தமிழகம் முழுவதம் புரட்சிகர அமைப்புகளின் சார்பில் “மேநாள் சூளுரை ! கட்சிகளை மாற்றுவது தீர்வல்ல, கட்டமைப்பை மாற்றுவதே தீர்வு !” என்ற முழக்கத்தின் அடிப்படையில் மே நாள் ஆர்ப்பாட்டங்கள் நடைபெறுகின்றன.
அதன் ஒரு பகுதியாக சென்னை மற்றும் திருச்சி ஆகிய பகுதிகளிள் புதிய ஜனநாயகத் தொழிலாளர் முன்னணியின் சார்பில் கண்டன ஆர்ப்பாட்டங்கள் நடைபெறவுள்ளது. அனைவரும் வருக…
சென்னையில்…
நாள் : மே – 1 மாலை 4 மணி
இடம் : சோழிங்கநல்லூர் OMR சாலை சந்திப்பு.
*****
திருச்சியில்…
நாள் : மே – 1 மாலை 5 மணி
இடம் : இராமகிருஷ்ணா பாலம் அருகில், மரக்கடை, திருச்சி.
தலைமை : தோழர் சுந்தரராசு, புஜதொமு.
கண்டன உரை : தோழர் சத்யா, ம.க.இ.க. கலைக்குழு
****
“மேநாள் சூளுரை ! கட்சிகளை மாற்றுவது தீர்வல்ல, கட்டமைப்பை மாற்றுவதே தீர்வு !”
அன்பார்ந்த உழைக்கும் மக்களே!
குமுறிக்கொண்டிருக்கிறார்கள் மக்கள். அவர்கள் கொந்தளித்து வெடிப்பதற்கான தருணம் நெருங்கிக் கொண்டிருக்கிறது. ஓட்டுக்கட்சிகள் அரசியல்வாதிகள் மீது மட்டுமல்ல, மக்கள் நல அரசு என் ற முறையில் செயலிழந்துவரும் அரசுக்கட்டுமானங்கள் அனைத்தின் மீதும் மக்கள் அடியோடு நம்பிக்கை இழந்து விட்டார்கள்.
தேர்தல் அரசியல் கட்சிகளும் மொத்த அரசியல் கட்டமைப்பும் இனி மேல் நீடிக்க முடியாதனவாகவும் சீர்த்திருத்தி நாட்டின் தேவைக்கேற்ப மாற்றிக்கொள்ளவே முடியாத நிலையையும் எட்டிவிட்டன. அரசும், ஆட்சியாளர்களும் , ஆள ம்வர்க்கங்களும் ஆள முடியாமல் போனது மட்டுமல்ல, ஆளத் தகுதியிழந்தும் போய்விட்டன.
தலைமை நீதிபதியை பதவி நீக்கும் நடவடிக்கை முன் மொழிவை துணை ஜனாதிபதியும் நாடாளுமன்ற மேலவைத் தலைவருமான வெங்கய்ய நாயுடு சட்டப்படி மூவர் கு ழுவின் விசாரணைக்கு அனுப்பாமலேயே நிராகரித்துவிடுகிறார். அடுத்து பதவி நீக்க நடவடிக்கையை முன்மொழிந்த எம்.பி.க்களுக்கு உள்ள ஒரேவழி நாடாளுமன்ற மேலவைத் தலைவர் முடிவை எதிர்த்து உச்சநீதிமன்றத்தில் முறையீடு செய்வதுதான்! எந்தத் தலைமை நீதிபதிக்கு எதிராக பதவி நீக்கநடவடிக்கையை முன்மொழிந்தார்களோ அவரிடமே சென்று முறையிடுவதுதான் ஒரேவழி.
உச்ச நீதிமன்ற தலைமை நீதிபதி மீதான பதவி நீக்கும் ந டவடிக்கைக்கான முன்மொழிவை ஒட்டி நடந்த விவகாரங்கள் இதற்கு ஒரு சிறந்த நிரூபணமாகும். முன்மொழிவில் குறிப்பிட்டிருந்த குற்றச்சாட்டுகள் தொடர்பாக நடந்தது இதுதான்.
உச்ச நீதிமன்றத் தடையையும் மீறி , லக்னோவிலுள்ள தனியார் மருத்துவக்கல்லூரி ஒன்றுக்கு மாணவர் சேர்க்கைக்கான அனுமதியை வழங்குகிறார் நீதிபதி சுக்லா. தனது நண்பர் மூலம் இந்த அனுமதியை வாங்கித்தருவதாகச் சொல்லி சம்பந்தப்பட்ட கல்வி நிறுவனத்திடம் பேரம் பேசி, அதற்கான பேரத்தொகையாக ரூ.2 கோடியை வாங்கும்போது சிபிஐயிடம் சிக்குகிறார், ஒடிஸா உயர்நீதிமன்ற ஓய்வு பெற்ற நீதிபதியான குத்தூஸ்.
