தலைவிரித்தாடும் கார்ப்பரேட் உலகம்!
அழிந்து கொண்டிருக்கும் மானுடம்!
★ ஜாதி, மதம், இனம் எனும் அடையாள அரசியல், போதை, இணையதளம், சினிமா எனும் வலைப்பின்னலில் உலக மக்களை அடைத்துக்கொண்டிருக்கிறது கார்ப்பரேட் உலகம்!
★ லாபவெறி பிடித்த மிகை உற்பத்தி, ஆடம்பர நுகர்வு வெறி கலாச்சாரம் மற்றொரு பக்கம் கோடிக்கணக்கான மக்கள் பட்டினியின் பிடியில் தள்ளப்பட்டு கொண்டிருக்கிறார்கள்.
★ தீவிரமாகும் கார்ப்பரேட் சுரண்டலால் வயிற்றுப்பிழைப்புக்காக ஓடிக்கொண்டிருக்கிறார்கள் மக்கள்!
★ மக்களுக்கு கல்வி, மருத்துவம், வேலைவாய்ப்பு, இருப்பிடம் இதற்கு உத்தரவாதம் தர வேண்டிய அரசுகள் கார்ப்பரேட்களின் பொம்மைகளாக மாறி அம்பலப்பட்டு கொண்டிருக்கின்றன
★ கார்ப்பரேட் லாபத்திற்கான உற்பத்தியால் கூண்டுக்குள் அடைபட்டிருக்கும் விலங்குகளை விட மிக மோசமான வாழ்நிலையை எதிர்கொள்கிறார்கள், மக்கள்!
★ கார்ப்பரேட் கடைவிரித்திருக்கும் நகர வாழ்க்கையானது பொருளாதார சிக்கலை தாண்டி மனநிலை சிக்கல்களையும் உருவாக்கி கொண்டிருக்கிறது!
★ பெரும்பான்மை மக்கள் அடையாள அரசியல், இணையதளம், சினிமா, டிவி, போதை என ஏதோ ஒரு சீரழிவுக்குள் மூழ்கடிக்கப்பட்டு நிதானமாக சிந்திக்க முடியாமல் வாழ்வை தொலைத்துக் கொண்டிருக்கிறார்கள்!
★ கார்ப்பரேட்கள் அவற்றின் பொம்மை அரசுகள் வழங்கும் கல்வி, மருத்துவம் ஆனது மக்கள் எதிர்கொள்ளும் பிரச்சனைகளை தீர்க்கும் அடிப்படைகளை வழங்கவில்லை!
★ இயற்கை வளச்சுரண்டல் அதனால் ஏற்படும் சுற்றுச் சூழல் சீர்கேடுகளால் பாதிக்கப்படுவது மக்கள் தானே அன்றி கார்ப்பரேட்களோ அதிகாரவர்க்கத்தினரோ அல்ல!
★ கார்ப்பரேட் உடைமை வர்க்கத்தின் பேராசையால் உலகம் இடையறாது போர்களை சந்தித்துக்கொண்டிருக்கிறது. அப்பாவி மக்கள் செத்து கொண்டிருக்கிறார்கள்!
★ கார்ப்பரேட் கொள்ளையர்களின் தீராத சுரண்டல் லாப வெறி சொத்துக்குவிப்பை தடுத்து நிறுத்தாமல் மக்களின் ஓட்டத்தை தடுக்க முடியாது!
கார்ப்பரேட்களின் உற்பத்தி முறையானது லாபத்தை அடிப்படையாக கொண்டது, மக்கள் நலனை அடிப்படையாக கொண்டது அல்ல என்பதை புரிந்துகொள்வதற்கு இனியும் ஆதாரங்கள் தேடிக்கொண்டு இருக்க வேண்டியதில்லை!
★ உலகமக்கள் மீது கார்ப்பரேட்கள் நடத்தி கொண்டிருக்கும் சுரண்டல் போரை முடிவுக்குக் கொண்டுவர வேண்டும்!
★ மனித குலம் சந்தித்து கொண்டிருக்கும் இந்த நெருக்கடிகளுக்கு காரணம் உடைமை வர்க்கம் நடத்தும் சுரண்டல் கொள்ளை தான் என்பதை மிகச் சரியாக மார்க்சியம் வரையறுத்துள்ளது!
★ மார்க்சியத்தின் அடிப்படையான உபரி மதிப்பு – உற்பத்தி முறை, இயக்கவியல் என்ற பூதக்கண்ணாடி வழியாக பிரச்சனைகளை பரிசீலிக்கும் இளைஞர் கூட்டத்தை திரட்ட வேண்டும்!
கார்ப்பரேட் கும்பல் நடத்திக் கொண்டிருக்கும் ஜனநாயகம், தேர்தல், சர்வாதிகார ஆட்சி முறை நாடகங்களை திரைகிழித்து அம்பலப்படுத்த வேண்டும்!
★ மக்களைக் காப்பாற்ற ஒன்றிணைவோம்..
கார்ப்பரேட் சுரண்டலுக்கு முடிவு கட்டுவோம்!
புதிய ஜனநாயகத் தொழிலாளர் முன்னணி,
தருமபுரி, கிருஷ்ணகிரி, சேலம் மாவட்டங்கள்.
பதிவு எண்: 24/KRI
தொடர்புக்கு: 97880 11784
