பகத்சிங் நினைவு நாளை கடைபிடித்த கடலூர் பெரியார் அரசு கலைக் கல்லூரி மாணவர்கள் !
கடலூர் :
கடலூர் பெரியார் அரசு கலைக் கல்லூரியில் நுண்ணுயிரியல் துறையில் புரட்சிகர மாணவர் – இளைஞர் முன்னணி சார்பாக பகத்சிங் நினைவு நாள் கூட்டம் கடந்த 23-03-2019 அன்று நடத்தப்பட்டது. பகத்சிங் ,சுகதேவ், ராஜகுரு வீரவணக்கம் செலுத்தப்பட்டது.
1 of 2
நூற்றுக்கும் மேற்பட்ட மாணவர்கள் மற்றும் பேராசிரியர்கள் கலந்து கொண்ட இந்நிகழ்வில், மாணவர்கள் மற்றும் பேராசிரியர்கள் தியாகிகளின் நினைவுகூரும்விதமாக உரையாற்றினார்கள்.
தகவல்: புரட்சிகர மாணவர்- இளைஞர் முன்னணி, கடலூர் – 97888 08110.
புதுச்சேரி :
ஏகாதிபத்திய எதிர்ப்பு போராளிகளான பகத்சிங், ராஜகுரு, சுகதேவ் ஆகியோர் தூக்கிலிடப்பட்ட நாளான மார்ச் 23 அன்று புதுச்சேரியில் புரட்சிகர மாணவர் – இளைஞர் முன்னணியைச் சேர்ந்த தோழர்கள் அரசியல் ஆர்ப்பாட்டம் நடத்தினர். ”நெருங்குகிறது கார்ப்பரேட் – காவி பாசிசம் : எதிர்த்து நில்” என்ற முழக்கத்தின் கீழ் வில்லியனூர் பகுதியில் இந்த ஆர்ப்பாட்டம் நடைபெற்றது.
1 of 9
பெரியார் சிந்தனையாளர் இயக்கத்தைச் சேர்ந்த தோழர் நவீன், பு.ஜ.தொ.மு.வைச் சேர்ந்த தோழர் செல்லக்கண்ணு, பு.மா.இ.மு. கடலூர் மாவட்ட செயலர் தோழர் மணியரசன், உள்ளிட்டோர் உரையாற்றினர்.
பகத்சிங் உள்ளிட்ட தியாகிகளின் அர்ப்பணிப்பு உணர்வை அரசியல் உணர்வை முன்னுதாரணமாகக் கொண்டு நெருங்கிவரும் கார்ப்பரேட் – காவி பாசிசத்தை எதிர்த்து நிற்க வேண்டுமென்ற அறைகூவலோடு ஆர்ப்பாட்டம் நிறைவுற்றது.
பணமதிப்பு நீக்கம் குறித்த மறை-புலனாய்வு செய்தி ஒன்றை கடந்த செவ்வாய்கிழமை (26-03-2019) காங்கிரஸ் கட்சி வெளியிட்டது. மோடியின் சர்வாதிகாரத்தனமான பணமதிப்பழிப்பு அறிவிப்பால், ஒட்டுமொத்த நாட்டு மக்களும் நிலைகுலைந்து, வங்கிகளின் முன் வரிசையில் நின்ற நிலையில், பாஜகவினர் பழைய ரூபாய் நோட்டுக்களை அக்கட்சியின் தலைவர்களிடம் கொடுத்து புதிய ரூபாய் நோட்டுக்களைப் பெற்றதை வீடியோ ஆதாரமாக காங்கிரஸ் கட்சி வெளியிட்டுள்ளது.
குஜராத்தில் உள்ள காந்திநகர் பாஜக அலுவலகத்தில் ரூ. 5 கோடி பழைய நோட்டுக்களை மாற்ற அக்கட்சியைச் சேர்ந்தவர் ஒருவர் கொண்டு செல்வதும், நகருக்கு வெளியே உள்ள பாஜக பிரமுகர்களின் பண்ணை வீடுகளில் நோட்டுக்களை மாற்றித்தரும் ‘சேவை’யை இவர்கள் செய்ததையும் இந்த ஆதாரம் வெளிப்படுத்தியுள்ளது.
https://youtu.be/wL2lCr6k3qc
‘மேலிடத்தின் ஆசிர்வாதம்’ தங்களுக்கு இருப்பதால் தங்களை யாரும் எதுவும் செய்ய முடியாது என்கின்றனர் ரூபாய் மாற்று ‘சேவை’ செய்யும் பாஜக-வினர். ரூ. 25 கோடி அளவுக்கு புதிய நோட்டுக்களை தங்களால் பெற்றுத்தர முடியும் என்கிறார்கள். கருப்புப் பணத்தை ஒழிக்க வந்த ‘காவலாளி’ கும்பலே, பகல் கொள்ளையை தலைமையேற்று நடத்தியிருப்பது இந்த மறை-புலனாய்வில் ஆதாரப்பூர்வமாக தெரியவந்துள்ளது.
நாட்டு மக்கள் வரிசையில் நின்று லத்தி அடி வாங்கியும், நெஞ்சுவலியால் செத்து மடிந்தும் கொண்டிருக்க ‘கொள்ளை காவலாளி’ கும்பல், கருப்புப் பண முதலைகளுக்கு எளிதாக ரூபாய் நோட்டுக்களை சப்ளை செய்துள்ளது.
காங்கிரஸ் தலைமையிலான எதிர்க்கட்சிகள் இந்த மறை-புலனாய்வு செய்தியை வெளியிட்ட தினத்தில் மேலும் இரண்டு செய்திகளும்கூட முக்கியத்துவம் பெற்றன. ஒன்று நடிகை ஜெயப்பிரதா பாஜகவில் சேர்ந்தது, ராம்பூர் தொகுதியில் போட்டியிடப்போவதாக அறிவித்தது. மற்றொன்று ரிசர்வ் வங்கியின் முன்னாள் ஆளுநர் ரகுராம் ராஜன், பணமதிப்பு நீக்கத்தின் மூலம் மோடி அரசு வேலையில்லாத் திண்டாட்டத்தை ஏற்படுத்தியதாகவும், வேலைவாய்ப்பின்மை அறிக்கையை வெளியிடாமல் இருப்பதாகவும் கண்டித்து பேசியிருந்தார்.
மேற்கண்ட மூன்று செய்திகளையும் தேசிய ஊடகங்கள் எப்படி கையாண்டன? எந்த செய்தி இந்த ஊடகங்களில் அதிக கவனம் பெற்றது?
ஆங்கில தேசிய ஊடகங்கள் :
டைம்ஸ் நவ் :
நடிகரா தொண்டரா என்ற ஹேஸ் டேக்கைப் பயன்படுத்திய இந்த தொலைக்காட்சி, சினிமா நட்சத்திரங்களின் அரசியல் பிரவேசம் குறித்து விவாதித்தது. ‘ஹாட் சீட்’ என்ற நிகழ்ச்சியில் அதன் தொகுப்பாளர் நாவிகா குமார், சமாஜ்வாதி கட்சியிலிருந்து பாஜக வரை ஜெயபிரதா நான்கைந்து கட்சிகளுக்கு தாவியது குறித்து கேள்வி எழுப்பினார். “நான் ஏன் இப்படி செய்கிறேன் என்பதை மக்கள் அறிவார்கள். சமாஜ்வாதி கட்சியிலிருந்து நானாக வெளியேறவில்லை; மாறாக, தூக்கியடிக்கப்பட்டேன்” என தனது கட்சித் தாவலுக்கு மாபெரும் கொள்கை விளக்கத்தை அளித்தார் ஜெயபிரதா.
இன்னபிற வரலாற்று முக்கியத்துவம் வாய்ந்த கேள்விகளுக்குப் பிறகு, அமர்சிங் காவலாளி ஆனதால், பாஜகவுக்கு ஜெயபிரதா இலவசமாக பெற்றதா? என்ற கேள்வியைக் கேட்டார் நாவிகா.
அதற்கு ஜெயபிரதா அளித்த பதில் பொன்னெழுத்துக்களில் பொறிக்கக்கூடியது: “மோடிக்காகத்தான் நான் பாஜகவில் இணைந்தேன். பெண்களின் மரியாதையைக் காக்க பணியாற்றியவர் மோடி, அதனால்தான் இந்தக் கட்சியில் இணைந்தேன்”.
என்டீடிவி 24*7 :
‘ரியாலிட்டி செக்’ என்ற நிகழ்ச்சியில் அதன் தொகுப்பாளர் நிதி ரஸ்தான், ‘தேர்தல் பத்திரங்கள் – வெளிப்படைத் தன்மையானவையா? வெளிப்படைத் தன்மை அற்றவையா?’ என்பது குறித்து விவாதித்தார். ‘அரசியல் நிதிதிரட்டலில் வெளிப்படைத்தன்மை’, ‘பணமும் அரசியலும் முதன்மையான ஓட்டைகள்’ என்பன போன்ற துணைத் தலைப்புகளில் இந்த விவாதம் நடந்தது.
பாஜகவின் சார்பில் பேசியவர், வெளிப்படைத்தன்மையுடனேயே தேர்தல் நிதி வாங்கப்படுவதாகக் கூறினார். ஜனநாயக சீர்திருத்த கூட்டமைப்பைச் சேர்ந்த ஜகதீப் சொக்கார், “சில தகவல்களை அரசே கட்டுப்படுத்துகிறது எனில், அங்கே வெளிப்படைத்தன்மையே இருக்காது” என்றார். இந்த அமைப்பு வெளியிட்ட, அரசியல் கட்சிகளின் 50% நிதிதிரட்டல் தெரியாத நபர்களிடமிருந்து பெறப்பட்டது என்ற தகவலையும் இந்தத் தொலைக்காட்சி சொன்னது.
பணமதிப்பழிப்பு தொடர்பான மறைபுலனாய்வு நடவடிக்கை ஊடகங்களால் திட்டமிட்டு இருட்டடிப்பு செய்யப்பட்டது.
ரிசர்வ் வங்கியின் முன்னாள் ஆளுநர் ரகுராம் ராஜனிடம் அதிகரித்து வரும் பாபுலிசம் குறித்த கேள்வியை முன்வைத்தார் நிதி ரஸ்தான். கோட்பாட்டாளர்களால் மக்களின் பிரச்சினைகளுக்கு தீர்வு சொல்ல முடியாது என்ற ராஜன், அரசியல்வாதிகள் வைக்கும் சில தீர்வுகள் அற்புதங்களை நிகழ்த்தும் என்றார்.
மேற்கொண்டு பேசிய அவர், “உதாரணம் சொல்கிறேன்… மதிய உணவுத் திட்டம், தமிழக முதலமைச்சர் எம்.ஜி. ராமச்சந்திரனால் கொண்டுவரப்பட்டது. முதன்மையாக இந்தத் திட்டம் குழந்தைகள் அதிகமாக படிக்க வேண்டும் என்பதில் கவனம் செலுத்தவில்லை. ஆனால், இந்தத் திட்டத்தால் அதிக குழந்தைகள் பள்ளிக்கு வர ஆரம்பித்தனர், இதனால் கல்வியின் தரம் மேம்பட்டது”.
இந்தியா டுடே :
ராஜ்தீப் சர்தேசாயின் நிகழ்ச்சியில் ராஜன் தோன்றினார். காங்கிரஸ் அறிவித்த ஏழை வீடுகளுக்கு ஆண்டுக்கு ரூ. 72,000 நிதியுதவி அளிக்கு ‘நியாய’ வாக்குறுதி குறித்து அவர்கள் விவாதித்தனர். ராஜன் அளித்த பதில்களின் சாராம்சத்தை ‘காங்கிரசின் வாக்குறுதி சாத்தியமானதா?’ ‘மக்கள் செல்வாக்குள்ள திட்டங்கள் விளையாடுகின்றன’, ’இந்தியாவின் பங்கீட்டு பொருளாதார பொறி’ போன்ற தலைப்புகளுடன் வெளியிட்டார்கள்.
ரிபப்ளிக் டிவி :
அன்றைய நாளில் நடிகையின் பாஜக பிரவேசம் முதல் முன்னாள் ஆளுநரின் பாஜக எதிர்ப்பு நிலைப்பாடு வரை பல விசயங்களை ஊடகங்களில் விவாதித்திருந்தாலும், பாஜகவின் ஊடக அடியாளான அர்னாப் கோஸ்வாமி விவாதித்த தலைப்பு: ‘அயோத்தி குறித்து காங்கிரசின் நிலைப்பாடு என்ன?’, ‘காங்கிரஸின் ராம் அரசியல்’ என்ற தலைப்பிட்டு விவாதித்ததோடு, காங்கிரசின் ராம பக்தி பொய் என்ற ஹேஸ் டேக்கையும் டிரெண்ட் செய்தது இந்த தொலைக்காட்சி.
இந்த விவாதத்தின் போது காங்கிரஸ் தலைவர் ராகுல் காந்தி, சசி தரூர், மணி சங்கர் அய்யர், போன்றோர் மதம் குறித்து, ராமர் குறித்தும் சொன்ன கருத்துக்களை எடுத்து ஒளிபரப்பினார்கள்.
தரூரின் படத்தின் கீழே அவர் சொன்னதாக, “இந்துக்கள் பிளவுபட்டவர்கள் என்கிறார்’ என்றும் மணி சங்கர் அய்யர், ‘ராமர் அங்குதான் பிறந்தார் என்பது உங்களுக்கு எப்படித் தெரியும்?’ என்று கேட்டவர் என்றும் போட்டார்கள்.
விவாதத்தை நடத்திய அர்னாப், ‘இதுதான் மக்களை காயப்படுத்துகிறது. இந்து மதத்தின் மீது நம்பிக்கை வைத்துள்ளதாக கூறும் நீங்கள், ராமர் மீது நம்பிக்கை வைக்கவில்லை’ என தனது தீர்ப்பை எழுதி முடித்தார்.
இந்தி தொலைக்காட்சிகள் :
ஏபீபி நியூஸ் :
இந்தத் தொலைக்காட்சியும் ஜெயபிரதாவின் சமீபத்திய அரசியல் நடவடிக்கைகள், அவர் சிக்கிய சர்ச்சைகள் குறித்து விலாவாரியாக விவாதித்தது.
ஆஜ் தக் :
பாஜகவை எதிர்கொள்ள காங்கிரஸ் வகுக்கும் தேர்தல் வியூகங்கள் குறித்து விவாதித்தது இந்தத் தொலைக்காட்சி. இரண்டு வாரங்களில் பாஜகவை விமர்சிக்க பல்வேறு பிரச்சினைகளை காங்கிரஸ் கையிலெடுத்ததாகக் கூறியது அந்தத் தொலைக்காட்சி. ரபேல் ஒப்பந்த முறைகேட்டை குறிப்பிட்டு, காவலாளிதான் திருடன் என முன்னெடுத்தது, புல்வாமா தாக்குதலில் நுண்ணறிவு பிரிவின் தோல்வி, பால்கோட் தாக்குதல் குறித்த நம்பகத்தன்மை என பாஜகவை குறிவைத்து காங்கிரஸ் பல பிரச்சினைகளை எழுப்பியதையும் சுட்டிக்காட்டியது. மோடி ஒவ்வொரு கேள்விக்கும் பதிலளிக்கும்போதும், ராகுல் பிரச்சினைகளை மாற்றிக்கொண்டே இருந்தார் என்பதையும் தொலைக்காட்சி சொன்னது.
ஜீ நியூஸ் :
தொலைக்காட்சி ஊடகங்களில் குஜராத் படுகொலைகள் நடந்த காலத்திலிருந்தே மோடியின் ‘சொம்பாக’ விளங்கும் ஜீ நியூஸ் தொலைக்காட்சியில் அதன் ஆசிரியர் சுதிர் சவுத்ரி, மத்திய நிதியமைச்சர் அருண் ஜெட்லியிடம் பேட்டி எடுத்தார்.