குத்தூஸ்கைதைத்தொடர்ந்து, சுக்லாவையும் கைது செய்ய அனுமதி கேட்டபோது அதற்கான அனுமதியை வழங்க வேண்டிய உச்ச நீதிமன்றத் தலைமை நீதிபதி தீபக் மிஸ்ரா அனுமதி கொடுக்கவில்லை. ”இந்த விவகாரத்தில் தீபக்மிஸ்ராவுக்கும் தொடர்பு இருக்கிறது; அவரையும் விசாரிக்க வேண்டும்” என்று வழக்கை விசாரணைக்கு ஏற்ற நீதிபதி செலமேஸ்வர், “’வழக்கைதலைமை நீதிபதி தீபக் மிஸ்ராவைத் தவிர்த்த மூத்த நீதிபதிகள் ஐந்து பேர் கொண்ட அமர்வு விசாரிக்க வேண்டும்” என்கிறார். உடனடியாக இந்த வழக்கை தன்னுடையகையில் எடுத்த தீபக்மிஸ்ரா, செல்லமேஸ்வரின் உத்தரவைக் கையோடு ரத்து செய்ததோடு வழக்கை மூன்று இளம் நீதிபதிகள் கொண்ட வேறொரு அமர்வுக்கு அனுப்பினார். அந்த அமர்வானது வழக்கைத் தள்ளுபடி செய்ததுடன், வழக்கைத் தொடுத்த வழக்கறிஞர்களுக்கு ரூ.25 லட்சம் அபராதமும் விதித்தது.
இந்த முறையீட்டில் தலைமை நீதிபதி தவறிழைத்ததாகக் கருதினால் அதற்குப்பரிகாரம் தேட நாடாளுமன்ற மேலவைக்குதான் செல்லவேண்டும். இதுதான் அடுத்தவழி. இப்படி ஒரு முட்டுச்சந்தில் நீதியைக்கொண்டு வந்து நிறுத்தி, அதை தலை குனியவைத்து உச்ச நீதிமன்ற புனிதத்தின் மீதான மக்களின் கடைசி நம் பிக்கை யை யும் துடைத் தெறிந்திருக்கிறார்கள் உச்சநீதி மன்றத்தலைமை நீதிபதியும் நாடாளுமன்ற மேலவைத்தலைவரும். மேலவைத்தலைவர் துணை ஜனாதிபதியும் கூட. தற்போது காவிரி வழக்கு, குட்காவழக்கு, 11 தமிழக எம்.எல்.ஏ.க்களின் தகுதி நீக்கவழக்கு ஆகியவைகளில் நீதிபதிகள் அளித்த தீர்ப்புகள் நீதிபதிகள் எப்படி கட்டப்பஞ்சாயத்து நாட்டாமைகள் போல நடந்து கொள்கிறார்கள் என்பதற்கு சிறந்த எடுத்துக் காட்டுகளாக உள்ளன. இவையெல்லாம், நீதிமன்றக் கட்டுமானம் எப்படி நிலை குலைந்து போய், நீதிவழங்க அருகதையிழந்து, இழிந்து போய்விட்டது என்று தொடர்ந்து நிரூபித்து வருகின்றன.
சட்டவிரோதப் பணப்பட்டுவாடாவைத் தன்னால் தடுத்து நிறுத்த முடியவில்லை என்று ஆர். கே. நகர் இடைத் தேர்தலில் பகிரங்கமாக ஒப்புக்கொண்டது தேர்தல் ஆணையம். அதற்காக தேர்தலை ரத்து செய்து மறுதேர்தலை நடத்தியது. முந்தையத் தேர்தலை விட இந்த மறு தேர்தலில் இன்னும் பல நூதன வழிகளில் பணப்பட்டுவாடா பட்டபகலில் நடந்தது என்பதை எல்லா ஊடகங்களும் ஆதாரங்களுடன் அம்பலப்படுத்தின.
இந்த முறையும் சட்டவிரோத பணப்பட்டுவாடாவைத் தன்னால் தடுக்க முடியவில்லை என்று இன்னொரு முறை தனது கையாலாகாதனத்தை, அருகதை இழந்ததை பகிரங்கமாக ஒப்புக்கொண்டது. மாநில போலீசார், மத்திய போலீசார், பறக்கும் படை, துணை இராணுவப்படை, ஆயிரக்கணக்கான தேர்தல் அலுவலர்கள் என்ற படைகளை தனது வானளாவிய அதிகாரத்தில் வைத்திருந்தும் தேர்தல் ஆணையத்தால் சட்டவிரோதப் பணப்பட்டு வாடாவைத் தடுக்கமுடியவில்லை என்றால், அது இனி மேலு ம் நீடித்திருப்பதற்கான அருகதையையே இழந்து விட்டது என்பதையும் ‘ஜனநாயக’ த்தைக் காப்பாற்றவக்கற்றுப் போய் விட்டது என்பதையும் பளிச்சென்று எடுத்துக் காட்டவில்லையா?
