வேலூர் மாவட்டத்தில் தொடங்கப்பட்டுள்ள “ஆட்டோ ஓட்டுநர் பாதுகாப்பு சங்கம்” சார்பாக “ஆட்டோ தொழிலாளர் வாழ்வுரிமையைப் பாதுகாப்போம்! தொழிலாளர் வர்க்க ஒற்றுமையை கட்டியமைப்போம்!” என்கிற தலைப்பின் கீழ் 30-03-2015 அன்று காலை 11 மணி அளவில் சங்கத்தின் மாவட்டச் செயலாளர் தோழர் ஆல்வின் தலைமையில் வேலூர் மாவட்ட ஆட்சியர் அலுவலகம் எதிரில் ஆர்ப்பாட்டம் நடத்தப்பட்டது.

தோழர் ஆல்வின் தனது தலைமை உரையில்

• லைட் லைசென்ஸ் வைத்திருக்கும் ஆட்டோ ஓட்டுநர்கள் அனைவருக்கும் பேட்ஜ் வழங்க வேண்டும்.

• வட்டாரப் போக்குவரத்து அலுவலகங்களில் முறைகேடுகள், லஞ்ச லாவண்யங்கள் மீது உடனே நடவடிக்கை எடுக்க வேண்டும்.

• ஆட்டோக்கள் நிரம்பி வழியும் வேலூர் மாநகரத்தில் புதிய பெர்மிட் வழங்குவதை தற்காலிகமாக நிறுத்தி வைக்க வேண்டும்.

• அநியாய வட்டி வசூல் செய்யும் நிதி நிறுவனங்கள் மீது உடனே நடவடிக்கை எடுக்க வேண்டும்

உள்ளிட்ட கோரிக்கைகள் மீது தமிழக அரசு நடவடிக்கை எடுக்க வேண்டும் என வலியுறுத்திப் பேசினார்.

“வட்டார போக்குவரத்து அலுவலகப் பணிகளை அரசு அலுவலர்கள் செய்யாமல் தரகர்கள் மூலமாக செய்யப்படுவதால் ஆட்டோ தொழிலாளர்களின் உழைப்பு சுரண்டப்படுகிறது” என்பதை அம்பலப்படுத்தி தோழர் சரவணன் பேசினார்.

புதிய ஜனநாயக வாகன ஓட்டுநர்கள் டெக்னீசியன்கள் சங்கப் பொதுச் செயலாளர் தோழர் வெற்றிவேல் செழியன் சிறப்புரையாற்றினார்.

அவர் தனது உரையில்…

“ஆட்டோ ஓட்டுநர்களுக்கான நியாயமான உரிமைகளைப் பெற்றுத் தராமல் அரசு அதிகாரிகளுடன் சமரசமாக நடந்து கொள்ளுமாறு வேலூர் மாவட்டத்தில் செயல்படும் பிற சங்கங்கள் தொழிலாளர்களை ஏமாற்றி வந்ததன் விளைவாக பெருவாரியான தொழிலாளர்கள் தற்போது ஆட்டோ ஓட்டுநர் பாதுகாப்பு சங்கத்தில் இணைந்துள்ளனர்.

பொருளாதார கோரிக்கைகளுக்காக மட்டுமல்லாமல் புதிய ஜனநாயகத் தொழிலாளர் முன்னணி வலியுறுத்தி வரும் வர்க்க ஒற்றுமையை வலுப்படுத்த வேண்டியதன் அவசியத்தை உணர்ந்தே இவர்கள் இச்சங்கத்தில் இணைந்துள்ளனர்.

மாவட்ட ஆட்சியர் அலுவலகம், வட்டார போக்குவரத்து அலுவலகங்கள், காப்பீட்டு நிறுவனங்கள் மற்றும் காவல் துறை ஆகிய அலுவலகங்களில் உள்ள அதிகாரிகள் ஆட்டோ தொழிலாளர்களை சுரண்டுவதோடு பல்வேறு வகைகளில் அலைக்கழிக்கவும் வைக்கின்றனர்.

இத்தகைய அரசு நிறுவனங்களுக்கு எதிராக வர்க்க ஒற்றுமையோடு ஓரணியில் திரளும் போது மட்டுமே ஆட்டோ தொழிலாளர்கள் தங்களுக்கான உரிமைகளைப் பெறமுடியும்!”

என்பதை தெளிவுபடுத்திப் பேசினார்.

இந்த ஆர்ப்பாட்டத்திற்கு மாவட்டம் முழுவதும் உள்ள ஆட்டோ தொழிலாளர்களை அணி திரட்டுவது என்ற வகையில் பிரச்சாரம் முழுவீச்சில் மேற்கொள்ளப்பட்டது. மாவட்டம் முழுவதிலிமிருந்து ஆட்டோ தொழிலாளர்கள் ஆர்ப்பாட்டத்தில் கலந்து கொண்டனர்.

தோழர் வெற்றிவேல் செழியன் அவர்களின் உரையும் இந்த ஆர்ப்பாட்டமும் மாவட்டத்தின் பல்வேறு பகுதிகளிலிருந்து வந்து கலந்து கொண்ட ஆட்டோ தொழிலாளர்களை எழுச்சியுறச் செய்தது. தங்கள் பகுதிகளிலும் இத்தகையதோர் சங்கத்தை கட்டியமைத்து இது போன்ற நிகழ்ச்சியை நடத்த வேண்டும் என ஆர்ப்பாட்டத்தில் கலந்து கொண்ட பலரும் ஆர்வம் காட்டினர்.

ஆர்ப்பாட்ட முழக்கங்கள்:

ஆட்டோ ஓட்டும் தொழிலாளியிடம்
வட்டி போட்டு கொள்ளையடிக்கும்
ஆட்டோ பைனான்ஸ் நிறுவனங்கள் மீது
நடவடிக்கை எடு! நடவடிக்கை எடு!

தலைவிரித்தாடுது! தலைவிரித்தாடுது!
வட்டார போக்குவரத்து அலுவலகங்களில்
தரகும் லஞ்சமும்
தலைவிரித்தாடுது! தலைவிரித்தாடுது!

