“இந்த நிலம் என்னுடையது; ஆனால், நான் இந்த நிலத்திற்குரிய உரியவன் அல்ல!” – இந்த வரிகள், வங்க – அசாமிய முசுலிமான காஸி நீல் என்ற இளம் கவிஞனுடையது. அவனது வலி மிகுந்த இந்த வரிகள் இன்று, குடியுரிமைச் சட்டத் திருத்தம் அமலுக்கு வந்த பிறகு, அசாம் உள்ளிட்ட வடகிழக்கு மாநிலங்களிலும் மேற்கு வங்கத்திலும் குடியேறி, இந்தியக் குடிமக்களாகவே மாறிவிட்ட வங்கதேச முசுலிம்களின் அவலத்தை, எதிர்கால அச்சத்தைப் பிரதிபலிப்பதாக மாறிவிட்டது.

1955-ல் நிறைவேற்றப்பட்ட குடியுரிமைச் சட்டம் இந்திய நாட்டில் பிறந்த அனைவரும் இந்தியக் குடியுரிமை பெறும் வகையில் உருவாக்கப்பட்டிருந்தது. பிரிவினையின்போதும், அதன் பின்னரும் குடிபெயர்ந்தவர்கள் குடியுரிமை பெறுவதற்கும்கூட மதம் வரையறையாக வைக்கப்படவில்லை.

அசாமில் சட்டவிரோதமாகக் குடியேறியிருப்பவர்களை வெளியேற்றும் ஒப்பந்தம் கையெழுத்தான பிறகு, “இந்தியக் குடியுரிமை பெற விண்ணப்பிப்பவர்களின் பெற்றோர்களில் ஒருவர் இந்தியக் குடிமகனாக இருக்க வேண்டும்” எனக் குடியுரிமைச் சட்டத்தில் நிபந்தனை விதிக்கப்பட்டு, 1987-ல் திருத்தம் கொண்டுவரப்பட்டது.

2004-ல் வாஜ்பாயி ஆட்சியில் இந்த நிபந்தனை மேலும் கடுமையாக்கப்பட்டது. குடியுரிமைக்காக விண்ணப்பிப்பவர்களின் பெற்றோர்களில் ஒருவர் இந்தியக் குடிமகனாக இருக்க வேண்டும் என்பதோடு, மற்றவர் சட்டவிரோதக் குடியேறியாக இருக்கக் கூடாது என அச்சட்டம் திருத்தப்பட்டது. இந்தத் திருத்தம் இந்தியாவில் குடியேறியிருக்கும் வங்கதேச முசுலிம்களையும், அவர்களது வாரிசுகளையும் ஒதுக்கி, சட்டவிரோத ஊடுருவல் பேர்வழிகளாகக் காட்டும் உள்நோக்கத்தைக் கொண்டிருந்தது.

மோடியின் ஆட்சியில் தற்பொழுது கொண்டுவரப்பட்டிருக்கும் சட்டத் திருத்தமோ, மிகவும் வெளிப்படையாகவே இந்தியாவில் குடிபெயர்ந்து வாழ்ந்துவரும் முசுலிம்களை மட்டும் தனிமைப்படுத்தி, ஒதுக்குகிறது.

“பாகிஸ்தான், வங்கதேசம், ஆப்கானிஸ்தான் ஆகிய மூன்று நாடுகளிலிருந்து எவ்வித ஆவணங்களுமின்றி, டிசம்பர் 31, 2014 முன்பாக இந்தியாவில் குடியேறியிருக்கும் இந்துக்கள், பௌத்தர்கள், கிறித்தவர்கள், பார்சிக்கள், சமணர்கள் மற்றும் சீக்கியர்கள் ஆகிய மதப் பிரிவுகளைச் சேர்ந்தவர்களைச் சட்டவிரோதக் குடியேறிகளாகக் கருதக் கூடாது. மேலும், அவர்கள் மீது கடவுச்சீட்டுச் சட்டம், வெளிநாட்டினர் சட்டம் ஆகிய பிரிவுகளின் கீழ் வழக்குகள் தொடுக்கப்பட்டிருந்தால், அவ்வழக்குகள் அனைத்தும் ரத்து செய்யப்படும்” எனக் குறிப்பிடுகிறது, அத்திருத்தம்.