காங்கிரசின் ‘நியாய்’ திட்டம் ஆட்டத்தை மாற்றுமா? என்கிற தலைப்பில் அந்தப் பேட்டி ஒளிபரப்பப்பட்டது. ஏழைகளை ஏமாற்றுவதற்காகத்தான் குறைந்தபட்ச வருவாய் திட்டம் அறிவிக்கப்பட்டிருக்கிறது என்றார் அருண் ஜெட்லி. மோடி அரசின் வறுமை ஒழிப்புத் திட்டங்களை அமலாக்க, டெல்லி மற்றும் மேற்கு வங்கத்தை தவிர மற்ற மாநில அரசுகள் ஒத்துழைக்கின்றன என்றார்.
பாஜகவின் மூத்த கரசேவகர்களான முரளி மனோகர் ஜோஷி, அத்வானிக்கு தேர்தலில் போட்டியிட வாய்ப்பு அளிக்கப்படாதது குறித்த கேள்விக்கு பதிலளித்த ஜேட்லி, “பாஜகவில் கட்சிக்குத்தான் வாய்ப்பே தவிர, தனிநபர்களுக்கு அல்ல” என்றார்.
இறுதியாக பாஜக மீண்டும் ஆட்சிக்கு வரும் என்றவர், “அரசின் முகம் நேர்மையானது, அது மற்றவர்களை நேர்மையானவர்களாக மாற்றுகிறது. அதுபோல, தேச பாதுகாப்பில் தீவிரமாக உள்ளது” என்று கூறி முடித்தார்.
என்டீடிவி இந்தியா :
‘பிரைம் டைம்’ நிகழ்ச்சியில் ராவிஸ் குமார், உத்தரபிரதேசத்தின் காசியாபாத் நகரத்தை ஒட்டியுள்ள கிராமங்களில் கைவிடப்பட்ட கால்நடைகளால் விவசாயிகள் எத்தகைய பிரச்சினையை சந்தித்து வருகிறார்கள் என்பதைக் காட்டினார். தங்களுடைய வயல்களைப் பாதுகாக்க வேலியிடுவதற்காக இலட்சக்கணக்கில் பணம் செலவழிக்க வேண்டியுள்ளதாக அவர்கள் வருத்தப்பட்டனர். வேலிபோட பயன்படும் இரும்பின் விலை 50% அதிகரித்துவிட்டதாகவும் அவர்கள் தெரிவித்தனர். யூரியா உள்ளிட்ட விவசாய இடுபொருட்களின் விலையும் அதிகரித்துவிட்டதையும் அவர்கள் சுட்டிக்காட்டினர்.
ஜெயபிரதா குறித்து சிறு செய்தி தொகுப்பும், சத்ருகன் சின்ஹா காங்கிரசில் இணையவிருக்கும் செய்தியையும் இந்தத் தொலைக்காட்சி ஒளிபரப்பியது.
கட்டுரையாளர் : கௌரவ் விவேக் பட்நாகர் தமிழாக்கம் : கலைமதி நன்றி : த வயர்
பொள்ளாச்சியில் நூற்றுக்கும் மேற்பட்ட பெண்கள் பாலியல் வன்புணர்வுக்கு உள்ளாக்கப்பட்டுள்ளார்கள் என்ற செய்தியைக் கேட்டு தமிழகமே அண்மையில் அதிர்ந்து போனது. தமிழக அரசு எந்த தீவிரமும் காட்டாத நிலையில் அனைத்து தரப்பு மக்களும் தங்களின் ஆதங்கத்தை வெளிப்படுத்தினார்கள். சமூக பிரச்சனைகளுக்கு மக்கள் எதிர்வினையாற்றுகிறார்கள் என்ற விதத்தில் இதனை ஒரு ஆரோக்கியமான சூழலாகப் பார்க்கலாம்.
ஆனால், மக்களின் கருத்துக்களை சற்று உள்ளூர ஆராய்ந்தோமேயானால் இதில் இருக்கும் ஆபத்து புரியும். இச்சம்பவத்தையொட்டி மக்களால் அதிகமாகப் பகிரப்பட்ட கருத்துகளை இரண்டு விதமாகப் பார்க்கிறேன். ஒன்று, பொள்ளாச்சியில் பாலியல் வன்முறையில் ஈடுபட்டவர்களை கண்டதும் சுட வேண்டும் அல்லது சட்டப்படி மரண தண்டனை வழங்க வேண்டும் என்ற வேண்டுகோள். இரண்டாவதாக, பெண்கள் ஆண்களோடு பழகும் போது கட்டுப்பாடுடன் இருக்க வேண்டும் என்ற அறிவுரை.
பொள்ளாச்சி பாலியல் குற்றவாளிகளைத் தண்டிக்கக்கோரி, உடுமலை ஜிவிஜி கல்லூரி மாணவிகள் நடத்திய போராட்டம்.
முதலாவது வேண்டுகோளின் மூலம் மக்களின் கோபம், இயலாமை, வெறி ஆகியவற்றை நம்மால் புரிந்து கொள்ள முடிகிறது. இரண்டாவது வகை பெண்கள் மீது ஏற்கனவே விதிக்கப்பட்ட கட்டுப்பாடுகளை மேலும், இறுக்கமாக்கும் தன்மையுடையது. என்னை பொருத்தவரை, மேலே குறிப்பிடப்பட்டிருக்கும் இரண்டு பார்வைகளுமே எந்த விதத்திலும் பெண்கள் மீதான வன்முறையைக் குறைக்க உதவி புரியாது. உண்மையில் நாம் பெண்கள் நலனில் அக்கறை கொண்டிருப்போமேயானால் அவர்கள் மீது நடத்தப்படும் வன்முறையை தனி நபர் சார்ந்த பிரச்சனையாக மட்டும் அணுகுவதை விடுத்து அதனை சமூக அரசியல் தளத்தில் விவாதிக்கப்பட வேண்டிய ஒன்றாய் கருத வேண்டும்.
முதலில், பாலியல் வன்முறைக்கு அதிகப்படியாக பெண்கள் இரையாகிறார்கள் எனக்கூறி அவர்கள் மீது கட்டுப்பாடுகளை விதிக்கத் துடிக்கும் போக்கினால் ஏற்படும் விளைவுகளை ஆராய்வோம். என்ன உடை அணிய வேண்டும், என்ன சாப்பிட வேண்டும், யாருடன் பழக வேண்டும் எனத் தொடங்கி யாரைத் திருமணம் செய்ய வேண்டும், எப்பொழுது உடலுறவு கொள்ள வேண்டும், எப்பொழுது குழந்தை பெற்றுக் கொள்ள வேண்டும் எனத் தொடர்ந்து இறுதி வரை பெண்கள் மீது ஏகப்பட்ட கட்டுப்பாடுகள் விதிக்கப்படுகின்றன.
இக்கட்டுப்பாடுகள் குறித்து எதிர்வினையாற்றும் போது இவ்வனைத்துமே பெண்களின் பாதுகாப்பு கருதி முன்னெச்சரிக்கையாக எடுக்கப்படுகிறது என வாதிடப்படும். ஒரு பெண்ணை தனியாக அனுப்ப ஏன் அவளது தந்தை தயங்குகிறார் அல்லது பயப்படுகிறார்? தனது மகள் உடல் ரீதியாக துன்புறுத்தப்படலாம் என்ற காரணத்தினாலா அல்லது அவளின் மீதான அளவுக்கதிகமான பாசமா? இவை இரண்டுமே ஒரு வகையில் காரணமாக இருக்கலாம். இக்காரணங்களையும் மீறி தந்தையின் பயத்திற்கு ஒரு வலுவான காரணம் இருக்கிறது.
நம் சமூகத்தில் பெண்ணின் உடல் சார்ந்தே புனிதம், தூய்மை போன்ற கருத்துக்கள் முன் வைக்கப்படுகிறது. ஒரு பெண் பாலியல் வன்புணர்வுக்கு உள்ளானால் அப்பெண்ணின் புனிதம் கெட்டு விடும், அவளது வாழ்க்கை கேள்விக்குறியாகிவிடும், குடும்ப கௌரவம் சீர்குலைந்து விடும் என்பன போன்ற தப்பெண்ணங்கள் கட்டமைக்கப்பட்டு அப்பெண் மேலும் மனரீதியாக துன்புறுத்துப்படுவாள். பாலியல் வன்முறையை விட அவள் குடும்பம், சுற்றத்தார் உருவாக்கும் நெருக்கடி ஆழமான பாதிப்புகளை ஏற்படுத்தும். இதை யாராவது அன்பு என்று கூற முடியுமா? பாலியல் வன்புணர்வு செய்பவன் மட்டும்தான் குற்றவாளியா? அப்படியென்றால், அவனால் பாதிக்கப்பட்ட பெண்ணிற்கு தொடர்ந்து நெருக்கடி கொடுக்கும் அவளின் குடும்பத்தினரை என்னவென்று சொல்வது?
இம்மாதிரியாக பெண் உடல் மீது கருத்தியல் ரீதியாக கட்டுப்பாடுகளை உருவாக்குவதால் அவளுக்கு ஏற்படும் பாதிப்புகளின் தீவிரம் குறித்து புரிந்து கொள்ள ஒரு வரலாற்று நிகழ்வை இங்கே நினைவுகூர்கிறேன். இந்தியா -பாகிஸ்தான் பிரிவினைக்குப் பின் வரலாறு காணாத அளவில் இடப்பெயர்ச்சி நடைபெற்றது. இலட்சக்கணக்கான மக்கள் எல்லைகளைக் கடந்து பயணம் செய்தார்கள். கற்பனைக்கெட்டாத அளவிற்கு வன்முறையும் அரங்கேற்றப்பட்டது. பெண்கள், குழந்தைகள், முதியவர்கள் என்ற பாரபட்சம் பாராமல் அனைவரும் கொடூரமான விதத்தில் கொலை செய்யப்பட்டனர். குறிப்பாக பெண்கள் கடும் பாதிப்புக்குள்ளானார்கள். இந்துப் பெண்களை முஸ்லீம் ஆண்களும், முஸ்லீம் பெண்களை இந்து ஆண்களும் கடத்திச் சென்றார்கள்.
இப்பிரச்சனையை முடிவுக்கு கொண்டு வர விரும்பிய இந்திய மற்றும் பாகிஸ்தானிய அரசாங்கங்கள் ஒரு ஒப்பந்தத்தில் கையெழுத்திட்டன. அதன்படி, கடத்திச் செல்லப்பட்ட இந்துப் பெண்களை இந்தியாவிற்கு பாகிஸ்தான் அனுப்பிவிட வேண்டும். அதே போல் இந்தியாவும் முஸ்லீம் பெண்களை பாகிஸ்தானிற்கு அனுப்பிவிட வேண்டும். இந்திய அரசின் நோக்கம் என்னவாக இருந்தது? பெண்களைக் காப்பாற்ற வேண்டும் என்ற ஆவலா? இந்தியாவின் நடவடிக்கையை உற்றுக் கவனித்த அரசியல் விமர்சகர்கள் இந்த ஒப்பந்தம் நல்ல நோக்கத்தோடு கையெழுத்தாகவில்லை எனக் கருதினார்கள்.
அக்கருத்தின்படி இந்திய தலைவர்கள் இந்துப் பெண்களை மட்டும் காப்பாற்ற எண்ணினார்கள். அவர்கள் இந்து மத அடையாளத்துக்கு எந்தவித களங்கமும் ஏற்பட்டுவிடக் கூடாது என உறுதியாக இருந்தார்கள். அரசின் நிலைப்பாடுதான் இவ்வாறாக இருந்ததென்றால், பாதிக்கப்பட்ட இந்துப் பெண்களின் குடும்பத்தினர் நடந்து கொண்ட விதம் மிகவும் வருந்தத்தக்கது. பாகிஸ்தானில் இருந்து திரும்பி வந்த பெண்களை ஏற்றுக் கொள்ளாமல் அப்பெண்கள் அனைவரும் தற்கொலை செய்து கொள்வதே சிறந்தது என குடும்பத்தினர் கூறினர். ஒருபுறம் அரசு இந்து மத பெண்களின் புனிதம் கெட்டுவிடக் கூடாது என்று முனைப்பு காட்டியது. மறுபுறம் பெண்களின் குடும்பத்தினர் தங்களின் கௌரவம் கேள்விக்குறியாகி விட்டது என எண்ணினர்.
இரு தரப்பும் ஒரு சாதாரண பெண்ணின் உணர்வுகளை, வலியை புரிந்து கொள்ளத் தவறிவிட்டார்கள். அதன் விளைவாக நூற்றுக்கணக்கான பெண்கள் தங்களது உயிரை மாய்த்துக் கொண்டனர். சதை, இரத்தம், உணர்வு என அனைத்தும் கலந்து உயிர்ப்புடன் இருக்கும் பெண்ணின் உடலை அரசியல் அமைப்போ குடும்ப அமைப்போ புரிந்து கொள்ளாமல் பெண் உடல் மீது கட்டப்பட்டுள்ள அடையாளங்களைக் காப்பாற்ற ஆர்வம் கொள்கின்றன.
பொதுவாக குடும்ப அமைப்பு பெண்களுக்கு நிபந்தனையற்ற அன்பையும், பாதுகாப்பையும் தர வல்லது என பரவலாக நம்பப்படுகிறது. இத்தருணத்தில் குடும்ப அமைப்பின் அடித்தளத்தில் மறைந்து செயல்படும் அரசியலை வெளி கொண்டு வருவது அவசியம். அந்த அமைப்பின் அடிப்படையான ஆண் – பெண் உறவு அவர்களின் தனிப்பட்ட விருப்பு வெறுப்பு சார்ந்தது என கூறப்படுகிறது. சமூகம், அரசியல் சார்ந்த பொதுப்படையான பிரச்சனைகள் ஆண் – பெண் உறவை பாதிக்காது என்பதும் பரவலான கருத்தாகும். குறிப்பாக, பாலியல் உறவு முறை கூட தன்னிச்சையாக செயல்படும் ஆற்றல் கொண்டதுதான் என நவீன உளவியல் ஆராய்ச்சி வாதிடுகிறது.
இதிலிருந்து விலகி, டேவிட் ஹால்பிரின் என்ற எழுத்தாளர் செக்ஸ் தன்னிச்சையான ஒரு வெளியில் செயல்படுவதில்லை என ஆணித்தரமாக கூறுகிறார். இக்கருத்தை விரிவாக புரிய வைக்க ஏதன்ஸ் நகரில் பாலியல் உறவு பண்டைய காலத்தில் கட்டமைக்கப்பட்டிருந்த விதத்தை பின்வருமாறு விளக்குகிறார். ஏதன்ஸ் நகரில் கண்டெடுக்கப்பட்ட வரலாற்று ஆவணங்களில் பாலியல் உறவை ஒருவருக்கொருவர் விட்டு கொடுக்கும் சமரச உணர்வு நிறைந்த ஒன்றாக சித்தரிக்கவில்லை. மாறாக, ஏதன்ஸ் மக்களைப் பொருத்தவரை, செக்ஸ் என்பது சமூகத்தில் ஆதிக்க வர்க்கத்தினர் விளிம்பு நிலை மக்களின் மீது நடத்தப்படும் செயல்.
