பத்திரிகை செய்தி
காவிரி நீர் கடைமடையில் பாயாமல் கொள்ளிடம் ஆறு மூலம் கடலில் கலப்பதைக் கண்டித்து மக்கள் அதிகாரம் கண்டன அறிக்கை.
கடந்த 8 ஆண்டுகளாக மேட்டூர் அணை ஜூன்-12 ல் திறக்காததால் காவிரி டெல்டாவில் குறுவை பருவம் பொய்த்து போய்விட்டது. கனமழையால் கர்நாடகாவில் இருந்து உபரிநீர் திறக்கப்பட்டதால் மேட்டூர் அணை நிரம்பியது. மேட்டூர் அணையில் 70 அடி இருக்கும் போதே தமிழக அரசு நீரை திறந்து விட்டிருந்தால் குறுவை சாகுபடி செய்தும், கடலில் வீணாவதை தடுத்தும் இருக்க முடியும்.
இந்த ஆண்டும் 35,000 கனஅடிநீர் கொள்ளிடம் ஆற்றில் திறந்து வீணாக கடலில் கலந்து வருகிறது. காவிரியின் கிளை ஆறுகளில் பாசனத்திற்கு நீரை திறந்திருந்தால் காய்ந்து கிடக்கும் கடைமடை பகுதி வரை பாய்ந்து ஏரி, குளம் நிரம்பி விவசாயம் செழித்து இருக்கும். மக்களுக்கு வேலைவாய்ப்பும், குடிநீர்- நிலத்தடி நீர் மட்டமும் உயர்ந்து இருக்கும். கடந்தாண்டு உடைந்த மேலணை இதுவரை கட்டப்படவில்லை. ஜெயலலிதா முதல்வராக இருக்கும் போதே கொள்ளிடம் ஆற்றில் குடிகாடு என்ற கிராமம் அருகே கதவணை கட்ட 450 கோடி ரூபாய் நிதி ஒதுக்கியும் இதுவரை கட்டப்படவில்லை. கொள்ளிடம் ஆற்றில் சந்தப்படுகையில் சென்ற ஆண்டு தடுப்பணை கட்ட 110 கோடி ரூபாயில் அடிக்கல் நாட்டப்பட்ட அணையும் கட்டப்படவில்லை. இதனால் காவிரியின் உபரி நீர் கடலில் கலந்து வீணாகிறது.
காவிரி டெல்டாவில் ஹைட்ரோகார்பன், மீத்தேன், நிலக்கரி எடுக்கும் நீண்ட கால திட்டத்தின் அடிப்படையில் வளமான காவிரி டெல்டாவை அழிப்பதற்கு மத்திய அரசு மற்றும் வேதாந்தாவுடன், தமிழக அரசும் கூட்டு சேர்ந்து இந்த துரோகத்தை செய்து வருகிறது. அதே நேரத்தில் தமிழக அரசும், பொதுப்பணித்துறை அதிகாரிகளும் நீர் திறப்பதற்கு முன்பே பழுது பார்ப்பது, தூர்வார்தல், பாலம் கட்டுவதை செய்யாமல் தண்ணீர் திறந்துவிட்ட பின்பு செய்வதால் குறைந்தபட்ச தண்ணீர் கூட கடைமடைக்கு வராமல் தடுக்கின்றனர்.
மக்கள் வரிப்பணத்தில் சம்பளம் வாங்கிக்கொண்டு மக்களுக்கு துரோகம் செய்யும் எடப்பாடி அரசையும், பொதுப்பணித்துறை அதிகாரிகளையும் மக்கள் அதிகாரம் வன்மையாக கண்டிக்கிறது.
♦ கொள்ளிடம் ஆற்றில் தடுப்பணைக் கட்டு!
♦ காவிரி டெல்டாவை பாதுகாக்கப்பட்ட வேளாண் மண்டலமாக அறிவி!
♦ கடைமடை வரை நீரை உடனே பாய விடு!
