிதன் உருவாகும் வரை நிகழ்ந்த மாற்றங்கள் கணக்கற்றவை. கண்கள் கிட்னி அனைத்தும் இயற்கையின் நிலை மாற்றங்களால் உருவானவை. அதை ஏன் கடவுளோடு சேர்த்து குழப்புகிறீகள்….

  30. //ஒரு நம்பிக்கை என்பது எதார்த்த அனுபவத்தில் சோதித்தறியப்பட்டு அதன் மூலம் பட்டை தீட்டப்பட்டு நமக்குள் உண்டாகும் பட்சத்தில் அதன் மேலான பற்றுறுதி கேள்விக்கிடமற்று இருக்கும். ஆனால் கடவுள் நம்பிக்கை என்பது சோதித்தலுக்கும் கேள்விகளுக்கும் அப்பாற்பட்டதாய் இருக்கிறது// கட்டுரை கடவுள் நம்பிக்கை அற்றவர் ஒருவரால் எழுதப்பட்டு இருக்கிறது. எனவே கடவுள் பற்றி அநேகர் கொண்டிருக்கும் நம்பிக்கையை அது ஆராயவில்லை. கடவுளை நம்புகிறவர் ஒவ்வொருவருக்கும் கடவுள் பற்றிய அனுபவம் ஒன்றாவது இருக்கும். ஒருவருக்கு அவரது மகளை பிணியிலிருந்து காப்பாற்றிய மருத்துவர் கடவுளாகத் தெரிகிறார். கடவுள் தான் அந்த மருத்துவரை அனுப்பியதாக நினைக்கிறார். கடவுளை வணங்கி வந்த மாணவன் எதிர்பார்ப்புக்கு அதிகமாய் மதிப்பெண் வந்ததும் கடவுளை நம்புகிறான். நெடுநாள் திருமணம் ஆகாத பெண்ணும் ஆணும் குறிப்பிட்ட கடவுளை வணங்கி அதன் பிறகு திருமணம் ஆனால் கடவுள் இருப்பதை நம்புகிறார்கள். இங்கே சோதித்தல் மட்டுமே உண்டு. கேள்வி கேட்டல் என்பது கிடையாது. அவர்களால் அது முடியாது. அவர்களுக்கு அது தேவையும் கிடையாது. சாமி கும்பிடவில்லை. நல்லது நடக்கவில்லை. சாமி கும்பிட்டோம். பலன் கிடைத்தது. அவ்வளவுதான். இங்கே இன்னும் ஒரு விபரத்தை சொல்லிவிடவேண்டும். கடவுளை மறுக்கும் அதே வேளையில் நீங்களும் சில பரிசோதனைகளை செய்து பார்த்து விடவும். சிலர் “நேத்து தான் உன்னை நினைச்சேன். இன்னைக்கு வந்து நிக்கிறே” என்று ஆச்சரியப்படுவார்கள். சிலருக்கு மனதில் நினைத்தது அப்படியே நேரில் நடக்கும். ஸெல்ப் ஹிப்நோசிஸ், டெலிபதி முதலிய சித்தாந்தங்கள் இந்த சாமி கும்பிடும் பழக்கத்தில் பின்னிப்பிணைந்து இருக்கிறது என்பது உண்மை. கூட்டுப் பிரார்த்தனை பலருக்கு பலன் கொடுத்திருக்கிறது. என்னைப்பொறுத்தவரை கடவுள் வழிபாட்டின் போது கோரிக்கைகள் மற்றும் விண்ணப்பங்களை அவை நிறைவேறிய நிலையில் சிறிது நேரமாவது மனதில் உருப்போடுவது மற்றும் நம்பிக்கை முதலியவை அவை உண்மையில் கடவுளின் உதவி இல்லாமலேயே நிறைவேற உதவுகிறதோ என்று எண்ணத்தோன்றுகிறது. எனவே கடவுளை மறுக்கும் முன்பு சற்றே இந்த குழப்பங்களையும் அனுபவித்துவிடவும். மற்றபடி அருமையான கட்டுரை.

    • விஜயகுமார்,
      பின்னூட்டம் எண் 8ல் நான் குறிப்பிட்டபடி கடவுளை ஏற்றல், மறுத்தல் எனும் இரு முனைகளுக்கிடையில் பற்பல புள்ளிகளில் வாழும் மக்களுண்டு. விருதுநகர் மாரியம்மன் கோவில் திருவிழா தற்போது நடைபெற்று வருகிறது. மாரியம்மனை ஆழ்ந்து நேசித்து கும்பிடுபவர்கள் உண்டு; கேட்டது கிடைக்கவேண்டும் என்ற மனு கொடுக்கும் நோக்கில் கும்பிடுபவர்கள் உண்டு; எல்லோரும் போகிறார்கள்.. நாமும் போவோம் என்று கும்பிடுபவர்கள் உண்டு; வருஷம் முழுதும் கஷ்டப்படறோம்.. ஜாலியா பொழுதுபோக்கறதுக்கு திருவிழா வந்துடுச்சு எனும் எண்ணத்தில் கும்பிடுபவர்கள் உண்டு. நான் சொன்னது வெறும் சில புள்ளிகள்தான். இன்னும் நிறைய கோணங்கள் உண்டு.

      நானும் கூட இன்று அக்னிசட்டியெடுத்து வருவதைப் பார்க்க குடும்பத்துடன் செல்கிறேன். சுமார் நாற்பதாயிரம் அக்னி சட்டிகள் செலுத்தப்படக்கூடும் ஒருநாளில். எங்கள் குடும்பத்தாருக்கு கடவுள் உணர்வு இல்லையெனினும் என் மனைவி விரும்புவார். அவருக்கு கடவுள் பக்தி உண்டு. ஆனால் அதனைக் காட்டிலும் நான் அவர் கூடச் சென்று திருவிழாவில் சுற்றுவதை விரும்புவார். அவரது சொந்தக்காரர்கள், தோழிகள் உலா வருவார். நானும் கூடச் சென்றால் அவருக்கு அது ஒரு பெருமை. நாம் ஒன்றும் சொல்ல முடிவதில்லை!!

      ஆனாலும்…. ஒரு திருவிழா என்றவுடன் பல பத்தாயிரக்கணக்கில் ஒன்று திரளும் ஜனங்கள், சில பத்தாயிரக்கணக்கில் அக்னி சட்டி செலுத்தும் ஜனங்கள் – பாதாளச்சாக்கடைத் திட்டத்தில் முறைகேடுகள் நடந்து மக்கள் பணம் கோடிக்கணக்கில் சுருட்டப்பட்டும், நிர்வாகக் கோளாறுகளினால் விருதுநகரே புழுதி புரளும் கண்றாவி நகராக மாறியும் – இந்தப் பிரச்சினைக்கு நூற்றுக்கணக்கில் கூட ஓரிடத்தில் திரளுவதில்லையே… ஏன்???

      கொண்டாட்ட மனநிலை (Celebration mood) என்பது ஒரு கோயில் திருவிழாவுடன் முடிந்து விடுவது சரியா? சமூக அவலங்களை வென்றெடுத்து அதைக் கொண்டாடுவதன் மூலம் கிடைக்கும் திருப்தியை அடைய யாருக்கும் விருப்பமில்லையா??

      • \\ஆனாலும்…. ஒரு திருவிழா என்றவுடன் பல பத்தாயிரக்கணக்கில் ஒன்று திரளும் ஜனங்கள், சில பத்தாயிரக்கணக்கில் அக்னி சட்டி செலுத்தும் ஜனங்கள் – பாதாளச்சாக்கடைத் திட்டத்தில் முறைகேடுகள் நடந்து மக்கள் பணம் கோடிக்கணக்கில் சுருட்டப்பட்டும், நிர்வாகக் கோளாறுகளினால் விருதுநகரே புழுதி புரளும் கண்றாவி நகராக மாறியும் – இந்தப் பிரச்சினைக்கு நூற்றுக்கணக்கில் கூட ஓரிடத்தில் திரளுவதில்லையே… ஏன்???\\ கடவுள் இருக்கிறார் என்று நம்புவதற்கும், ஊழலை எதிர்க்க திராணி இல்லாதவர்களாக மக்கள் இருப்பதற்கும் என்ன சம்பந்தம் என்று எனக்குப் புரியவில்லை. அமெரிக்காவில் ஊழல் குறைவு, மக்களுக்கு எல்லா வசதிகளும் செய்து தரப் படுகிறது, சாதாரண கடை நிலை ஊழியர் கூட அந்த நாட்டின் அதிபரையே எதிர்த்து வழக்குத் தொடர முடியும் என்கிற அளவுக்கு தனி மனித உரிமை இருக்கிறது. ஆனாலும், அங்கு மக்களிடம் இறை நம்பிக்கை இருக்கிறதே, அவர்களும் சர்ச்சுகளுக்குச் செல்கிறார்களே? மாறாக கடந்த ஐம்பது ஆண்டுகளாக தமிழகத்தின் நாத்திக ஆட்சி நடந்தும், தரித்திரம் தானே தாண்டவமாடுகிறது? ஓட்டுக்குப் பிரியாணி என்ற உடன் முண்டியடித்துக் கொண்டு ஓடிப் போய் வாங்கித் தின்னும் கேவலமான நிலைதானே இங்கு உள்ளது, ஏன்? அப்படியே நாத்தீகர்கள் என்று பார்த்தால், ஆட்சியில் இருப்பவர்களுக்குச் சிங்கி அடிக்கும் ஆளாகவும், தனக்குப் பின்னர் தன்னுடைய மகன் இயக்கத் தலைவராக வேண்டும், இயக்கச் சொத்துகளை மகனே அனுபவிக்க வேண்டி உழைக்கும் ‘தன்னலமற்ற’ தலைவனாக அல்லவா இருக்கிறார்?