ஒரு ஏதினியனின் பாலியல் உறவு அவனது சமூக அந்தஸ்தைப் பொருத்து நிர்ணயமாகிறது. வாலிப பருவம் எய்திய ஆணே அதிகாரம் பெற்றவனாகிறான். அவன் தன்னை விட சமூகத்தில் தாழ் நிலையில் வைக்கப்பட்டிருக்கும் பெண்கள் (வயது வரம்பில்லை), விடலைப் பருவ பையன்கள், வெளிநாட்டினர் மற்றும் அடிமைகள் ஆகிய அனைவரிடமும் பாலியல் உறவு கொள்ளலாம். பண்டைய கால ஏதன்ஸில் பொது வாழ்க்கையை ஒழுங்குப்படுத்தும் கொள்கைகளே செக்ஸ் வாழ்க்கையையும் நெறிப்படுத்தியது. ஏதன்ஸ் நகரில் பல நூற்றாண்டுக்கு முன் வழக்கில் இருந்த நடைமுறை என்று இதனை விலக்கி பார்க்க வேண்டாம்.
அந்த நகரில் எவ்வாறு ஏணிப்படி சமூக அமைப்பு பாலியல் உறவுகளை பாதித்ததோ அதே போல் நம் சமூகத்தில் தற்கால குடும்ப அமைப்பில் பண்பாடு மற்றும் அரசியல் சார்ந்த கருத்தாக்கங்கள் பிரதிபலிக்கின்றன. இல்லறம் அமைத்தல் பெண்ணின் கடமை என்று வகுக்கப்பட்டுள்ளது. சிறு வயதிலிருந்தே பெண் பிள்ளைகளின் அம்மாக்கள் அவர்களுக்கு கோலம் போடுவது, வீட்டை சுத்தப்படுத்துவது, சமைப்பது என அனைத்தையும் கற்றுக் கொடுப்பார்கள்.
திருமணத்திற்கு பிறகு பெண் தனது கணவனுக்கும் அவனது வீட்டாருக்கும் ஏற்றார் போல் நடந்து கொள்ள வேண்டும். கணவனின் பாலியல் இச்சையை திருப்திபடுத்த வேண்டும், குழந்தை பெற்றுக் கொடுக்க வேண்டும், அவர்களை பராமரிக்க வேண்டும் என அனைத்துப் பொறுப்புகளும் பெண்ணுக்கு வழங்கப்படும். குழந்தை பெற்று கொடுக்க இயலாத பெண்ணை என்னென்ன இழி சொற்கள் மூலம் பலவீனப்படுத்துகிறார்கள் என்பது அனைவரும் அறிந்ததே. அதோடு விட்டுவிடுகிறார்களா என்ன? அந்தப் பெண்ணின் உடல் மீது மருத்துவ சிகிச்சை என்ற பெயரில் அனைத்து அத்துமீறல்களும், வன்முறைகளும் நடத்தப்படுகிறது. பாலியல் வன்புணர்வை விட இது எந்த விதத்தில் குறைவு?
கேலிச்சித்திரம் : முகிலன்.
ஒரு சிலர் இந்த சூழல் மாறிவிட்டதாகவும் பெண்கள் கல்வி பெற்று முன்னேறி விட்டதாகவும் வாதிடுவார்கள். இது முற்றிலும் மறுக்க முடியாத உண்மையே. இருந்தாலும் கல்வியறிவோ, வேலைவாய்ப்போ பெண்களை முற்றிலும் விடுவிக்கவில்லை. இன்றும் கூட இல்லறம் அமைத்தல் அவள் பொறுப்பாகவே பார்க்கப்படுகிறது. பெண்களுக்கு கொடுக்கப்படும் கல்வி அவர்களது குழந்தைகளுக்கு பாடம் கற்றுக் கொடுப்பதற்கும் சற்று பொருளாதார வளர்ச்சிக்கும் மட்டுமே பயன்படுத்தப்படுகிறது. அவர்கள் பெற்ற கல்வி பெரும்பாலும் அவர்களது அறிவு வளர்ச்சிக்குப் பயன்படக் கூடியதாக அமைவதில்லை. மேலும், அவர்களை சமூக மற்றும் குடும்ப அமைப்புகளின் இறுக்கத்தில் இருந்து விடுபட வழிவகை செய்வதில்லை. அனைத்து விதத்திலும் நிறைவான இல்லறத்தை ஒரு பெண் அமைத்தாலும் அச்செயலுக்கு சமூகத்தில் சிறப்பான அந்தஸ்து தரப்படுவதில்லை. இச்சூழலில் இன்பமான குடும்ப அமைப்பை எவ்வாறு உருவாக்குவது? ஆண் -பெண் உறவு சமூகத்தில் ஊறிப்போன ஏற்றத்தாழ்வுகள், பிரிவினைகள் அனைத்தையும் உள்வாங்கிக் கொண்டுள்ளது என்பது புலனாகிறது.
மேலே விவாதிக்கப்பட்ட பிரச்சனைகளோடு சாதி அமைப்பும் சேரும் போது, இந்திய சமூகத்தில் பெண்கள் வார்த்தைகளால் விவரிக்க இயலாத கொடுமைகளை அனுபவிக்க நேரிடுகிறது. சாதி அமைப்புக்கும் பெண்பாற் பண்பிற்கும் கண்டிப்பாக ஒர் இணைப்பு உண்டு. சாதி இந்துக்கள் அதிகார வர்க்கத்தினராக உருவெடுக்க ஆரம்பித்த காலம் முதல் சாதிக் கொடுமைகள் பல்வேறு வடிவங்களில் நடைபெறுகின்றன. அவர்களின் சாதி அடையாளங்களை காத்துக் கொள்ளவும், அதிகாரத்தை நிலைநிறுத்தவும் ஆணாதிக்க, பார்ப்பனிய கருத்தாக்கங்களை வலுப்படுத்தியுள்ளார்கள். இதன் விளைவாக, பெண்கள் புனிதமான குடும்ப அமைப்பின் மையம் என்று நம்பப்படுகிறது. மற்ற மாநிலங்களைப் போல் தமிழகத்திலும் இந்த அணுகுமுறை பரவலாக தென்படுகிறது.
அதீத அன்பு காட்டி சமூக இயல்பை முற்றிலும் மறைத்து பெண்களை வளர்த்து பின் அதே சாதி ஆணுக்கு திருமணம் செய்து கொடுக்கிறார்கள். திருமணம் மூலம் அவர்களின் சாதித் தூய்மையும், முக்கியமாக, அதிகாரமும் நிலை நாட்டப்படுவதாக எண்ணுகிறார்கள். நவீன காலத்தில் ஏற்பட்ட மாற்றங்களால் தலித் மக்கள் பொருளாதாரத்தில் சற்று நல்ல நிலையில் உள்ளனர். அதன் தொடர்ச்சியாக, அவர்களின் ஆடை அணியும் விதம் மாறியுள்ளது, அவர்களுக்கான வெளி விரிவடைந்துள்ளது மற்றும் ஆதிக்க சாதிப் பெண்களிடம் பழகும் வாய்ப்பும் அதிகரித்துள்ளது.
அதனால், ஒரு தலித் வாலிப ஆண், ஆதிக்க சாதி பெண்ணை காதலிப்பது என்பது இயல்பான ஒன்று. ஆனால், ஆதிக்க சாதியினர் அவ்வாறு இயல்பாக எடுத்துக்கொள்வதில்லை. ஆண் – பெண் காதல் உறவை சாதிக் கண்ணாடி மூலம் பார்த்து அதனை தலித் மக்களின் திட்டமிட்ட சதி என்று ஆதிக்க சாதியினர் வாதிடுகின்றனர். இவை அனைத்தையும் மீறி ஒரு ஆதிக்க சாதிப் பெண் ஒரு தலித் வாலிபனை திருமணம் செய்தால் யாராவது ஒருவரை கொலை செய்து விடுவர். இதில் எங்கே இருக்கிறது பெண்ணின் பாதுகாப்பு? தலித் பெண்ணின் நிலை இதைவிட பரிதாபமாக இருக்கிறது. அவளுக்கு எந்த வித புனிதமும் கிடையாது.
ஆதிக்க சாதி ஆண்கள் தலித் பெண்களிடம் தண்ணீர் குடிக்கத் தயங்கலாம், அவர்கள் கொடுக்கும் உணவை உண்ண மறுக்கலாம்; பொது வெளியில் அவள் உடலை தொட தயங்கலாம்; ஆனால், அவளை பாலியல் வன்புணர்வுக்கு உள்ளாக்குவது எந்தவிதத்திலும் அவனின் சாதித் தூய்மையை களங்கப்படுத்தாது என்ற எண்ணம் மனதில் பதிந்துள்ளது. ஆதிக்க வர்க்கத்தினர் / சாதியினர் தலித் பெண்கள் மீது நடத்திய கொடுமைகளின் சாட்சியாகத் தான் மக்கள் பெண் தெய்வங்கள் நிற்கிறார்கள். பெண் தெய்வ வழிபாட்டை பெண் வழி சமூகத்தின் நீட்சியாக பார்ப்பதை விடுத்து சாதி இழிவின் சின்னமாகக் கருத வேண்டும்.
சுருக்கமாக சொல்ல வேண்டுமானால், இந்திய சமூகத்தில் ஒரு பெண் அவளுக்கென்று கல்வி, வேலை, துணை போன்ற அடிப்படையானவற்றை கூட தன்னிச்சையாக தேர்ந்தெடுப்பதில் பல சிக்கல்கள் உள்ளன. இதற்கு காரணமான நம் சமூகம், பண்பாடு, அரசியல் தளங்களில் காலம் காலமாக ஊறிக்கிடக்கும் ஆணாதிக்க, பார்ப்பனிய கருத்தாக்கங்களை கேள்விக்குட்படுத்த வேண்டும். குறிப்பாக, இந்திய பண்பாட்டின் சிறப்பம்சமாக சித்தரிக்கப்படும் குடும்ப அமைப்பு என்ற சட்டகத்திற்குள் பெண்களை வரையறுப்பதை முதலில் கைவிட வேண்டும். இதை விடுத்து, ஒரு பெண் பாலியல் வன்புணர்வுக்கு உள்ளாகும் போது மட்டும் எதிர்வினையாற்றுவது சிறு துளி அளவிலும் பெண்கள் விடுதலை பெற பங்களிக்காது என்பது உறுதி.
பகத்சிங் மற்றும் அவரது தோழர்கள் 1931-ம் ஆண்டு மார்ச் 23-ம் தேதி லாகூர் மத்திய சிறையில் ஆங்கிலேயே அரசினால் தூக்கிலிடப்பட்டு வீர மரணம் அடைந்தனர். அதற்கு அடுத்து மார்ச் 24-ம் தேதி அவர்களது தியாகத்திற்கு அஞ்சலி செலுத்துவதற்காக காங்கிரஸ் தொண்டர்கள் முழு கடை அடைப்பை நடத்த முயன்றனர். தொடர்ந்து இந்து மற்றும் இசுலாமிய கும்பல்களால் நடந்த வன்முறை மற்றும் பதில் வன்முறையால் 400 பேர் படுகொலை செய்யப்பட்டதுடன் கான்பூரே சூறையாடப்பட்டது.
அதற்கடுத்த ஆறு நாட்கள் மார்ச் 30 வரை இரு மத வழிப்பாட்டு தலங்கள் கொள்ளையடிக்கப்பட்டு எரிக்கப்பட்டன. 400-க்கும் மேற்பட்ட வீடுகள் சேதமடைந்தன. அந்த வன்முறையில்தான் ஐக்கிய மாகாண காங்கிரசு அமைப்பின் (United Province Congress Committee) தலைவரும் பகத்சிங்கின் நண்பரும் தீரமிக்க விடுதலை போராட்ட வீரருமான கணேஷ் சங்கர் வித்யார்த்தி (Ganesh Shankar Vidyarthi) தன்னுடைய இன்னுயிரை இழந்தார். மார்ச் 25-ம் தேதி வன்முறையினால் பற்றிக்கொண்ட நெருப்பிலிருந்து அப்பாவி இந்து மற்றும் முஸ்லீம் மக்களை காப்பாற்றும் முயற்சியின் போது அந்த துயரம் நடந்தேறியது.
கான்பூர் கலவரம் குறித்த சித்திரம் (கோப்புப் படம்).
படுகொலைக்கு சில நாட்களுக்கு முன்பு காந்தி – இர்வின் ஒப்பந்தம் கையெழுத்தான 1931, மார்ச் 5-க்கு பிறகு சிறையிலிருந்து அவர் விடுதலை செய்யப்பட்டார். பகத்சிங் மற்றும் தோழர்களது விடுதலை குறித்து அவ்வொப்பந்தம் எதுவும் பேசவில்லை. ஆனால், நாடு முழுவதும் வலுவாக வீசிய பகத்சிங் அலையின் காரணமாக அவரை விடுதலை செய்யக்கோரி இர்வினிடம் காந்தி வேண்டியதாகவும் ஆனால், அது வெற்றி பெறவில்லை என்றும் நேரு தன் வரலாறில் எழுதியுள்ளார்.
காந்தி மற்றும் இர்வினிடையே உடன்படிக்கை நடந்து கொண்டிருந்த சமயத்தில் பகத்சிங் உள்ளிட்ட செயற்பாட்டாளர்களை பற்றி ஒப்பந்தத்தில் என்ன இருந்தது என்று பகத்சிங்கின் ஹிந்துஸ்தான் சோசலிச குடியரசுக் கழக (Hindustan Socialist Republican Association) ஆயுதப்படை தலைவரான சந்திர சேகர் ஆசாத் கேள்வி எழுப்பினார். ஒப்பந்தம் கையெழுத்திடப்படுவதற்கு முன்னரே அலகாபாத்தில் உள்ள அல்பிரட் பூங்காவில் பிப்ரவரி 27, 1931-ல் ஆசாத் கொல்லப்பட்டார்.
போலீசு மற்றும் நீதிமன்றங்களின் மூலம் கலவர வன்முறையில் ஈடுப்பட்டவர்களை வெள்ளையர்கள் விடுதலை செய்ததில் வியப்பேதுமில்லை. வன்முறை கலாச்சாரம் இந்தியாவின் கொள்ளை நோய் என்றும் இந்தியாவிற்கு அமைதியை வழங்க ஆங்கிலேயே அரசு கண்டிப்பாக தேவை என்ற காலனிய கற்பிதத்திற்கு இது வலு சேர்த்தது.
இங்கே நமக்கு இன்றியமையாத கேள்வி ஒன்று வருகிறது. பகத்சிங் ஒரு வெளிப்படையான நாத்திகவாதி, புரட்சியாளர் மற்றும் மதச்சார்பற்றவர் எனில் அவருக்கு அஞ்சலி செலுத்த இந்துக்களும் முஸ்லீம்களும் தங்களது குரல்வளைகளை ஏன் பிடித்துக் கொள்ள வேண்டும். பகத்சிங்கை தூக்கிலிட அழைத்து செல்லும் போது சிறைக்காவலரான சரத் சிங் கடவுளிடம் பாவமன்னிப்பு கேட்குமாறு பகத்சிங்கிடம் கிசுகிசுத்தார். அதற்கு புன்னகையுடன் பதிலளித்த பகத்சிங், “என்னுடைய வாழ்க்கையில் ஒருபோதும் நான் கடவுளை வழிபட்டதில்லை. இப்போது கடவுளிடம் நான் மன்னிப்பு கேட்பேனானால், ‘இதோ பார்… சாவு நெருங்குவதால் மன்னிப்புக் கேட்கிறான் இந்தக் கோழை’ என்று அவர் கூறுவார்” என்றார் பகத் சிங்.
கான்பூரில் இந்து மற்றும் இசுலாமிய மதவாத அமைப்புகளால் 1920-களின் முடிவில் தொடங்கப்பட்ட மறுமலர்ச்சி நடவடிக்கைகள் வளரத் தொடங்கியதுதான் வகுப்புவாத வன்முறைகளுக்கு காரணம் என்று “சமூக பிணைப்புகள், மத உறவுகள் : இருபதாம் நூற்றாண்டு தொடக்கத்தில் கான்பூரின் ஜவுளி தொழிலாளர்கள் (Bonds of community, ties of religion: Kanpur textile workers in the early twentieth century)” என்ற ஒரு ஆய்வு கட்டுரையில் சித்ரா ஜோஷி இதற்கு பதிலளிக்கிறார்.
