பால் விலை உயர்வைக் கண்டித்து கோவை தடாகம் ரோடு இடையர்பாளையம் பேருந்து நிறுத்தத்தில் புரட்சிகர அமைப்புகளான மக்கள் கலை இலக்கியக் கழகம், புரட்சிகர மாணவர் இளைஞர் முன்னணி, மற்றும் புதிய ஜனநாயகத் தொழிலாளர் முன்னணி சார்பில் தோழர்கள் பெண்கள் சட்டக்கல்லூரி மாணவர்கள் உள்பட நூற்றுக்கணக்கானவர்கள் கலந்து கொண்ட ஆர்ப்பாட்டம் மிகுந்த எழுச்சியுடன் நடைபெற்றது.
கோவை மண்டல சங்கத்தின் முருகன் மில் கிளைத் தலைவர் P.இரங்கசாமி முன்னிலை வகித்து முழக்கமெழுப்பினார். ம.க.இ.க மாவட்டச் செயலாளர் தோழர் மணிவண்ணன் தனது தலைமையுரையில் பால் விலையேற்றத்தின் பின்னணி குறித்தும் மக்கள் படும் வேதனைகளையும், அணி திரள வேண்டியதன் அவசியம் குறித்தும் விளக்கமாகப் பேசினார். பின்னர் இடையர்பாளையம் நான்கு வீதிகளும் சிலிர்க்கும்படி தோழர்கள் சிறப்பான முழக்கங்களை எழுப்பினார்கள்.
இறுதியில் கண்டன உரையாற்றிய தோழர் விளவை இராமசாமி, பால் விலையேற்றத்தின் பின்னணியில் சதிகாரி ஜெயலலலிதாவின் சொத்து வழக்கு உள்ளது. ஜாமீன் பெறுவதற்கு பல கோடிக்கணக்கான் ரூபாய் கைமாறி உள்ளது. ராம் ஜெத்மலானி, நாரிமன் என ஏராளமானோர் இதில் உள்ளடங்கி உள்ளனர். இவர்களை உரிய முறையில் உபசரித்தது யார் என்றால் தனியார் பால் நிறுவன முதலாளிகளான் திருமலா, டோட்லா, ஹேரிட்டேஜ், ஜெர்சி போன்றோர். இவர்களுக்கு நன்றி கடன் செலுத்தவே பால் விலை பத்து ரூபாய் உயர்த்தப்பட்டுள்ளது என்றார். அது போல சர்க்கரை விலை 3 ரூபாய் ஏற்றத்தின் பின்னாலும் பாசிச ஜெயாவின் நண்பர்களான ஆந்திர கர்நாடக சர்க்கரை ஆலை முதலாளிகள் உள்ளனர். எனவே இதனை முறியடிக்க வேண்டுமானால் மக்கள் ஓட்டுப்போடுவதால் ஒன்றும் செய்ய முடியாது, கருணாநிதி சொல்வது போல புரட்சி செய்ய வேண்டும். ஆனால் அப்புரட்சி கருணாநிதி உள்பட சகல ஓட்டுப்பொறுக்கி கட்சிகளுக்கும் ஒட்டு மொத்தமாக பால் ஊற்றுவதாக இருக்க வேண்டும். அத்தகைய ஒரு புரட்சிக்கு வரலாறு காத்திருக்கிறது. அதனை நாம் தோள் கொடுத்து நிறைவேற்ற வேண்டும் என அறைகூவல் கொடுத்து கண்டன உரையை நிறைவு செய்தார்.
[படங்களைப் பெரிதாகப் பார்க்க அவற்றின் மீது சொடுக்கவும்]
புதிய ஜனநாயகத் தொழிலாளர் முன்னணி
மக்கள் கலை இலக்கியக் கழகம்
புரட்சிகர மாணவர் இளைஞர் முன்னணி
கோவை
9629730399
8220840468