நீரவ் மோடி என்ற முதலாளி வங்கி ஊழியர்களை வளைத்துப்போட்டு, முறைகேடுகள் மூலம் பல ஆயிரக்கணக்கான கோடி ரூபாய் கடன்களை வாங்கி தன்னை வளப்படுத்திக் கொண்டதோடு, கடனைக் கட்டாமல் வெளிநாடு தப்பிச்சென்றார் என்பது ஊரறிந்த செய்தி. இதற்கு பொதுத்துறை வங்கிகள் மற்றும் ரிசர்வங்கியின் உயர் மட்ட அதிகாரிகள், நிதி அமைச்சகம், கார்ப்பரேட் அமைச்சகம், சி.பி.ஐ., அமலாக்கத் துறை, பிரதமர் அலுவலகம் போன்ற மாண்புமிகு நிறுவனங்களே உடந்தையாக இருந்துள்ளன என்பதும் ஊரறிந்த செய்தி.
இது அந்நிறுவனங்களின் தோல்வியையும், நிர்வாகம் செய்ய அருகதையற்றுப் போனதையும் அப்பட்டமாகக் காட்டவில்லையா? வங்கி மோசடிக்குற்றவாளி நீரவ்மோடியை டாவோசில் நடைபெற்ற உலகத்தலைவர்கள் கலந்து கொண்ட பொருளாதார மாநாட்டிற்கு பிரதமர் மோடி தன்னுடன் அழைத்துச்சென்ற செய்தியும், இருவரும் கூட்டத்தில் பங்குபெற்ற புகைப்படமும் வெளியாகி பிரதமர் பதவியின் மாண்புசீர்குலைந்து இழிந்து போனதும் கட்டைமப்பு நெருக்கடியின் வெளிப்பாடு அல்லாமல் வேறென்ன?
இப்படி அன்றாடம் கட்டைம ப்பு நெருக்கடிக்கான சான்றுகள் வெளிப்பட்டுக் கொண்டே இருக்கின்றன. பொருளாதார, அரசியல், பண்பாட்டுக் கட்டுமானங்கள் ஒவ்வொன்றிலும் சரி, மொத்த சமூகக் கட்டமைப்பும் சரி தீராத நெருக்கடியில் சிக்கி , எதையு ம் தீர்க்க வக்கற்றுபோய், தோற்றுப்போய், நிலை குலைந்து போய் ஆள அருகதை இழந்து விட்டதை . நிரூபிக்கவில்லையா?
எல்லாகட்சிகளும், எல்லா அரசுதுறைகளைச் சேர்ந்த அதிகாரகள் உள்ளிட்ட ஊழியர்கள் வரை, ஊடகங்களில் விவாதங்களில் பங்கேற்கும் அனைவரும் , மக்கள் அனைவரும் இந்த கட்டமைப்பு ஆள அருகதையிழந்ததை தங்களுக்கு தெரிந்த வகையில் புரிந்து வைத்திருக்கின்றனர். வெறுப்புடனும் கிண்டலும் கேலியும் கலந்த குரலிலும் ஆத்திரத்தோடும் அன்றாடம் வெளிப்படுத்தியும் வருகின்றனர்.
சமூக ஊடகங்களில் லட்சக்கணக்கான இளைஞர்கள் இந்த கட்டமைப்பின் மீது காறி காறி துப்புகின்றனர். கட்டமைப்பு நெருக்கடியின் ஒவ் வொரு வெளிப்பாட்டையும் எப்போதும் அரசியல் கூர்மையுடன் அம்பலப்படுத்தி வருகின்றனர்.
ஆனால், எந்த அரசியல் கட்சியும் சரி, உயர்நீதிமன்ற, உச்சநீதிமன்ற நீதிபதிகள் பலரும், உயர் போலீசு அதிகாரிகள், ஐ.ஏ.எஸ். அதிகாரிகள், நிபுணர்கள் மக்களின் மனநிலை பற்றி துளியும் கவலையோ அச்சமோ கொள்ள வில்லை. இப்படித்தான் செய்வோம், உன்னால் என்ன செய்ய முடியும் என்ற இறுமாப்புடன் நடந்து கொள்கின்றனர். உள்நாட்டு – வெளி நாட்டு கார்ப்பரேட் டுகள் அரசு சொத்துக்களை அபகரிக்கவும் இயற்கைவளங்களைச் சூறையாடி சுற்றுச் சூழலை நச்சாக்கவும் மக்களின் வாழ்வாதாரங்களைப் பறித்து, அடக்கி ஒடுக்கி, சுரண்டி கொள்ளை இலாபம் அடிக்கவும் மேலும் மேலும் அடிமைச் சேவகம் புரிந்து வருகின்றனர்.
