கார்ப்பரேட்களின் சொர்க்கபுரியாக மாறிய மகா கும்பமேளா

இந்த ஆண்டு மகா கும்பமேளாவில் விளம்பரம் மற்றும் சந்தைப் படுத்துதலுக்காக பல நிறுவனங்கள் சுமார் ₹3,600 கோடிகள் வரை செலவு செய்யும் என மதிப்பிடப்பட்டுள்ளது.

த்தரப்பிரதேச மாநிலத்தின் பிரயாக்ராஜில் நகரில் 45 நாட்கள் நடைபெற உள்ள மகாகும்பமேளா நிகழ்வு கார்ப்பரேட் நிறுவனங்களின் சொர்க்கபுரியாக மாறியுள்ளது.

இந்நிகழ்விற்கு 40 கோடிக்கும் அதிகமான மக்கள் வருவார்கள் என கணிக்கப்பட்டுள்ள நிலையில் உள்நாட்டு மற்றும் பன்னாட்டு கார்ப்பரேட் நிறுவனங்கள், தங்கள் பொருட்களை (பிராண்டுகளை) குறைந்த செலவில் நன்றாக விளம்பரப்படுத்திக் கொள்ளும் சந்தையாக பயன்படுத்தத் துவங்கியுள்ளன.

பன்னிரண்டு ஆண்டுகளுக்கு ஒருமுறை நடைபெறும் இந்த மகா கும்பமேளாவில் மிகக்குறைந்த செலவில் பல கோடி மக்களிடம் ஒரே நாளில் ஒரே நேரத்தில் தங்கள் பொருட் களை சந்தை/விளம்பரப்படுத்தி விடக்கூடிய சாதுரியமான வேலையில் பல முன்னணி கார்ப்பரேட் நிறுவனங்கள் ஈடுபட்டுள்ளன.

குறிப்பாக குளிர்பானம், சோப்பு, அகர்பத்தி, பேஸ்ட் உள்ளிட்ட வேகமாக நகரும் நுகர்வோர் பொருட்களை (FMCG) உற்பத்தி செய்யும் நிறுவனங்கள் முதல் வங்கிகள், சிறுதொழில் நிறுவனங்கள் என அனைத்து நிறுவனங்களும் இந்த சந்தைப்படுத்தும் பணியில் இறங்கியுள்ளன.

ஜனவரி 13 இல் துவங்கி பிப்ரவரி 26 வரை இந்நிறுவனங்கள் இவ்விளம்பரங்களை பல கோடி மக்களிடம் கொண்டு செல்ல உள்ளன.

4,000 ஹெக்டேர் பரப்பளவில் நடைபெறும், ‘மகாகும்பமேளா – 2025’ இல் கடந்த கும்பமேளாவை விட அதிக கோடிகள் பணம் புரளும் நிகழ்வாக இருக்கும் என கூறப்படுகிறது. ‘மகாகும்ப் 2025’ மூலம் ₹2 லட்சம் கோடிக்கு மேல் வருவாயை ஈட்ட முடியும் என உத்தரப்பிரதேச பாஜக அரசின் தொழில் மேம்பாட்டுத்துறையின் அமைச்சர் நந்தகோபால் குப்தா நந்தி மதிப்பிட்டுள்ளது குறிப்பிடத்தக்கது.

இந்த ஆண்டு மகா கும்பமேளாவில் விளம்பரம் மற்றும் சந்தைப் படுத்துதலுக்காக பல நிறுவனங்கள் சுமார் ₹3,600 கோடிகள் வரை செலவு செய்யும் என மதிப்பிடப்பட்டுள்ளது என பிராண்டுகளை விளம்பரப்படுத்தும் உத்தி வல்லுநர்கள் தெரிவித்துள்ளதாக செய்திகள் வெளியாகியுள்ளன.

இதுமட்டுமின்றி இன்னும் சில நிறுவனங்கள் செயற்கை நுண்ணறிவு தொழில்நுட்பம், எல்.இ.டி திரைகள், மெய்நிகர் தொழில்நுட்பம் (Virtual assistance) மற்றும் கைப்பேசி ஆப்கள் மூலம் விளம்பரம் செய்ய சுமார் 1,800 முதல் 2,000 கோடி வரை முதலீடு செய்வார்கள் எனவும் மதிப்பிடப்பட்டுள்ளது குறிப்பிடத்தக்கது.

நன்றி: தீக்கதிர்


சமூக வலைத்தளங்களில் வினவை பின்தொடருங்கள்:
WhatsApp, X (Twitter), Facebook, YouTube, Telegram, Instagram



விவாதியுங்கள்

உங்கள் மறுமொழியை பதிவு செய்க
உங்கள் பெயரைப் பதிவு செய்க