  31. கேமரா பழுதானால் அதை சரி செய்ய அந்த கேமராவைப் படைத்தவனால் முடியும்,கண்கள் பழுதடைந்தால் அதை சரி செய்ய அதைப் படைத்தவன் என்று நம்பிக்கொண்டிருக்கும் கடவுள்(?)என்பவனால் முடியுமா?

  32. கண்கள் பழுதடைந்தால் எதற்கு ரிப்பேர் செய்ய வேண்டும்? அதைப் பிடுங்கிப் போட்டுவிட்டு புதிதாக உங்கள் சோதனைச் சாலையில் ஒரு கண்ணை உருவாக்கலாமே? முடியுமா உங்களால்? அப்படியே செய்வதானாலும் அதற்குத் தேவையான கச்சாப் பொருட்களை [Raw materials] உருவாக்கியது நீங்கள் இல்லையே? அறை குறையாக படித்துவிட்டு, மகனை இயக்கத்தின் அடுத்த தலைவனாக [வேறெதற்கு, எல்லாம் சொத்துக்காகத்தான்] கொண்டு வரும் நாத்தீகத் தலைவனின் கூட்டத்தில் உட்கார்ந்து கொண்டு பூம் பூம் மாடு மாதிரி பதில் கேள்வி கேட்கத் தெரியாமல் தலையை ஆட்டிக் கொண்டு இருந்துவிட்டு வந்தால் இந்த மாதிரி தான் யோசிக்கத் தோன்றும்.

    • “மின்கட்டண உயர்வு அதிர்ச்சியூட்டும் உண்மைகள்” எனும் தலைப்பிலான கட்டுரை ஒன்றைப் படித்திருப்பீர்கள் என எண்ணுகிறேன். இயற்கையன்னை வாரி வழங்கியிருக்கும் கச்சாப் பொருளான நிலக்கரி எப்படி தனியார் முதலாளிகளால் வரைமுறையின்றி கொள்ளையடிக்கப்படுகிறது என்பதைப் படித்திருப்பீர்கள்.

      பல கோடி ஜனங்களை துயரத்திலாழ்த்தும் இதைக் காக்க, முறைப்படுத்த வக்கின்றி இருக்கும் இன்றைய சமுதாய அமைப்பை மாற்றியமைக்க வேண்டியது முதன்மையான பணியா? அல்லது இவை தரும் அழுத்தங்களை விதியென்று நினைத்து ஏற்றுக்கொண்டு மன உளைச்சலைப் போக்க இறைவனை நாடுவது முதன்மையான பணியா?

      • ஊழலை எதிர்த்துப் போராட வேண்டும் என்பதில் இரு வேறு கருத்துகளுக்கு இடமேயில்லை. ஆனால், இறை நம்பிக்கை என்ற ஒரு தனி நபர் சுதந்திரத்தில் தலையிட்டு அதனால் தான் சமூக அவலங்கள் நடக்கின்றன என்பததிதான் ஒப்புக் கொள்வதற்கில்லை. நாத்தீகத்தால் தான் நாட்டில் மழை பெய்வதில்லை என்று ஒரு பூசாரி சொன்னால் நாத்தீகர்கள் சும்மா விடுவார்களா? நீங்கள் மட்டும் இல்லாத பழியை ஆத்தீகன் மேல் போடலாமா? தனியார் முத்தாலி நிலக்கரியை திருடிக்கிட்டு போனால் அதற்க்கு கோவிலுக்குப் போகும் ஒரு ஏழை பட்டவன் மேலா குற்றம் சுமத்துவீர்கள்? என்ன நியாயம் ஐயா உங்களுடையது?

  33. //கேமரா பழுதானால் அதை சரி செய்ய அந்த கேமராவைப் படைத்தவனால் முடியும்,கண்கள் பழுதடைந்தால் அதை சரி செய்ய அதைப் படைத்தவன் என்று நம்பிக்கொண்டிருக்கும் கடவுள்(?)என்பவனால் முடியுமா?//

    நச் கேள்வி

  34. கடவுள் பற்றிய கருத்துக்கு ஒரு இயக்க நடத்தி வரும் தலைவரை வம்புக்கு இழுத்து,அவன் என்ற ஏக வசனத்தை உபயோகிக்கும் உங்கள் பதிவிலிருந்தே,நீங்கள் யாரிடம் படிப்பினை பெற்றீர்கள் என்றும் யார் அறை குறை அறிவு பெற்றார்கள் என்றும் அறிந்து கொண்டோம். ஆன்மீகத் தலைவர் எவரும் கண்பார்னை குன்றினால் அதை ரிப்பேர் செய்யாமல்,கண்ணாடி எதுவும் போடாமல் அவர் கண்களைப் பிடிங்கிவிட்டு கச்சாப் பொருள் எதுவும் கலப்படம் இல்லாத ஒரிஜினல் கண்களைத் தரும்படி,உங்கள் கடவுளிடம் கையேந்தி,பிரார்த்தித்து,யாகம் வளர்த்து,தோப்புக் கரணம்,குட்டிக்கரணம் அடித்து,வேண்டி கடவுளிடம் மணு போடாமல் கண் டாக்டரிடம் ஏன் ஓட வேண்டும்?ரிப்பேர் செய்யக்கூட தகுதியற்ற கடவுளிடம் கண்களைப் பிடிங்கிவிட்டு கண் தானம் கேட்டுப் பாருங்களேன்?அப்பொழுது யார் மாடு என்பது விளங்கும்.

    • ஒவ்வொரு உயிருக்கென்றும் என்ன உணவு என்று இறைவன் வரையறுத்திருக்கிறான். மனிதனைத் தவிர்த்து மற்ற எல்லா ஜீவ ராசிகளும் இந்த நியதியைப் பின்பற்றுகின்றன. வரையறுக்கப் பட்ட உணவை பசி இருந்தால் மட்டுமே உண்கின்றன, அதற்க்கு மேல் அவை எவ்வளவு இருந்தாலும் தீண்டுவதில்லை. புலி புல்லையும், ஆடு மாடு சிக்கனையும் உண்பதில்லை. ஆகையால் அவை யாவையும் சாகும் வரையில் மூக்குக் கண்ணாடி அணிவதில்லை. வருடத்திற்கு அறை டசன் குட்டிகளைப் போடும் நாயும் பூனையும் ஒருபோதும் சிசேரியன் செய்துகொள்வதில்லை. ஆறறிவு இருப்பதாக சொல்லும் மனிதன் மலத்தைத் தவிர மற்ற எல்லாவற்றையும் உண்கிறான், அளவுக்கு மீறி நிறைமாதக் கர்ப்பிணி போல வயிறு ஆகும் வரை உண்கிறான், பிறர் உழைப்பை பிடுங்கி உண்கிறான், நாய்க்கும், நரிக்கும் படைக்கப் பட்டதையும் இவனே பிடுங்கி உண்கிறான். அதனால் இவனுக்கு வைத்தியர் தேவைப் படுகிறார். வைத்தியர் கொடுக்கும் மருந்தால் தான் நோய் குணமாகிறது என்றால் அங்கு செல்லும் எல்லோருக்கும் நோய் சரியாக வேண்டும். ஆனால், எவ்வளவு பணம் கொடுக்கத் தயாராயிருந்தாலும் அம்பானி உயிரைக் காப்பாற்ற முடிந்ததா? மருத்துவமனைக்கு உயிரோடு வந்து பிணமாகச் செல்வோர் எத்தனையோ? எங்களால் காப்பாற்ற முடியாது உறவினர்களுக்குச் சொல்லி விடுங்கள் என்று மருத்துவர்களால் கைவிடப் பட்ட பலர் உயிர் பிழைத்து பல ஆண்டுகள் நலமுடன் வாழ்ந்த கதையும் உண்டு. மருத்துவர்கள் நோயைத் தீர்க்கிறார்கள் என்றால் நாளுக்கு நாள் மருத்துவமனைகளின் எண்ணிக்கையும் நோய்களின் எண்ணிக்கையும் அதிகரித்துக் கொண்டே செல்வதேன்? முன்பு இருந்ததை விட நாளுக்கு நாள் மக்களின் ஆரோக்கியம் குறைந்துகொண்டே செல்வதேன்? இன்று எங்கு பார்த்தாலும் கேன்சர், சர்க்கரை, உயர் ரத்த அழுத்தம் என்று முன்னெப்பொழுதும் இல்லாத அளவுக்கு இருக்கிறதே ஏன்? பார்மசி வைத்திருப்பவர்களும் ஆங்கில மருத்துவர்களும் கொழுத்த காசு பார்க்கிறார்களே எப்படி?