மேலும், இச்சட்டத் திருத்தத்திற்கு முன்பு இந்தியாவில் குடியுரிமை பெற விண்ணப்பிப்பவர்கள் யாராக இருந்தாலும், அவர்கள் இந்தியாவில் பதினொரு ஆண்டுகள் வாழ்ந்திருக்க வேண்டும் என்ற நிபந்தனை உண்டு. ஆனால், மோடி கொண்டுவந்திருக்கும் இச்சட்டம் குறிப்பிட்ட இந்த ஆறு மதத்தினருக்கு அக்காலக்கெடுவை ஐந்து ஆண்டுகளாகக் குறைத்துவிட்டிருக்கிறது.

இச்சட்டத் திருத்தம் இந்துக்களுக்குத் தனிச் சலுகை அளிக்கும் விதத்தில் கொண்டுவரப்படவில்லை எனக் காட்டுவதற்காகவே, அந்நிய மதமென ஆர்.எஸ்.எஸ். கும்பலால் கூறப்படும் கிறித்தவம் இதில் சேர்க்கப்பட்டிருக்கிறது. மேலும், இச்சட்டத் திருத்தத்தில் ஆறு மதங்கள் குறிப்பிடப்பட்டிருந்தாலும், அதனின் உள்நோக்கம், அசாம், திரிபுரா உள்ளிட்ட மாநிலங்களில் குடியேறியிருக்கும் வங்கமொழி பேசும் இந்துக்களுக்கு உடனடியாகக் குடியுரிமை வழங்குவதுதான்.

வங்க தேசத்திலிருந்து இந்தியாவில் குடியேறியிருக்கும் முசுலிம்கள் இந்தியக் குடியுரிமை பெற பலவிதமான ஆவணங்களைக் காட்டித் தாங்கள் சட்டவிரோதக் குடியேறிகள் இல்லை என நிரூபிக்க வேண்டியிருக்கும் நிலையில், வங்கமொழி பேசும் இந்துக்கள் எந்தவொரு ஆவணமும் இன்றி, தமது மத அடையாளம் ஒன்றை மட்டுமே வைத்துக்கொண்டு குடியுரிமை பெறுவதற்கு இச்சட்டத் திருத்தம் வழி ஏற்படுத்திக் கொடுக்கிறது.

பாபர் மசூதி நிலத்தை இந்துத் தரப்பிற்கு வாரிக் கொடுக்க மத நம்பிக்கை; இந்துக்களுக்குக் குடியுரிமை வழங்க மத அடையாளம் – இதன் பிறகும் இந்தியாவை மதச்சார்பற்ற நாடு என நம்புவதற்கு ஏதாவது பொருளுண்டா?

படிக்க:
மோடி – அமித்ஷாவுக்கு காலம் நெருங்கிக் கொண்டிருக்கிறது : போராட்டக்களத்தில் பேசும் பதாகைகள் !
♦ குடியுரிமை திருத்தச் சட்டத்தை இந்தியர்கள் நாங்கள் எதிர்க்கிறோம் ! – வழக்கறிஞர் பாலன்

துன்புறுத்தலுக்கு உள்ளாகியிருக்கும் அல்லது அத்தகைய அச்சுறுத்தலை எதிர்நோக்கியிருக்கும் மதச் சிறுபான்மையினர் என்ற மனிதாபிமான அடிப்படையில்தான் ஆறு மதத்தினருக்குக் குடியுரிமை வழங்கச் சலுகை அளிக்கப்பட்டிருப்பதாக மோடி அரசு கூறினாலும், மோடி அரசு நிறைவேற்றியிருக்கும் திருத்தத்தில் மதச் சிறுபான்மையினர் என்றோ, அச்சுறுத்தலுக்கு உள்ளாகியிருப்பவர்கள் என்றோ குறிப்பிடப்படவில்லை. அச்சட்டத் திருத்தம் மத அடையாளத்தை மட்டுமே பேசுகிறது.