♦ விவசாயத்திற்கான அனைத்து ஈடு பொருட்களையும் போர்க்கால அடிப்படையில் உடனே வழங்கு!
மக்கள் அதிகாரம்
***
காவிரி நீர் கடைமடைப்பகுதி வரை சென்று சேராததற்கு காரணமாக அமைந்துள்ள அரசின் அலட்சியம் – பொதுப்பணித்துறையில் நடைபெற்றுவரும் ஊழல் முறைகேடுகளைக் கண்டித்தும், மிக முக்கியமாக டெல்டா பகுதியை கார்ப்பரேட் கொள்ளைக்கான வேட்டைக்காடாக மாற்ற முயலும் அரசின் சதியை அம்பலப்படுத்தும் வகையிலும் கடந்த செப்-17 அன்று சீர்காழியில் கண்டன ஆர்ப்பாட்டம் நடைபெற்றது.
♦ காயும் கடைமடை விவசாயத்திற்கு தண்ணீர் விடாததை கண்டித்தும்!
♦ திருவாலி – பெருந்தோட்டம் ஏரிகளை நிரப்பக்கோரியும்!
♦ பாசன அமைப்புகளை சீர் செய்யாமல் மக்கள் வரிப்பணத்தை வீணடிக்கும்- பொதுப்பணித்துறையை கண்டித்தும்!
♦ கொள்ளிடத்தில் வீணாக வடியும் தண்ணீரை சேமித்து மக்கள் பயன்பாட்டிற்கு கொண்டுவர உடனடியாக தடுப்பணை கட்ட கோரியும்!
♦ 2018-2019 பயிர்காப்பிட்டுத் தொகையை உடனடியாக வழங்கக் கோரியும்!
கடைமடை விவசாயிகள் கூட்டமைப்பு சார்பாக நடைபெற்ற இந்த ஆர்ப்பாட்டத்தில், சி.பி.ஐ. மற்றும் சி.பி.எம். கட்சிகளைச் சேர்ந்த விவசாய சங்கத்தினர், தந்தை பெரியார் திராவிட கழகம் மற்றும் மக்கள் அதிகாரம் உள்ளிட்ட அமைப்புகள் பங்கெடுத்தன.
தோழர் அ.சீனிவாசன், நாகை மாவட்ட செயலாளர், சி.பி.ஐ.
”பொதுப்பணித்துறை என்பது பொறுப்பான துறை தான். தற்போது பொறுப்பாக தான் செயல்பட்டுக்கொண்டிருக்கிறது. எந்தெந்த அதிகாரிகளுக்கு எவ்வளவு பணம் பங்கு பிரித்து கொடுப்பது என்பதில் மிகவும் சிறப்பாக தான் செய்து கொண்டிருக்கிறது. சமீப காலமாக நகரத்தில் தான் தண்ணீர் பிரச்சனை அதிகமாக இருக்கின்றது என்று நினைத்திருந்தோம். ஆனால், கிராமங்களிலும் பல கிலோமீட்டர் தூரம் சென்று தான் நல்ல தண்ணீர் கொண்டு வரும் நிலை சீர்காழி வட்டாரங்களில் உள்ளது. இன்று ஹைட்ரோகார்பன், மீத்தேன் திட்டத்தினால் காவிரி டெல்டா பாலைவனமாகும் அபாயம் உள்ளது. இப்பெரும்பிரச்சனையை பற்றிப் பேசாமல் இந்தியா முழுவதும் இந்தியை திணிக்கின்ற வேலையில் இறங்கியிருக்கின்றது மத்திய அரசு. குளு குளு அறையில் உட்கார்ந்துக் கொண்டு வேலை செய்பவர்களுக்கு ஏழை, எளிய மக்களின் பிரச்சனைகள் எப்படித் தெரியும். தமிழக அரசு பல ஆண்டுகளாக மழை பெய்யும் போதே காவிரி தண்ணீரை திறந்து விடும். ஆனால், அது மழைநீரா? இல்லை காவிரி நீரா? எனத் தெரியாது. இந்தாண்டு நான் காவிரி நீரை ஏ- பிரிவு வாய்க்கால் மற்றும் வடிகால் வாய்க்காலில் மட்டும் பார்த்தேன். மற்ற வாய்க்காலில் எங்கும் பார்க்க முடியவில்லை. பார்த்த நீரை கூட எங்களால் அனுபவிக்க முடியவில்லை. சீர்காழி பகுதிக்குட்பட்ட அனைத்து பிரச்சனைகளுக்கும் மக்கள் அதிகாரம் அமைப்புடன் சேர்ந்து செய்வோம். எங்கள் மாநில செயலாளர் 10 கி.மீ.-க்கு ஒரு தடுப்பணை கட்ட வேண்டும் என அரசுக்கு நல்ல ஆலோசனை கூறியிருக்கிறார். தற்போது இருக்கும் அரசாங்கம் இதைச் செய்யாது.”