      • ஒருவர் மிகுந்த கடவுள் பக்தி கொண்டவர். அவருடைய இதயம் 20 சதவீதமே வேலை செய்கிறது ஆகையால், தம்பி உன்னுடைய இதயம் பலகீனமாக இருப்பதால் கடினமான வேலை செய்யாதீர்கள் என மருத்துவர் அறிவுறுத்துகிறார். ஆனால் நமது ஆத்திகரோ என்னுடைய உயிர் வாழ்வதும் இறப்பதும் என் இறைவனின் விருப்பத்தில் உள்ளது அவன் நாடினால் இப்பொழுதுகூட என் உயிர் பிரியலாம் எனக் கூறிவிட்டு கடின பாறை ஒன்றை உருட்டுகிறார் மண்டையையும் போட்டு விடுகிறார். இது கதையல்ல நிஜமாக நடந்த நிகழ்வுதான். இப்பொழுது சொல்லுங்கள், அந்த ஆத்திகர் செய்தது சரியா என்று?

        • முட்டாள்கள் எல்லா இடத்திலும் இருப்பார்கள், நீங்கள் சொன்ன ஆத்தீகர் அந்த மாதிரி முட்டாளாக இருக்க வேண்டும். புத்தியுள்ள ஆத்தீகன், இறைவன் எனக்கு உடல் நலத்தை இந்த மருத்துவர் மூலம் கொடுக்க நினைக்கிறார் என்று அவர் சொல்வதை ஏற்றுக் கொள்வான். மருந்தை மருத்துவர் கொடுக்கிறார், உடல் நலமடைவதை ஆண்டவன் தீர்மானிக்கிறான் என்பதை புத்திசாலி ஆத்தீகன் உணர்ந்திருப்பான்.

            • உலகிலேயே ஒரே புத்திசாலி ஆத்திகர் அன்பர் ஜெயதேவ்தாஸ்தான் என்பது எனக்குத் தெரிந்துவிட்டது 🙂

              • இறைவன் இருக்கிறான் என்பதை புரிந்து கொண்ட ஒவ்வொருத்தரும் புத்திசாலிதான் அன்பரே. அவர் சாதாரண பள்ளிக்குக் கூட செல்லாத கிராமத்து வாசியாகக் கூட இருக்கலாம், அல்லது உலக அறிவியலின் உச்சாணிக் கொம்பில் உட்கார்ந்திருக்கும் ஐன்ஸ்டீன் போன்ற மேதையாகக் கூட இருக்கலாம். மாறாக உலகில் இந்த பிரமாண்டமான காலக்ஷிகள் [Galaxies] , சூரிய குடும்பம், பூமி, கடல், நிலம் , வானம் , இதில் உள்ள உயிரினங்கள், அவற்றின் உடல்கள் செயல் படும் விதம், அவை ஒன்றை ஒன்று சார்ந்துள்ள பாங்கு என கண் முன்னே உள்ள அற்ப்புதங்கள் அத்தனையும் பார்த்தும் கூட படைத்தவன் இல்லை என்று சொல்லும் அத்தனை பயல்களும் கூமுட்டைகள் தான்.

                • கடவுளை கூமுட்டையாம் ! கிண்டல் செய்யும் ஒரு பக்தன்!

                  //இந்த பிரமாண்டமான காலக்ஷிகள் [Galaxies] , சூரிய குடும்பம், பூமி, கடல், நிலம் , வானம் , இதில் உள்ள உயிரினங்கள், அவற்றின் உடல்கள் செயல் படும் விதம், அவை ஒன்றை ஒன்று சார்ந்துள்ள பாங்கு என கண் முன்னே உள்ள அற்ப்புதங்கள் அத்தனையும் பார்த்தும் கூட படைத்தவன் இல்லை என்று சொல்லும் அத்தனை பயல்களும் கூமுட்டைகள் தான்.//

                  இந்த உலகில் உள்ள அத்தனை சமாச்சாரங்களையும் படைத்தவன் கடவுளென்றால் கடவுள் இல்லைங்குற நாத்திகனையும் படைத்தவன் கடவுளுன்னா,கடவுள் தன்னைத்தானே கடவுள் இல்லைன்னு சொல்றதா தாசு கருத்துப்படி ஆகிறது.
                  அதுபடி பாத்தா கடவுள் கூமுட்டைன்னு அவரே சொல்லிக்கிறாரு.
                  இதுதான் சொந்த செலவில் சூனியம்கிறது! தாசு இப்புடி பக்தனா இருந்து சேம் சைடு கொல் போடுறிகளே, பாவம் சார் நீங்கள!

                  • \\இந்த உலகில் உள்ள அத்தனை சமாச்சாரங்களையும் படைத்தவன் கடவுளென்றால் கடவுள் இல்லைங்குற நாத்திகனையும் படைத்தவன் கடவுளுன்னா,கடவுள் தன்னைத்தானே கடவுள் இல்லைன்னு சொல்றதா தாசு கருத்துப்படி ஆகிறது.அதுபடி பாத்தா கடவுள் கூமுட்டைன்னு அவரே சொல்லிக்கிறாரு.\\ நாத்தீகன் வாயில இருந்து வருவதெல்லாம் உண்மைன்னு வீரமணி மாதிரி ஆட்கள் பேசுவதைப் பார்த்ததர்க்கப்புரமும் நீங்க நம்புவது வேடிக்கையாக இருக்கிறது. நாத்தீகனையும் கடவுள் தான் படைத்தார், ஆனால் அவனுக்கு கடவுள் இல்லையென்று நினைக்கும் ஆசை இருப்பதை உணர்ந்த அவர் அவனை கூமுட்டையாக்கி அவ்வாறு நினைக்கும் சவுகரியத்தைச் செய்து கொடுத்திருக்கிறார் அவ்வளவே. [இந்த மாதிரி ஏடாகூடமாக சிந்தனை செய்து, ரியல் என்கவுண்டர் டரியல் என்கவுண்டராகாமல் பார்த்துக் கொள்ளுங்கள் ஐயா.]

                    • ///அவனுக்கு கடவுள் இல்லையென்று நினைக்கும் ஆசை இருப்பதை உணர்ந்த அவர் அவனை கூமுட்டையாக்கி அவ்வாறு நினைக்கும் சவுகரியத்தைச் செய்து கொடுத்திருக்கிறார்///

                      கடவுள் இல்லையென்ற ஆசை அவனை கூமுட்டையாக்கியப் பிறகு வந்ததா? அல்லது அதற்கு முன்பே வந்ததா?

                • மிகவும் நன்ரு திரு. ஜெயதேவ்தாஸ்…

                  மனிதன் மூளையை கொன்டே சிந்திக்கிறான். அதெ மூளை இருக்கிற மற்ற எந்த விலங்கும் மனிதனுக்கு போட்டியாக சிந்திப்பதில்லையே.. அது ஏன் என்பதை நாத்திகவாதிகள் விளக்க வேன்டும்…

                  செல் என்பது உயிர்களின் அடிப்படை அலகு. அனு என்பது பொருட்களின் அடிப்படை அலகு. பல லடசம் அனுக்கள் செர்ந்து தான் ஒரு செல்.. இறைவனுடைய அனுமதி இல்லாமல் எப்படி இந்த அனுக்கள் ஒன்று செர்ந்து ஒரு செல்லாக உருவாகி இருக்க முடியும்.. நாத்திகவாதிகள் அனைவரும் ஒன்று செர்ந்து பல அனுக்களை ஒன்று செர்த்து ஒரு செல்லை உருவாக்கி காட்டுங்கள்..

                  கடவுள் நெரில் வந்தால் தான் கடவுள் இருப்பதை நம்புவீர்களா?

                  அவர் கொடுத்த மூளையை கொன்டு சிந்திக்க உணர வேண்டாமா?

                  எந்த ஒரு ஆற்றலும் இல்லாமல் உயிர்கள் எப்படி உறுவாகி இருக்க முடியும் என்பதை சிந்திக்க வேண்டாமா?