உழைத்து பிழைக்கிறான் ஆட்டோ தொழிலாளி!
அத – உறிஞ்சி கொழுக்கிறான் ஆர்.டி.ஓ அதிகாரி!

தொழிலாளி பணத்தில் வயிறு வளர்க்கும்
காப்பீட்டு நிறுவன அதிகாரிகளே!
பாதிக்கப்படும் தொழிலாளர்களுக்கு
இழுத்தடிக்காமல் அலைக்கழிக்காமல்
காப்பீட்டு பணத்தை உடனே வழங்கு!

நேர்மையாக உழைத்து வாழும்
மக்களுக்காக சேவை செய்யும்
ஆட்டோ ஓட்டும் தொழிலாளர்களை
குற்றவாளிகளாக சித்தரிக்கும்
காவல் துறையை கண்டிக்கின்றோம்!

இல்லை இல்லை! இல்லவே இல்லை!
ஆட்டோ தொழிலாளி இல்லை என்றால்
மக்களுக்கான போக்குவரத்து
இல்லை இல்லை! இல்லவே இல்லை!

போக்குவரத்து இல்லாத
சாலைகள் எதுவும் இல்லாத
அனைத்து கிராம மக்களுக்கும்
போக்குவரத்தே ஆட்டோதான்!

நேரம் காலம் இல்லாமல்
நல்லது கெட்டது எல்லாத்துக்கும்
கூப்பிட்ட குரலுக்கு ஓடிவருபவன்
ஆட்டோ ஓட்டும் தொழிலாளியே!

மத்திய மாநில அரசுகளே!
மானியம் வழங்கு! மானியம் வழங்கு!
ஆட்டோக்களின் எரிபொருளுக்கு
மானியம் வழங்கு! மானியம் வழங்கு!

ஆட்டோ தொழிலாளியின் உழைப்பை உறிஞ்சி
கொழுத்துத் திரியும் அதிகாரிகளுக்கு
பாடம் புகட்டுவோம்! பாடம் புகட்டுவோம்!
சங்கமாக ஒன்று சேர்ந்து
பாடம் புகட்டுவோம்! பாடம் புகட்டுவோம்!

முறியடிப்போம்! முறியடிப்போம்!
உழைக்கும் மக்களின் வாழ்வைப் பறிக்கும்
தனியார் மயம் தாராள மயம்
உலக மயம் என்கின்ற
மறுகாலனியாக்க கொள்கையை
முறியடிப்போம்! முறியடிப்போம்!

தகவல்:

ஆட்டோ ஓட்டுநர் பாதுகாப்பு சங்கம்
வேலூர் மாநகர் மாவட்டம்
இணைப்பு: புதிய ஜனநாயகத் தொழிலாளர் முன்னணி

ஐ.டி ஊழியர்களின் பணி பாதுகாப்புக்கான பு.ஜ.தொ.மு.-வின் போராட்டம் தொடர்கிறது.

ஐ.டி துறையில் வேலை செய்யும் ஊழியர்கள் ஒவ்வொரு நாளும் 12 மணி நேரத்துக்கும் மேல் வேலை செய்கின்றனர். வீடு போய் வரும் நேரத்தையும் சேர்த்தால் தூங்கும் நேரத்தையும் தியாகம் செய்து நிறுவனத்துக்காக உழைக்கின்றனர். இதனால், மன அழுத்தம் உள்ளிட்ட மனநல பிரச்சனைகளையும், சர்க்கரை வியாதி, இரத்த அழுத்தம் போன்ற உடல்நல பிரச்சனைகளையும், குடும்பத்துடன் நேரம் செலவழிக்க முடியாததால் சமூக பிரச்சனைகளையும் எதிர்கொண்டு வருகின்றனர்.

இப்படி உழைத்தாலும், அவர்களுக்கு பணியிடத்தில் உழைப்புக்கு ஏற்ற ஊதிய உயர்வோ, உரிய மரியாதையோ கிடைப்பதில்லை. மேலாளர் மற்றும், மனிதவளத்துறை அலுவலர்களின் விருப்பத்தின் பேரிலும், அலுவலக அரசியல் அடிப்படையிலும் அவர்களது பணி வாழ்க்கை பந்தாடப்படுகிறது. அவர்கள் நினைத்தால் எந்த நேரத்திலும் வேலையை விட்டு தூக்கி எறியப்படலாம் என்ற அச்சத்திலேயே வாழ்ந்து வருகின்றனர். 30 வயதிலேயே வேலை இழந்து, ‘ஓய்வு பெற்று’ கிராமத்திற்கு போகும் திட்டங்களை வகுக்க வேண்டியிருக்கிறது.

இவ்வூழியர்களின் உழைப்பால் மேற்கத்திய நிறுவனங்களுக்கு சேவை வழங்கி பல ஆயிரம் கோடி ரூபாய் ஆண்டு வருமானம் ஈட்டும் இந்நிறுவனங்கள், இந்தியாவில் ஊழியர்கள் நலனுக்காகவும், பாதுகாப்புக்காகவும் உள்ள எந்த சட்டங்களையும் மதிப்பதில்லை. அவை தமக்கு செல்லுபடியாகாது என்று தாமே அறிவித்துக் கொண்டு, உலகெங்கும் ஏற்றுக் கொள்ளப்பட்ட தொழிற்சங்கம் மூலமான கூட்டு பேரம் பேசும் உரிமையையும், ஊழியர்கள் தமது கோரிக்கைகளை முன்வைக்கும் வாய்ப்பையும் மறுத்து வருகின்றன.