தோழர் த. ரவி, வட்டார ஒருங்கிணைப்பாளர், மக்கள் அதிகாரம், சீர்காழி.
”பொதுப்பணித்துறையில் நிறைய அதிகாரிகள் இருக்கிறார்கள். இவர்களின் வேலை குடிக்கத் தண்ணீர் கொடுக்கனும், விவசாயத்திற்கு தண்ணீர் கொடுக்கனும், வாய்க்காலை தூர்வாரனும், தடுப்பணை கட்டனும் இதுதான் அவர்களின் வேலை. ஆனால், தடுப்பணை கட்ட நிதி ஒதுக்கியும் ஏன் இவ்வளவு நாள் தடுப்பனை கட்டவில்லை என அரசிடம் கேட்பதற்கு பொதுப்பணித்துறை அதிகாரிக்கு தகுதியில்லையா? அறிவில்லையா? வெட்டிய வாய்க்காலில் ஏன் தண்ணீர் வரவில்லை என அதிகாரி பார்க்கனுமா? பார்க்கக் கூடாதா? இப்படி எந்த வேலைகளையும் எதையும் செய்வது இல்லை. பொதுப்பணித்துறை அதிகாரிகளின் முக்கியமான நோக்கம் பங்கு போட்டுக் கொள்ளையடிப்பது தான். ஒரு வேலையை வருங்கால தேவைக்காக முன் கூட்டியே திட்டமிட்டு செய்வதற்கு தான் பொதுப்பணித்துறை. இன்று தண்ணீர் வந்த பிறகு அறைகுறையாக தூர்வாரி கணக்கைக் காட்டி கொள்ளையடித்து விடுகிறார்கள். விவசாயிகள், தொழிலாளர்கள் என உழைக்கும் மக்கள் ஒன்று சேர்ந்து பொதுப்பணித்துறை சட்டையை என்றைக்கு பிடித்து கேள்வி கேட்கிறோமோ அன்று தான் குடிக்கத் தண்ணீர் கிடைக்கும், விவசாயம் செய்ய தண்ணீர் கிடைக்கும், சாப்பிட உணவு கிடைக்கும்”
தோழர் வீரராஜ், ஒன்றிய செயலாளர். த.வி.ச.
”பொதுப்பணித்துறை தண்ணீர் திறந்து விட்டதாக கூறியிருக்கிறது. ஆனால், எந்த வயலிலும் தண்ணீர் இல்லை. ஏ- பிரிவு வாய்க்காலில் மட்டும் தான் தண்ணீர் திறந்து விட்டிருக்கிறார்கள். மக்களிடம் பொய்க் கூறி மக்களை நம்ப வைக்கிறார்கள். அதுமட்டுமல்லாமல், மக்கள் தங்களுடைய கோரிக்கைகளை ஆர்ப்பாட்டத்தில் கூறுவதற்கு கூட போலிசே தடுக்கின்றது. ஆர்ப்பாட்டம் நடத்துவதற்கான இடத்தையே ஒதுக்கித் தரவில்லை. நாங்களே ஆர்ப்பாட்டத்திற்கு இடம் ஏற்பாடு செய்து கொண்டு நடத்தும் அவல நிலைதான் இன்று இருந்தது. இது போல நடைமுறையை மீண்டும் கடைபிடித்தால் போலிசைக் கண்டித்துத்தான் ஆர்ப்பாட்டம் நடத்த வேண்டியிருக்கும்.”