                  • தம்பி,

                    மண்டையில மூளை இருக்குறதாலதான் கடவுள் இல்லைன்னு உணர வேண்டியிருக்கு.

                    அதென்னப்பா எல்லா ஆத்திக புள்ளிங்களுக்கெல்லாம் கண்ணுக்கு தெரியிற உசுர பாத்தா மட்டும் மலப்பா இருக்கு! எப்படி வந்தது? எங்கேருந்து வந்ததுன்னு கேள்விமேல கேள்வியா கேக்குறீங்க. ஆனா பாருங்க கண்ணுக்கு தெரியாததைப் பற்றி மட்டும் கேள்வியே கேக்காம ரீல் மேல ரீலா விடுறீங்க.
                    கண்ணுக்கு தெரியாத பூதத்தின் மீது மட்டும் கேள்வியே எழுப்பாமல் அதை ஏற்றுக்கொள்வதன் அந்த ரகசியம்தான் என்ன?

                    • Mazhai,Vellam,Nilanadukkam,Sooravali,Panjam ellam engirunthu varudhu.

                      Manushan logica vechu enna vena seyyalamna,appuram edha paathu bayapadanum,edhukkume bayam illama vaazha discipline irukka?

                      appadi ellarukkum iruntha, kadavul thevayilla.

                    • ரொம்ப சரி பயம். பயம். பயம்தான் கடவுளை படைத்தது. ஆன்ஆல் இந்த டிசிப்ளின் கடவுளின் மீதாந பயத்தின்ஆல் வருவதல்ல சமூகத்தில் இருந்து பெறப்படுகிறது.

            • ஒரு ஊரில் ஒரு பாதிரியார் இருந்தார். அவர் எப்போதும் “என் தேவைகள் அனைத்தையும் இறைவன் பார்த்துக் கொள்வான், நான் ஒன்றும் செய்யத் தேவையில்லை” என்று சொல்லிக் கொண்டிருப்பார். ஒரு நாள் அந்த ஊரில் கனத்த மழை பெய்ய ஆரம்பித்தது. ஒரே தண்ணீரில் மூழ்கிவிடும் போல இருந்தது. இதை உணர்ந்த மக்கள் உயரமான பாதுகாப்பான இடத்திற்க்குச் சென்று விடலாம் என்று புறப்பட்டனர், அந்தப் பாதிரியாரையும் அழைத்தனர். அவர் “இறைவன் என்னைக் காப்பான்” என்று வர மறுத்தார். பின்னர் வெள்ளம் அதிகரித்து வீடு கூரை வரை சென்றது. அப்போது படகில் சிலர் வந்து மிச்சம் மீதி இருப்பவர்களை அழைத்துச் செல்ல வந்தனர். அப்போதும் பாதிரியார் வரமாட்டேன், “இறைவன் என்னைக் காப்பான்” என்று மறுத்து விட்டார். அப்புறம், வீட்டின் கூரை வரை வெள்ளம் ஓடியது, அந்தப் பாதிரியார் கூரை மீது உட்கார்ந்து கொண்டிருந்தார். அப்போது ஹெலிகாப்டரில் மீட்புப் பணியினர் தத்தளிப்பவர்களைக் காப்பாற்ற வந்தது. இந்தப் பாதிரியாரைப் பார்த்தது, வாருங்கள் உங்களை பத்திரமான இடத்திற்கு அழைத்துச் செல்கிறோம் என்றனர். ஆனால் அவரோ, “இறைவன் என்னைக் காப்பான்” உங்கள் உதவி தேவையில்லை என்றார். அப்புறம் மேலும் வெள்ளம் அதிகரிக்க, அவர் தண்ணீரில் மூழ்கிச் செத்தார். பின்னர் சுவர்க்கம் சென்றார், அங்கே கடவுளைச் சந்தித்தார், என்ன கடவுளே, உங்கள் மீது வைத்திருந்த நம்பிக்கையை வீணடித்து விட்டீர்களே, கடைசி வரை வரவேயில்லையே என்று வருத்தப் பட்டார். அதற்க்கு கடவுள் சொன்னார், “இல்லையே, நான் பலமுறை unnai meetka vanthen, neethaan yetruk kolla villai”. “You came to save me? when?” God Said, “I advised through the village people, then I sent the boat team and finally the Helicopter team, in these ways I tried to save you, but you never co-operated, what to do?”

      • நண்பரே,
        எதையோ கேட்டால் என்னென்னவோ பதில் சொல்லுகிறீர்கள்!!!

    • \\ஒரு இயக்க நடத்தி வரும் தலைவரை வம்புக்கு இழுத்து,அவன் என்ற ஏக வசனத்தை உபயோகிக்கும் உங்கள் பதிவிலிருந்தே,நீங்கள் யாரிடம் படிப்பினை பெற்றீர்கள் என்றும் யார் அறை குறை அறிவு பெற்றார்கள் என்றும் அறிந்து கொண்டோம்.\\ உங்களுடைய தமிழ் ஞானம் என்னை மெய்சிலிர்க்க வைக்கிறது. தலைவன், மகன் என்ற பதங்களை மட்டுமே நான் பயன் படுத்தியிருக்கிறேன், இவற்றில் வரும் ‘ன்’ ஏக வசனமா? ஐயா, வயதில் பெரியவர் பியூனாக இருந்தால் பியூர் என்றும், உங்களுடன் படித்த நண்பர் மேனேஜராக இருந்தால் மேனேஜன் என்றும் அழைப்பீரா? என்ன பேத்தல் ஐயா இது? முதலில், ஏக, வசனம் என்ற இரண்டு வார்த்தைகளுமே தமிழில்லை என்பது உமக்குத் தெரியுமா?

  35. இறைவன் வரையறுக்கும் மனிதர்களுக்கான உணவு என்னவென்று கூறினால் எல்லோருக்கும் உதவியாக இருக்குமல்லவா?அப்படி உண்டவர்களுக்கு இதுவரையில் கண்நோய் வந்ததில்லையா?அல்லது கண்ணாடி தான் போட்டுக்கொண்டதில்லையா?ஆன்மீகவாதியாகட்டும்,நாத்திகவாதியாகட்டும் எல்லோருமே ஆரோக்கியத்தோடும்,குறைபாடோடும் வாழ்ந்து வந்திருக்கிறார்கள்.
    மருத்துவமனைக்கு போய்வந்த பின் கடவுளிடத்தில் வேண்டிக் கொண்டவர்களில் உயிர் பிழைத்தவனும் இருக்கிறான் உயிர் நீத்தவனும் இருக்கிறான். தேர்வு எழுதியவர்கள் அனைவ்ரும் கடவுளிடம் தான் வெற்றி பொறவேண்டும் என்றுதான் வேண்டிக் கொள்கிறார்கள் எல்லோரும் வெற்றி பெற்றுவிடுகிறார்களா என்ன? யாரை குறை கூறுவீர்கள்? கால்நடைக்கென்று மருத்துவர்களும் உண்டு மருத்துவமனைகளும் உண்டு.

    • திரு இனியவன் அவர்களே…

      இறைவன் கொடுத்த அறிவை கொண்டும் பூமியில் இறைவன் கொடுத்த போருட்களை கொண்டும் மனிதன் தன்னுடைய தேவைகளை முடிந்த வரையில் நிவர்த்தி செய்து கொள்ள வேண்டும்.. மனிதனுக்கு சுயமாக யோசிக்க கூடிய அறிவை கொடுத்ததற்கான நோக்கமே அவன் சுயமாக சிந்தித்து இறைவனை உணர வேண்டும் என்பதற்காக தான்.. ஒவ்வொருவர் செய்த நன்மைகளுக்கும் தீமைகளுக்கும் இறைவன் அதற்கான பலனை கன்டிப்பாக கொடுப்பான்.. உயிருடன் இருக்கும்போதோ அல்லது இறந்த பிறகோ.. உயிர் என்றால் என்ன என்பதை உங்களுக்கு தெரிந்த நாத்திகர்களிடமொ இல்லை அறிவியலாளர்களிடமோ கேளுங்கள்..