இந்த மக்களால் நம்மை ஒன்றும் செய்துவிடமுடியாது. தேர்தல் நேரத்தில் சில இலவசத் திட்டங்களைக் கவர்ச்சிகரமாக அள்ளிவிட்டு, ஆயிரக் கணக்கில் பணத்தைக் கொடுத்தால் ஓட்டுவாங்கி ஆட்சிக்குவந்துவிடலாம் என்ற அசாத்திய நம்பிக்கையுடன் உள்ளனர். பழைய அரசியல் கட்சிகள் நம்பிக்கை இழந்ததால் மக்களிடம் ரஜினி, கமல் போன்ற புதிய தலைவர்களை உருவாக்கி மக்களை இந்த தேர்தல் கட்டமைப்பின் மீது மக்கள் நம்பிக்கை இழக்காமல் செய்து எப்பொழுதும் போல தங்களின் ஆட்சியைத் தொடரலாம் என்ற நம்பிக்கையுடன் ஆளும் வர்க்கங்கள் உள்ளன.
இப்பொழுது நம் முன்னர் உள்ளகேள்வி இதுதான்.
இந்த கட்டமைப்பிலேயே என்ன கஷ்டம் வந்தாலும் உழன்று கொண்டிருக்கப்போகிறோமா? அல்லது இந்த கட்டமைப்பை அகற்றி விட்டு நமக்கான கட்டமைப்பை, மக்களி ன் நேரடி அதிகாரத்திற்கான கட்டமைப்பை உருவாக்குவதற்கான போரில் இறங்கப்போகிறோமா?
தரகு முதலாளிகள், நிலப்பிரபுக்கள் மற்றும் ஏகாதிபத்தியங்களின் நலன்களுக்கு ஏற்றவகையில்தான் திட்டமிட் டு நாட்டி ன் இன்றைய கட்டமைப்பு கட்டப்பட்டிருப்பது தான் இந்தக்கட்டமைப்பு நெருக்கடிக்கான அடிப்படை. தனிச்சொத்துடைமையும், அதன் அடிப்படையில் நடத்தப்படும் சுரண்டலும் ஒடுக்கு முறையும் தான் நாட்டின் வளர்ச்சி, முன்னேற்றம், அதுவே தேசபக்தி என்ற சித்தாந்தம்தான் இந்த அமைப்பில் கோலோச்சுகிறது.
எல்லா தேர்தல் அரசியல் கட்சிகளும் தனிவுடைமையை தனியார்மயம், தாராளமயம், உலகமயம் எனும் நாட்டை மறுகாலனியாக்கக் கொள்கைகளை ஏற்றுக்கொண்டு நேரடியாகவும் மறை முகமாகவும் சேவை செய்பவைதான்.
எனவே, இப்படிப்பட்ட கட்டமைப்புக்குள் நமக்கான தீர்வுகிடையாது, கட்டமைப்புக்கு வெளியில் தான் தீர்வு இருக்கிறது. கட்சிகளை மாற்றுவதால் தீர்வு வராது , கட்டமைப்பையே மாற்றுவது தான் தீர்வு!
தற்போதைய கட்டுமானங்கள் முழுவதுமாகக் கலைத்துவிட்டு, நீக்கிவிட்டு புதிய அரசுக்கட்டுமானங்களை, மக்கள் அதிகாரத்துக்கான அரசுக் கட்டுமானங்களை மக்கள் தாமே நிறுவிக்கொள்வதுதான் நம்முன் உள்ள ஒரேவழி!
மாற்றுக்கட்டமைப்பு என்று சொல்லும் போது கியூபா நாட் டு மக்கள் கட்டமைத்துள்ள அவர்களின் சமூகக்கட்டமைப்பும், பொதுவுடைமையை அடிப்படையாகக் கொண்டு சீனாவிலும் ரசியாவிலும் அமைக்கப்பட்ட சமூகக் கட்டமைப்புகளும் நமக்கு முன்னுதாரணங்களாக உள்ளன.
போலீசு, நீதித்துறை, அதிகாரவர்க்கம், ஊடகங்கள், கட்சிகள் என அனைத்து துறைகளிலும் தனது ஆட்களை புகுத்தி பார்ப்பன பாசிசத்தை நிறுவுவதற்கு ஏற்ப, இந்தக் கட்டுமானங்களை தனக்கேற்ற வகையில் மாற்ற வெறித்தனத்துடன் செயல்பட்டு வருகிறது ஆர்.எஸ்.எஸ். பார்ப்பன பாசிசகும்பல். இந்த அபாயத்தை முறியடிக்க வேண்டுமானால் அவர்களை முந்திக்கொண்டு நமக்கான மக்கள் அதிகாரக்கட்டமைப்பை நிறுவுவது அவசர அவசியப்பணியாக நம்முன்னே உள்ளது.