படிக்க:
♦ கடைமடை சேராத காவிரி : எடப்பாடி அரசே குற்றவாளி ! மக்கள் அதிகாரம் ஆர்ப்பாட்டம் !
♦ 5, 8-ம் வகுப்பு பொதுத்தேர்வு : ஏழை மாணவர்களை கல்வியை விட்டு துரத்தும் சதி | CCCE
மேலும், தோழர் ப.வ. பெரியார் செல்வம், மாவட்ட செயலாளர், தந்தை பெரியார் திராவிடர் கழகம்; தோழர் சி.வி.ஆர். ஜீவானந்தம் மாவட்ட செயற்குழு, சி.பி.ஐ.எம்; தோழர் கி. வரதராசன், ஒன்றிய வி.ச. செயலாளர், சி.பி.ஐ., மற்றும் தோழர் எஸ். மேகலா, மாவட்ட செயலாளர், அனைத்திந்திய மாதர் சங்கம், நாகை மாவட்டம் ஆகியோர் கண்டன உரையாற்றினர். இறுதியாக, தோழர் செல்லப்பன் நன்றியுறை கூறினார்.
தகவல்:
மக்கள் அதிகாரம்,
சீர்காழி.
இந்த ஆர்ப்பாட்டத்திற்கு புரட்சிகர மாணவர் இளைஞர் முன்னணி மாவட்ட அமைப்பாளர் தோழர் சுரேந்திரன் தலைமை தாங்கினார்.
“ஓலா, உபர் டாக்சி சேவைகளை அதிகம் இளைஞர்கள் பயன்படுத்துவதால் கார்கள் விற்பனை வீழ்ச்சி அடைந்திருக்கிறது” என்று மத்திய அமைச்சர் நிர்மலா சீதாராமன் தெரிவித்திருந்தார். அதற்கு ஒவ்வொருவரும் ஒவ்வொரு பாணியில் எதிர்வினையாற்றி வைரலாக்கினர். இத்தகைய சூழலில் சங்கிகள் என்ன செய்வதென்று தெரியாமல் கையை பிசைந்து நிற்கிறார்கள். இது தொடர்பாக தோழர் வில்லவன் அழகாக எதிர்வினையாற்றிருந்தார். பொருத்தம் கருதி அதை இங்கே இணைக்கிறோம்.
பார்ப்பனியப் பண்பாட்டின் அசைவம் சாப்பிடுகிறவர்கள் கீழானவர்கள் என்ற கருத்து மத அளவில் செல்வாக்கு செலுத்துகிறது. தமிழகத்தில் உழைக்கும் மக்கள் தமது குலதெய்வங்களுக்கு இறைச்சி உணவுகளை படையல்களாக வைக்கும் போது ‘உயர்’ சாதி இந்துக்கள் வணங்கும் தெய்வங்களுக்கு சைவ உணவு வகைகளே பிரசாதங்களாக வைக்கப்படுகின்றன.
இந்த ஆர்ப்பாட்டத்தை ஒடுக்குவதற்கு கல்லூரி நிர்வாகமும், போலீசும் மாணவர்களை போராட்டத்தில் கலந்துக் கொள்ள விடக்கூடாது என்று தடுத்து நிறுத்தினார்கள். ஆனால் மாணவர்கள் அந்த தடையையும் தாண்டி கல்லூரி முன்பு ஆர்ப்பாட்டத்தை துவங்கினர்.