இத்தகைய சூழலில் கடந்த ஆண்டு டிசம்பர் இறுதியில் டி.சி.எஸ். நிறுவனம் தங்கள் ஊழியர்களில் 25 ஆயிரம் பேரை வேலை நீக்கம் செய்வதாக அறிவித்து பல ஊழியர்களுக்கு பணி நீக்க உத்தரவை அனுப்பத் தொடங்கியது. கொத்துக்கொத்தாக வீதிக்கு எறியப்பட்ட இந்த ஊழியர்களுக்கு ஆதரவாக புதிய ஜனநாயகத் தொழிலாளர் முன்னணி களமிறங்கி பிரச்சாரம் செய்ததோடு, இந்தியாவிலேயே முதன்முறையாக ஐ.டி. துறை ஊழியர்களுக்கான தொழிற்சங்கமான “பு.ஜ.தொ.மு- ஐ.டி. ஊழியர்கள் பிரிவு” எனும் சங்கத்தை உருவாக்கியது. நூற்றுக்கணக்கான ஐ.டி. ஊழியர்கள் சங்கத்தில் தம்மை இணைத்து வருகின்றனர்.

• டி.சி.எஸ். ஊழியர்கள் பணி நீக்கப் பிரச்சினையில் அரசு தலையிட்டு, சட்டவிரோத வேலை நீக்கத்தை தடுத்திடுமாறும்,
• டி.சி.எஸ் ஊழியர்கள் தொழிலாளர் நலச்சட்டங்கள் வழங்கியுள்ள அனைத்து உரிமைகளையும் பெறுவதை உறுதி செய்யுமாறும்,
• 25 ஆயிரம் ஊழியர்கள் பணி நீக்கம் என்பது “தொழில் தகராறு சட்டம் 1947″ அட்டவணை V- ன்படி தொழிலாளர் விரோதப் போக்கு என அறிவிக்குமாறும்,
• ஐ.டி. ஊழியர்களை அச்சுறுத்தும் நாஸ்காம் கருப்புப் பட்டியலைத் தடை செய்யுமாறும், டிசிஎஸ் நிர்வாகத்தால் பாதிப்படைந்த ஊழியர்களுக்கு இடைக்கால நிவாரணம் வழங்கிடுமாறும்

“புஜதொமு- ஐ.டி. ஊழியர்கள் பிரிவு” சார்பில் கடந்த ஜனவரி 21 அன்று தமிழக அரசிடம் மனு கொடுக்கப்பட்டது. அம்மனு மீது அரசு எந்த நடவடிக்கையும் எடுக்கவில்லை.

தொழிலாளர்களது நலன்களைக் காப்பதற்காக போடப்பட்ட சட்டங்களும், அவற்றை நடைமுறைப்படுத்த தொழிலாளர் துறையும் இருந்தபோதிலும் அவர்களைப் பணி செய்ய வைப்பதற்குக் கூட நாம் நீதிமன்றம் சென்று உத்தரவு வாங்க வேண்டிய நிலைதான் உள்ளது.

சென்னை உயர் நீதிமன்றத்தில், அரசுக்கு கொடுக்கப்பட்ட மனு மீது நடவடிக்கை கோரி சங்கத்தின் சார்பில் பொது நலவழக்கைத் தொடுத்திருந்தோம். இவ்வழக்கின் மீது விசாரணை நடத்திய உயர் நீதிமன்றம் பிப்ரவரி 23-ம் நாளன்று, “ஐ.டி. நிறுவனங்களுக்கு தொழில் தகராறு சட்டம் பொருந்துமா இல்லையா என்பதை அரசு பரிசீலித்து முடிவெடுக்க வேண்டும்” என உத்தரவு பிறப்பித்தது.

சென்னை உயர் நீதிமன்றம் அமைந்திருக்கும் வளாகத்துக்கும் தமிழக அரசின் தலைமைச் செயலகத்துக்கும் இடைப்பட்ட தூரம் 1.4 கி.மீ மட்டும்தான் என்றாலும் மாதம் ஒன்று கடந்த பின்னரும் நீதிமன்றத் தீர்ப்பு அரசு நிர்வாகத்தை சென்றடைந்து அதை அசைத்து விடவில்லை. “தீர்ப்பை அமல்படுத்துக” என்று நாம்தான் நேரில் போய் அதிகார வர்க்கத்தை கோர வேண்டும் என்ற நிலையில்தான் மக்களின் முதல்வர் ஆசிபெற்ற அரசு இயங்குகிறது.

கடந்த 23-03-2015 அன்று பு.ஜ.தொ.மு பொதுச்செயலாளர் தோழர் சுப.தங்கராசுவும், பு.ஜ.தொ.மு ஐ.டி. ஊழியர்கள் பிரிவு அமைப்பாளர் தோழர் கற்பகவிநாயகமும் நீதிமன்ற உத்தரவின் நகலோடு நமது கீழ்க்கண்ட கோரிக்கைகளையும் மனுவாக எழுதிச் சென்று தொழிலாளர் & வேலைவாய்ப்புத்துறை செயலாளரிடம் முறையிட்டனர்.

கோரிக்கைகள்:

(i) தகவல் தொழில்நுட்ப நிறுவனங்களின் பணிபுரியும் தொழிலாளர்களின் பணிப்பயன்கள் / பணிநிலைமைகள் அனைத்தும் தொழிலாளர் நலச்சட்டங்களின் ஆளுகையின் கீழ் கொண்டுவரப்பட வேண்டும்.

(ii) தகவல் தொழில்நுட்ப நிறுவனங்களை random முறையில் தேர்வு செய்து தொழிலாளர் நலத்துறை அதிகாரிகளினால் ஆய்வு செய்யப்பட வேண்டும்.

(iii) TCS நிறுவனத்தின் பணிபுரியும் தொழிலாளர்களை random முறையில் தேர்வு செய்து தொழிலாளர் நலத்துறை அதிகாரிகளினால் அவர்களின் பணிப்பாதுகாப்பு தொடர்பாக ஆய்வு செய்யப்பட வேண்டும்.

(iv) தகவல் தொழிநுட்ப நிறுவனங்களில் பணிபுரியும் தொழிலாளர்களின் பணி நிலைமைகள் தொடர்பாக ஆய்வு செய்வதற்கு தொழிலாளர் நலத்துறை அதிகாரிகள், சட்ட வல்லுநர்கள் மற்றும் எமது தொழிற்சங்க பிரநிதிகள் உள்ளிட்ட குழு ஒன்று அமைக்கப்பட வேண்டும். இந்தக் குழுவே மேற்படி ஆய்வுகளை மேற்கொள்ள வேண்டும்.