பாகிஸ்தானில் இந்துக்களைவிட, அஹமதியா முசுலீம்கள்தான் கொடூரமான அச்சுறுத்தலுக்கு ஆளாகியிருக்கும் மதச் சிறுபான்மையினர். பர்மிய இராணுவம் ரோஹிங்யா முசுலிம்கள் மீது இனப் படுகொலை நடத்தியிருப்பது உலகெங்கிலுமே அம்பலமாகியிருக்கிறது. ஈழத் தமிழர்கள் சிங்கள பேரினவாதத்தால் இனப் படுகொலைக்கு ஆளாகியுள்ளனர்.

இவர்களையெல்லாம் ஒதுக்கிவிட்டுக் கொண்டுவரப்பட்டிருக்கும் இச்சட்டத் திருத்தம் யூதர்களுக்கு இசுரேல் போல, இந்துக்களுக்கு இந்தியா என்பதை உருவாக்கும் நோக்கத்தைக் கொண்டிருக்கிறது. அதற்கேற்ப, இச்சட்டத் திருத்தத்தில் கூறப்பட்டிருக்கும் நிபந்தனைகள், வரம்புகளை எதிர்காலத்தில் மாற்றும் அதிகாரத்தையும் மைய அரசிற்கு அளித்தே இச்சட்டத் திருத்தம் கொண்டுவரப்பட்டிருக்கிறது.

“இந்துக்கள் அல்லாதவர்கள், எந்தவொரு உரிமையினையும் சலுகையினையும் கோராமல், இந்து தேசத்திற்குக் கீழ்ப்படிந்து இந்த நாட்டில் வாழலாம்” என ஆர்.எஸ்.எஸ்.- சித்தாந்த குரு கோல்வால்கர் கூறியிருப்பதற்கு ஏற்ப, இந்து இந்தியாவை உருவாக்குவதுதான் ஆர்.எஸ்.எஸ்.- இறுதி நோக்கம். அதனை நோக்கிச் செல்லும் திசையில் எடுத்து வைக்கப்பட்டிருக்கும் அடுத்த அடிதான் இந்தச் சட்டத் திருத்தம்.

நாடெங்கும் குடிமக்கள் பதிவேட்டினை நடைமுறைப்படுத்தப் போவதாக அமித் ஷா அறிவித்திருப்பதையும் இந்தப் பின்னணியிலிருந்துதான் பார்க்க முடியும்.
அதேசமயம், இச்சட்டத் திருத்தத்தின் உடனடி நோக்கம் அசாம் மாநிலத்தில் நடத்தப்பட்ட தேசிய குடிமக்கள் பதிவேட்டில் இடம் பெறாமல், சட்டவிரோதக் குடியேறிகளாக அடையாளப்படுத்தப்பட்டிருக்கும் வங்கமொழி பேசும் இந்துக்களுக்கு இந்தியக் குடியுரிமை வழங்கி அம்மாநிலத்தில் இந்து வாக்குவங்கியை உருவாக்கிப் பராமரிப்பதுதான்.

குடியுரிமை சட்டத் திருத்தத்துக்கு எதிராக அசாம் மாநிலத் தலைநகர் கவுஹாத்தியில் நடைபெற்ற ஆர்ப்பாட்டம். (கோப்புப் படம்)

“மார்ச் 21, 1974-க்கு பிறகு அசாம் மாநிலத்தில் சட்டவிரோதமாகக் குடியேறியவர்கள் அனைவரையும், மத வேறுபாடின்றி வெளியேற்ற வேண்டும்” என்பதுதான் அசாம் மக்களின் கோரிக்கை. ராஜிவ் காந்தி பிரதமராக இருந்த சமயத்தில் போடப்பட்ட அசாம் ஒப்பந்தமும் அதனைத்தான் கோருகிறது.

ஆனால், மோடி அரசோ அந்த ஒப்பந்தத்தைச் சிதைக்கும் நோக்கில் அசாம் மாநிலத்தில் குடியேறியிருக்கும் வங்கமொழி பேசும் இந்துக்களுக்குச் சலுகை அளிக்கும் விதத்தில் இச்சட்டத் திருத்தத்தை உருவாக்கியிருக்கிறது. மேலும், அசாம் ஒப்பந்தத்தில் விதிக்கப்படிருந்த காலக்கெடுவையும் இந்துக்களுக்கு மட்டும் டிச.31, 2014 என நைச்சியமாக மாற்றியமைத்துவிட்டது.