      • முகமத் ஜபீர், உங்களிடம் ஒரு சிறிய கேள்வி; மின் கம்பி வழியே செல்லும் மின்சாரத்தை அந்த மின் கம்பியிலிருந்து தனியே பிரிக்க முடியுமா? அல்லது பிரியாணியிலிருந்து வரும் வாசனையை அந்தப் பிரியாணியிலிருந்து தனியே பிரிக்க முடியுமா? மூளை என்ற பொருளிலிருந்து சிந்தனையை மட்டும் தனியே பிரிக்க முடியுமா? முடியாது, முடியாது, முடியாது. ஆக இங்கு மின்சாரம், வாசனை, சிந்தனை… … … இப்படி எந்த ஒரு கருத்தாக இருந்தாலும் அவற்றிற்கு ஒரு அடிப்படை இருந்தாக வேண்டும். அந்த அடிப்படை மூலம்தான் பொருள். அந்தப் பொருளை ஆக்கவோ அழிக்கவோ முடியாது. அதற்கு ஆதியும் இல்லை அந்தமும் இலலை. இந்த அறிவியல் விதியை நீங்கள் ஏறறுக்கொண்டீர்களேயானால் கடவுளுக்கான அடிப்படையை நீங்கள் சொல்லியே ஆக வேண்டும். அப்படி சொல்ல முடியவில்லையென்றால் மேற்சொன்ன அறிவியல் விதியையே மறுக்கிறீர்கள் என்று அர்த்தம். அறிவியல் விதியையே மறுக்கிறீர்கள் என்றால் தங்களுடை தற்போதைய நிலைமை என்னவெனறு நான் சொல்லத் தேவையில்லை.

        • \\மின் கம்பி வழியே செல்லும் மின்சாரத்தை அந்த மின் கம்பியிலிருந்து தனியே பிரிக்க முடியுமா? அல்லது பிரியாணியிலிருந்து வரும் வாசனையை அந்தப் பிரியாணியிலிருந்து தனியே பிரிக்க முடியுமா? மூளை என்ற பொருளிலிருந்து சிந்தனையை மட்டும் தனியே பிரிக்க முடியுமா? முடியாது, முடியாது, முடியாது.\\ சான்சே இல்ல…….நீங்க எங்கேயோ போயிட்டீங்க……………

          • \\இப்படி எந்த ஒரு கருத்தாக இருந்தாலும் அவற்றிற்கு ஒரு அடிப்படை இருந்தாக வேண்டும். அந்த அடிப்படை மூலம்தான் பொருள். அந்தப் பொருளை ஆக்கவோ அழிக்கவோ முடியாது. அதற்கு ஆதியும் இல்லை அந்தமும் இலலை.\\ எதையாவது பேச வேண்டும், பெரிய பெரிய வார்த்தைகளைப் போட்டு பேச வேண்டும், அதுக்கு அர்த்தம் இருக்க வேண்டுமென்று அவசியமில்லை, அதனால் ஒருத்தருக்கும் புரியாமல் போனாலும் பரவாயில்லை, ஆனால் கேட்பவன், அடேங்கப்பா எவ்வளவு பெரிய அறிவாளிடா… இவர் என்று வாயைப் பிளக்க வேண்டும். இந்தக் கொள்கைகளை நன்றாகக் கடை பிடிக்கிறீர்கள் அன்பரே. சரி, அந்த ஆதியும், அந்தமும் இல்லாத, ஆக்கவும் அழிக்கவும் முடியாத அடிப்படை மூலம் என்னன்னு கொஞ்சம் சொல்ல முடியுமா? [தெரிஞ்சுக்கலாம்னுதான் கேட்கிறேன்……ஹி..ஹி..ஹி..ஹி..]

        • \\இந்த அறிவியல் விதியை நீங்கள் ஏறறுக்கொண்டீர்களேயானால் கடவுளுக்கான அடிப்படையை நீங்கள் சொல்லியே ஆக வேண்டும். அப்படி சொல்ல முடியவில்லையென்றால் மேற்சொன்ன அறிவியல் விதியையே மறுக்கிறீர்கள் என்று அர்த்தம். அறிவியல் விதியையே மறுக்கிறீர்கள் என்றால் தங்களுடை தற்போதைய நிலைமை என்னவெனறு நான் சொல்லத் தேவையில்லை.\\ “மேற்சொன்ன அறிவியல் விதி”-அது என்ன விதி? நீங்க அறிவியல் விதி எதையும் சொன்ன மாதிரி தெரியலையே…??!!

          ஒருவேளை, \\இப்படி எந்த ஒரு கருத்தாக இருந்தாலும் அவற்றிற்கு ஒரு அடிப்படை இருந்தாக வேண்டும். அந்த அடிப்படை மூலம்தான் பொருள். அந்தப் பொருளை ஆக்கவோ அழிக்கவோ முடியாது. அதற்கு ஆதியும் இல்லை அந்தமும் இலலை.\\- ன்னு சொன்னீங்களே அதுவா? சரிங்க ஐயா, இப்படி ஒரு அறிவியல் விதி இருக்குன்னு நீங்க சொல்லித்தான் தெரியும், இந்த விதிக்கு பெயர் என்னன்னு கொஞ்சம் சொன்னீங்கன்னா என்னைப் போல தெரியாதவங்க தெரிஞ்சுக்குவாங்க, சொல்ல முடியுமுங்களா?

        • பொருள்முதல்வாதத்தை அடிப்படையாகக் கொண்ட நாத்திகத்தை எளிமையாக, தெளிவாக விளக்கிவிட்டீர்கள்.

          நிறை (mass) உடையவற்றைப் பொருள் என்றும், நிறையில்லாதவற்றை ஆற்றல் (energy), உதாரணமாக ஒளி முதலிய மின்காந்தக் கதிர்கள், என்றும் பிரபஞ்சம் இவற்றின் கூட்டால் உருவானதென்றும் கூறமுடியும். பொருள் எப்படி தன் நிறையைப் பெருகிறது என்ற கேள்விக்கு இன்னும் அறிவியல் தெளிவான விளக்கம் தேடிக்கொண்டிருக்கிறது. பொருளுக்கு நிறை தருவதாக எண்ணப்படும் Higgs field எனப்படும் மண்டலம் இன்னும் தூலமாக நிறுவப்படவில்லை. முன்மொழியப்படும் ஹிக்ஸ் போசானின் கண்டுபிடிப்பு பல அறிவியல் உண்மைகளை வெளிக் கொணரும். அதுவரை பொருள்தான் அடிப்படை என்ற கருத்தை ஏற்பதில் விஞ்ஞானிகளுக்கும் சிக்கல்தான்.

          • \\பொருள்முதல்வாதத்தை அடிப்படையாகக் கொண்ட நாத்திகத்தை எளிமையாக, தெளிவாக விளக்கிவிட்டீர்கள்.\\ அறிவியலில் புதுசா எது வந்தாலும், “ஆஹா பாத்தீங்களா.. நாத்தீகம் ஜெயிச்சிடுச்சு… கடவுள் இல்லை… ” என்று எத்தனை பேருதான்யா கிளம்பியிருக்கீங்க…??? அறிவியலில் எந்தக் கண்டுபிடிப்பு வந்தாலும் அது நாத்தீகத்துக்கு நேர்ந்து விட்டதாகிவிடும்….. அருமையான கொள்கை…. ஐயோ..ஐயோ…

              • \\நாத்திகம் ஜெயிச்சுடுச்சா..?!! சொல்லவேயில்ல..\\ என்ன இப்பத்தான் தூங்கி எழுந்திருச்சியா? கனவுல கூட நாத்திகம் ஜெயிக்காதேய்யா…. நிஜத்துல எங்க ஜெயிக்கும்? நல்லா கண்ணை கழுவிட்டுப் பாரு…. அப்படின்னு நீங்க சொல்லிக்கிட்டு திரியரீங்கன்னு சொல்லியிருக்கேன்………

                • நீர் இன்னும் எழுந்திருக்காம தூக்கத்தில் பினாத்துற மாதிரியே தோணுது..

                  • நாம தூக்கத்திலேயே பினாத்துவதற்க்கே உங்க டவுசர் கிழியுது, நாத்தம் புடிச்ச நாத்தீகர்களிடம் பதில் இல்லைன்னா விழிச்சா என்ன ஆகும்னு பாரு….

                    • அது சரி, தூக்கத்தில உம்ம டவுசரை நீரே அவுத்துப் போட்டு கடிச்சு கிழித்துக் கொண்டிருக்கிறீர்ன்னு சொன்னா புரியவா போகுது..

          • \\நிறை (mass) உடையவற்றைப் பொருள் என்றும், நிறையில்லாதவற்றை ஆற்றல் (energy), உதாரணமாக ஒளி முதலிய மின்காந்தக் கதிர்கள், என்றும் பிரபஞ்சம் இவற்றின் கூட்டால் உருவானதென்றும் கூறமுடியும்.\\ இந்த மாதிரி நீங்க கண்டுபிடிச்சதுக்கு பத்து நோபல் பரிசு குடுத்தாலும் பத்தாதே!! Mass என்பதற்கும் Energy என்பதும் இருவேறு வஸ்துகள் அல்ல, இரண்டும் ஒன்றேதான் என்று ஐன்ஸ்டீன் சொல்லி நூறு வருஷம் ஆகுது, நீர் மொழி படத்தில் வரும் பாஸ்கர் போல “இந்திரா காந்தியை சுட்டுக் கொன்னுட்டங்களா….?” என்று கூட கேட்காமல், “இந்தியாவை வெள்ளைக்காரன் பிடிசுட்டானா…?” என்ற ரேஞ்சில் பேசிகிட்டு இருக்கீரே..!! என்னத்த சொல்ல…..