(v) கடந்த 5 ஆண்டுகளில் தொழில்நுட்ப நிறுவனங்களில் இருந்து சட்டவிரோதமாக பணிநீக்கம் செய்யப்பட்டவர்களின் குறைகளைத் தீர்க்கும் விதமாக Public Hearing நடத்தப்பட வேண்டும்.

(vi) மேற்படி எமது சங்கத்தின் கோரிக்கைகள் தொடர்பாக எங்களது தொழிற்சங்க பிரநிதிகளை நேரில் அழைத்து பேச வேண்டும்.

மேற்கண்ட கோரிக்கைகளைப் பெற்றுக்கொண்ட அரசு செயலாளர், இருபது நாட்களுக்குள் உரிய நடவடிக்கை எடுப்பதாக உறுதி அளித்துள்ளார்.

ஐ.டி.துறை ஊழியர்களே!

• நமது கோரிக்கைகளை வென்றெடுக்க, அரசுத் துறைகள் தமது பணியை செய்யும்படி உறுதி செய்ய, நாம் அமைப்பு ரீதியாக வலுவாக வேண்டும்; கூட்டாக நமது கோரிக்கைகளை முன் வைக்க வேண்டும்.
• ஐ.டி ஊழியர்கள் அனைவரும் தொழிற் சங்கத்தில் இணைந்து தமது சட்ட ரீதியான அடிப்படை உரிமைகளை வென்றெடுக்க முன்வருமாறு அன்புடன் வேண்டுகிறோம்.

சு. கற்பகவிநாயகம்,
அமைப்பாளர்,
புதிய ஜனநாயகத் தொழிலாளர் முன்னணி – ஐ.டி. ஊழியர்கள் பிரிவு

தொலைபேசி : 90031 98576
மின்னஞ்சல் : combatlayoff@gmail.com
பேஸ்புக் : https://www.facebook.com/NDLFITEmployeesWing

NDLF fights on for IT employees’ job security

IT employees are required to work for more than 12 hours daily. After adding time spent in commute to work, they work for their companies, sacrificing even their sleep and rest. Due to this, their body and mind face stress leading to health problems like diabetes, blood pressure, mental stress, etc. With not sufficient time to spend with family, they face family and social problems too.

Even after all these toil and sacrifices, they don’t get due recognition or pay hike. They are totally at the mercy of managers, HR personnel and office politics. They live in constant fear of getting fired any time and having to be prepared for ‘retirement’ at ripe young age of 30s itself.

It is with employees hard work that these IT companies earn billions. But they don’t respect laws of the land protecting safety and well-being of their employees. They declare themselves to be exempt from these laws and deny the universally recognized rights of employees to form union and conduct collective bargaining.

Under these circumstance, last December TCS announced that it would lay-off 25,000 employees. It started informing thousands of employees that they would be retrenched soon, and started issuing retrenchment letters to some of them. New Democratic Labour Front (NDLF) intervened in support of these voiceless IT employees facing mass-scale lay-offs and campaigned for the need to form an IT union. NDLF formed the first IT sector union in India. Thus the NDLF IT employees’ Wing came into being. Hundreds of IT employees have already made themselves a part of the union.

On behalf of NDLF-IT Employees Wing, a petition was submitted to the Govt of Tamilnadu on 21st January 2015, requesting intervention in the lay-off of 25 thousand employees. We requested the government to stop this illegal practice, ensure that employees of TCS get all the rights under labour welfare laws, declare the layoff of 25 thousand employees as unfair labour practice according to the ‘Industrial Disputes act 1947’ schedule V, ban NASSCOM black-list used for blackmailing IT employees and to provide interim relief to the employees laid-off by TCS. Goverment has not taken any action on that petition.

We have labour laws enacted to safeguard the interests of the workers and labour department is supposed to enforce these laws. But we are in a sorry state of needing to go to courts even to make this department do its duty.

NDLF-IT Employees Wing filed a Public Interest Litigation in Madras High Court to order the government to take action on the petition. On 23^rd February, Madras High Court passed an order that “competent authorities have to decide whether the IT industry would be covered under the Industrial Disputes (ID) Act or not. If the authority concludes that the industry employees do not come under the Act, the question whether they require to be covered under the legislation should be decided only by the government”

Though only 1.5 km separates Madras High Court and Secretariat of the TN Govt and even after more than a month since the court’s order, the Government has not taken any action. The Governmet under the control of ‘Peoples’ CM’ acts in such a way that we had to go in person and remind the authorities about the order.

On 23^rd March 2015, Mr. Suba Thangarasu, the General Secretary of NDLF and Mr. Karpaga Vinayagam, the organizer of the NDLF IT Employees Wing met the secretary of Labour and Employment department, handed over a copy of the court’s order along with a list of the following demands.

1. Benefits of service/working conditions of all employees working in IT companies must be brought under the governance of Labour Welfare legislations. Hence, we request the State Government to issue suitable G.O to enable to bring IT industry under Industrial Disputes Act,1947.

2. IT companies should be randomly inspected by Labour Welfare officers to analyse working conditions of IT employees.

3. Inspection should be carried out among employees of TCS on a random basis, regarding status of their job security.

4. A panel consisting of legal experts, labour welfare department officials and representatives from our Union should be constituted for carrying-out the above inspections and further course of actions.

5. A public hearing should be arranged to address the grievances of all IT employees retrenched during the past 5 years.

6. Representatives our Union should be consulted in person regarding the demands mentioned above

The Goverment Secretary has promised us action in 20 days.

Let’s us remind ourselves once again.

• In order to realize our demands, to make the authorities do their duties, we need to be strengthen the union  and act collectively.
• We call upon all IT Employees to join the Union.