இந்த ஆர்ப்பட்டத்துக்கு புமாஇமு சென்னை நகர செயலாளர் தோழர் சாரதி தலைமை தாங்கினார். அவரைத் தொடர்ந்து சென்னை மண்டல ஒருங்கிணைப்பாளர் தோழர் துணைவேந்தன் அவர்கள் ஊடகங்களுக்கு பேட்டியளித்து கண்டனங்களைப் பதிவு செய்தார்.
குப்பையில் கிடக்கும் சின்ன சின்ன பிளாஸ்டிக் பைகள், பாட்டில்கள், கொட்டாங்குச்சி சிரட்டைகள், அருந்திவிட்டு போடப்படும் இளநீர், டையர்கள், குளிர்சாதனப் பெட்டிக்கு பின்னே சேரும் நீர், வீட்டில் வளர்க்கும் செடிகளின் சட்டிகளில் சேரும் நீர் என்று ஒரு இடத்தையும் விடுவதில்லை இந்த எதிரி.
ஒவ்வொரு மனிதரிடமும் பால், சாதி, மதம், தேசிய இனம் போன்ற அடையாளங்கள் இருக்கிறது. இவற்றை விட வர்க்க அடையாளமே (அவர் என்ன தொழில் செய்கிறார்) ஒரு மனிதரின் வாழ்வைத் தீர்மானிக்கிறது. இதனால் மற்ற அடையாளங்களுக்கு பங்களிப்பே இல்லை என்பதல்ல. ஆனால் அவை இரண்டாம் பட்சமானதுதான். ஏனெனில் ஒவ்வொரு அடையாளமும் கூட ஒரே படித்தானதாக இல்லை. அவையும் வர்க்க ரீதியில் வேறு வேறு பிரச்சினைகளைக் கொண்டிருக்கின்றன. சாதி என்ற அடையாளத்தில் ஒரு பார்ப்பனருக்கும், வன்னியருக்கும், தலித்துக்கும் இருக்கும் பிரச்சினைகள் கூட வர்க்க ரீதியாக பிரிந்திருக்கின்றன. பார்ப்பனர்கள் சமூகத்தில் இருக்கும் மேல் தட்டு தகுதியில் வாழ்க்கை பிரச்சினைகளை ஒப்பீட்டளவில் சுலபமாக எதிர்கொள்கிறார்கள். வன்னியர்கள் பொருளாதார ரீதியாக பின்தங்கி இருந்தாலும் சில நேரம் சாதிய உணர்ச்சிக்கு ஆட்படுகிறார்கள். தலித்துகளுக்கோ பொருளாதாரமும் சரி, சாதி ஆதிக்கமும் சரி இரண்டும் ஒன்றோடு ஒன்று பிணைந்து பாதிப்பை ஏற்படுத்துகின்றன.
அதே நேரம் தலித் அரசியல் கூட வர்க்க ஒற்றுமைக்கு எதிரான அடையாள அரசியலாக நடுத்தர வர்க்க அறிவு ஜீவிகளால் முன்வைக்கப்படுகிறது. இந்தியாவில் சாதிகள் என்பது பொதுவில் வர்க்க ரீதியாகவே இருக்கிறதே அன்றி அவை என்ன சாதி என்பது அதற்கு உட்பட்டதே. அனைத்து வகையான அடையாள அரசியல்களையும் ஆளும் வர்க்கம் முன்னிலைப்படுத்துகிறது. வர்க்க ரீதியான ஒற்றுமை வந்து விட்டால் அது ஆளும் வர்க்கத்தை எதிர்ப்பதில் வலுவடையும். அதை பிரிப்பதே ஆளும் வர்க்கங்களின் நோக்கம். இன்றைக்கும் பாஜக-வுடன் ராம் விலாஸ் பஸ்வான் போன்ற சில தலித் அரசியல் கட்சிகள் சேர்ந்திருக்கின்றன.