            • ஐன்ஸ்டீன் நிறைக்கும் ஆற்றலுக்கும் இருக்கும் தொடர்பைத்தான் நிறுவியிருக்கிறார். இரண்டும் செயல்பாடுகளில் ஒன்றேதான் என்றால் பொருள்முதல் வாதம் கூறும் பொருள்தான் கடவுள் என்பதை ஏன் மறுக்கிறீர்கள்..?!

              • \\ஐன்ஸ்டீன் நிறைக்கும் ஆற்றலுக்கும் இருக்கும் தொடர்பைத்தான் நிறுவியிருக்கிறார். இரண்டும் செயல்பாடுகளில் ஒன்றேதான் என்றால் பொருள்முதல் வாதம் கூறும் பொருள்தான் கடவுள் என்பதை ஏன் மறுக்கிறீர்கள்..?!\\ ஐன்ஸ்டீன் E=mC^2 என்ற சமன்பாட்டை நிருவினார்னு எப்படியோ தெரிஞ்சுகிட்டே, அதுக்கு அர்த்தம் என்னன்னு நல்லா இயற்பியலைப் படிச்சவன் கிட்ட கேட்காம B.A. [Economics, History, Tamil Lit], B.com., என்று படிச்ச நீ உன் குவாலிபிகேஷன் வச்சே பசப்பிடலாம்னு கிளம்பிடியேய்யா 🙁 விளங்குமா இது? இவ்வளவு வியாக்கியானம் குடுக்கிறியே, ஒளித் துகள் Photon நிறையால் ஈர்க்கப் படும்னு நிரூபிக்கப் பட்டதே அதப் படிச்சியா? ஒரு எலக்டிரான் [electron] என்ற துகளும், பாசிட்ரான் [positron] என்ற எதிரித் துகளும் முட்டிக் கொண்டால் அது மின் காந்த அலையாக [Gamma Ray] மாறும் என்பது தெரியுமா ?

                எதையுமே படிக்கிறதில்லை, படிக்கவும் முடியாது, அதற்குத் தகுதியும் இல்லை, புத்தியும் இல்லை, ஆனால் எல்லாம் தெரிஞ்ச ஏகாம்பரம் மாதிரி இங்க வந்து பிலிம் காமிக்கிரியேய்யா….? தயவு பண்ணி நீ எந்த துறையைச் சார்ந்தவர் என்று சொல்லிடுயா… இயற்பியல் பத்தி பேசணும்னா, உன்னைய மாதிரி வேற சப்ஜெக்ட் படிச்ச பயல்கள் கிட்ட பேச முடியாதுய்யா. நான் பேசினாலும் உனக்கு புரியாது. எதுக்கு விதண்டா வாதம்?

                • // ஐன்ஸ்டீன் E=mC^2 என்ற சமன்பாட்டை நிருவினார்னு எப்படியோ தெரிஞ்சுகிட்டே, அதுக்கு அர்த்தம் என்னன்னு நல்லா இயற்பியலைப் படிச்சவன் கிட்ட கேட்காம B.A. [Economics, History, Tamil Lit], B.com., என்று படிச்ச நீ உன் குவாலிபிகேஷன் வச்சே பசப்பிடலாம்னு கிளம்பிடியேய்யா விளங்குமா இது? இவ்வளவு வியாக்கியானம் குடுக்கிறியே, ஒளித் துகள் Photon நிறையால் ஈர்க்கப் படும்னு நிரூபிக்கப் பட்டதே அதப் படிச்சியா? ஒரு எலக்டிரான் [electron] என்ற துகளும், பாசிட்ரான் [positron] என்ற எதிரித் துகளும் முட்டிக் கொண்டால் அது மின் காந்த அலையாக [Gamma Ray] மாறும் என்பது தெரியுமா ? //

                  ஒளித்துகள் (photon) நிறையால் ஈர்க்கப்படும்ன்னு சொல்லும்போதே நீர் ஒரு இயற்பியல் மேதை என்பது புரிகிறது. நிறையீர்ப்பு விசை (gravity) வெளியிலும்,காலத்திலும் (space time) ஏற்படுத்தும் பாதிப்பே (distortion) ஒளித்துகள் நிறையால் ஈர்க்கப்படுவது போன்று தோன்றக் காரணம். கருந்துளை (Black hole) பற்றி இயற்பியல் படித்த +2 மாணவர்களிடம் கேட்டுத் தெரிந்து கொள்ளலாம். அதிகமாகப் படித்தவர்களுக்கு உம்மிடம் பேசி விளக்கும் பொறுமை இருக்குமா என்பது சந்தேகம்தான்.

                  எலக்ட்ரான் – பாசிட்ரான் ஜோடி மட்டுமல்ல எந்த particle – anti-particle ஜோடியும் ஒன்றையொன்று அழித்துக் கொண்டு ஆற்றலாக- கதிர்வீச்சாக மாறும்.. என்ன சொல்லவருகிறீர் ? பொருள் ஆற்றலாக மாறுவதற்கும், இரண்டும் ஒன்று என்று சொல்வதற்கும் வித்தியாசம் தெரிகிறதா??

                  • \\கருந்துளை (Black hole) பற்றி இயற்பியல் படித்த +2 மாணவர்களிடம் கேட்டுத் தெரிந்து கொள்ளலாம்.\\ ஏன் கருந்துளைகள் மட்டும்தான் Space-Time ஐ distortion பண்ணுமா? நிறையுள்ள எந்த பொருளும் பண்ணும். ஒரு தூசி கூட பண்ணும். பூமியும் பண்ணும், சூரியனும் பண்ணும், கருந்துளைகளும் பண்ணும். சொல்லும் மொழி மட்டும்தான் வேறு வேறு சங்கதி எல்லாம் ஒண்ணுதான். நியூட்டன் காலத்தில் எந்த ஒரு நிறையும் இன்னொரு நிறையை ஈர்க்கும் என்றார், அதை ஐன்ஸ்டீன் நிறையானது அதைச் சுற்றியுள்ள Space-Time ஐ distortion செய்கிறது என்று சொன்னார். இங்கே அதுவல்ல மேட்டர். ஆற்றலும், நிறையும் ஒரே வஸ்துவா என்பது தான் கேள்வி. பதில் ஆம், ஒன்றே தான். நிலையாற்றல், இயக்க ஆற்றல் இரண்டுமே ஆற்றல் தான். நிலையாற்றல் இயக்க ஆற்றலாகவும், and vice versa., ஆகவும் மாற்ற முடியுமா? முடியும். ஏன்? இரண்டுமே ஆற்றல் தான். ஒரே வஸ்துதான். அதே மாதிரி, ஆற்றலை [அது எந்த ஆற்றலாக வேண்டுமானாலும் இருக்கட்டும்] நிறையாகவும், நிறையை ஆற்றலாகவும் கருத முடியுமா? முடியும். Electron-Positron pair production போது, ஆற்றல் நிறையாக மாறுகிறது, Electron-Positron annihilation போது ஆற்றல் நிறையாக மாறுகிறது. எடையை ஆற்றலாகவும், ஆற்றலை எடையாகவும் மாற்ற முடியும் என்றாலே அவை அடிப்படையில் ஒரே வஸ்துவாக இருந்தால் தான் முடியும். சொல்லப் போனால், E அளவு ஆற்றல் இருந்தால், அதை E/C2 அளவு நிறையாகவும், m அளவு நிறை இருந்தால் அதை mC ^2 அளவு ஆற்றலாகவும் கருத முடியும், ஆகையால் இரண்டும் ஒரே வஸ்துதான்.

                    • // Electron-Positron pair production போது, ஆற்றல் நிறையாக மாறுகிறது //

                      திரும்பத் திரும்ப நீர் ஒரு ‘இயற்பியல் மேதைன்னு’ காட்டணுமா?!
                      ஒரு மின் சமநிலை உள்ள அணுத்துகள் சிதைந்துதான் electron-positron pair உருவாகிறது. ஆற்றல் நிறையாக மாறுவதால் அல்ல..