S.Karpagavinayagam,
Organizer,
New Democratic Labour Front – IT Employees Wing

Mobile : 90031 98576
email : combatlayoff@gmail.com
FB : https://www.facebook.com/NDLFITEmployeesWing

டி.டி.கே பி.டி.எல் (TTK – PDL) நிறுவன தொழிலாளர்கள் போராட்டம்

50 ஆண்டுகளுக்கு மேலாக இயங்கி வரும் டி.டிகே பி.டி.எல் நிறுவனம் தனது பன்னாட்டு கூட்டு நிறுவனமான RB (ரென்கிட் பென்கிசர்) உடன் லாபம் சுவீகரிப்பதில் ஏற்பட்ட பிரச்சனையின் விளைவாக சென்னை பல்லாவரத்தில் உள்ள அதன் தொழிற்சாலையை சட்டவிரோதமாக இழுத்து மூடி, தொழிலாளர்களின் வாழ்க்கையை கேள்விக்குள்ளாக்கியிருக்கிறது.

டிடிகே நிறுவனம் 1952-ல் காண்டம் இறக்குமதி செய்து விற்கும் நிறுவனமாக துவங்கப்பட்டு, 1963-ல் எல்.ஆர்.சி (LRC) என்ற லண்டன் ரப்பர் கம்பெனி கூட்டுடன் காண்டம் உற்பத்தி செய்து விற்கும் நிறுவனமாக மாறியது. 1976-ல் ஏற்றுமதி நிறுவனமாக வளர்ந்தது. இதற்காக அதிக திறன் கொண்ட தொழிற்சாலைகளை ஆரம்பித்தது. அதை முதலில் சென்னையில் உருவாக்கி வளர்த்து பிறகு விருதுநகரிலும் நிறுவியது.

இந்தக் காலகட்டங்களில் உற்பத்தியில் ஈடுபட்ட தொழிலாளர்களின் உழைப்பால் இந்த முன்னேற்றம் ஏற்பட்டது. காண்டம் உற்பத்தியில் தேர்ந்த அனுபவம் பெற்ற முன்னணி தொழிலாளர்களுடன் 1990-களுக்குப் பிறகு வந்த தொழிலாளர்களும் இணைந்து புதிதாக உருவாக்கப்பட்ட மினி ஆட்டோமேடிக் பிளாண்டில் (சிறு தானியங்கி ஆலை – மேப் – map) தேர்ச்சி பெற்று, தொடர்ந்து உன்னத நிலையை எட்டியதன் விளைவாக இங்கு பெற்ற அனுபவத்தின் அடிப்படையில் விருதுநகரிலும் தொழிற்சாலைகளை உருவாக்கி உற்பத்தி துவங்கப்பட்டது. மேலும் தொடர்ந்து 1992-ல் தர நிர்ணய விருதும், 1994-ல் சர்வதேச அளவிலான டெண்டர் வணிகத்திலும் 1998-ல் ஒரு பில்லியன் அளவைத் தாண்டும் அளவிற்கும் டி.டி.கே நிறுவனம் வளர்ந்தது.

மேலும் 1999-ல் சேதாரம் இல்லாத உற்பத்தி இலக்கை எட்டும் ஜப்பானிய உற்பத்தி முறையான முழுமையான உற்பத்தித் திறனும் பராமரிப்பும் (Total Productivity and Maintenance) என்ற முறையில் 2001-ல் ஈ.எம்.எஸ் (EMS)-ஐ அடைந்தது. 2003-ல் புதுச்சேரியில் மிடி ஆலையை உருவாக்கியது. எக்சலன்ஸ் அவார்ட் (Excellence award) II பிரிவும், 2004-ல் டி.பி.எம் II பிரிவு விருதும், 2005-ல் டி.பி.எம் I பிரிவு விருதும் வாங்கியது. 2006-ல் ஐ.எஸ்.ஓ 14001-2004 வாங்கப்பட்டது. 2009-ல் டி.பி.எம் சிறப்பு விருது வாங்கியது. 2011-ல் உலகத் தரம் (World Class) விருதுக்கு முயன்றது.

இதுவரை நடந்தவைகளில் தொழிலாளர்களின் சீரிய உழைப்பையும் ஈடுபாட்டையும் நிர்வாகம் மறுக்க முடியாது. இந்த முன்னேற்றத்திற்காக கட்டாய மிகை நேர உழைப்பு கொடுக்கப்பட்டு வேலை வாங்கப்பட்டனர். பல வருடங்களாக வேலை முடித்து வீடு திரும்ப முடியாமல் பாடுபட்டனர்.

1990-லிருந்து 2011 வரை மேற்கொண்ட புதிய முத்திரை உற்பத்தி அனைத்திலும் வளர்ந்ததற்கு தொழிலாளர்களின் அயராத உழைப்புதான் காரணம்.

நிறுவனத்தின் காண்டம் உற்பத்திக்குத் தேவையான ஆலைகளை உருவாக்குவது, வளர்ப்பது, பரிசோதனை செய்வதற்கான மின்னணு எந்திரங்களை உருவாக்குவது, ஃபாய்லிங் மெசின்களை (Foiling machines) உருவாக்குவது என இந்த உற்பத்திக்குத் தேவையான தொழில் நுட்ப இயந்திரங்கள் அனைத்தும் தொழிலாளர்களின் உழைப்பால் உருவாக்கி வளர்க்கப்பட்டது. நிறுவன வளர்ச்சியின் ஒவ்வொரு ஆரம்பமும் முதலில் சென்னையில் துவங்கப்பட்டு முன்னேற்றம் கண்ட பிறகு விருதுநகர், புதுச்சேரிக்கு உற்பத்தி செய்ய கொண்டு சென்ற வரலாற்றையும் நிர்வாகம் நன்கு அறியும்.

1990-க்குப் பிறகு நிர்வாகம் செய்த வளர்ச்சிக்கு பாரத ஸ்டேட் வங்கியில் கடன் பெற்றுதான் செய்தது, இந்தக் கடனை அடைத்து தொடர்ந்து கம்பெனி நல்ல நிலையில் லாபத்தில் இயங்கிக் கொண்டு இருந்தது.