கணேஷ் சங்கர் வித்யார்த்தி நினைவாக வெளியிடப்பட்ட அஞ்சல் தலை.
கான்பூரில் தாய்மதத்திற்கு திரும்பும் சுத்தி (shuddhi) இயக்கத்தை ஆரிய சமாஜம் பெரும் ஆர்வத்துடன் தொடங்கியது. அதில் ஆர்வமற்றவர்கள் கதா மண்டலை (Katha Mandal) உருவாக்கினர். அது தற்காப்பு பயிற்சிகள் மற்றும் மதமாற்ற நடவடிக்கைகள் செய்ய முற்பட்டது. போட்டியாக முஸ்லீம்களும் டப்லை-உல்-இஸ்லாம் (Tabligh-ul-Islam) என்ற அமைப்பைத் தொடங்கினர். வெறுமனே மதம் தொடர்பான கூட்டங்களுக்கு பதிலாக ஒருவரையொருவர் வெறுப்புணர்ச்சியூட்டவே இவை பயன்பட்டன.
காங்கிரசில் இருந்த பல்வேறு உள்ளூர் தலைவர்கள் ஆரிய சமாஜம் மற்றும் இந்து மகாசபாவின் நடவடிக்கைகளில் பங்கேற்றது காங்கிரசு இந்துக்களுக்கு ஆதரவான அமைப்பு என்ற எண்ணத்தை முஸ்லீம்களிடம் ஏற்படுத்தியது. காங்கிரசில் உண்மையிலேயே மிகச்சிறுபான்மையினர் தான் மதச்சார்பற்றவர்களாக இருந்தார்கள் என்று வன்முறை குறித்த காங்கிரசு கமிட்டியின் அறிக்கையில் சேர்க்கப்பட்ட ஜபருல் முல்க்கின் (Zafarul Mulk) மாற்றுக்கருத்து அம்பலப்படுத்துகிறது.
வெள்ளையர்களின் பிரித்தாளும் கொள்கையின் விளைவாக வாக்காளர்கள் தனித்தனியாக பிரிக்கப்பட்டு உள்ளாட்சி தேர்தல் நடந்தது. விதிவிலக்காக இங்கு அனைத்து சமூகத்தினரின் ஒருமனதான ஆதரவை பெற்றவர் கணேஷ் ஷங்கர் வித்யார்த்தி மட்டுமே.
கான்பூர் வன்முறைக்கான காரணங்களை ஆய்வு செய்யும் போது ஒரு உண்மை தெரிய வருகிறது. தலைவர்களாக இருந்தவர்கள் மதச்சார்பு நடவடிக்கைகளில் ஈடுபடும் போது பிற மதத்தினரிடையே அவருக்கு இருக்கும் மதசார்பற்ற நன்மதிப்பு சீர்கெடுகிறது. கான்பூரில் கணேஷ் வித்யார்த்தியின் பழைய நடவடிக்கைகளாலும் அவருடைய கொள்கை மற்றும் பகத்சிங்கிடம் அவருக்கு உள்ள தொடர்பினாலும் அவரது மதச்சார்பற்ற தன்மையை யாரும் சந்தேகிக்கவில்லை.
இந்நிலையில் இங்கே ஒரு கேள்வி எழுவது காலத்தேவையாக இருக்கிறது. விடுதலையடைந்து 70 ஆண்டுகளுக்கு பின்னரும் இந்தியா ஏன் இன்னும் பிளவுபட்டு கிடக்கிறது? யாருக்குமே மகிழ்ச்சியில்லை. பெரும்பான்மை மற்றும் சிறுபான்மை என இருவருமே மனநிறைவற்று வாழ்கின்றனர்.
அரசாங்கத்திற்கு உள்ளேயும் வெளியேயும் உள்ள தலைவர்கள் கடைபிடிக்கும் ‘ஒருவிதமான’ மதச்சார்பின்மை, பெருந்திரளான மக்களிடம் நம்பிக்கையை ஏற்படுத்தவில்லை. இதில் மாற்றம் தேவைப்படுகிறது என்பதுதான் அதன் பொருள். நாட்டில் 97 விழுக்காடு மக்கள் மத நம்பிக்கை கொண்டவர்களாக இருக்கும் நிலையில் அவர்களில் சிலர் (தலைவர்கள்) அதை பொதுவெளியில் வெளிக்காட்டும் சூழலில் தத்துவத்திலும் நடைமுறையிலும் கட்டுக்கோப்பான மதச்சார்பின்மை ஒன்று இங்கே தேவைப்படுகிறது.
பொதுமக்கள் குறிப்பாக தலைவர்களின் மத அடையாளங்களை தனிப்பட்ட நம்பிக்கை என்ற அளவிற்கு குறுக்குவதன் மூலம் உருவாக்கப்படும் மதச்சார்பின்மை மற்றும் ஒன்றுபட்ட இந்தியா என்ற கட்டமைப்புதான் பகத்சிங் மற்றும் கணேஷ் வித்யார்த்தி இருவருக்கும் நாம் செலுத்தும் உண்மையான அஞ்சலியாக இருக்க முடியும்.
கட்டுரையாளர் : Avinash Mohananey தமிழாக்கம் : சுகுமார் நன்றி : thewire
தமிழக பாஜக சார்பில் தமிழிசை, பொன் இராதாகிருஷ்ணன், எச்.ராஜா, சி.பி. இராதாகிருஷ்ணன், நயினார் நாகேந்திரன் ஆகியோர் நாடாளுமன்றத் தேர்தல் வேட்பாளர்களாக நிறுத்தப்பட்டிருக்கின்றனர். மோடியின் இந்த ஐந்து ஆண்டுகளில் இந்த வேட்பாளர்கள் அனைவரும் பல்வேறு தருணங்களில் தமிழக மக்களால் வெறுக்கப்பட்டிருக்கின்றனர்.
ஆண்டாள் விவகாரத்தின் போது நயினார் நாகேந்திரன், “இந்துக்களை இழிவுபடுத்துபவர்களை கொலை செய்ய வேண்டும்” என்ற அளவுக்கு பேசினார். கொடுத்த காசுக்கு மேல் கூவும் இந்த முன்னாள் அதிமுக அடிமையை விட்டு விடுவோம். மற்ற நால்வரையும் எடுத்துக் கொள்வோம்.
பொன் இராதாகிருஷ்ணன் அப்பட்டமாக ஒரு பண்ணையார் போல நடந்து கொள்வார். அதுவும் அவர் அமைச்சராக உலா வந்த இந்த வருடங்களில் முகத்தை டைட்டாக வைத்து விட்டு அப்பாவி மக்களை விரட்டும் போலீசு அதிகாரி போல பேசுவார். தூத்துக்குடி ஸ்டெர்லைட் எதிர்ப்பு போராட்டத்தை ஒழிக்க இவர் ஆடிய சதிராட்டங்கள் பல.
அதே தூத்துக்குடியில் சோபியா எனும் இளம்பெண்ணை கைது செய்யச் சொல்லி ஆட்டம் போட்டவர் தமிழிசை. சிலர் கருதுவது போல இவர் ‘சூத்திரர்’ என்பதால் பாஜகவில் ஓரங்கட்டப்படுவதில்லை. அப்படிப் பார்த்தால் மோடி கூட பார்ப்பனரல்லாதோர் பிரிவில்தான் வருகிறார். பார்ப்பனியத்தை பின்பற்றுபவர்களில், சங்கிகளில் வெள்ளை, கருப்பு என்ற பேதமில்லை. அனைத்தும் காவிதான்.
சி.பி.இராதாகிருஷ்ணனைப் பொறுத்த வரை தொலைக்காட்சி விவாதங்களில் பேசுவதே அந்த சானலின் முதலாளி போல உரிமையுடன் பேசுவார், அதட்டுவார், மிரட்டுவார். எச். ராஜா பற்றி தனியாகச் சொல்லத் தேவையில்லை. தமிழக இணைய வாசிகளால் எச்ச என்று அழைக்கப்படும் அளவுக்கு அவர் மீதான வெறுப்பு இங்கே அதிகம்.
எனில் இன்றைய கேள்வி: தமிழக மக்களால் அதிகம் வெறுக்கப்படும் பாஜக வேட்பாளர் யார்?
♠ பொன். இராதாகிருஷ்ணன்
♠ சி.பி.இராதாகிருஷ்ணன்
♠ தமிழிசை
♠ எச். ராஜா
(இரண்டு பதில்களை தெரிவு செய்யலாம்)
பின் குறிப்பு : வெற்றி பெறும் வேட்பாளருக்கு தேர்தல் முடியும் முன் பரிசுகள், விருதுகள் வழங்கப்படும்.
வாக்களியுங்கள், வாக்களிக்காமல் இருந்து விடாதீர்கள், ஜனநாயகக் கடமையை ஆற்றுங்கள்!
டிவிட்டரில் வாக்களிக்க
தமிழக மக்களால் அதிகம் வெறுக்கப்படும் பாஜக வேட்பாளர் யார்?
பொன். இராதாகிருஷ்ணன் சி.பி.இராதாகிருஷ்ணன் தமிழிசை எச். ராஜா
“மலர்ந்தே தீரும்… தாமரை மலர்ந்தே தீரும்” பாடல் டீசர். திருச்சியில் மக்கள் அதிகாரம் நடத்திய “கார்ப்பரேட் காவி பாசிசம் – எதிர்த்து நில்” மாநாட்டில் தோழர் கோவன் தலைமையில் ம.க.இ.க கலைக்குழுவினர் பாடிய பாடல் முறையான இசை, ஸ்டூடியோ ரிக்கார்டிங்கோடு வீடியோவாக தயாராகி வருகிறது.
வளைகுடா நாடுகளான சவுதி அரேபியா , ஐக்கிய அமீரகம், ஓமன், ஏமன், கத்தார் போன்ற நாடுகளுக்கு நமது நாட்டில் இருந்து பணி நிமித்தம், வியாபார நிமித்தம் சென்று வாழும் சகோதர சகோதரிகளுக்கானது இந்த பதிவு.
உலகில் வேறு இனக்குழுக்களுக்கு நீரிழிவு / உடல் பருமன் / ரத்த கொதிப்பு / இதய நோய் போன்றவை வரும் வாய்ப்பை விடவும் நமக்கு அதாவது இந்தியாவைச் சேர்ந்த அதிலும் தென்னிந்தியாவைச் சேர்ந்த கர்நாடகா, ஆந்திரா, தெலுங்கானா, புதுச்சேரி, கேரளம் , தமிழ்நாடு மற்றும் இலங்கை நாடு ஆகியவை அடங்கிய நமக்கு மிக மிக அதிகம் என்பதை நாம் உணர வேண்டும்.
அதற்கு பிரத்யேக காரணம் :
1. நமது மாவுச்சத்து அதிகம் உண்ணும் வாழ்க்கை முறை.
2. உடல் உழைப்பு குறைந்தது.
3. நமது ஜீன்கள்
இதில் நமது நிலப்பரப்பை விட்டு நமக்கு பழக்கம் இல்லாத பாலைவன பூமியில் பணி நிமித்தம் செல்கிறோம். அங்கு சென்று பணம் சம்பாதித்து வருகிறோமோ இல்லையோ… நீரிழிவு / இதய நோய் / ரத்த அழுத்தம் / சிறுநீரக நோய் என்று எதையாவது தாயகத்துக்கு கொண்டு வருகிறோம்.
ஏன் ?
பெரும்பாலும் வளைகுடா நாடுகளில் வசிக்கும் நமதூர் மக்களில் மூன்றில் ஒருவருக்காவது நீரிழிவு / ரத்த அழுத்தம் இருக்கிறது. இது தமிழகத்தில் நிலவும் நீரிழிவு சதவிகிதத்தை விட அதிகம், காரணம்.
அங்கு நாம் உட்கொள்ளும் அதிக மாவுச்சத்து உணவு முறை தான். எளிதாக கிடைக்கிறது என்று வரைமுறையின்றி உண்ணப்படும் குப்பூஸ் ரொட்டி. மலிவாக கிடைக்கும் குளிர்பானங்கள். பர்கர்கள்.. பீட்சாக்கள்.. செயற்கை இனிப்பு கலந்த உணவுகள்.. என்று குடும்பங்களை விட்டு தனியே சுதந்திரமாக வாழும் ஆண்மகன்கள் தங்கள் நா விரும்பியதை ருசிக்கின்றனர்.
அதனால் உடலுக்கு கேடா? நல்லதா ? என்று ஒரு நொடி உணர்ந்தால் நமக்கு ஒவ்வாத பொருட்களை உண்பதில் இருந்தும் தவிர்த்துக்கொள்ளலாம். இன்னும் பலர் சிகரெட் பழக்கத்துக்கு அடிமையாவதைக் காண முடியும்.
தனிமை தரும் துயரை மறக்க அவ்வாறு செய்கின்றனர். ஆனால் எந்த சாக்கு போக்கு கூறியும் புகை போன்ற பழக்கங்களை நியயாப்படுத்திட முடியாது. வளைகுடா நாடுகளில் நான் பிரச்சனையாக உணர்வது மிக எளிதாக குறைவான விலையில் கிடைக்கும் குளிர்பானங்கள்தான்.
குளிர்பானங்களை தண்ணீர் போல பருகுவதை பார்த்திருக்கிறேன். இப்போது நமது மக்களிடையே சிறிது அது குறித்த விழிப்புணர்வு வந்திருப்பது மகிழ்ச்சி. கண் கெட்ட பிறகு மோனாலிசா ஓவியத்தை ரசித்த கதையாய் பலருக்கும் தங்களுக்கு நீரிழிவு வந்த பின்னே இந்த அறிவு கிடைத்திருக்கிறது.
இருப்பினும் அதுவும் நன்மைக்கே. வளைகுடா நாடுகளுக்கு தினந்தோறும் அணி அணியாய் இங்கிருந்து இளைஞர் படை வேலைக்கு செல்கிறது. அவர்களுக்கு ஒரு வேண்டுகோள். கண்ணில் கண்டதையெல்லாம் சாப்பிட்டே ஆக வேண்டும் என்று இல்லை. உங்கள் உடலுக்கு அது சரி வருமா வராதா என்று பார்த்து உண்ண வேண்டும்.
‘காமன் மேன்’ உணவு முறையில் இருப்பவர்கள் பின்வரும் உணவு அட்டவணையை பயன்படுத்தலாம்
காலை
இனிப்பு இல்லாத சுலைமானி டீ
காலை உணவு
4 முட்டைகள்
காலை ஸ்நாக்ஸ்
வெள்ளரிக்காய் (200 கிராம்) + ஒரு சுலைமானி டீ
மதிய உணவு
100 கிராம் சமைக்கப்பட்ட சாதம் + 100 கிராம் கீரை/ காய்கறிகள்
மாலை சிற்றுண்டி
ஒரு ஆப்பிள் / இரண்டு ஆரஞ்சு அல்லது 40 பாதாம் பருப்பு + ஒரு பால் டீ 150மில்லி ( சீனி / சர்க்கரை இல்லாமல்)
இரவு உணவு 2 தோசை / 3 இட்லி / 4 இடியாப்பம்
குறிப்பு : மதியம் மற்றும் இரவு உணவோடு 150 கிராம் கறி / மீன் போன்ற அசைவ உணவுகளை எடுக்கலாம். தாகம் எடுக்கும் போது உப்பு கலந்த எலுமிச்சை சாறு பருகலாம். தினமும் 4 லிட்டர் தண்ணீர் கட்டாயம் பருக வேண்டும்
❌ இனிப்பு முடிந்தவரை தவிர்ப்பது நல்லது .