இச்சட்டத் திருத்தம் வடகிழக்கு மாநிலங்களின் அனைத்துப் பகுதிகளுக்கும் பொருந்தாது என மோடி அரசு விளக்கம் அளித்தாலும், அச்சமாதானத்தை அசாமியர்கள் யாரும் நம்பவில்லை. இச்சட்டத் திருத்தத்துக்கு எதிராக அசாமில் தொடங்கிய போராட்டம் திரிபுரா, மணிப்பூர், நாகலாந்து, அருணாச்சலப் பிரதேசம் எனப் பரவி வருகிறது.

இந்திய அரசு என்பது இந்து அரசுதான் என்பதை இச்சட்டத் திருத்தத்தின் மூலம் சட்டபூர்வமாகவே பிரகடனப்படுத்தியிருக்கிறது, மோடி அரசு. அயோத்தி, காஷ்மீர் விவகாரங்களும் இந்த நடவடிக்கையும் முஸ்லிம் மக்களுக்கு மட்டுமே எதிரானவை என்று கருதிக் கொண்டிருப்போர், இது ஓர் பேரழிவின் தொடக்கம் என்பதை விரைவிலேயே அனுபவித்து உணர்ந்து கொள்வார்கள்.

– புதிய ஜனநாயகம், டிசம்பர் 2019

மின்னூல் :

15.00Add to cart

மின்னூலை வாங்க Add to cart பட்டனை அழுத்தவும். பின்னர் View cart அழுத்தி, உங்கள் கூடையில்(Cart), எண்ணிக்கையை(Quantity) சரிபார்த்துவிட்டு, Proceed to checkout-பட்டனை அழுத்தி, உங்கள் பெயர் மற்றும் தகவல்களை பதிவு செய்து Place order-ஐ அழுத்துங்கள். இந்தியாவில் வங்கி கணக்கு வைத்திருப்போர் Online Payments மூலமாகவும் வெளிநாட்டில் வங்கி கணக்கு வைத்திருப்போர் Paypal மூலமாகவும் தெரிவு செய்து பணத்தை செலுத்தலாம்.

பணம் அனுப்பிய பிறகு உங்களது மின்னஞ்சலுக்கு உடனேயே டவுண்லோடு இணைப்பு வரும். அதிலிருந்து நீங்கள் இரண்டு நாட்களுக்குள் டவுண்லோடு செய்யலாம்.

Mobile – (91) 97100 82506, (91) 99411 75876
Email – vinavu@gmail.com
இந்நூலின் கட்டுரைகள் அனைத்தும் வினவு தளத்தில் வெளியிடப்படும்.

புதிய ஜனநாயகம் மாத இதழை நேரடியாகப் பெற விரும்புவோர் ஆண்டுச் சந்தா செலுத்தலாம் : உள்நாடு ரூ.180 மட்டும்!

தொடர்பு முகவரி
புதிய ஜனநாயகம் ,
110, இரண்டாம் தளம்,
63, என்.எஸ்.கே. சாலை, (அ.பெ.எண்: 2355)
கோடம்பாக்கம், சென்னை – 600024

தொலைபேசி: 94446 32561
மின்னஞ்சல் : puthiyajananayagam@gmail.com

புதிய ஜனநாயகத்தின் முந்தைய மின்னூல் வெளியீடுகள்

15.00Add to cart

15.00Add to cart

15.00Add to cart

 

சந்தா செலுத்துங்கள்

இணையத்தில் உழைக்கும் மக்களின் குரலாக பதினோரு ஆண்டுகளாக போராடும் வினவுடன் கை கோருங்கள். ஆதரியுங்கள்

3 மறுமொழிகள்

  1. இது உண்மையாக இருந்தால் பிஜேபியை மனதார பாராட்டுகிறேன் மீண்டும் பிஜேபிக்கே ஓட்டு போடுவேன்.

