எதிர்வரும் நவம்பர் 26 அன்று நடைபெறவிருக்கும் நாடு தழுவிய பொது வேலை நிறுத்தப் போராட்டத்தில் பங்கேற்குமாறு தமிழ்த் தேசிய விடுதலை இயக்கத்தின் பொதுச் செயலாளர் தோழர் தியாகு அறைகூவல் விடுத்துள்ளார்.
தோழர் தியாகு தனது உரையில் (காணொலி கீழே), “இந்த நாடுதழுவிய வேலை நிறுத்தப்போராட்டம் வரலாற்று முக்கியத்துவமானது. தொழில் உறவுகள் சட்டம், சமூக பாதுகாப்புச் சட்டம் நல்வாழ்வு மற்றும் வேலை நிலைமைகள் சட்டம் ஆகிய மூன்று சட்டங்களை இந்திய அரசு முன்மொழிந்திருக்கிறது.
இந்த சட்டம் அமல்படுத்தப்பட்டால், ஏற்கெனவே பெயரளவிலாவது இருக்கும் தொழிலாளர் நலச்சட்டங்களில் குறிப்பிடப்பட்டுள்ள அடிப்படை தொழிற்சங்க உரிமைகள் சட்டரீதியாகவே பறிக்கப்படும். கார்ப்பரேட்டுகளின் நலனுக்காகவே இந்த சட்ட திருத்தத்தைக் கொண்டு வருகிறது பாஜக அரசு.
படிக்க:
♦ இழந்த உரிமைகள் மீட்க வீதியில் இறங்குவோம் || தோழர் விஜயகுமார் உரை !
♦ பொதுத்துறைகளைப் பாதுகாக்க மக்கள் போராட்டமே ஒரே தீர்வு || சி.ஸ்ரீகுமார்
உழவர்களின் வாழ்வாதாரத்தை அழித்து அவர்களை விவசாயத்தில் இருந்தே விரட்டி , விவசாயத்தை கார்ப்பரேட்டுகள் கையில் ஒப்படைக்க்கும் சட்டங்கள் ஏற்கெனவே வந்துவிட்டன. சுற்றுச்சூழலை நாசமாக்கும் சட்டங்கள் கொண்டுவரப்பட்டுள்ளன. வேளாண் சட்டத் திருத்த மசோதா நிறைவேற்றப்பட்டுவிட்டது. மாணவர்களின் கல்வி உரிமைகள் பறிக்கப்படுகின்றன.
இந்த கொரோனா சூழலை பயன்படுத்திக்கொண்டு இத்தகைய மக்கள் விரோத சட்டங்களை அமல்படுத்துகிறது மத்திய மோடி அரசு. இது மக்களை ஓட்டாண்டிகளாக மாற்றும் முயற்சி, மக்களை மேலும் வதைக்கும் முயற்சி. இந்த மக்கள் விரோத சட்டங்களை எதிர்த்து போராடினால், அப்போராட்டங்களை ஊபா போன்ற ஆள்தூக்கிச் சட்டங்களைக் கொண்டு முடக்குகிறது மத்திய அரசு. போராட்டங்களை முன்னெடுக்கும் சமூகச் செயற்பாட்டாளர்களை சிறையில் தள்ளி மருத்துவ வசதி கூட ஏற்படுத்தித் தராமல் வதைக்கிறது மோடி அரசு.
இந்த பாசிச ஆட்சிக்கு எதிராக இந்திய தொழிலாளி வர்க்கம் முன்னெடுத்திருக்கும் நாடுதழுவிய வேலை நிறுத்தப் போராட்டத்தில் உழைக்கும் மக்கள் அனைவரும் பங்கேற்று வெற்றிபெறச் செய்ய வேண்டும் என கேட்டுக் கொள்கிறேன்”
பாருங்கள் ! பகிருங்கள் !