சீனி சர்க்கரை கேடு தரும் ❌ புகை/மது தவிர்க்க வேண்டும் ❌ எண்ணெயில் பொறித்த உணவுகள் தவிர்க்க வேண்டும் ❌fried chicken தவிர்க்க வேண்டும் ❌குளிர்பானங்கள் தவிர்க்கப்பட வேண்டும் ❌கோதுமை / மைதா முடிந்தவரை தவிர்த்தல் நலம் ❌முடிந்தவரை ரீபைண்டு எண்ணெய் தவிர்க்கலாம். நெய் / நல்லெண்ணெய் / தேங்காய் எண்ணெய் உபயோகிக்கலாம்.
இந்த மேற்சொன்ன உணவு முறை இக்கால இளைஞர்களுக்கு நீரிழிவு வரும் வாய்ப்பை மட்டுப்படுத்தும். ( உறுதியாக நீரிழிவு வராது என்று சத்தியம் செய்து கூற இயலாது. ஆனாலும் நீரிழிவு வரும் வாய்ப்பை குறைக்கும்)
இத்துடன் தினமும் ஒரு மணிநேரம் நடை பயிற்சி செய்தால் நன்மைகள் கூடும்.
வேலையே தினமும் நடப்பது என்பவர்கள் தனியாக நடக்கத் தேவையில்லை.
குடும்ப வறுமை, திருமணக்கடன், பிள்ளைகளின் படிப்பு, ஆசைக்கு ஒரு வீடு
என்று தங்களது குடும்பம் செழிக்க வளைகுடா நாடுகளுக்கு சென்று தனிமையில் உழைக்கும் நம் மக்கள் திரும்பி வரும் போது நோயுடன் வருவது வருந்தத்தக்கது.
நம்மால் முடிந்த அளவு தொற்றா நோய்கள் அண்டாமல் பார்த்துக்கொள்ள இயலும். மனமிருந்தால் மார்க்கமுண்டு….
நன்றி :ஃபேஸ்புக்கில் –Dr. ஃபரூக் அப்துல்லா MBBS.,MD., பொது நல மருத்துவர் சிவகங்கை.
தஞ்சை பெரிய கோவில் கல்வெட்டுகளில் மத்திய அரசு கைவரிசை – என்ற செய்தி உண்மையா … ?
நண்பர்களே….
பொ.வேல்சாமிகடந்த இரண்டு மூன்று தினங்களாக முகநூலில் சிலர் பதற்றத்துடனும் கோபத்துடனும் ஒரு செய்தியை உலவ விட்டு இருந்தனர். அந்தச் செய்தி தஞ்சை பெரிய கோவிலில் உள்ள தமிழ்க் கல்வெட்டுகளை சமஸ்கிருத கல்வெட்டுகளாக மாற்றி தேவநாகரி எழுத்தில் பொறித்து வருகிறார்கள் என்பதாகும். உண்மையில் அப்படியான நிகழ்ச்சிகள் நடைபெறுவதற்கு எந்தவிதமான வாய்ப்பும் இந்திய தொல்லியல் சட்டத்தின்படி கிடையாது என்பது குறிப்பிடத்தக்கது.
தேவநாகரி எழுத்தில் எழுதப்பட்ட பல பழமையான கல்வெட்டுகள் தஞ்சை பெரிய கோவிலில் பதியப்பட்டுள்ளன. இந்த தேவநாகரி எழுத்தில் எழுதப்பட்டுள்ள கல்வெட்டுகள் அனைத்தையும் புலவர் ராசு அய்யா அவர்களைப் பதிப்பாசிரியாகக் கொண்டு தமிழ்ப் பல்கலைக் கழகம் வெளியிட்டுள்ள “தஞ்சை மராட்டியர் கல்வெட்டுகள்” என்ற நூலை படங்களாகக் கொடுத்துள்ளார். நண்பர்கள் அந்த நூலை தரவிறக்கம் செய்து ஆய்வு செய்வதற்கு வசதியாக அந்நூலின் இணைப்பை இதில் கொடுத்துள்ளேன்.
1 of 8
தேவநாகரி எழுத்தில் எழுதப்பட்டுள்ள கல்வெட்டுகள் தஞ்சை பெரிய கோவிலில் எப்படி எழுதப்பட்டிருக்க முடியும் என்று பலருக்கும் சந்தேகம் எழுவது இயல்புதான். அதற்கு பெரிய கோவிலின் வரலாற்றை சற்று கவனமாகப் பார்த்தால் விடை எளிதில் கிடைத்துவிடும். தஞ்சை பெரிய கோவிலில் இராசராசன் காலத்திலிருந்து சோழர்களின் கல்வெட்டுகளும் அடுத்து வந்த காலங்களில் நாயக்கர்களின் கல்வெட்டுகளும் தமிழில் எழுதப்பட்டுள்ளன. மராட்டிய காலத்திலும் பல கல்வெட்டுகள் புதிதாகப் பொறிக்கப்பட்டுள்ளன. கல்வெட்டுகளின் மொழி மராத்தி. எழுதப்பட்டுள்ள எழுத்துக்கள் தேகநாகரி என்பது குறிப்பிடத்தக்கது.
சரபோஜி மன்னர் காலத்தில் மராட்டியர் வரலாற்றை முழுமையாக எழுதிய கல்வெட்டுகள் தேவநாகரி எழுத்தில் தஞ்சை பெரிய கோவிலில் பொறிக்கப்பட்டுள்ளன. இந்தக் கல்வெட்டுகளை தமிழ்மொழியில் மொழிபெயர்த்தும் மூல மொழியிலும் சரஸ்வதி மகால் நூலகம் “போன்ஸ்லே வம்ச சரித்திரம்” என்ற பெயரில் வெளியிட்டுள்ளது என்பது குறிப்பிடத்தக்கது.
…அந்த அடர் காட்டில், மனிதனின் அடித்தடத்தையே காணாமல் மூன்றாவது நாள் கழிக்கையில் அலெக்ஸேய் இன்பகரமான ஒரு பொருளைக் கண்டெடுத்தான்.
சூரியனின் முதல் கிரகங்கள் தோன்றியதுமே அவன் விழித்துக்கொண்டான். குளிராலும் உள்ளார்ந்த காய்ச்சலாலும் அவன் உடல் நடுங்கிற்று. விமானி உடையின் பையில் அவன் கைக்கு ஏதோ தட்டுப்பட்டது. அது சிகரெட் பற்ற வைக்கும் கொளுவி. துப்பாக்கி தோட்டாவால் மெக்கானின் யூரா ஒரு நினைவுச் சின்னமாக அவனுக்கு செய்து கொடுத்தது. என்ன காரணத்தாலோ அலெக்ஸேய் அதைப் பற்றி அடியோடு மறந்திருந்தான். நெருப்பு மூட்டலாம், மூட்டவேண்டும் என்பதும் அவனுக்கு நினைவில்லை.
இப்போதுதான் எதன் அடியில் படுத்திருந்தானோ அந்த பிர் மரத்திலிருந்து பாசி பிடித்த சில உலர்ந்த சுள்ளிகளை ஒடித்து அவற்றை ஊசியிலைகளால் மூடி நெருப்பு மூட்டினான். மங்கிய நீலப்புகைக்கு அடியிலிருந்து மஞ்சள் தீ நாக்குகள் பளிச்சென்று மண்டியெழுந்தன. கீல் நிறைந்த உலர்ந்த கட்டை விரைவாக, குதூகலமாகத் தீப்பற்றிக் கொண்டது. தழல் ஊசியிலைகள் மீது படர்ந்தது. காற்று வீசி அதை மூண்டெரியச் செய்தது. முனகல்களும் சீழ்க்கைகளுமாகக் மும்முரமாய் எரிந்தது நெருப்பு.
நெருப்பு சடசடத்துச் சீறி, வறண்ட, இதமான வெப்பத்தைப் பரப்பியது. அலெக்ஸேய்க்கு அப்பாடா என்றிருந்தது. உடுப்பின் ‘ஜிப்பை’ நெகிழ்த்தினான், உள் சட்டைப் பையிலிருந்து கசங்கிய சில கடிதங்களை எடுத்தான். எல்லாம் ஒரே ஆளால் பிரையாசையுடன் எழுதப்பட்டிருந்தன. ஒன்றிலிருந்து அலெக்ஸேய் ஒரு நிழல் படத்தை எடுத்தான். பலவண்ணப் பூக்கள் தீட்டிய கவுன் அணிந்த ஒடிசலான இளம் பெண்ணின் படம் அது. புல் மீது மண்டியிட்டு அமர்ந்திருந்தாள் அவள். அலெக்ஸேய் படத்தை நெடுநேரம் பார்த்துக் கொண்டிந்தான். அப்புறம் அதை ஸெல்லோபேன் காகிதத்தில் வைத்துச் சுற்றினான், கடிதத்துக்குள் செறுகினான். கடிதத்தைச் சிந்தனையுடன் சற்று நேரம் கையில் பிடித்துவிட்டு மறுபடி பைக்குள் வைத்துக் கொண்டான்.
“பரவாயில்லை, பரவாயில்லை, எல்லாம் நலமாகவே முடியும்” என்று அந்தப் பெண்ணிடமும் இல்லாமல் தனக்குத் தானேயும் இல்லாமல் சொன்னான். யோசனையில் ஆழ்ந்தவனாக “பரவாயில்லை…” என்று திரும்பக் கூறினான்.
அலெக்ஸேய் பெருமூச்செறிந்து, அணையும் தருவாயிலிருந்த நெருப்பிடம் விடை பெற்றுக்கொண்டு, மீண்டும் வழி நடக்கலாயினான். பனிக்கட்டியால் மூடப்பட்ட வெண்பனியில் ஊன்றுகோல்கள் சரக் சரக்கென்று நெறுநெறுக்க, உதடுகளைக் கடித்தவாறு நடந்தான். சில வேளைகளில் அவன் உணர்விழந்தான்.
இப்பொழுது பழக்கமான அங்க அசைவுகளுடன் பூட்சுகளைக் கழற்றினான், லேஞ்சித் துண்டுகளைச் சுற்று பிரித்தான், கால்களைக் கூர்ந்து நோக்கினான். அவை முன்னிலும் அதிகமாக வீங்கியிருந்தன. பாதங்கள் ரப்பரால் ஆனவை போலவும் அவற்றில் காற்று அடைக்கப்பட்டிருந்தது போலவும் தோன்றியது. அவற்றின் நிறம் முந்திய நாளைக் காட்டிலும் அதிகமாகக் கறுத்திருந்தது.
அலெக்ஸேய் பெருமூச்செறிந்து, அணையும் தருவாயிலிருந்த நெருப்பிடம் விடை பெற்றுக்கொண்டு, மீண்டும் வழி நடக்கலாயினான். பனிக்கட்டியால் மூடப்பட்ட வெண்பனியில் ஊன்றுகோல்கள் சரக் சரக்கென்று நெறுநெறுக்க, உதடுகளைக் கடித்தவாறு நடந்தான். சில வேளைகளில் அவன் உணர்விழந்தான்.
மாலைக் கருக்கல் வரை அவன் ஐந்து தொலைவுகளை கஷ்டத்துடன் கடந்தான். தரையில் கிடந்த பிரம்மாண்டமான, பாதி உளுத்த பிர்ச் மரக் கட்டையைச் சுற்றிலும் ஊசியிலைகளையும் சுள்ளிகளையும் குவித்து இரவில் பெரிய நெருப்பு மூட்டினான். கட்டை ஒளியின்றி வெம்மையாக கணகணத்துக் கொண்டிருந்த வரையில் வெண்பனியில் நீண்டு படுத்து உறங்கினான் அலெக்ஸேய். உயிரூட்டும் வெப்பத்தை முதலில் ஒரு விலாவிலும் பிறகு மறு விலாவிலுமாக உணர்ந்தான். இயல்பூக்கத்தால் தூண்டப்பட்டுப் புரண்டு கொடுத்தான். அவ்வப்போது விழித்துக்கொண்டு, சோம்பலாகத் தழல் விட்டுச் சீறியவாறு அணையும் தறுவாயிலிருந்த கட்டை மேல் சுள்ளிகளை அள்ளிப் போட்டான்.
நெருப்பு, விலங்குகளிடமிருந்து பாதுகாப்பு அளித்தது. பாசிஸ்டுகளைப் பற்றியோ, இத்தகைய இரவில் அஞ்சவே தேவையில்லை. பனிப்புயல் வீசுகையில் அடர்காட்டுக்கு உள்ளே வர அவர்கள் துணியமாட்டார்கள்.
நள்ளிரவில் பனிப்புயல் வீசத் தொடங்கிற்று. அலெக்ஸேயின் தலைக்கு மேலே பைன் மரங்கள் அசைந்தாடின. கலவரத்துடன் இரைந்தன, முனகின, கிரீச்சிட்டன. முள்ளாய்க் குத்தும் வெண்பனிப் படலங்கள் தரைமீது சாரி சாரியாகப் பாய்ந்தன. படபடத்துப் பொறி சிந்திய தழலுக்கு மேலே நர்த்தனம் ஆடிற்று சரசரக்கும் இருள். ஆனால் வெண்பனிச் சூறாவளி அலெக்ஸேய்க்குக் கலவரம் ஊட்டவில்லை. நெருப்பு வெப்பத்தின் காப்பில் அவன் இனிமையாக, ஆர்வத்துடன் உறங்கினான்.
நெருப்பு, விலங்குகளிடமிருந்து பாதுகாப்பு அளித்தது. பாசிஸ்டுகளைப் பற்றியோ, இத்தகைய இரவில் அஞ்சவே தேவையில்லை. பனிப்புயல் வீசுகையில் அடர்காட்டுக்கு உள்ளே வர அவர்கள் துணியமாட்டார்கள். இருந்தாலும், களைத்துச் சோர்ந்த உடல் புகை வெப்பத்தில் இளைப்பாறிய அதே சமயத்தில், விலங்குகளுக்குரிய எச்சரிக்கைக்கு அதற்குள் பழக்கப்பட்டுவிட்ட காதுகள் ஒவ்வோர் ஒலியையும் உற்றுக் கேட்டன. காலையாகும் முன் சூறாவளி அடங்கிவிட்டது. சந்தடியற்ற தரைக்கு மேலே இருளில் கவிந்திருந்தது அடர்ந்த வெளிர் மூடுபனி. அந்த வேளையில், பைன் மரமுடிகளின் ரீங்காரத்துக்கும் விழும் வெண்பனியின் சரசரப்புக்கும் அப்பால் அலெக்ஸேயின் காதுகளுக்கு, தொலைவிலிருந்து வந்த போர் ஓசைகள் கேட்பது போலப் பிரமை உண்டாயிற்று. வெடியதிர்ச்சிகளும், மெஷின்கள் குண்டு வெடி வரிசைகளும் துப்பாக்கி வெடிகளும் அவன் காதுக்கு எட்டின.
“போர்முனை நெருங்கிவிட்டதா என்ன? இவ்வளவு விரைவிலா?”
தேர்தல் விதிமுறை என்ற பெயரில் மக்கள் பிரச்சினைக்கு காது கொடுத்து தீர்க்க முன்வராத அரசு, சாராய விற்பனையை அதிகரிக்கும் வேலையை மட்டும் சரியாக பார்த்து வருகிறது. கிராமம் கிராமமாக இலட்சக்கணக்கில் டாஸ்மாக் சாராய பாட்டில்களை வாங்கி குவித்து வருகின்றனர் சாராய வியாபாரிகளும் ஒட்டுக் கட்சி பிரமுகர்களும். ”தேர்தலை நேர்மையாக நடத்துகிறோம்” என்று வாய்கிழிய பேசும் தேர்தல் ஆணையம் இதற்காக எந்த நடவடிக்கையும் எடுக்கவில்லை.