இந்நிலையில் டி.டி.கே குழுமத்துக்கும் ரென்கிட் பென்கிசர் நிறுவனத்துக்கும் இடையே ஏற்பட்ட முரண்பாடு கம்பெனி போர்டுக்கு போனது. டி.டி.கே குழுமம் தனது நிலைப்பாட்டில் விட்டுக்கொடுக்காமல் முரண்டு பிடித்ததால் வழக்கு உயர் நீதிமன்றத்திற்குப் போனது. அங்கும் ஆர்.பி.யின் கோரிக்கையை டி.டி.கே குழுமம் ஏற்காததால் நிறுவனத்தை யாராவது ஒருவர் எடுத்துக்கொள்ள உயர்நீதிமன்றம் வழி காட்டியது. அதன்படி ஆர்.பி – டி.டிகே.வுக்கு இடையேயான முரண்பாடு முடிவுக்கு வந்ததின் அடிப்படையில் டி.டி.கே. குழுமம் நிறுவனத்தை 2014 பிப்ரவரியில் எடுத்தது.

ஆர்.பி டி.டி.கே பிரச்சினை வரும் வரை ஒவ்வொரு மாதமும் 50 மணி நேரம் முதல் 150 மணி நேரம் வரை ஓவர் டைம் செய்துள்ளனர், தொழிலாளர்கள். இதுவரை தொழிலாளர்கள் தங்கள் சர்வீசுக்கு இணையான நாட்கள் ஓவர் டைம் செய்துள்ளனர். இப்படி இரட்டிப்பு சர்வீசோடு கடுமையாக உழைத்த தொழிலாளர்களை இந்த கம்பெனியை நம்பி வாழ்க்கையை நடத்தி வந்தவர்களை நடுத் தெருவில் நிறுத்துவதற்கு ஒப்பான ஒரு நிலைமையை நிர்வாகம் அறிவித்துள்ளது.

1990-க்குப் பிறகு வந்த ஒவ்வொருவரும் தமிழகத்தின் பல்வேறு மாவட்டங்களின் குக்கிராமங்களிலிருந்து பள்ளிக் கல்வியை முடித்த கையோடு வந்து 15-லிருந்து 20 வருடம் சர்வீஸ் செய்து நிரந்தரமாகி உள்ளனர். மேலும் 15-லிருந்து 20 வருடங்கள் சர்வீஸ் செய்ய வேண்டியவர்களாகவும் இருக்கின்றனர். இந்த வேலையை நம்பி எல்லோரும் குடும்பமாகவே சென்னையில் அக்கம், பக்கம் வந்து தங்கியுள்ளனர். குடும்பம், வீடு, வாசல், பிள்ளை என உருவாகிக் கொண்டிருக்கிற நேரம் இது. இந்த நிலையில் நிர்வாகம் தொழிலாளர்களை வேலையிலிருந்து வெளியேற்றுவது என்பது அவர்களது வாழ்க்கையைப் பறித்து இரண்டும் கெட்டானாக தெருவில் நிற்க வைத்துவிடும்.

 [நோட்டிசை பெரிதாகப் பார்க்க படங்களின் மீது சொடுக்கவும்]

ஆர்.பி – (ரென்கிட் பென்கீசர் – Renkitt Bengiser), டி.டி.கே குழுமம் இரண்டு முதலாளிகளுக்கு இடையில் பிரச்சினை ஏற்பட்டபொழுது நிறுவன முதலாளி டி.டி. ரகுநாதன்  அனைவரையும் பொறுமை காக்கும்படியும், கைவிட மாட்டோம் எனவும் வாக்குறுதி கொடுத்துச் சென்றார். இன்று நிர்வாகம் நடத்துவதில் இயலாமை உள்ளதாக புதிதாக உருவாக்கப்பட்ட விருதுநகர் மற்றும் புதுச்சேரிகளில் உற்பத்தியினைத் தொடர்ந்து செய்து கொண்டு சர்வதேச அளவில் டி.டி.கே குழுமம் வளர அடிப்படையாக இருந்த பல்லாவரம் தொழிற்சாலையின் தொழிலாளர்களை எந்த வேலையும் கொடுக்காமல் நிறுத்தி வைத்துள்ளது.

தொழிற் சங்கத்தின் துணை விதி 19(சி)-ன் படி 22.12.2013இல் நடைபெற்ற சிறப்புப் பொதுக்குழு மூலம் ச. நாச்சியப்பன் தலைவராகவும், ர. ரெங்கநாதன் துணைத் தலைவராகவும், இல. பழனி பொதுச் செயலாளராகவும், பா. கல்யாணசுந்தரம், ந. ஸ்ரீதர் இணைச் செயலாளர்களாகவும், ப. நெடுமாறன் பொருளாளராகவும் தேர்ந்தெடுக்கப்பட்டனர். சங்கத்தின் பழைய நிர்வாகிகளாக இருந்த பு. ஸ்ரீதர் தலைவராகவும், திருமதி. லட்சுமிபாய் துணைத் தலைவராகவும், வே. புருஷோத்தமன் பொதுச் செயலாளராகவும், சக்திவேல், சுரேஷ் இணைச் செயலாளர்களாகவும், ஏ. வெங்கடேசன் பொருளாளராகவும் செயல்பட்டு வந்தனர். இவர்கள் முறையாக சங்கத்தின் பொறுப்பையும் ஆவணத்தையும் ஒப்படைக்காமல் மறுத்து வந்தனர்.

இவர்கள் 2012 செப்டம்பரில் நடந்த தேர்தல் மூலம் சங்கத்தின் பொறுப்புக்கு வந்தார்கள். 2013 ஆகஸ்டுடன் இவர்களது பதவிக் காலம் முடிவு பெற்றது. இவர்கள் மூலம் தொழிலாளர்களின் எந்தப் பிரச்சினைக்கும் முறையான செயற்குழு, பொதுக் குழு போட்டு விவாதித்து நடைமுறைப் படுத்தவும் இல்லை. தீர்க்கப்படவும் இல்லை.