                      // எடையை ஆற்றலாகவும், ஆற்றலை எடையாகவும் மாற்ற முடியும் என்றாலே அவை அடிப்படையில் ஒரே வஸ்துவாக இருந்தால் தான் முடியும். சொல்லப் போனால், E அளவு ஆற்றல் இருந்தால், அதை E/C2 அளவு நிறையாகவும், m அளவு நிறை இருந்தால் அதை mC ^2 அளவு ஆற்றலாகவும் கருத முடியும், ஆகையால் இரண்டும் ஒரே வஸ்துதான்.//

                      கடவுளைப் போல் பேசுகிறீரே..?!! காரீயத்தை தங்கமாக்கலாம். சூரிய ஒளியை பொருளாக்கிக் காட்ட உம்முடைய கொள்ளுப் பேரனாலும் முடியாது. ஒரே வேதியல் குறீயீடு உள்ளவை, ஒரே வஸ்து என்பதற்காக தாகமெடுத்தால் தண்ணீருக்கு பதில் பனிக்கட்டியையா முழுங்குவீர்.?

                    • // ஏன் கருந்துளைகள் மட்டும்தான் Space-Time ஐ distortion பண்ணுமா? நிறையுள்ள எந்த பொருளும் பண்ணும். ஒரு தூசி கூட பண்ணும். பூமியும் பண்ணும், சூரியனும் பண்ணும், கருந்துளைகளும் பண்ணும். சொல்லும் மொழி மட்டும்தான் வேறு வேறு சங்கதி எல்லாம் ஒண்ணுதான். //

                      ஒளித்துகளை நிறை ஈர்க்கும்ன்னு நீர் அடிச்சுவிட்டப்ப இதெல்லாம் தெரியாதா? அதெப்படி தூசி பண்ற space-time distortion -ஐ கண்டுபிடிப்பீர்?! அதனால்தான் கருந்துளையை பற்றி படிக்கச் சொன்னேன்.

                    • \\திரும்பத் திரும்ப நீர் ஒரு ‘இயற்பியல் மேதைன்னு’ காட்டணுமா?!
                      ஒரு மின் சமநிலை உள்ள அணுத்துகள் சிதைந்துதான் electron-positron pair உருவாகிறது. ஆற்றல் நிறையாக மாறுவதால் அல்ல..\\
                      மேற்கண்ட வாக்கியம் அவசரத்தில் தட்டச்சு செய்து, பிழை திருத்தும் போது போன வாக்கியத்தில் வந்த அதே சொற்றொடரே திரும்ப வந்து விட்டது. சரியான வாக்கியம், \\Electron-Positron pair production போது, ஆற்றல் நிறையாக மாறுகிறது, Electron-Positron annihilation போது நிறை ஆற்றலாக மாறுகிறது.\\ [விஷயம் தெரிஞ்சவன் இதைத் தவறு என்று சொல்ல மாட்டான், மாறாக இது என்னவாக இருந்திருக்கும் என்பதை நொடியில் உணர்ந்திருப்பான்.]

                      மிஸ்டர் கொம்பி…. நீங்க இந்த பிளாக்கில் எனக்கு லந்து விட்டவங்க மாதிரியில்லை, கொஞ்சம் விஷயம் தெரிஞ்ச ஆள்னு இப்பத்தான் நினைச்சேன், அதுக்குள்ளே அந்த நினைப்புல மண்ணை அள்ளிப் போட்டுட்டியேய்யா… 🙁 என்னமோ எல்லாம் தெரிஞ்ச ஏகாம்பரம் மாதிரி பீலா விட்டியே, \\ஒரு மின் சமநிலை உள்ள அணுத்துகள் சிதைந்துதான் electron-positron pair உருவாகிறது.\\ இதை உனக்கு எவன்யா சொல்லிக் கொடுத்தான்? அட சொல்லிக் கொடுத்தவனை விடு, இங்கே கணினியில் கூகுல் தேடியந்திரம் என்று ஒன்று இருக்கே. அதைக் கூடவா உமக்கு உபயோகிக்கத் தெரியாதா? ஏன்யா ஒன்னும் தேயாத மக்கு பிளாஸ்திரிகள் எல்லோருமா மொத்தமா இந்த பிளாக்குல வந்து சேர்ந்திருக்கீங்க? சரி, நீ எப்படியோ போ…. உன்னோட மேட்டரு கீழே உள்ள சுட்டியில் இருக்கு, படிச்சிக்கோ.

                      http://en.wikipedia.org/wiki/Pair_production

                    • \\ஒளித்துகளை நிறை ஈர்க்கும்ன்னு நீர் அடிச்சுவிட்டப்ப இதெல்லாம் தெரியாதா? அதெப்படி தூசி பண்ற space-time distortion -ஐ கண்டுபிடிப்பீர்?! அதனால்தான் கருந்துளையை பற்றி படிக்கச் சொன்னேன்.\\ சரி நான் என்னாத்த அடிச்சி விட்டேன்? என்னை என்ன உன்னைய மாதிரி ரீல் விட்டுக் கொண்டு திரிபவன்னு நினைச்சியா? இன்னமும் பாடப் புத்தகங்களில் பூமி சந்திரனை ஈர்க்கிறது என்ற வார்த்தைகளை ஏன் பயன் படுத்துகிறார்கள்? பேசாமல், பூமி கால-இட சட்டத்தை வலைத்துவிட்டாதால் சந்திரன் சுற்றுகிறது, [சரியாகச் சொன்னால் விழுகிறது என்று தான் வரும்] என்று சொல்லலாமே? நாளைக்கு இன்னொருத்தன் வந்து வின்ச்டீன் சொன்னதே தப்பு எதுவும் வளையவில்லை என்பான். இதெல்லாம் அறிவியல் conventions டைமுக்கு டைம் மாறும். \\ யோவ்… நீ ரொம்ப சாமர்த்திய சாளிதான்யா… நல்லா சமாளிக்கிறே…. பிழைச்சுக்குவே….

                    • \\ஒளித்துகளை நிறை ஈர்க்கும்ன்னு நீர் அடிச்சுவிட்டப்ப இதெல்லாம் தெரியாதா? அதெப்படி தூசி பண்ற space-time distortion -ஐ கண்டுபிடிப்பீர்?! அதனால்தான் கருந்துளையை பற்றி படிக்கச் சொன்னேன்.\\ யோவ்… நீ ரொம்ப சாமர்த்திய சாளிதான்யா… நல்லா சமாளிக்கிறே…. பிழைச்சுக்குவே….

                    • \\கடவுளைப் போல் பேசுகிறீரே..?!! காரீயத்தை தங்கமாக்கலாம். சூரிய ஒளியை பொருளாக்கிக் காட்ட உம்முடைய கொள்ளுப் பேரனாலும் முடியாது. \\

                      Plants utilize light energy in order to grow and proliferate, and by one of the most overly used but underly understood equations in physics E=m(c^2) the energy of incident photons would in tern be taken in by the plant in order to grow thus increasing its mass therefore photosynthesis does directly increase the mass of the earth by the plants photon absorption and growth; however, the most intriguing idea here is the possibility of replicating this feat of nature in other means, or say more directed to energy production by even reversing the process to convert everyday mass into energy with high efficiency after all you can never beat out the 2nd law of thermodynamics.

                      http://lofi.forum.physorg.com/Wouldn%26quot%3Bt-it-be-interesting_14140.html

                    • \\ஒரே வேதியல் குறீயீடு உள்ளவை, ஒரே வஸ்து என்பதற்காக தாகமெடுத்தால் தண்ணீருக்கு பதில் பனிக்கட்டியையா முழுங்குவீர்.?\\ இந்த ஈர வெங்காயக் கதைகள் எல்லாம் எமக்கும் தெரியும். ஒரு கெமிஸ்ட் கிட்ட கொடுத்தா இரண்டும் ஒன்னுன்னுதான் சொல்லுவான். நீர் கடைக்குப் போய், சோடியம் குளோரைடு அறை கிலோ, உப்பு அறை கிலோ கொடு என்றா கேட்பீறு? இங்கே பேசப் படுவது அறிவியல், வீரமணி, பெரியார் புராணமல்ல, இஷ்டத்துக்கும் அள்ளி விடுவதற்கு.

                    • இயற்பியல் விஜ்ஜானி, உம்மோட விக்கிப்பீடியா சுட்டியில் உள்ள இதுக்கு என்ன அர்த்தம்னு சொல்லும் :

                      // since the momentum of the initial photon must be absorbed by something, pair production by a single photon cannot occur in empty space; the nucleus (or another particle) is needed to conserve both momentum and energy.[1] //

                      —-
                      உமக்கு photosysnthesis -னா என்னன்னும் தெரியல போல் இருக்கு. ஆற்றலை நிறையாக மாற்றுதுன்னு உம்ம போல ஒரு மேதாவி உளறியதை மேற்கோள் காட்டி சுட்டி குடுக்கிறீர். ஹைட்ரஜன் மூலகூறையும், ஆக்ஸிஜனையும் நீர்மூலக்கூறிலிருந்து பிரிக்கமட்டுமே ஒளித்துகள் பயன்படுதுன்னு 8-ம் கிளாஸ் படிக்கும் புள்ளை சொல்லுமேயா.. விக்கிப்பீடியாவில் உமக்கு புரியுறாப்ல இல்லையோ??