தருமபுரி மாவட்டம் பென்னாகரம் பகுதியில் உள்ள கரியம்பட்டி கிராமத்தில் இலட்சக் கணக்கான ரூபாய்க்கு சாராய பாட்டில்கள் பதுக்கி வைத்துள்ளனர் சாராய வியாபாரிகள். இதனை பிடித்தால் இலட்ச கணக்கான ரூபாய் வருமானம் பார்க்கலாம் என்று ஊரில் சோதனை போட்டனர். தருமபுரி மது ஒழிப்பு போலீசார், சாராய பாட்டில் பதுக்கி வைத்துள்ள நபர்கள் யார் என்று தெரிந்தும், அவர்கள் வீட்டை சோதனை செய்யாமல் சாராயத்தை எதிர்த்துப் போராடி வரும் மக்கள் அதிகாரம் தோழர் சரவணனின் உறவினர் வீட்டில் சாராய பாட்டில்களை தேடிவதாகக் கூறி பூட்டை உடைத்துள்ளனர்.
மக்களால் சிறைபிடிக்கப்பட்ட போலீசார்.
தகவல் கிடைத்து வீட்டிற்கு வந்த சரவணன், போலீசாரை பார்த்து ”ஏன் எங்க வீட்டை உடைத்தீர்கள்” என கேட்டுள்ளார். முறையாக பதில் சொல்லாத போலீசாரை பார்த்து, ”பதில் சொல்லாமல் செல்ல விடமாட்டேன்” என்று கிராமத்திற்கு வெளியே செல்ல விடாமல் தடுத்து நிறுத்தியுள்ளார். ”நீங்களே சாராயம் விற்பவர்களை கைது செய்வதில்லை. நீங்களே அவர்களிடம் மாமுல் வாங்க வருகிறீர்கள். தற்போது நடவடிக்கை எடுப்பதாக நடிக்கிறீர்கள்” என அம்பலப்படுத்திய போது போனில் யாரிடமோ பேசுவது போல் இன்ஸ்பெக்டர் முத்து செல்வன் போனை காதில் வைத்து கொண்டார். மக்கள் அங்கு கூடி போலீசைக் கண்டித்தனர். அதில் ஒரு போலீசு மட்டும் மன்னிப்பு கேட்டார். மற்றவர்கள் என்ன பேசுவது என்று தெரியாமல் திருதிருவென விழித்தனர். கேள்விக்கு பதிலே சொல்ல முடியாமல் அமைதியாக ஒரிடத்தில் அமர்ந்து கொண்டனர்.
மக்கள் பெருமளவில் கூடிய பின் போலீசார், ”நாங்கள் என்ன செய்ய வேண்டும்” என்று கேட்டனர். ”பூட்டை உடைத்ததற்கு தண்டம் கட்டி விட்டு செல்லுங்கள்” என்றார் தோழர். உடனே ஆளை விட்டால் போதுமடா சாமி என்று நினைத்த போலீசு ரூ.500 எடுத்து நீட்டினர். அதற்கு அந்த பூட்டின் விலையான ரூ.100-ஐ மட்டும் பெற்று கொண்டு போலீசாரை மக்கள் எச்சரித்து விடுவித்தனர்.
தகவல்: மக்கள் அதிகாரம், பென்னாகரம். தொடர்புக்கு – 97901 38614.
பத்தாம் வகுப்பு கணிதத் தேர்வு வினாத்தாள் மிகக் கடினமாக இருந்தது எனச் செய்திகள் வெளிவந்துள்ளன. பத்தாம், பன்னிரெண்டாம் வகுப்பு பொதுத் தேர்வுகளில் சில பாடத் தேர்வுகள் கடினமாகவும் சில பாடத் தேர்வுகள் எளிதாகவும் இருந்ததாக மாணவர்கள் குறை கூறுவதும், செய்திகள் வெளிவருவது வழமையான ஒன்றுதான். ஆனால், நிகழாண்டிற்கான பத்தாம் வகுப்பு கணிதத் தேர்வு குறித்து வந்திருக்கும் செய்தி, அத்தகைய வழமையான ஒன்று அல்ல. கணிதத் தேர்வு ஆசிரியர்களே வெறுத்துப்போய் வேதனைப்படும் அளவிற்கு கணிதத் தேர்வு வினாத்தாள் கடினமாகத் தயாரிக்கப்பட்டிருக்கிறது.
“மாணவர்கள் தேர்ச்சி பெற உதவும் 5 மதிப்பெண் பகுதியில் கேட்கப்பட்ட 9 கேள்விகளுள் ஒரேயொரு கேள்விக்கு மட்டும்தான் சராசரி மாணவர்களால் விடையளிக்க முடியும். மீதமுள்ள எட்டு கேள்விகளும் கடினம், மிகக் கடினம் என்ற வகையைச் சேர்ந்தவை” எனக் கணித ஆசிரியர்கள் இத்தேர்வின் பயங்கரத் தன்மையை அம்பலப்படுத்தியுள்ளனர்.
“வினாத்தாள் தயாரித்தவர்கள் தங்களது திறமையை வினா வடிவில், அதுவும் மாணவர்களிடம் காட்டியுள்ளனர்” எனக் கணித ஆசிரியர்கள் வெளிப்படையாகவே குற்றஞ்சுமத்தியுள்ளனர்.
100 மதிப்பெண் எடுக்கக்கூடிய திறமையான மாணவர்கள்கூட இந்தத் தேர்வில் 75 மதிப்பெண்கள் வரைதான் பெறமுடியும் எனும்போது, சராசரி மற்றும் அதற்குக் கீழிருக்கும் மாணவர்களின் நிலைமை நிச்சயம் பரிதாபத்துக்குரியதுதான்.
சராசரி என முத்திரை குத்தப்படும் மாணவர்களைப் பயமுறுத்துவது ஆங்கிலம் மற்றும் கணிதத் தேர்வுகள்தான். இந்நிலையில் கடினமாகத் தயாரிக்கப்பட்டிருக்கும் இந்த வினாத்தாள் அம்மாணவர்களை நிச்சயம் மனச்சோர்வுக்குள்ளாக்கி, அடுத்த இரண்டு தேர்வுகளை அவர்கள் எதிர்கொள்வதிலும்கூடப் பாதிப்புகளை ஏற்படுத்தவே செய்யும்.
“பெயிலாக்க வேண்டும் என்ற நோக்கத்துடன்தான் இவ்வினாத்தாள் தயாரிக்கப்பட்டிருக்கிறது” என சென்னையில் உள்ள அரசு உதவிபெறும் பள்ளியின் கணித ஆசிரியை, ஒன்பதாவது வகுப்பைச் சேர்ந்த தனது மாணவர்களிடம் கூறித் தனது ஆதங்கத்தைக் கொட்டித்தீர்த்திருக்கிறார். இக்குற்றச்சாட்டு நிச்சயமாக அபாண்டமானதோ, மிகைப்படுத்தப்பட்டதோ அல்ல.
நீட் தேர்வு அனிதா என்ற இளம் மாணவியைப் பலி வாங்கியது. இந்தக் கணிதத் தேர்வு எத்தனை இளம் மாணவர்களின் உயிரைக் குடிக்கக் காத்திருக்கிறதோ?
சடலமாக பூங்குழலி.
கள்ளக்குறிச்சிக்கு அருகிலுள்ள சின்னசேலத்தைச் சேர்ந்த தனியார் பள்ளி பத்தாம் வகுப்பு மாணவி பூங்குழலி, கணிதத் தேர்வு முடிந்த அன்றே, அப்பள்ளியின் விடுதி அறையில் தூக்கிட்டுத் தற்கொலை செய்துகொண்டுவிட்டாள். அம்மாணவியின் அகால மரணத்திற்கு இந்தக் கடினமான தேர்வு காரணமாக இருக்கக்கூடும் என்ற சந்தேகம் எழுந்திருக்கிறது.
நீட் தேர்வு தமிழகத்தில் திணிக்கப்பட்ட பிறகு, பாடப் புத்தகங்களைக் கனமாகவும், வினாத்தாட்களை கடினமாகவும் வைப்பதன் மூலம்தான் மாணவர்களின் திறமையைப் பரிசோதிக்க முடியும். தகுதியான மாணவர்களை உருவாக்க முடியும் என்ற கருத்தைத் தமிழகக் கல்வித்துறையே பரப்பி வருகிறது.
பத்தாம் வகுப்பு கணித வினாத்தாள் மிகக் கடினமாகத் தயாரிக்கப்பட்டிருப்பது மட்டுமின்றி, ஒன்றாம் வகுப்பு தொடங்கி பன்னிரெண்டாம் வகுப்பு வரையிலும் உள்ள பாடத் திட்டத்தை சி.பி.எஸ்.இ.க்கு இணையாக மாற்றுவது என்ற பெயரில் பாடப் புத்தகத்தின் எடையைக் கூட்டியிருப்பதையும் இந்தப் பின்னணியில் வைத்துத்தான் பார்க்க வேண்டும்.
பிளஸ் 2 பயிலும் மாணவர்கள் அனைவரும், அவ்வளவு ஏன், கணிதம் மற்றும் அறிவியல் பாடப்பிரிவுகளை எடுத்துப் பயிலும் மாணவர்கள் அனைவரும் நீட் தேர்வு எழுதுவதில்லை எனும்போது, ஒன்றாம் வகுப்பு தொடங்கியே மாணவர்கள் சி.பி.எஸ்.இ.க்கு இணையான பாடத்திட்டம் என்ற சிலுவையை ஏன் சுமக்க வேண்டும்?
பள்ளிக்குப் போவதும், கற்பதும் இனிமையாக இருக்க வேண்டும் என சமூக அக்கறை கொண்ட கல்வியாளர்கள் வலியுறுத்தி வரும் வேளையில், கல்வி கற்பதைப் பெரும் சுமையாக, மன அழுத்தமாக மாற்றிவருகிறது, இந்திய அரசு.
சூத்திரர்களுக்கும், நான்கு வருணத்திற்கு வெளியே நிறுத்தி வைக்கப்பட்ட தீண்டத்தகாதவர்களுக்கும் கல்வி கற்கும் உரிமையை, வாய்ப்புகளை மறுத்ததன் மூலம் பார்ப்பனர்களை அறிவாளிகளாகத் தூக்கி நிறுத்தியது, மனு நீதி. அந்த மத்தியகால நீதியை, இன்றைய ஜனநாயக யுகத்தில் கடைபிடிக்க வழியில்லை. அதனால்தான், ஏழைகளுக்கும், சூத்திர, தாழ்த்தப்பட்ட சாதிகளைச் சேர்ந்த மாணவர்களுக்கும் அடிப்படை கல்வி தொடங்கி உயர்கல்வி வரையிலான உரிமைகளை மறுக்க புதிய கருவிகளை, உத்திகளை உருவாக்கி வருகிறது, பார்ப்பன – பனியா ஆளுங்கும்பல்.
(மாதிரிப் படம்)
கல்வி உரிமைச் சட்டத்தில் வரையறுக்கப்பட்ட ஒன்றாம் வகுப்பு தொடங்கி எட்டாம் வகுப்பு வரையில் எந்தவொரு மாணவனையும் பெயிலாக்கக்கூடாது என்ற விதி கைவிடப்பட்டிருப்பது, ஐந்தாம் வகுப்பு மற்றும் எட்டாம் வகுப்புகளுக்குப் பொதுத் தேர்வு நடத்துவது, அத்தேர்வுகளில் தேர்ச்சியடையாத மாணவர்களைத் தொழிற்கல்விக்கு அனுப்பிவைப்பது, மருத்துவக் கல்லூரிகளில் சேர்வதற்குக் கொண்டுவரப்பட்டிருக்கும் நீட் தேர்வை, பொறியியல், கலை, அறிவியல் உள்ளிட்ட பிற உயர்கல்வியிலும் புகுத்துவது, ஐந்தரை ஆண்டுகள் மருத்துவம் படித்து முடித்த மாணவர்கள் தமது பல்கலைக்கழகங்கள் நடத்துகின்ற தேர்வுகளில் தேர்ச்சி பெற்றால் மட்டும் போதாது, நீட்டைப் போலவே மைய அரசால் நடத்தப்படும் எக்ஸிட் எனப்படும் தேர்வை எழுதித் தேர்ச்சி பெற்றால்தான் மருத்துவப் பட்டத்தைப் பெற முடியும் என்ற புதிய தேர்ச்சி முறையை அறிமுகப்படுத்த முயலவுது ஆகிய இவையனைத்தும் கல்வித்துறையில் புகுத்தப்படும் புதிய மனுநீதிகளாகும்.
இத்தகைய புதிய புதிய தேர்வுகளின் மூலம் தகுதியும் திறமையும் கொண்ட மாணவ சமுதாயத்தை உருவாக்கப் போவதாக ஆளுங்கும்பல் கூறுவது வடிகட்டிய பொய். மாறாக, இது மாணவர்களை வடிகட்டுவதற்கான ஏற்பாடு. அனிதாவைப் போல திறமையிருந்தும் பணமில்லாத ஏழை மாணவர்கள், நகர்ப்புற மற்றும் கிராமப்புற ஏழைக் குடும்பங்கள் மற்றும் உதிரித் தொழிலாளர் குடும்பங்களைச் சேர்ந்த மாணவர்களை வடிகட்டி, ஒதுக்கி, அவர்களைத் திறமையற்றவர்கள் என முத்திரை குத்துவதற்கான ஏற்பாடுகள்தான் இப்புதிய தேர்வு முறை.
மாணவர்கள் படிப்பைப் பாதியிலேயே கைவிட்டு, குழந்தைத் தொழிலாளர்களாகப் போய்விடக் கூடாது என்பதற்காகத்தான், எட்டாம் வகுப்பு வரை அனைவருக்கும் தேர்ச்சி என்ற முறை கொண்டுவரப்பட்டது. இப்பொழுது, ஐந்தாம் வகுப்பு, எட்டாம் வகுப்புகளுக்கும் பொதுத் தேர்வுத் திணிக்கப்படுவதன் நோக்கமே, அத்தேர்வுகளில் தேர்ச்சியடையாத மாணவர்கள் படிப்பைப் பாதியிலேயே கைவிட நிர்பந்திப்பதுதான். அவர்களைக் குழந்தைத் தொழிலாளர்களாக உழைப்புச் சந்தையில் தள்ளுவதுதான். தேர்ச்சியடையாத மாணவர்களுக்குத் தொழிற்கல்வி வழங்கப்படும் என்ற அறிவிப்பு குழந்தைத் தொழிலாளர் முறையை மூடிமறைக்கும் தந்திரம், தேன் தடவிய விஷம் தவிர வேறல்ல.
அனைவருக்கும் தரமான, இலவசக் கல்வி அளிக்க மறுக்கும் அரசு, தனது பொறுப்பற்ற கிரிமனல்தனத்தை மூடிமறைத்துக்கொள்ள, உனக்குத் தகுதியில்லை, திறமையில்லை என மாணவ சமுதாயத்தைக் குற்றவாளிக் கூண்டில் ஏற்றுகிறது.
தமிழகத்திலிருந்து மட்டும் ஒவ்வொரு ஆண்டும் ஒரு இலட்சத்துக்கும் குறையாத மாணவர்கள் பொறியியல் படிப்பை முடித்து வெளியே வருகிறார்கள். இவர்கள் அனைவருக்கும் படிப்பிற்கு ஏற்ற தகுதியான வேலை கிடைப்பதில்லை. இதற்குக் காரணம் கேட்டால், அவர்களுக்குத் தகுதியில்லை எனத் தொழில் அதிபர்கள் குற்றஞ்சுமத்துகிறார்கள்.