- கட்சிகளை மாற்றுவது தீர்வல்ல, கட்டமைப்பை மாற்றுவதே தீர்வு!
- தோற்றுப்போய், ஆளஅருகதையற்ற கார்ப்பரேட் அதிகாரத்தை அகற்றுவோம்!
- தொழிலாளர்கள் – விவசாயிகள் மாணவர் – இளைஞர்கள் – சிறுவணிகர்கள் சிறுதொழில் முனைவோர் கூட்டதிகாரத்தை நிறுவுவோம்!
தகவல் :
புதிய ஜனநாயகத் தொழிலாளர் முன்னணி,
மக்கள் கலை இலக்கியக் கழகம்,
புரட்சிகர மாணவர் – இளைஞர் முன்னனி,
திருச்சி, தொடர்புக்கு : 97916 92512, 89034 03970, 99431 76246.
”இந்துக்கள்தான் இந்த நாட்டின் பூர்வகுடிகள், வேதங்களிலும் புராணங்களிலும் சொல்லப்பட்டிருப்பவை கதை அல்ல, வரலாற்று உண்மைகள்” என்று நிரூபிப்பதற்குப் பொருத்தமான வகையில் புதைபொருள் ஆதாரங்களையும், மரபணு ஆய்வுகளையும் தொகுத்து முன் வைப்பதுதான் இந்த கமிட்டிக்கு வழங்கப்பட்டிருக்கும் வேலை.
சென்னை வர்த்த மையத்தின் வரவேற்பறையில் வைக்கப்பட்டுள்ள விளம்பரம். குழப்பத்திலிருந்து விடுதலையா, குழப்பத்தை வைத்து வழிப்பறியா?
சிவராமகிருஷ்ணன். தாம்பரம், தனியார் நிறுவன ஊழியர், ‘’பொண்ணு பிளஸ் டூ எக்ஸாம் எழுதி இருக்கு. அடுத்து எதை எடுப்பது என்று தெரியாமல் குழப்பமா இருக்கு. இங்க பல கல்லூரிகளின் வசதிகளைப் பற்றி நேரடியாக தெரிந்து கொள்ள முடிந்தது. எப்படி இருந்தாலும் நம்ம பசங்க வாங்குற மார்க்குக்கு கவர்மென்ட் கல்லூரியில இடம் கிடைக்காது. தனியார் கல்லூரியிலதான் சேர்க்கணும். அதுக்கு இப்பவே எது நல்லதுன்னு தேடுறோம். பணம் செலவானாலும் ஒரு நல்ல கல்லூரியில சேர்த்துட்டோம்ன்ற ஒரு நிம்மதி நமக்கும் கிடைக்கும்.’’
ஹர்ஷிதா, பத்தாம் வகுப்பு மாணவி. ‘’பிளஸ் டூ-வில் எந்தப் பிரிவு எடுக்க வேண்டும், எதற்கு வருங்காலம் இருக்கிறது என்பதைத் தெரிந்து கொள்ள இங்கு வந்திருக்கிறோம். எம்.பி.பி.எஸ். தான் படிக்கணும்னு இல்ல. மருத்துவத்துலயே தொழில்நுட்ப பிரிவுகள் இருப்பதை தெரிந்து கொண்டோம். அது சம்பந்தமாக படித்தால் நல்லது என்று சொல்கிறார்கள். இன்னும் சுத்தி விசாரிக்க போறோம்.’’
சிவா, தாம்பரம் பிளஸ் டூ மாணவர். ‘’நான் இஞ்சினியரிங் EEE படிக்கணும்னு ஆசை. எந்த காலேஜ்ல சேர்ந்தா நல்லதுன்னு விசாரிக்க வந்தேன். பொறியியல் நுழைவுத் தேர்வு, நேர்காணலின் போது குழப்பம் வரக்கூடாது இல்லையா? அரசு பொறியியல் கல்லூரியில் சீட்டு கிடைப்பது சந்தேகம்.’’ என்றார்.