  2. இந்தியா ஹிந்து நாடு தான், இது வரையில் (போலி)மதசார்பற்ற அரசியல் செய்தவர்கள், இந்தியா மதசார்பற்ற நாடு அதனால் காஷ்மீர் முஸ்லீம் உன்னை விரட்டி அடித்தாலும், மிசோரமில் உன்னை கிறிஸ்துவர்கள் விரட்டி அடித்தாலும் சரி நாங்கள் யாரும் கேட்க மாட்டோம் காரணம் நாங்கள் (போலி) மதச்சார்பின்மைவாதிகள்,

    காஷ்மீரில் இஸ்லாமியர்கள் மதத்தின் அடிப்படையில் தேசத்தை பிரிக்க நினைத்தாலும் நீங்கள் அமைதியாக தான் இருக்க வேண்டும் காரணம் இஸ்லாமியர்கள் பிரிவினை கேட்பது மதசார்பின்மை.

    நாகாலாண்டில் மிசோரமில் உள்ள கிறிஸ்துவர்கள் ஹிந்து சிலைகளை உடைத்து ஏசுவிற்காக தனி தேசம் என்று சொல்லி இந்தியாவை பிரிக்க நினைத்தாலும் நீ அமைதியாக தான் இருக்க வேண்டும்.

    காரணம் நீ ஒரு ஹிந்து நீ இளிச்சவாயன் உன் தேசத்தை அனைவரும் சேர்ந்து துண்டாக்கும், உன் கலாச்சாரத்தை அழிப்போம், உன் கடவுளை இழிவு செய்வோம் அதை எல்லாம் நீ வேடிக்கை தான் பார்க்க வேண்டும்…கரணம் நீ ஒரு ஹிந்து இளிச்சவாயன்.

    — இப்படிக்கு (போலி) மதச்சார்பற்றவாதிகள்

  3. 1. முஸ்லீம்கள் எதற்காக NRC/CAAவிற்கு எதிராக போராடுகிறார்கள்?

    எந்த முஸ்லிமும் குடியுரிமை சட்டத்திற்கு (CAA) எதிராகவோ அல்லது அதன் மூலம் அகதிகளாக வரும் ஹிந்து சகோதர சகோதிரிகளின் உரிமைகளை பறிக்கவோ போராடவில்லை. மாறாக குடிமக்களின் தேசிய பதிவு (NRC) மற்றும் இந்திய முஸ்லிம்களின் உரிமையை பறிக்கும் CAAவிற்கு எதிராக போராடுகிறார்கள். என்ன புரியவில்லையா? NRC செயல்படுத்தப்பட்டால் எல்லோரும் தங்களுடைய பிறப்பு சான்றிதழ் (மற்றும் வேறு பலர் அத்தாட்சிகளை) சமர்ப்பிக்க வேண்டி இருக்கும். அப்படி சமர்ப்பிக்க முடியா பட்சத்தில் CAA சட்டத்தின் கீழ் முஸ்லிம்கள் அல்லாதோர் மட்டுமே குடியிரிமை கோர முடியும், அதில் தம்மை ஏன் சேர்க்கவில்லை என்று தான் இந்திய முஸ்லிம்கள் அனைவரும் போராடுகிறார்கள்.

    உதாரணமாக இது தமிழ்நாட்டில் செயல்படுத்தப்பட்டால் பூக்கடை பார்வதி பாட்டியும், பால்காரர் பாண்டியும் NRCயின் கீழ் சான்றிதழ் சமர்பிக்க இயலாத பட்சத்தில் CAAயின் வழியாக அவர்கள் ஹிந்துவாக இருக்கும் ஒரே காரணத்தால் குடியுரிமை கோர முடியும். ஆனால், தமிழ் நாட்டில் பிறந்து வளர்ந்த டி கடை தமீம் பாய் மற்றும் ரோட்டு கடை நடத்தும் ரஃபிக் பாய் ஆகியோர் முஸ்லிம்கள் என்ற ஒரே காரணத்தினால் குடியுரிமை அற்றவர்களாக அறிவிக்கப்பட்டு அகதிகள் முகாமுக்கு அனுப்பப்படுவர். இது நியாயமா? இதனால் தான் ஹஜ் மானியம், முத்தலாக், அயோத்தியா மற்றும் காஷ்மீர் விவகாரம் ஆகிவற்றிற்கு போராடாத இந்திய முஸ்லீம் சகோதர சகோதரிகள் இப்போது இதற்காக போராடுகிறார்கள்.