அப்படி அவர்கள் திறமையற்றவர்களாக வெளியே வருவதற்கு யார் காரணம்? பொறியியல் கல்லூரிகள் என்ற பெயரில் வசூல்வேட்டையை மட்டுமே நடத்திவரும் கல்லூரி அதிபர்கள், அக்கல்லூரிகள் இயங்குவதற்கு அனுமதி கொடுத்திருக்கும் ஏ.ஐ.சி.இ.டி., பல்கலைக்கழகம் உள்ளிட்ட அரசு அமைப்பகள், காலாவதியாகிப் போன பாடத் திட்டங்கள் ஆகியவைதான். கல்லூரி அதிபர்கள் – அதிகார வர்க்கம் என்ற இந்தக் கூட்டணியைக் குற்றவாளிக் கூண்டில் ஏற்ற மறுக்கும் தொழில் அதிபர்கள் – நிபுணர்கள் கூட்டம், அப்பாவி மாணவர்களைத் திறமையற்றவர்களாக, தகுதியற்றவர்களாகக் குற்றஞ்சுமத்தி, அவர்களை ஒதுக்கிவைக்கிறது.
(மாதிரிப் படம்)
ஈராயிரம் ஆண்டுகளுக்கு மேலாகக் கல்வி கற்பதிலிருந்து சூத்திரர்களும், பஞ்சமர்களும் பார்ப்பனியத்தால் ஒதுக்கிவைக்கப்பட்ட அநீதியை எதிர்த்து சமூக நீதிக்காக நடத்தப்பட்ட போராட்டங்கள்தான் அப்பார்ப்பனிய மேலாதிக்கத்தை வீழ்த்தியது. அச்சமூக நீதிப் போராட்டங்கள் தற்சமயம் வீரியம் இழந்து நிற்கும் நிலையைப் பயன்படுத்திக்கொண்டு, மீண்டும் கல்வியில், வேலைவாய்ப்புகளில் தமது ஆதிக்கத்தை நிலைநாட்டிக்கொள்ள பார்ப்பன – மேல்சாதி சக்திகள் முயன்றுவருகின்றன.
இம்முயற்சியைத் தோற்கடிப்பதற்கு மாணவர்களும் பெற்றோர்களும் மீண்டும் சமூக நீதி கோரிப் போராடுவதைத் தவிர வேறுவழியில்லை. ஆயின், இப்புதிய சமூக நீதிப் போராட்டம் நீட் உள்ளிட்ட பார்ப்பன – பனியா சூழ்ச்சிகளுக்கு எதிராக மட்டுமின்றி, கல்வியை முற்றிலுமாகவே தனியார்மயமாக்கும் புதிய கல்விக் கொள்கைக்கு எதிராகவும் நடத்தப்பட வேண்டும்.
கல்வியைப் பார்ப்பன சமஸ்கிருதமயமாக்காதே, கல்வியைத் தனியார்மயமாக்காதே, ஆரம்பக் கல்வி தொடங்கி ஆராய்ச்சி கல்வி வரையிலும் தரமான, தாய்மொழிக் கல்வியை இலவசமாக வழங்கு என்பவைதான் இன்றைய காலத்தின் கோரிக்கைகளாகும்.
மக்களவை தேர்தல் நெருங்க இருக்கிற நிலையில், மோடி தலைமையிலான பாஜக அரசு பதட்டத்தில் உள்ளது. எதையாவது செய்து மீண்டும் பதவியில் அமர்ந்துவிட வேண்டுமென மோடி-பாஜக கும்பல் துடித்துக் கொண்டிருக்கிறது. புல்வாமா தாக்குதலுக்குப் பிறகான தேசபக்தி முழக்கங்கள் புஸ்வானமாகிவிட்ட நிலையில், புதன்கிழமை காலை பிரதமர் மோடி தனது ட்விட்டர் பக்கத்தில் முக்கிய அறிவிப்பு ஒன்றை வெளியிட்டார்.
“இன்று 11.45 லிருந்து 12 மணிக்குள் முக்கிய அறிவுப்பு ஒன்றை அறிவிக்கப்போகிறேன். அனைவரும் தொலைக்காட்சி/சமூக வலைதளங்கள்/வானொலி வாயிலாக கட்டாயம் அறிந்து கொள்ளவும்” என்ற அந்தப் பதிவைப் பார்த்து, நாடே பதட்டத்தில் உறைந்தது. ‘பதட்டம்’ என்கிற வார்த்தையை பிரயோகிக்க தயங்கிய வெகுஜென ஊடகங்கள் ‘நாடே ஆர்வமாக’ உள்ளதாக பயந்துபடியே பிரேக்கிங் நியூஸ் போட்டார்கள்.
மக்களின் பதட்டத்தை ரசித்த ‘சாடிஸ்ட்’ மோடி நண்பகல் 12.10 வாக்கில் ‘முக்கிய’ அறிவிப்பை வெளியிட்டார். எதிரிகளின் செயற்கைகோள்களை தாக்கி அழிக்கும் ஏவுகணை சோதனை வெற்றி என்பதைத்தான் மோடி ‘முக்கிய’ செய்தியாக சொன்னார். பொக்ரானில் அணுகுண்டு சோதனை நடத்தியதை அறிவித்த வாஜ்பாயி, பணமதிப்பு நீக்கத்தை அறிவித்த மோடி என இந்தியாவை ஆண்ட பாசிச பாஜகவினரைத் தவிர வேறு எந்த பிரதமரும் இத்தகைய ‘முக்கிய’ அறிவிப்புகளை செய்து மக்களை பதட்டமடைய வைக்கவில்லை. பாசிசத்தின் சிறப்பே அதுதானே?!
மோடியின் ‘முக்கிய’ அறிவிப்புக்கு சமூக ஊடகங்களில் மக்கள் எதிர்வினையாற்றத் தொடங்கிவிட்டார்கள். ஐந்தாண்டுகால மோடி ஆட்சியின் மிகப் பெரும் இழிசாதனைகள் பலவற்றை நினைவுபடுத்தி மக்கள் கருத்துக்களை தெரிவித்து வருகிறார்கள். சிலவற்றை இங்கே தொகுத்திருக்கிறோம்.
“இது வான்வெளி தொடர்பானது நண்பர்களே, உங்களுடைய பணம் பத்திரமாகிவிட்டது, போய் வேலைப் பாருங்கள்” என்கிறார் பத்திரிகையாளர் சகரிகா கோஷ்.
Phewwww! Its a space thingy. Your money's safe, folks, go back to work 🤣
“அவென்சர்ஸ் முன்னெடுப்பில் மோடியும் மூழ்கிப்போயிருக்கிறார். எனவே, கருந்துளைகள் திறந்துகொண்டு அதிலிருந்து தனோசும் அவருடைய இராணுவமும் தாக்கினால், இந்தியா அதை எதிர்கொள்வதில் முக்கிய பங்காற்றும்” என்கிறார் ஸ்காட்சி.
So India will play an important role when the wormhole opens and Thanos and his army attack us. Modiji is the latest addition to the Avengers Initiative. 👏👏👏
பிரதமர் மோடியின் அறிவிப்பை கேலி செய்யும் மக்கள் மிகவும் மோசமானவர்கள். வரிசையில் நிற்க வைக்கப்படவில்லையே என்பதற்காக அவருக்கு நன்றி அல்லவா சொல்லியிருக்க வேண்டும்? என்கிறார் ஆதித்ய மேனன்
People poking fun at #PMAddressToNation are just mean. They should be grateful that they aren't being made to stand in a line
“மதிப்பிற்குரிய பிரதமர் அவர்களே, நான் DRDO சாதனை குறித்து மகிழ்கிறேன். நாம் இப்போது கையால் மலம் அள்ளும் முறையை தொழிற்நுட்பத்தின் உதவியுடன் ஒழிப்பது குறித்து விவாதிக்கலாமா? மன்னிக்கவும், சொல்ல மறந்துவிட்டேன், மலக்குழி மரணங்களில் குஜராத் மாநிலம்தான் இரண்டாம் இடத்தில் உள்ளது. உண்மையில் இது சாதனைதான்” என்கிறார் அரசியல் செயல்பாட்டாளர் ஜிக்னேஷ் மேவானி.
Dear PM, I'm happy for DRDO's achievement in space. Now can we discuss about a technology to eradicate manual scavenging? Oh sorry, I forgot that Gujarat stands second in sewer deaths. Achievement indeed. #MissionShaktihttps://t.co/IBBaekXwrz
“விண்வெளியில் ராக்கெட்டை சுட்டுவீழ்த்தும் தொழிற்நுட்பம் கொண்ட நாட்டில் 350 கிலோ வெடிகுண்டு வண்டியை கன்டுபிடிக்க முடியவில்லை” என்கிறார் இவர்.
விண்வெளியில் ராக்கெட்டை சுட்டுவீழ்த்தும் தொழிற்நுட்பம் கொண்ட நாட்டில் 350 கிலோ வெடிகுண்டு வண்டியை கன்டுபிடிக்க முடியவில்லை 😏#MissionShaktipic.twitter.com/nNAgTil8v8
“அறிவிப்பு என்று சொன்னதும் வங்கி, ஏ.டி.எம். நோக்கி ஓடுகிறார்கள். ஜனநாயகவாதிகள் அஞ்சுகிறார்கள். எப்படியும் கேடுகெட்ட செய்தியைத்தான் சொல்லப்போகிறார் என்பதைத்தவிர யாரும் எதுவும் நினைக்கவில்லை. மக்களிடம் எவ்வளவு அவநம்பிக்கை, கெடு உணர்வு.! மோடி என்றால் இனி தமிழில் பீதி என்று அர்த்தம்”
அறிவிப்பு என்று சொன்னதும் வங்கி, ஏ.டி.எம். நோக்கி ஓடுகிறார்கள். ஜனநாயகவாதிகள் அஞ்சுகிறார்கள். எப்படியும் கேடுகெட்ட செய்தியைத்தான் சொல்லப்போகிறார் என்பதைத்தவிர யாரும் எதுவும் நினைக்கவில்லை. மக்களிடம் எவ்வளவு அவநம்பிக்கை, கெடு உணர்வு.!
சென்னையில் உள்ள ஒரு பிரதான ரயில்நிலையத்தில் ரயிலுக்காக காத்திருந்தேன். அப்போது 5 பதின்வயது சிறுவர்கள் (வயது 15-17க்குள் இருக்கும்) கிரிக்கெட் பயிற்சியை முடித்து விட்டு விளையாட்டு உபகரணங்களுடன் பயிற்சி சீருடையில் தங்களுக்குள் பேசி சிரித்துக்கொண்டே வந்தனர். அவர்களில் 2 பேர் நான் அமர்ந்திருந்த இருக்கையிலும், 3 பேர் வேறு இருக்கையிலும் அமர்ந்தனர்.
எனது அருகில் அமர்ந்த இருவரும் அன்றைய தினம் நடைபெற்ற பயிற்சியைப் பற்றியும், வேறு இருக்கையில் அமர்ந்திருந்த அந்த 3 பேரில் ஒருவனைப் பற்றியும் தங்களுக்குள் பேசத் தொடங்கினர்.
“அவன் நல்லா பெர்ஃபார்ம் பண்ணிட்டு வரான்டா.. டாப் ஆர்டர்ல உனக்கு ரொம்ப டஃப் கொடுப்பான்டா. அந்த பசங்கள எல்லாம் வளர விடக்கூடாது… பாத்துக்க மச்சி”
“அவனுக்கெல்லாம் நான் பயப்படலடா… ‘கோச்’சும், ‘கிளப்’பும் நமக்குதான் சப்போர்ட். கிளப் மேட்சஸ்ல ‘வின்’ பண்றதுக்கு மட்டும்தான் இவனுங்கள எல்லாம் கோச் வெச்சிருக்காரு… நம்ம கூட விளையாட அவனுங்களுக்கு தகுதியே கிடையாது”
அவர்களின் உரையாடல் நிறைவடைவதற்கு முன்பே ரயில் வந்தது. இந்த உரையாடலை நடத்தியவர்களின் மொழி, தோற்றம், உடல் மொழி அனைத்தும் பார்ப்பனர்களை நினைவுபடுத்தியது. அவர்களில் ஓரிருவர் ’உயர்’ சாதிகளாகவும் இருக்கலாம். உரையாடலைக் கேட்டுக் கொண்டிருந்த எனக்கு, இந்த சிறு வயதிலேயே இப்படி ஒரு சாதி வன்மத்துடன் உள்ளார்களே… இவர்கள் வளர்ந்தால் எப்படி இருக்கும்? எனத் தோன்றியது.
அந்த சிறுவர்கள் அதே பாணியில் இருபிரிவுகளாக வெவ்வேறு இருக்கைகளில் அமர்ந்தனர். நான் இம்முறை அந்த 3 சிறுவர்களுக்கு அருகில் சென்று அமர்ந்தேன். ஏதோ தனிப்பட்ட விசயங்களை பற்றி பேசி சிரித்துக்கொண்டிருந்தனர். அப்போது ஒரு சிறுவன் திடீரென தனது போனை எடுத்து பேசத் தொடங்கினான்.
“மச்சி.. இன்னைக்கு செம ஆட்டம்டா… வச்சிப் பிரிச்சு எடுத்துட்டேன்.. அவனவன் மூஞ்சில அல்லு இல்ல…” எனத் தொடங்கி, அன்றைய ஆட்டத்தின் சிறப்பை சத்தமாக கத்திப் பேசினான்.
வேறு இருக்கையில் அமர்ந்த அந்த இரு சிறுவர்களும் இவன் பேச்சை முகம் சுழித்தவாறு கேட்டுக் கொண்டிருந்தனர்.
“அவனுங்க எல்லாம் ஒரு ஆளாடா; கிரிக்கெட்டே விளையாட தெரியாம நல்ல பேட், கிட்ஸ் (Kits) மட்டும் எடுத்துட்டு வந்து சீன் போடுறாங்க..”
“அவனுங்கள பத்தி நீ ஏன்டா திங்க் பண்றே?”
“மச்சி… எனக்கும் ரஞ்சி, டிஎன்பிஎல், ஐபிஎல், இந்தியன் டீம்ல ஆடணும்னு ஆசைதான். என்னதான் நமக்கு திறமை இருந்தாலும் நம்மால அதெல்லாம் முடியாது.. அவனுங்களுக்கு திறமையே இல்லன்னாலும் சான்ஸ் கிடைக்கும்… நம்ம கிளப்ல விளையாடி அடுத்த லெவலுக்கு போன எல்லாரும் அவங்க ‘ஆளுங்க’ தான்.”
“டேய் … நம்ம கோச் நம்ம அடுத்த லெவலுக்கு கொண்டு போறேன்னு சொன்னாரே டா…”
மாதிரிப் படம்
“அடப் போடா… கோச் நமக்கு ஒரு மாதிரியும், அவங்க ஆளுங்களுக்கு வேற மாதிரியும் ட்ரைன் பண்றான்… நம்மலாம் இந்த மாதிரி அவனுங்கள கலாய்ச்சி சந்தோசப்பட்டுக்கிட்டாதான் உண்டு”
“வெள்ளந்தியா இருக்கியேடா… நடந்தால் பார்ப்போம், அந்தாள அதிகம் நம்பாத… அவ்வளவுதான் சொல்வேன்… பாத்துக்கோ…”
விரக்தியோடு சொல்லி சிரித்தனர் அச்சிறுவர்கள்.