சிவக்குமார், காவல்துறை அதிகாரி, மேற்கு சைதாப்பேட்டை. ‘’என் மகள் பெயர் ஆர்த்தி. அவரை (clat) தேசிய சட்டக்கல்லூரி நுழைவுத் தேர்வுக்கு தயார்படுத்தி வருகிறேன். எட்டாவது படிக்கும் போதே இதற்கான முயற்சியில இறங்கிட்டேன். கடந்த இரண்டு வருஷமா சென்னையில ஸ்ரீராம் அகாடமியில் பயிற்சி எடுத்துக் கொண்டிருக்கிறார். பெங்களூர் நேசனல் லா காலேஜ்தான் சிறந்தது. அதில் எப்படியாவது சேர்த்து விட வேண்டும். போலீஸ் துறையில் இருப்பதால் எனக்கு சட்டம் பற்றி தெரியும். போலீசு நாங்கள் சட்டத்திற்கு கீழ் படிய வேண்டும். ஆனால் வக்கீல்கள் சட்டத்தோடு எப்படி வேண்டுமானாலும் விளையாடலாம். அதற்காக இத்துறையில் பொண்ணை எப்படியாவது சேர்த்து விட வேண்டும்.’’
ஜெயசங்கர், ஐயப்பன்தாங்கல். ‘’என் மகள் சோனா, பி.இ. பொறியியல் படிக்க வேண்டும். கல்வித்தரமும், வேலை வாய்ப்பும் வழங்கும் கல்லூரியைத் தேடி வந்திருக்கிறேன். வி.ஐ.டி. அதிகம் பணம் கேட்கிறார்கள். இருந்தாலும் தரம் இருக்கும். என்ன படிக்கிறோம் என்பதைவிட எங்க படிக்கிறோம் என்பது ரொம்ப முக்கியமில்லையா!’’
கார்த்திகேயன், புனித பீட்டர்ஸ் தொழில்நுட்பக்கல்லூரி ஆவடி. ‘’மெக்கானிக்கல் எஞ்சினியரிங் மூன்றாம் ஆண்டு மாணவர். அவருடைய கல்லூரி ஸ்டாலில் புதிய மாணவர்கள் சேர்க்கைக்கு ஆள் பிடிப்பதற்கு கல்லூரி நிறுவனம் இவரை அழைத்து வந்துள்ளது. கோட்டுப் போட்டுக்கொண்டு, வரும் பெற்றோர்களிடம் தன் கல்லூரியின் பெருமைகளைப் பற்றி பேசிக் கொண்டிருந்தார். சொந்த ஊர் கோவில்பட்டி. தந்தை இல்லை. இரண்டு அண்ணன்கள் பாராமரிப்பில் படிக்கிறார். இவர் நான்கு அரியர்ஸ் வைத்துள்ளார். ‘’நீங்களே சரியாக படிக்க முடியவில்லை. நீங்கள் எப்படி மாணவர்களுக்கு ஆசைக்காட்டி சேர்க்கலாம்’’ என்று கேட்டதற்கு, சிரிக்கிறார்.
‘’நாம் ஆளுநரை கைது செய்ய சொல்கிறோம். ஆனால் உண்மை நிலைமை என்ன? பதவியில் இருக்கக் கூடிய ஆளுநரையோ, நீதிபதிகளையோ, குடியரசுத் தலைவரையோ சட்டப்படி கைது செய்ய முடியாது. இதைத்தாண்டி குற்றம் வெளியே வந்தால் தங்களுடைய அதிகாரத்தைப் பயன்படுத்தி அந்த புகார்களை ஒன்றுமில்லாமல் செய்து விடலாம். இந்த சட்ட பாதுகாப்புடன் தான் இவ்வளவு கிரிமினல், பாலியல் அத்துமீறல்களை இவர்கள் செய்து வருகிறார்கள். பெண்களுக்கு பாதுகாப்பு வேண்டுமென்றால் இந்த அரசு கட்டமைப்பில் அது சாத்தியமில்லை. இந்த அரசு கட்டமைப்பை மாற்றி அமைக்க வேண்டிய போராட்டத்தில் மாணவர்கள், பேராசிரியர்கள், பொதுமக்கள் இணைய வேண்டும் என்று பேசி கூட்டத்தை நிறைவு செய்தார், மக்கள் உரிமை பாதுகாப்பு மையத்தின் மதுரை மாவட்ட செயலாளர் தோழர் லயோனல் அந்தோனி ராஜ்.
காவிரி உரிமை மீட்பு நடைபயணத்தை சார்பில் கடந்த ஏப்ரல் – 21 அன்று கல்லணையில் இருந்து தொடங்கியது, மக்கள் அதிகாரம். கல்லணையில் தொடங்கிய இந்நடைபயணம் ஏப்ரல் – 30 அன்று பூம்புகாரில் நிறைவடைகிறது. நடைபயணத்தின் நிறைவையொட்டி, சீர்காழி பகுதியிலுள்ள திருமுல்லைவாசலில் நடைபெறும் என அறிவித்திருந்தது மக்கள் அதிகாரம்.