“பண்டைய இந்தியர்கள் விமானங்களை ஓட்டினர். அவர்கள் ஸ்டெம் செல் ஆராய்ச்சிகளில் ஈடுபட்டிருந்தனர். அதே போல் வின்வெளி ஆயுதங்களை ஐயாயிரம் ஆண்டுகளுக்கு முன்பே பயன்படுத்தியுள்ளனர். இதற்கெல்லாம் ஏராளமான ஆதாரங்கள் உண்டு” – இப்படிச் சொன்னவர் சுதர்ஷன் ராவ். இந்திய வரலாற்று ஆராய்ச்சிக் கவுன்சிலின் தலைவர்.
விமானங்கள் மோடியின் சீடர்களுடைய கற்பனையின் பெரும் பகுதியை ஆக்கிரமித்திருப்பதன் இரகசியம் என்னவென்று தெரியவில்லை – இப்படிச் சொல்வதால் இதை ரஃபேலுடன் நீங்கள் தொடர்புபடுத்திப் புரிந்து கொண்டால் அதற்கு கம்பேனி பொறுப்பல்ல. விமான தொழில்நுட்பம் நம்முடையது என அமைச்சர்களே சொன்ன பின், விமானப் பயிற்சிக் கல்லூரியின் முதல்வர் வேறு மாதிரி சிந்திக்க முடியுமா என்ன?
தற்போது அங்கு நடக்கும் மக்கள் போராட்டங்கள் பற்றி எமக்கு ஊடகங்கள் ஒரு பக்கச் சார்பான தகவல்களை மட்டுமே கூறுகின்றன. இது “குற்றவாளிகளை நாடுகடத்தும் சட்டம்” தொடர்பான அரசியல் பிரச்சினை என்பது ஒரு பகுதி உண்மை மட்டுமே. அது அல்ல முக்கிய காரணம். உண்மையில் குற்றவாளிகளை நாடுகடத்துவதை எந்த நாடும் தவறென்று சொல்லப் போவதில்லை. ஹாங்காங் மக்களும் அந்தளவு முட்டாள்கள் அல்ல.
கார்ப்பரேட் கம்பனிகள் நினைத்தால் பல்லாயிரக் கணக்கான மக்களை தெருவுக்கு கொண்டு வந்து ஆர்ப்பாட்டம் செய்ய வைக்க முடியும். அதற்கு ஆதாரமாக KPMG, EY, Deloitte, PwC ஆகிய நிறுவனங்கள் வெளியிட்ட ஆர்ப்பாட்டக்காரரை ஆதரிக்கும் விளம்பரங்களை குறிப்பிடலாம். இது அங்கு எந்தளவு தூரம் கார்ப்பரேட் கம்பனிகள் அரசியலில் ஈடுபடுகின்றன என்பதை நிரூபிக்கின்றது. இது குறித்து சீன அரசு கண்டனம் தெரிவித்த பின்னர் தமது ஆதரவை வெளிப்படையாக காட்டிக் கொள்வதில்லை.
அதை தொடர்ந்து மக்கள் உரிமை பாதுகாப்பு மையம் சார்பில் திருச்சி மாவட்ட ஒருங்கிணைப்பாளர் வழக்கறிஞர் முருகானந்தம் மற்றும் வழக்கறிஞர் ஆதி தலைமையில் அர்ச்சகர் பயிற்சி பெற்ற மாணவர்கள் ரெங்கநாதன் மற்றும் பாலகுரு ஆகிய இருவரையும் அழைத்து தந்தை பெரியாரின் உருவச்சிலைக்கு மாலை அணிவித்து முழக்கமிட்டனர்.
மக்கள் அதிகாரம் மாநில பொருளாளர் தோழர் காளியப்பன், தஞ்சை ஒருஙகிணைப்பாளர் தோழர் தேவா, மக்கள் கலை இலக்கியக் கழக தஞ்சை கிளைச்செயலர் தோழர் இராவணன் உள்ளிட்ட தோழர்களோடு மக்கள் அதிகாரம் அமைப்பினர் பார்பன மதவெறி பாசிசத்திற்கெதிராக விண்ணதிர முழக்கமிட்டபடி வந்து பெரியார் சிலைக்கு மாலை அணிவித்தனர்.