நான் இறங்க வேண்டிய இடம் வந்துவிட்டது… ரயிலிலிருந்து இறங்கி ரயில் நிலைய படிக்கட்டுகளில் ஏறினேன். வாழ்க்கையில் ஏற்ற இறக்கங்கள் இருக்கலாம். மனிதர்களுக்குள் ஏற்ற இறக்கங்கள் இருந்தால் மனிதம் மரித்துப்போகும்.
அந்த இரு சிறுவர்கள் மீதும் எனக்கு கோபம் வரவில்லை; இந்த இளம் வயதில் சாதிய நஞ்சை அவர்களுள் விதைத்த அவர்களின் பெற்றோர்கள், சமூகம், கல்விமுறை, சாதி வெறியை கண்டிக்காத ஆசிரியர்கள், திறமையை மதிக்காமல் சாதி அடிப்படையில் வாய்ப்பு கொடுக்கும் தமிழ்நாடு கிரிக்கெட் வாரியம், பிசிசிஐ போன்றவற்றின் மீதுதான் கோபம் வருகிறது.
ஒவ்வொரு பயணமும் நமக்குப் பல்வேறு அனுபவங்களை கற்றுத் தருகிறது. இன்றைய அனுபவம் என்றும் மறக்க முடியாதது.
வீட்டு நிர்வாகத்தை ஒருவர் பார்த்துக்கொண்டிருக்கிறார். வருகிற வருமானத்தில் பெரும்பகுதியை அவருடைய மேக்அப் செலவுக்கு, வாசலில் வைரம் பொதித்த பெயர் பலகை வைப்பதற்கு, உல்லாச பயணங்களுக்கு, தன்னுடைய ஆடை ஆபரணங்களுக்கு செலவு செய்கிறார். இன்னொரு பக்கம் வீட்டின் மற்ற உறுப்பினர்கள் எல்லாம் சோத்துக்கே வழியில்லாமல் திண்டாடுகிறார்கள்.
உடல்நலமில்லாமல் கிடக்கும் ஒருவருக்கு அவசரசிகிச்சைக்குக் கூட பணமில்லாமல் தவிக்கிறார்கள். மருத்துவத்துக்கு பணம் கேட்டால் பாக்கெட்டை விரித்து இருந்தால் தரமாட்டேனா என்கிறார் நிர்வாகி. ஆனால், இன்னொரு பக்கம் இந்த நிர்வாகி கலர் கலராக பல ஆயிரங்களுக்கு சொக்காய் வாங்கி மாட்டிக்கொண்டு திரிந்தால் குடும்பத்தினருக்கு கடுப்பாகும்தானே…
கடந்து ஐந்தாண்டுகால மோடி ஆட்சி அப்படித்தான் இருந்தது.
இந்த அரசு கடந்து ஐந்தாண்டுகளில் செய்த விளம்பர செலவு மட்டுமே 4800+ கோடிகள். பிரதமர் உலகம் சுற்றிப்பார்க்க ஆன செலவுகள் மட்டுமே 2000+ கோடிகள். இதில் அவருடைய பர்சனல் விமான பராமரிப்பு செலவு 1088 கோடி.
(இவை எல்லாம் ஆர்டிஐ போட்டு வாங்கப்பட்ட தகவல்கள்)
இப்படி உலகம் சுற்றியதால் கடந்த ஐந்தாண்டுகளில் மூன்றில் ஒருநாள் அவர் வெளிநாட்டில் இருந்திருக்கிறார். இப்படி இருந்ததால் என்ன பிரயோஜனம். நாட்டுக்கு அந்நிய முதலீடுகள் வந்து குவிந்தனவா… நாட்டின் வளர்ச்சிக்கு உதவிகரமாக இருந்ததா… இல்லை. சொல்லப்போனால் அந்நிய முதலீட்டாளர்கள் இந்த ஐந்தாண்டுகளில் ஆளைவிட்றா என சுவர் ஏறி குதித்து தப்பித்துதான் சென்றிருக்கிறார்கள்.
விவசாயிகலின் வாழ்வை அழிக்க போடும் திட்டம் புல்லட் ரயில்
அடுத்து மும்பை தொடங்கி அகமதாபாத் வரை ஓடுகிற புல்லட் ரயில் ப்ராஜெக்ட். நாட்டில் அவன் அவனுக்கு சோத்துக்கே வழியில்லை என்னும் போது வெறும் 500 கிலோமீட்டர் தூரத்திற்கு பயணிக்க எதுக்கு ஒரு லட்சத்து பத்தாயிரம் கோடியில் புல்லட் ரயில். அப்படியே இந்த புல்லட் ரயில் ஓட ஆரம்பித்தாலும் யாருக்காக ஓடும்… ஏழை ஜனங்களுக்காகவா… இல்லை எலைட் ஜனங்களுக்காகவா?
இப்படித்தான் ஒன்றுக்கும் உதவாத விஷயங்களுக்காக மக்கள் பணத்தை வாரி இரைத்திருக்கிறது இந்த அரசு…
மோடி என்கிற ஒருவருடைய பிழை என்று ஐந்தாண்டுகால மத்திய அரசின் ஆட்சியை குறைத்து மதிப்பிட முடியாது. ஒரு முட்டாள் அரசனை முன்னால் நிறுத்திக்கொண்டு திரைமறைவில் வியாபாரிகளும் சாமியார்களும் கார்ப்பரேட் திருடர்களும் கூத்தடித்திருக்கிறார்கள்.
பொய் பரப்புரைகளால் ஆட்சியை பிடித்தவர்களின் ஐந்தாண்டுகால ஆட்சி இந்தியாவை சிதைத்திருக்கிறது. இப்போதும் அவர்களுடைய பொய்கள் தீரவில்லை. இன்னும் அதிக வீரியத்தோடு இன்னும் கூட மோசமாக பொய்களை விற்று மீண்டும் அரியாசனத்தில் அமரும் முனைப்பில் இருக்கிறார்கள் பாஜகவினரும் அவர்களுடைய அயோக்கித்தனமான கூட்டாளிகளும்.
நாம் உண்மைகளை பேச வேண்டியிருக்கிறது.
நிறைய உண்மைகளை… இன்னும் சத்தமாக பேசுவோம் …
பாஜக மீது ஏன் இவ்வளவு கோபம் : பாகம் – 2
Lynching… இப்படி ஒரு சொல்லை கடந்த ஐந்தாண்டுகளாகத்தான் நாம் அதிகமாக பயன்படுத்துகிறோம். இது அமெரிக்காவில் ஏற்கனவே புழக்கத்தில் இருந்த சொல்தான்… கறுப்பினத்தவர்களை அச்சுறுத்த வெள்ளை மேலாதிக்க எண்ணங்கொண்டவர்கள் கூட்டு சேர்ந்து பண்ணுகிற கொலைகளை இப்படி குறிப்பிடுகிறார்கள். அதை இந்தியர்களுக்கு அறிமுகப்படுத்திய பெருமை பாஜகவையே சாரும்.
அங்கே கறுப்பின மக்கள் என்றால் இங்கே இஸ்லாமியர்களை, தலித்துகளை அச்சுறுத்த பசு பாதுகாவலர்கள் எனும் இந்து அடிப்படைவாதிகள் பண்ணுகிற கூட்டுக்கொலைகளை லின்ச்சிங் என ஊடகங்கள் குறிப்பிடுகின்றன. இப்படியொரு சொல்லை நமக்கு அறிமுகப்படுத்தியதோடல்லாமல் மாதந்தோறும் யாரையாவது போட்டுத்தள்ளிக் கொண்டிருந்தவர்களுக்கு துணையாக நின்ற பெருமைமிகு ஆட்சிதான் பாஜகவின் ஆட்சி.
சும்மா சொல்லவில்லை… கடந்த ஐந்தாண்டுகளில் நடந்த இவ்வகை கும்பல் தாக்குதல்களுக்கென்றே ஒரு மேப் போட்டு வைத்திருக்கிறார்கள் இங்கேவிபரங்களோடு பார்க்கலாம். மொத்தம் நடந்த 300-க்கும் அதிகமான தாக்குதல்களில் 90 பேர் செத்துப்போயிருக்கிறார்கள். அத்தனை பேரின் படங்களும் விபரமும் இருக்கின்றன. ஒவ்வொரு முகத்தையும் பார்க்கும் போது பதற்றம் வருகிறது. இதில் எந்த அம்பானியும் அதானியும் இல்லை. எல்லோருமே சாதாரண விவசாயிகள், கூலிவேலை செய்கிறவர்கள். சில இந்துக்களும் கூட இருக்கிறார்கள்… ஆனால் தலித்துகள்!
ஆனால் இந்தக்கொலைகளுக்கெல்லாம் பாஜக தரப்பிலிருந்து என்னமாதிரியான எதிர்வினைகள் வந்திருக்கின்றன என்பதை பார்க்கும்போது அதிர்ச்சியாக இருக்கிறது. `இதையெல்லாம் தவிர்க்கமுடியாது, கொலையெல்லாம் நடக்கவில்லை, பசுக்களை கடத்துகிறார்கள், செத்துப்போனவர்கள் திருடர்கள், தானாகவே நோயால் இறந்துபோய்விட்டார்கள்’ என விதவிதமான பொறுப்பற்ற பதில்களையே முன்னணி பாஜக தலைவர் கொடுத்தார்கள்.
பிரதமர் மோடி கூட எத்தனையோ கொலைகள் நடந்த பிறகு 2017ன் இறுதியில்தான் மயலிறகால் வருடுவது போல ”மக்கள் தங்கள் கைகளில் சட்டத்தை எடுத்துக்கொள்ள கூடாது. சட்டத்திடம்தான் ஒப்படைக்கவேண்டும்” என்றார். அதற்கு மேல் அவருக்கு இதை கண்டிக்கவோ தடுக்கவோ எந்த ஆர்வமும் இருக்கவில்லை. கடந்த டிசம்பரில் இந்த கும்பல் கொலைகாரர்களை தட்டிக்கேட்ட ஒரு காவலரையே போட்டுத்தள்ளியதெல்லாம் நடந்தது. பசுபாதுகாப்பின் பேரால் நடந்த அத்தனை கொலைகளையும் இந்த அரசு வேடிக்கை பார்த்துக்கொண்டும், அதை திரைமறைவில் தூண்டிக்கொண்டும்தான் இருந்திருக்கிறது.
ஒருகட்சிக்கு ஏன் வாக்களிக்கிறோம். இவரால் நாம் பாதுகாப்பாக இருப்போம், நிம்மதியாக சாலைகளில் நடமாட முடியும். நம் வீட்டிற்குள் யாரும் புகுந்து அடிக்க மாட்டார்கள் என்கிற நம்பிக்கையில்தான்… ஆனால் அந்த பாதுகாப்பை உறுதி செய்ய வேண்டிய அரசே வன்முறை வெறியாட்டங்களில் ஈடுபடுகிறவர்களுக்கு எரிபொருள் தந்து உதவிக்கொண்டிருந்தால் என்னாகும்.
“இந்தியாவில் கடந்த ஐந்தாண்டுகால ஆட்சி அப்படித்தான் நடந்திருக்கிறது” என்று ஐநாவின் மனித உரிமைகள் அமைப்பின் செயலாளர் மிசேல் சமீபத்தில் பேசியிருந்தார். மிகமோசமான அளவில் வன்முறைகள் நிகழ்ந்திருப்பதையும் அவை முறையாக விசாரணைக்கும் கூட உட்படுத்தப்படுவதில்லை என்றும் அவர் தெரிவித்திருந்தார்.
கடந்த ஐந்தாண்டுகளில் மனித உரிமைகள் மீறல்கள் நாம் நினைத்துப்பார்க்க முடியாத அளவுக்கு அதிகரித்திருக்கின்றன. எத்தனை எத்தனை படுகொலைகள் மதத்தின் பேரால், உணவில் பேரால், நம்பிக்கைகளின் பேரால், சாதியின் பேரால் நிகழ்த்தப்பட்டிருக்கின்றன. அதிலும் குறிப்பாக இஸ்லாமியர்களும் தலித்துகளும் பெருமளவில் தாக்குதலுக்கு உள்ளாகியுள்ளனர். ஏராளமானோர் கொலையும் செய்யப்பட்டிருக்கிறார்கள்.
அரசே கொடுக்கிற எண்ணிக்கையின் அடிப்படையில் கடந்த ஐந்தாண்டுகளில் இவ்வகை சாதி ரீதியிலான, மத ரீதிலியான குற்றச்செயல்களின் எண்ணிக்கை எட்டு மடங்கு அதிகரித்திருக்கின்றன என்கிறார்கள். கிட்டத்தட்ட இரண்டு லட்சம் வழக்குகள் இவ்வகையில் பதிவு செய்யப்பட்டுள்ளன. பதிவு செய்யப்படாதவை எத்தனையோ… 2017ஆம் ஆண்டில் மட்டுமே இந்தியா முழுக்க 822 மதம் சார்ந்த மோதல்கள் நடந்திருக்கின்றன. இதில் இறந்து போனவர்கள் எண்ணிக்கை 111. கௌரி லங்கேஷ் மாதிரியான எண்ணற்ற எழுத்தாளர்களும் பத்திரிகையாளர்களும் அரசை விமர்சித்து எழுதியதற்காக்க கொல்லபட்டிருக்கிறார்கள். உத்திர பிரதேசத்தில் பாஜக ஆட்சிக்கு வந்த பிறகு போலி என்கவுண்டர்களின் எண்ணிக்கை மளமளவென உயர்ந்திருக்கிறது. 1038 என்கவுண்டர்களை நடத்தியிருக்கிறார் யோகி.
தன்னை சௌகிதார் என்றும் காவலன் என்றும் பீத்துக்கொண்டால் மட்டும் போதாது. அதானிக்கும் அம்பானிக்கும் மட்டுமல்ல அப்பாவிகளுக்கும் சௌகிதார்கள் பாதுகாப்பை உறுதிசெய்திருக்க வேண்டும். ஆனால் செய்யவில்லை. இனி எப்போதும் செய்யவும்மாட்டார்கள். அதனால்தான் பாஜகவை விரட்டவேண்டியிருக்கிறது.
தோழர் ராஜூ,
அங்கு நாம் உட்கொள்ளும் அதிக மாவுச்சத்து உணவு முறை தான். எளிதாக கிடைக்கிறது என்று வரைமுறையின்றி உண்ணப்படும் குப்பூஸ் ரொட்டி. மலிவாக கிடைக்கும் குளிர்பானங்கள். பர்கர்கள்.. பீட்சாக்கள்.. செயற்கை இனிப்பு கலந்த உணவுகள்.. என்று குடும்பங்களை விட்டு தனியே சுதந்திரமாக வாழும் ஆண்மகன்கள் தங்கள் நா விரும்பியதை ருசிக்கின்றனர்.
மாலைக் கருக்கல் வரை அவன் ஐந்து தொலைவுகளை கஷ்டத்துடன் கடந்தான். தரையில் கிடந்த பிரம்மாண்டமான, பாதி உளுத்த பிர்ச் மரக் கட்டையைச் சுற்றிலும் ஊசியிலைகளையும் சுள்ளிகளையும் குவித்து இரவில் பெரிய நெருப்பு மூட்டினான். கட்டை ஒளியின்றி வெம்மையாக கணகணத்துக் கொண்டிருந்த வரையில் வெண்பனியில் நீண்டு படுத்து உறங்கினான் அலெக்ஸேய். உயிரூட்டும் வெப்பத்தை முதலில் ஒரு விலாவிலும் பிறகு மறு விலாவிலுமாக உணர்ந்தான். இயல்பூக்கத்தால் தூண்டப்பட்டுப் புரண்டு கொடுத்தான். அவ்வப்போது விழித்துக்கொண்டு, சோம்பலாகத் தழல் விட்டுச் சீறியவாறு அணையும் தறுவாயிலிருந்த கட்டை மேல் சுள்ளிகளை அள்ளிப் போட்டான்.