ஒரு பக்கம் கூட்டு நிறுவனங்களுக்கு இடையில் பிரச்சினை ஏற்பட்டு தொழிலாளர்களுக்கு நிர்வாகம் நெருக்கடியைக் கொடுத்தது.  தொழிற்சங்க நிர்வாகிகளுடன் முறையாக பேசாமல் தள்ளிப் போட்டுக் கொண்டே வந்து, இவர்களால் ஏற்பட்ட முரண்பாட்டை பயன்படுத்தி இவர்களுடன் தனியாக பேச்சு வார்த்தை நடத்தி, ஆலையை மூடப் போவதாக அறிவித்து, தொழிலாளர்களை வி.ஆர்.எஸ் (V.R.S)-ல் போகும்படி செய்தது. தொழிற் தகராறுகள் சட்டம் 1947-ல் அட்டவணை V -ல் கூறப்பட்ட அனைத்து வகை தொழிலாளர் விரோதப் போக்குகளையும் நிர்வாகம் பிரயோகித்து வந்தது.

சங்கத்தின் துணை விதிப்படி தேர்வு செய்யப்பட்ட நிர்வாகிகளுடன் பேசாமல் காலாவதியான சங்க நிர்வாகிகளுடன் பேசுவதன் மூலம் தொழிலாளர்களை அச்சுறுத்தி, பணிய வைத்து வி.ஆர்.எஸ் (VRS – Voluntary Retirement Scheme – விருப்ப ஓய்வுத் திட்டம்) என்ற பெயரில் சி.ஆர்.எஸ் (CRS – Compulsory Retirement Scheme – கட்டாய ஓய்வுத் திட்டம்) கொடுத்து அனுப்பியுள்ளது. இது சம்பந்தமாக நிர்வாகம் சங்கத்து நிர்வாகிகளுடன் சட்டப் படியான எந்த ஒப்பந்தமும் செய்து கொள்ளவில்லை.

தொழிலாளர்களை சி.ஆர்.எஸ் கொடுத்து வீட்டுக்கு அனுப்புவதற்கு பழைய நிர்வாகிகளை சட்ட விரோதமான வழிமுறைகளை நிர்வாகம் பயன்படுத்தியுள்ளது. இவ்வாறு நிர்வாகத்துக்கு ஆதரவாக செயல்படுவதன் மூலம் தாங்கள் பலன் அடையும் நோக்கத்திலேயே இவர்கள் செயல்பட்டனர்.

தொழிலாளர்கள் ஒவ்வொருவருக்கும் தொலைபேசி மூலம் பல நாட்கள் ஒரு தொழில் முறை தரகரைப் போல,

‘கம்பெனி ஓடாது என நிர்வாகம் அறிவித்துவிட்டது. நமது நிறுவனத்தின் கார்ப்பரேட் வைஸ் பிரசிடெண்ட் அறிவித்து விட்டார்கள், கிடைப்பதை இப்போதே வாங்கிவிட்டால் தப்புவீர்கள், இல்லையென்றால் ஒன்றுமில்லாமல் போக வேண்டியதுதான், 01-02-2015 முதல் கம்பெனிக்குப் பூட்டு போட்டு விடுவார்கள். இதை உங்கள் நன்மைக்காக சொல்கிறோம், வி.ஆர்.எஸ் வாங்கி விடுங்கள்’ என ஒவ்வொரு தொழிலாளிக்கும் அவரின் மனைவிக்கும் போன் மூலம் பேசியதோடு வீடுகளுக்கு நேரில் சென்று அச்சுறுத்தியும் உள்ளனர். முதலில் 33 பேரையும், 30-01-2015 பிற்பகல் 5 மணியிலிருந்து இரவு 10 மணிக்குள் 91 தொழிலாளர்களையும் வி.ஆர்.எஸ் மூலம் வெளியேற்றிவிட்டனர்.

மேலும் 30-01-2015 வி.ஆர்.எஸ்-ல் சென்ற 91 நபர்களிடம் எதுவும் எழுதப்படாத நோட்டுப் புத்தகத்தில் கையெழுத்து மட்டும் வாங்கி சங்கத்தை கலைக்க இவர்கள் முயற்சி செய்தனர். இதை நிர்வாகத்திடம் தெரிவித்துள்ளனர். பொதுக்குழு போட்டது போன்ற பொய்யான ஆவணத்தைத் தயாரித்து சங்கத்தின் நிதியைக் களவாட முயற்சி செய்தனர். இவர்கள் தொடர்ந்து தொழிலாளர்களைக் குழப்பிக் கொண்டு இருந்தனர்.

இப்பொழுது நிறுவனத்தில் 62 தொழிலாளர்கள் உள்ளனர். நிர்வாகம் தொழிலாளர்களுக்குத் தொடர்ந்து உளவியல் ரீதியான டார்ச்சர்களைக் கொடுத்தது. எந்த வேலையும் கொடுக்காமல் உட்கார வைத்தது.

2014 அக்டோபர், நவம்பர் மாத சம்பளத்தை நிறுத்தியது, கேண்டீனை மூடியது, மேற்கண்டவைகளுக்கு நிர்வாகம் எந்தவிதமான சட்டப்பூர்வமான அனுமதியும் பெறவில்லை. தொழிலாளர்களுக்கு முன் அறிவிப்பும் செய்யவில்லை. சங்கத்தின் புகாரின் அடிப்படையில் தொழிற்சாலை ஆய்வாளர், தொழிலாளர் துறை இணை ஆணையர் சமரசம் (2) ஆகியோரின் உத்தரவின் பேரில் சரி செய்யப்பட்டு சுமூக நிலைக்கு நிர்வாகம் வந்தது.

அடுத்த கட்டமாக நிர்வாக ரீதியிலான பணியாளர்களைத் தனது பிற கிளையான விருது நகர், புதுச்சேரிக்கு தற்காலிகமாக போகுமாறு கட்டாய இடமாற்றத்தினை செய்து அனுப்பியது. நிறுவனத்தின் ஒவ்வொரு அறையையும் பூட்டு போட்டு பூட்டி வைத்துள்ளது. இப்போது கழிவறைக்குக் கூட பூட்டு போட்டு பூட்டியுள்ளது நிர்வாகம்.