    2. ஆனால் NRC இன்னும் சட்டமாக்கப்படவில்லயே, எனவே அதை எதிர்த்து ஏன் இப்போது போராடுகிறீர்கள்?

    ஒரு பானை சோற்றுக்கு ஒரு சோறு பதம். NRC என்பது அஸ்ஸாமில் ஏற்கனவே நடைமுறைப்படுத்தப்பட்டு மூன்று ஆண்டு காலம் செலவிட்டு (₹1,600 கோடி செலவில்) தோல்வி அடைந்த திட்டமாகும். இந்த திட்டத்தின் படி சராசரியாக 12 லட்சம் ஹிந்துக்களும் 4 லட்சம் முஸ்லிம்களும் குடியுரிமை அற்றவர்களாக அறிவிக்கப்பட்டார்கள். இதனால் தான் மத்திய அரசு இதை தோல்வி அடைந்த திட்டமாக அறிவித்து CAA கொண்டு வந்தது. அதாவது CAAயின் மூலம் 12 லட்சம் பெங்காலி ஹிந்துக்களுக்கு குடியுரிமை கொடுத்து 4 லட்சம் முஸ்லிம்களை அகதிகள் முகாமில் அடைப்பது தான் அந்த திட்டம். அஸ்ஸாமில் ஏற்கனவே அகதிகள் முகம் ₹500 கோடி செலவில் தயாராகி கொண்டு இருக்கிறது. பெங்காலி ஹிந்துக்களால் தங்களுடைய கலாச்சாரம், மொழி மற்றும் வேலை வாய்ப்பு ஆகியவை பாதிக்கப்படும் என்று இதை எதிர்த்து அசாம் ஹிந்துக்களும் போராடுகிறார்கள் (இந்த சட்டத்தை முதலில் எதிர்த்தது அவர்களே).

    உள்துறை அமைச்சர் அமித் ஷா ஏற்கனவே நாடாளுமன்றத்தில் NRC நாடு முழுவதும் அலமல்படுத்தப்படும் என்றும் திட்ட வட்டமாக அறிவித்து விட்டார் ( அசாம் உள்பட). கண் கெட்ட சூரிய நமஸ்கரம் செய்து என்ன பயன், அதனால் தான் இப்போது போராடுகிறோம்.

    மேலும் NRC பெரும்பாலும் ஏழை அடித்தட்டு மற்றும் படிப்பறிவில்லாத எல்லா சமுதாய மக்களையும் வெகுவாக பாதிக்கும். பணமதிப்பிளப்பு (Demonetisation) நடவடிக்கையின் போது எப்படி ATM வாசலில் நின்று இருந்தோமோ, அதே போல ஒவ்வொரு அரசாங்க அலுவலகத்திலும் சான்றிதழ் வாங்க காத்து கொண்டு இருக்க வேண்டி வரும் (அதுவும் லஞ்சம் கொடுத்தால் மட்டுமே) எனவே இதன் பாதிப்பு பன்மடங்கு அதிகமாக இருக்கும் என்று சொன்னால் மிகையில்லை. வழக்கம் போல் பணக்காரர்களுக்கு இதனால் பாதிப்பு இல்லை.

    3. நீங்கள் இந்த போராட்டத்தால் எதிர்பார்ப்பது என்ன?

    நாடு முழுவதும் NRC என்ற நடைமுறையை திரும்ப பெற வேண்டும். சுருக்கமா சொன்னால் அசாம் தவிர வேறு எங்கும் NRC அமல் படுத்தக்கூடாது. அது முடியாதென்றால் முஸ்லிம்களையும் CAAவில் சேர்த்து இந்திய அரசியல் அமைப்பின் (constitution) படி சம உரிமை தர வேண்டும்.

விவாதியுங்கள்

உங்கள் மறுமொழியை பதிவு செய்க
உங்கள் பெயரைப் பதிவு செய்க