ஒரு மாதத்தில் டீசல்- ரூ.3 அளவிலும், பெட்ரோல் ரூ.2.30 அளவிலும் அதிகரித்துள்ளது. கண்ணுக்கு தெரியாமல் சிறிய அளவில் தினமும் கூடி பெரிய அளவில் விலை உயர்ந்து வருகிறது. “ஜி.எஸ்.டி. வரி விதிப்புக்கு பிறகு அனைத்து பொருட்களும் விலை குறையும் என்று எதிர்பார்க்கப்பட்ட நிலையில்” பெட்ரோல் – டீசல் விலை உயர்வால் அனைத்து பொருட்களின் விலையும் அதிகரித்துள்ளது. இந்த விலை உயர்வு பொருளாதாரத்தில் பின் தங்கிய மக்களைத்தான் அதிகம் பாதிக்கும். இவர்களைப் பற்றி அரசுக்கு கவலையும் இல்லை.
வாங்கிய கடனை கட்டவில்லை என்றால் 138 செக் மோசடி வழக்கு போட்டு விடுகிறார்கள். இந்நிலையில் பிள்ளைகளை படிக்க வைக்கக் கல்விக் கடன் கூட பெறமுடிவதில்லை. இந்த பிரச்சனையால மனமுடைந்த உரிமையாளர்கள் பலபேர் தற்கொலை பண்ணி இறந்திருக்காங்க. இது வெளியில் தெரிவது இல்லை. காரணம் நாங்கள் இந்த பிரச்சனையில் இருப்பதால் யாரும் முன் வந்து கடன் கொடுக்க மாட்டார்கள் என்ற அச்சத்தில் இதனை வெளியில் சொல்வது கிடையாது. வாழ்க்கையே கேள்விகுறியாக மாறிக்கொண்டிருக்கிறது.
தெரிவு செய்யப்பட்ட மக்கள் பிரதிநிதிகளின் அதிகார வரம்பு என்ன, அதில் அரசியல் சாசன சட்டப்படி கவர்னரின் செயல்பாடுகள் என்ன? போன்றவை பா.ஜ.க-வின் அடிமைகளான ஓ.பி.எஸ்-ஈ.பி.எஸ் இணையருக்கு தெரியாமல் இருக்காது. ஆனால் அத்து மீறும் ஆளுநர் குறித்து அவர்கள் ஆத்திரமாவதற்கு பதில் ஆளுநரின் ஆய்வுப் பணியினால் என்ன பிரச்சினை என்று கேட்கிறார்கள். இந்த மானக்கேட்டிற்கு ”அம்மாவின்” ஆட்சியே பரவாயில்லை என்று திமுக பேச்சாளர்களே சொல்லும் நிலையை ஏற்படுத்தி ”புரட்சித்” தலைவியை புனிதத் தலைவியாக்கியுள்ளனர் அன்னாரின் விழுதுகள்.
ஆனால், தமிழ்ச் செய்தித் தொலைக்காட்சிகளின் எட்டரை மணி பஞ்சாயத்தார் இதில் உள்ள சட்ட நுணுக்கங்களையும், தர்க்க நியாயங்களையும் விரிவாகப் பேசி முட்டைக்கு விக்கு போட்டுக் கொண்டிருந்தது தனிக் கதை.
சமையல் எரிவாயு விநியோகத்தில் நாடுதழுவிய அளவில் புகுத்தப்பட்டிருக்கும் நேரடி மானியத் திட்டத்தை – வங்கிக் கணக்கில் மானியத்தைப் போடும் திட்டத்தை – ரேஷன் பொருள் விநியோகத்திலும் புகுத்தத் திட்டமிட்டுள்ள மோடி அரசு, பாண்டிச்சேரி, சண்டிகர் உள்ளிட்ட தனது அதிகாரத்துக்குட்பட்ட யூனியன் பிரதேசங்களிலும், ஆந்திரா, ஜார்கண்டு ஆகிய மாநிலங்களில் சில பகுதிகளிலும் பரிசோதனை முயற்சியாக நடைமுறைப்படுத்தி வருகிறது. மற்ற பகுதிகளைவிட, ஜார்கண்டு மாநிலத்தில், அதன் தலைநகர் ராஞ்சிக்கு அருகே அமைந்துள்ள நாக்ரி வட்டாரத்தில்தான் பெரிய அளவில் இப்பரிசோதனை நடத்தப்படுவதாகக் கூறப்படுகிறது. ஏறத்தாழ 12,500 ரேஷன் அட்டைதாரர்களுக்கு மானிய விலையில் உணவுப் பொருட்கள் வழங்கப்படுவது நிறுத்தப்பட்டு, அவர்கள் ரேஷன் கடையில் சந்தை விலையில் அரிசியையும், கோதுமையையும் வாங்க வேண்டிய கட்டாயத்திற்கு ஆளாக்கப்பட்டுள்ளனர்.