                      —-

                      // இன்னமும் பாடப் புத்தகங்களில் பூமி சந்திரனை ஈர்க்கிறது என்ற வார்த்தைகளை ஏன் பயன் படுத்துகிறார்கள்? பேசாமல், பூமி கால-இட சட்டத்தை வலைத்துவிட்டாதால் சந்திரன் சுற்றுகிறது, [சரியாகச் சொன்னால் விழுகிறது என்று தான் வரும்] என்று சொல்லலாமே? //

                      நிறையை நிறை ஈர்க்கும், பூமியின் நிறை பண்ற space-time distortion ஒரு கருந்துளையோடத விட மிக மிகக் குறைவு : இதெல்லாம் கூட உமக்கு புரியாத சமாச்சாரங்களாயிருந்தால் புடுங்கப் போவது நீர் செய்யும் உருப்படியான வேலையா இருக்கும்..

                      —-

                      // ஒரு கெமிஸ்ட் கிட்ட கொடுத்தா இரண்டும் ஒன்னுன்னுதான் சொல்லுவான். நீர் கடைக்குப் போய், சோடியம் குளோரைடு அறை கிலோ, உப்பு அறை கிலோ கொடு என்றா கேட்பீறு? இங்கே பேசப் படுவது அறிவியல், வீரமணி, பெரியார் புராணமல்ல, இஷ்டத்துக்கும் அள்ளி விடுவதற்கு. //

                      நீர் தாகத்துக்கு குடிப்பீரா, முழுங்குவீரான்னு கேட்டா கெமிஸ்ட் என்ன சொல்லார்ன்னு கேக்கப் போறீர்.?! உப்புக்கு பல பேர்கள் இருக்கறதுக்கும், H2O – க்கு பல வடிவங்களும், தன்மைகளும் இருப்பதற்கும் நீர் முடிச்சு போடுவது உமக்கு அடிப்படை அறிவு கூட இல்லன்னு காட்டுது.. புடுங்குறதுக்கு கூட அது தேவையாச்சேய்யா??!!

                    • \\உம்ம பட்லருக்கும் தெரியாதாமா?!\\ உன் மூஞ்சிக்கு நானே ஓவரு, இதுல உனக்கு எதுக்கையா பட்லரும் ஹிட்லரும்?

                    • \\இயற்பியல் விஜ்ஜானி, உம்மோட விக்கிப்பீடியா சுட்டியில் உள்ள இதுக்கு என்ன அர்த்தம்னு சொல்லும் :

                      // since the momentum of the initial photon must be absorbed by something, pair production by a single photon cannot occur in empty space; the nucleus (or another particle) is needed to conserve both momentum and energy.[1] //\\

                      இதுக்கு அர்த்தம்,

                      \\ஒரு மின் சமநிலை உள்ள அணுத்துகள் சிதைந்துதான் electron-positron pair உருவாகிறது. ஆற்றல் நிறையாக மாறுவதால் அல்ல..\\ ஹா…ஹா…ஹா…
                      உன்னோட பட்லர்கிட்ட கொண்டு போய் உன்னோட வியாகானத்தைக் காமி, துப்புவான்.

                    • \\ஹைட்ரஜன் மூலகூறையும், ஆக்ஸிஜனையும் நீர்மூலக்கூறிலிருந்து பிரிக்கமட்டுமே ஒளித்துகள் பயன்படுதுன்னு 8-ம் கிளாஸ் படிக்கும் புள்ளை சொல்லுமேயா..\\ இரண்டு ஹைட்ரஜன் அணுக்கள் எடை + ஒரு ஆக்சிஜென் அணுவின் எடை ஒரு நீர் மூலக்கூருவின் எடையை விட அதிகமாக இருக்கும். இந்த வித்தியாசம், ஒரு நீர் மூலக்கூருவை பறிக்கத் தேவையான ஆற்றலை C^2 ஆல் வகுக்கக் கிடைப்பதாகும். இந்த விவரங்கள் எட்டாம் கிளாஸ் வரை மட்டுமே படித்த உனக்கு தெரிந்திருக்க வாய்ப்பில்லை. இதை வெறும் ஐந்தாம் கிளாஸ் மட்டுமே படித்த என்னிடம் தெரிந்து கொள்ளும் இழி நிலையில் உள்ளேயே கொம்பி!!

                    • \\நிறையை நிறை ஈர்க்கும், பூமியின் நிறை பண்ற space-time distortion ஒரு கருந்துளையோடத விட மிக மிகக் குறைவு :\\ ஐயா…. ஒருத்தன் மக்கு பிளாஸ்திரியா இருக்கலாம், அதுல தப்பில்லை, ஆனால் இந்த அளவுக்கா மக்காக இருக்க வேண்டும்? பூமி சந்திரனை மட்டுமல்ல, ஒரு ஆப்பிளை மரத்திலிருந்து கீழே விழச் செய்வதென்றாலும், ஐன்ஸ்டீனின் கணக்குப் படி அது பூமி space-time distortion செய்ததனால் தான். இது சூரியன், கோள்கள், பால்வெளி இந்த பிரமாண்டம் என எல்லாவற்றுக்கும் பொருந்தும், வெறும் கருந்துளைக்கு மட்டுமல்ல. [ஏன்யா பி.காம் படிச்சிட்டு என்னைய மாதிரி அஞ்சாம் கிளாஸ் படிச்சவன்கிட்ட வந்து வீணா மொதுறே? :(]

                    • \\உப்புக்கு பல பேர்கள் இருக்கறதுக்கும், H2O – க்கு பல வடிவங்களும், தன்மைகளும் இருப்பதற்கும் நீர் முடிச்சு போடுவது உமக்கு அடிப்படை அறிவு கூட இல்லன்னு காட்டுது\\ஆற்றல், நிறை இரண்டும் வெவ்வேறு சங்கதிகள் அல்ல, ஒரே சங்கதியின் வெளிப்பாடே என்பதற்கும் தண்ணீரையும், ஐஸையும் குடிப்பதற்கும் சம்பந்தம் இருப்பதாகக் கூறிய அடிப்படை அறிவு இருந்ததா?

                    • கேட்ட கேள்விக்கு பதில் சொல்ல முடியல்லைன்னா ஹா..ஹ்ஹான்னு பித்துப் பிடிச்சாப்ல சிரிச்சா மட்டும் போதாது.. internal pair creation, particle decay, super heavy nuclear collisions மாதிரி மேட்டரையெல்லாம் உம்ம பட்லருக்குக்காவது தெரியுதான்னு கேட்டுப்பாக்கணும்..

                      ஒளித்துகளை நிறை ஈர்க்கும்ன்னு உளறிக் கொண்டிருந்த நீர் இப்ப ஐன்ஸ்டீனின் General theory of relativity, binding energy வரை வந்துருக்கீர்.. நல்ல முன்னேற்றம்தான்.. இன்னும் கொஞ்சம் முக்குனா ஹிக்ஸ் ஃபீல்டுக்கு வந்துரலாம்.. விடாம முயற்சி பண்ணும்..

                    • \\கேட்ட கேள்விக்கு பதில் சொல்ல முடியல்லைன்னா\\ நான்தான் வெறும் அஞ்சாம் கிளாஸ்தான் படிச்சேன்னு ஒத்துகரேனே அப்புறம் என்னைய்யா? எனக்கு ஒண்ணுமே தெரியாதுதான். விட்டுத் தள்ளு ஆனா, \\ஒரு மின் சமநிலை உள்ள அணுத்துகள் சிதைந்துதான் electron-positron pair உருவாகிறது. ஆற்றல் நிறையாக மாறுவதால் அல்ல..\\ என்று எங்க போட்டிருக்குன்னு அந்தச் சுட்டியில் போட்டிருக்குன்னு மட்டும் சொல்லு, அப்புறம் பேசுவோம்.

                      \\ internal pair creation, particle decay, super heavy nuclear collisions மாதிரி மேட்டரையெல்லாம் உம்ம பட்லருக்குக்காவது தெரியுதான்னு கேட்டுப்பாக்கணும்..\\ இதெல்லாம் எனக்குத் தெரியாது, ஒப்புக் கொள்கிறேன்.

                      \\ஒளித்துகளை நிறை ஈர்க்கும்ன்னு உளறிக் கொண்டிருந்த நீர் இப்ப ஐன்ஸ்டீனின் General theory of relativity, binding energy வரை வந்துருக்கீர்.. நல்ல முன்னேற்றம்தான்.. இன்னும் கொஞ்சம் முக்குனா ஹிக்ஸ் ஃபீல்டுக்கு வந்துரலாம்.. விடாம முயற்சி பண்ணும்.\\ உம