 [நோட்டிசை பெரிதாகப் பார்க்க படங்களின் மீது சொடுக்கவும்]

கேன்டீனில் வழங்கப்படும் உணவு பேருந்து நிலையத்தில் நடத்தப்படும் சுகாதாரமற்ற ஒரு ரோட்டோரக் கடையிலிருந்து வாங்கி வழங்கப்படுகிறது. இந்த உணவு போதிய அளவும் இல்லை. இவர்கள் கொடுக்கும் டீ, டிபன், உணவு போன்றவைகளை உட்கொள்ளுவதால் தொழிலாளர்களுக்கு செரிமான குறைவு, தொண்டை எரிச்சல், ஒவ்வாமை போன்ற உடல் ரீதியான தொந்தரவுகளைக் கொடுக்கிறது. டீயில் சாக்ரீன் அளவுக்கு அதிகமாக சேர்க்கப்பட்டு தொழிலாளர்கள் குடிக்கக்கூடாது என்ற நிலையை உருவாக்குகிறது. இதனால் இவர்கள் கொண்டு வரும் உணவுகள் தொழிலாளர்களால் தவிர்க்க முடியாத போது மட்டுமே உட்கொள்ளும் நிலை ஏற்படுகிறது. தினமும் பாதி வீணாகப் போகிறது. இதன் மீது நிர்வாகத்திடமிருந்து ஒரு நியாயத்தைக் கோரிப் பெற இயலாத நிலையில் குமுறிக் கொண்டிருக்கின்றனர். தொழிலாளர்கள் வெறுப்போடு வெளியேறுவதற்கு இதுவும் ஒரு பிரதான காரணமாக இருந்தது.

பல்லாவரம் தொழிற்சாலையில் ஆர்டர் இல்லை, ஆலையை மூடப் போகிறேன் என இந்தக் கம்பெனிக்கு சம்மந்தமில்லாத தனது வேறு கம்பெனியின் எம்.டி.யாக உள்ள திரு கல்யாணராமன் மூலம் தொழிலாளர்களுக்கு மிரட்டல் விட்ட நிர்வாகம், விருதுநகர், புதுச்சேரி தொழிலாளர்களைக் கூட்டி அழைத்து தனக்கு ஆர்டர் வரவுகள் அதிகரித்துக் கொண்டுள்ளது. “தொழிலாளர்கள் ஒத்துழைக்கவில்லையானால் நாங்கள் அந்த ஆர்டர்களை வாங்கி நடத்த முடியாமல் போய்விடும், எனவே, தொழிலாளர்கள் தங்கள் உற்பத்தி இலக்கை உயர்த்தி பொறுப்புடன் வேலை செய்ய வேண்டும்” எனக் கோரியுள்ளது.

தொழிலாளர்களுக்கான சம்பள உயர்வு பேச்சு வார்த்தையைத் துவங்கி இடைக்கால ஒப்பந்தம் போட்டுக் கொள்ளலாம் என அறிவித்த நிர்வாகம் தனது முடிவை மாற்றியதற்கான சட்டப்படியான ஆதாரங்கள் எதையும் காட்டவோ கொடுக்கவோ இல்லை, 180 பேருக்கு மேல் தொழிலாளர்கள் உள்ள ஆலையை 15 லிருந்து 20 ஆண்டுக்குள் பணித் தொடர்ச்சி உள்ளவர்களைத் தொழிலாளர் துறை அரசு செயலரிடம் அனுமதி பெற்று மட்டுமே இந்த முடிவை எடுக்கமுடியும். இதனைத் தொழிலாளர்களுக்கும் காட்டவேண்டும் என சட்டம் கூறுகிறது. இவை எதையும் நிர்வாகம் கடைபிடிப்பதாக இன்று வரைக்கும் தெரியவில்லை, வி.ஆர்.எஸ்-க்கு கடைப்பிடிக்க வேண்டிய வழிமுறைகளையும் கடைப்பிடிக்கவில்லை.

தனது மூன்று ஆலைகளிலும் ஆட்குறைப்பு செய்யப் போவதாக அறிவித்த நிர்வாகம் பல்லாவரம் கிளையில் மட்டும் இதனை முனைப்புடன் செயல்படுத்துவதற்கான காரணம் கூறப்படவில்லை.

தொழிலாளர்களுக்கும் நிர்வாகத்திற்கும் இடையே ஆன சமசர பேச்சுவார்த்தை ஒன்று நிலுவையில் இருக்கும்போது நிர்வாகம் மூடப் போவதாக அறிவித்தது.

1947 தொழிற் தகராறு சட்டப்படி இதுபோன்ற நடவடிக்கைகளை நிர்வாகம் மேற்கொள்ள முடியாது.  எனவே, சுமுகமான முறையில் சம்பள உயர்வு பேச்சு வார்த்தையை முடித்து நிறுவனத்தை நடத்த ஆவன செய்ய வேண்டும்.

1990 முதல் நிர்வாகம் சிறந்த நிர்வாகிகளைக் கொண்டு சர்வதேச அளவில் இத்தனை அவார்டுகளைப் பெறும் அளவிற்கு வளர்ந்தது, அதே போன்று மீண்டும் தகுதி வாய்ந்த நிர்வாகிகளை உருவாக்கி இந்தத் தொழிலாளர்களின் வாழ்வாதாரத்தைக் காக்க வேண்டும்.

குறிப்பு : டி.டி.கே. குழும நிறுவனம் என்பது டி.டி.கிருஷ்ணமாச்சாரி என்பவரின் குடும்ப நிறுவனம் ஆகும். இவர் சுதந்திர இந்தியாவின் முதல் நிதியமைச்சராகவும் மற்றும் இந்திய சாசன வரைவுக் குழுவின் முக்கிய அங்கத்தினர்களில் ஒருவராகவும் இருந்து செயல்பட்டவர். இவர் குடும்பம் 28 வகையான தொழில்களை இந்தியா மற்றும் பல்வேறு நாடுகளிலும் நடத்தி வருகிறது.

தகவல்

இல. பழனி,
பொதுச் செயலாளர்,
டி.டி.கே. பிடிஎல் தொழிலாளர் சங்கம்.
(முன்னர் – டிடிகே எல்.ஐ.ஜி. லிட்., தொழிலாளர் சங்கம்)