முதலாவதாக, வங்கிக் கணக்கில் பணம் சேர்ந்துவிட்ட தகவல் பெரும்பாலும் யாருக்குமே வருவதில்லை. இந்த விவரத்தை வங்கிக்கு நேரடியாகப் போய்தான் தெரிந்துகொள்ள வேண்டியிருக்கிறது. நாக்ரி வட்டாரத்தைச் சேர்ந்த பழங்குடியின மக்களுக்கு வங்கிக்குப் போய்திரும்புவது என்பது வெளியூருக்குப் போய்வருவது போன்றது. ஒரு முறை வங்கிக்குச் சென்று திரும்ப நாற்பது ரூபாய் கையில் இருக்க வேண்டும்.
நாக்ரி பகுதியில் அக்.2017 மாதம் தொடங்கி நேரடி மானியத் திட்டம் நடைமுறையில் இருந்து வருகிறது. பிப்.2018 முடியவுள்ள ஐந்து மாதங்களில் ஒரேயொரு மாதம் தவிர, மற்ற மாதங்களுக்குரிய மானியத் தொகை ஜமுனாவிற்குக் கிடைத்துவிட்டது. ஆனால், பெரும்பாலோருக்கு ஜமுனாவிற்குக் கிடைத்த ‘அதிருஷ்டம்’ வாய்க்கவில்லை.
சப்ரோன் கிராமத்தைச் சேர்ந்த பப்லு கச்சாப் தனது குடும்ப அட்டையைக் காப்பாற்றிக் கொள்வதற்காக ஒரு ரூபாய் ரேஷன் அரிசியை, 32 ரூபாய் கொடுத்து வாங்கிச் சென்றிருக்கிறார். சிங்பூர் கிராமத்தைச் சேர்ந்த டேனியல் திர்கி, ஜமுனா திர்கி உள்ளிட்ட பலருக்கு ரேஷன் அட்டையை ரத்து செய்யும் எச்சரிக்கை நோட்டீஸ் வழங்கப்பட்டிருக்கிறது. வேலைக்குச் செல்ல முடியாத நிலையில் உள்ள முதியவரான ஜோசப் கெர்கெட்டாவிற்கு மானிய அரிசி மறுக்கப்பட்டதன் காரணமாகத் தெருவில் பிச்சை எடுக்கும் நிலைக்குத் தள்ளப்பட்டிருக்கிறார்.
சமையல் எரிவாயு உருளை விநியோகத்தில் இதுதானே நடந்து வருகிறது. முதலில் சமையல் எரிவாயு உருளையின் விலையைச் சந்தையின் ஏற்ற இறக்கங்களுக்கு ஏற்பத் தீர்மானிக்கும் உரிமையை ஆயில் கம்பெனிகளின் அதிகாரிகளிடம் தூக்கிக் கொடுத்தது, மைய அரசு. அதனைத் தொடர்ந்து, நேரடி மானியத் திட்டம் அறிமுகப்படுத்தப்பட்டு, பொதுமக்கள் உருளையைச் சந்தையின் விலைக்கு வாங்குவதற்குத் தயார்படுத்தப்பட்டனர். அதன் பிறகு, எரிவாயு உருளையின் விலையை மாதாமாதம் இரண்டு ரூபாய், நான்கு ரூபாய் என உயர்த்திக்கொண்டே போய் மானியத்தைப் படிப்படியாக வெட்டியதோடு, மார்ச் 2018-க்குள் எரிவாயு உருளைக்கு வழங்கும் மானியத்தை முற்றிலுமாக நிறுத்திவிடவும் திட்டமிட்டுள்ளனர்.
விவசாய விளைபொருட்களுக்கு இலாபம் தரத்தக்க விலை கிடைக்காமல் விவசாயிகள் நட்டமடைந்து வரும் வேளையில், வேலையில்லாத் திண்டாட்டமும் வேலையிழப்பும் அதிகரித்து வரும் வேளையில், குறைந்தபட்ச கூலிக்கும் வாழ்க்கைச் செலவுகளுக்கும் இடையே பெரும் வேறுபாடு இருந்துவரும் வேளையில், உணவுப் பொருட்களை மானிய விலையில் ரேஷன் கடைகள் மூலம் விநியோகிப்பதை ரத்து செய்வது ஏழைகளைப் பட்டினியில் தள்ளுவதற்கு ஒப்பானதாகும்.
தலைமை ஆசிரியர் மட்டுமின்றி, மேநிலை வகுப்புகளில் வேதியியல் துறையில் 421, பொருளாதாரத் துறையில் 370, வணிகவியலில் 215, இயற்பியலில் 156, தமிழ் புலத்தில் 284, மற்ற துறைகளில் 194 என மொத்தமாக 1,640 பயிற்சிபெற்ற முதுநிலை ஆசிரியர் பணியிடங்கள் நிரப்பப்படாமல் நான்கு ஆண்டுகளாக காலியாக உள்ளன.